Fïlîpe 2:2 - Mbëtï Ndjapä: TÄFO MADƗ̈

² Käko äwäpä nyë mbo rə̂ pä su mê sɨ la mômô lə̂ köbosə̂ kə̂ djetə̂ nyê, nyë nyïndə̂ angâ nyê lə̂ gbâtə̂ nyê, nyë sə̈ balë ânyë pö tə̂ su nyê wa balë.

Fïlîpe 2:2 Iomraidhean Croise

Jâan 3:29

Akrə ndə̂ tche wâ la ɛ̈chë, tche də̈ köchë ndə̂ ɛ̈chë nə̈. Praâbalë agü köchë ndə̂ ɛ̈chë nə̈ âkrʉ ndrotə̂ köchë nə̈, kə̂ wa la gbölö mômô lakə̂ dje tchə̂lə̂ gɨ̈ köchë ndə̂ ɛ̈chë nə̈. Dju mômô ndə̂ mê nə̈ kä lâme, mômô nə̈ dâka gbɛ̂.

Abadjângele 1:14

Logbɛ̂, andjë päla tchê tə̂ andjê gbɛ̂ balë ndə̂kə̂ to pö sə̈ Ndjapä, andjê la angâ aɛ̈chë, la Malê, anyï Jezü ndjë la ayîngâ Jezü.

Abadjângele 2:1

Ndə̂ lö Päntëkôte wûtu, azü ndə̂ Jezü pâlatə̂ andjê gbɛ̂ sə̂ tchô balë.

Abadjângele 2:46

Logbɛ̂, andjë pälatə̂ andjê batə̂ akrə balë bhâlə̂ gbölö nda Ndjapä, andjë zɨ̈ rə sə̂nə̈ balë kulə̂ anda ndə̂ andjê, andjë zɨ̈ rə nə̈ la mômô ndjë la tchôtchