Fïlîpe 2:3 - Mbëtï Ndjapä: TÄFO MADƗ̈

³ Âwâbo pä nyë gbogbro tə̂ nyê ndə̂kə̂ pu gbölö tchô âdəndjë ndə̂kə̂ wa la ngbongbo su ndə̂kə̂ pa azü wun nyê-a, praâbalë äwäpä nyë mbotə̂ nyê kpîɛ̂kpîɛ̂ rə̂, kə̂ wun angâ nyê gbölö âro nyê.

Fïlîpe 2:3 Iomraidhean Croise

Lûke 18:14

Jezü kâ tö rə̂ päkëdə̂: «Më tö rə̂ sə̈ nyê: Earə̂ kə̂ pala makətche-lapöo lâme âsə̈ gu atə̂ndə̂ yê, dëkë tche dâka tchâtchu Ndjapä nə̂, âdə̂âbo farizïɛ̈n lâme-a. Bëte akrə ndə̂ tche mbôtə̂ yê gbölö, a âmboadje tchë, tche wa kpîɛ̂kpîɛ̂ rə̂, ânyë akrə ndə̂ tche mbôtə̂ yê kpîɛ̂kpîɛ̂ rə̂, a âmboadje tchë, tche wa gbölö.»

Rômo 12:10

Nyë nyïndə̂ angâ nyê lə̂ gbâtə̂ nyê la su nyê gbɛ̂. Äwäpä akrə balë balë pu köbo ndə̂kə̂ lusə̂ ngâ yê.

Rômo 13:13

Äwäpä kə̂ mbo rə ndə̂ azə̂ wa lə̂ köbo nə̈ djîrə̂ batə̂ andə̂ azü ndə̂ andjë mbo rə la tchêdalo. Azə̈ zɨ̈äbô rə zɨ̂ kə̂ ndjoabô rə ndjô âro masə̂nə̈-ê. Azə̈ mböäbô ngbongbo rə mbô-ê, kə̂ puabô ɛ̈chë âdəndjë köchë ndə̂ akrə pû-î. Azə̈ pöäbô pô-ê, kə̂ wabô wâ la gbölö su-ê.

Rômo 2:8

Praâbalë angâ azü kösə̂ kə̂ dje ma Ndjapä, kə̈ kôsə̂ lëge pö, kə̂ mbo kütû mbə̈lï. Andə̂ andjë nə̈, su Ndjapä âkʉadje tchë tə̂ andjê ânyë tchê wadje ngbanga lə̂ küma andjê.

Dokʉ̈ Körɛ̂nte 15:9

Bëte më wä kpîɛ̂kpîɛ̂ rə̂ tə̂ abadjângele gbɛ̂, më kʉ̂âbo ndjë sə̂nə̈ pä a e rə̂ tə̂ mê pä badjângele-a, bëte më mbö gbôgbô tə̂ Egilîze ndə̂ Ndjapä.

Dokʉ̈ Körɛ̂nte 3:3

Bëte gbô nyê kä lakə̂ mbo rə batə̂ azü ndə̂ tchêbêche âtə. Gbölö su lakə̂ po kä lə̂ gbâtə̂ nyê. Ânyîâbo sə̂nə̈ pä nyë mbö rə batə̂ azü ndə̂ tchêbêche âtə? Kə̂ mbo rə ndə̂ nyê wâbo batə̂ andə̂ azü gbɛ̂?

Bïchuû Körɛ̂nte 12:20

Wawa mbö mê ndə̂kə̂ pa âdə mê âsə̈ wutu bhândə̂ nyê, kə̂ wun kə̂ sə ndə̂ nyê âwa ngbî tə̂ anə̈ ndə̂ su mê nyîndə̂ nə̈, ânyë nyënyê ndjë gbɛ̂, nyê wun kə̂ sə ndə̂ mê âwa ngbî tə̂ anə̈ ndə̂ su nyê nyîndə̂ nə̈. Wawa mbö mê ndə̂kə̂ pa angbongbo arə kâkë wabô wâ lə̂ gbâtə̂ nyê: Kə̂ gama, gbölö su, mêrâ, kə̂ pu köbo ndə̂kə̂ wa batə̂ ngâ yê, kə̂ dro akrə la angbongbo apö, kə̂ to alû, kə̂ bhi gogo, kə̂ mbo angbongbo rə katchôgbɛ̂.

Gälâte 5:15

Praâbalë âdə nyë âsə lakə̂ mbo rə batə̂ agia güsü, lakə̂ to ku tə̂ angâ nyê, lakə̂ lolotə̂ nyê lə̂ gbâtə̂ nyê, la nyë gbö-ê! Ârə̂ âdəabô də̂ käko, nyê won-adje tə̂ nyê lə̂ gbâtə̂ nyê gbɛ̂.

Gälâte 5:26

Azə̈ mböäbô rə mbô lakə̂ bhi gogo azə̂-ê, azə̈ püäbô angâ azə̂ pû la pö-ê, kə̂ mboabô gʉ rə ndə̂ angâ azə̂ mbô lə̂ gbâtə̂ azə̂-ê.

Ëfêze 4:2

Nyë mbötə̂ nyê kpîɛ̂kpîɛ̂ rə̂, kə̂ mbo rə tə̂ angâ nyê nyima-ë, kə̂ rʉatə̂ su nyê. Nyë rʉ̈ätə̂ su nyê la angâ nyê lə̂kə̂ nyində̂ ngâ.

Ëfêze 5:21

Nyënyê ndə̂ nyê kpe wa Krîsiti, äwäpä nyë dje ma angâ nyê lə̂ gbâtə̂ nyê.

Fïlîpe 2:14

Âwâbo pä nyë mbo rə̂ lakə̂ po lə̂ ma nyê âdəndjë lakə̂ gama-a.

Kölôse 3:12

Ndjapä dɨ̂ nyê nə̂, nyë də̈ azü ndə̂ yê ndə̂ tche nyîndə̂ andjê. Käko nyë wün nyonyo azü, kə̂ mbo dâkâ tə̂ azü, kə̂ mbotə̂ nyê kpîɛ̂kpîɛ̂ rə̂, nyë mbö rə tə̂ azü nyima-ë, kə̂ rʉatə̂ su nyê ndə̂kə̂ sə bëte tchë.

Kölôse 3:8

Praâbalë angaâtə, nyënyê ndjë, äwäpä nyë gbotə̂ arə lâme gbɛ̂, ndə̂ âdə̂: Mêrâ, su ndə̂ âhro, ngbongbo su, kə̂ dro tchô, angbongbo pö wutuabô wûtu lə̂ ma nyê-ê.

Dokʉ̈ Timotë 6:4

dëkë tche bhï gogo yê lə̂ wünwün nə̈. Tche wûn-âbo sə̂ rə balë-a, tche kä la tə̂kömbô ndə̂kə̂ gama yê la azü, ndjë lakə̂ po tə̂ pö ndə̂ ada apö. Arə lâme kä ndə̂ ânə la gbölö su, kə̂ po lə̂ gbâtə̂ azü, kə̂ dro tchô, kə̂ to angbongbo apö tə̂ azü,

Dokʉ̈ Pîêre 3:8

Ndə̂kə̂ ka ndə̂ pö nə̈, äwäpä pö tə̂ su nyê gbɛ̂ wa balë, nyë wün nyonyo angâ nyê. Nyë nyïndə̂ angâ nyê lə̂ gbâtə̂ nyê batə̂ arə̂mâ ndə̂ nyê lə̂ Krîsiti, nyë mbö dâkâ, kə̂ mbotə̂ nyê kpîɛ̂kpîɛ̂ rə̂.

Dokʉ̈ Pîêre 5:5

Nyënyê ndjë gbɛ̂, abechë-ɛ̈köchë la abechë-ɛ̈chë, nyë djë ndjë ma akpôkpô azü ndə̂ Egilîze. Nyënyê gbɛ̂, äwäpä nyë mbotə̂ nyê kpîɛ̂kpîɛ̂ rə̂ lə̂kə̂ sə ndə̂ nyê lə̂ gbâtə̂ nyê, bëte Mbëtï Ndjapä tö rə̂ päkëdə̂: «Ndjapä kösə̂ azü ndə̂ andjë nyisə̂ tə̂ andjê, praâbalë tche mbö tchôtchô su tə̂ azü ndə̂ andjë mbotə̂ andjê kpîɛ̂kpîɛ̂ rə̂.»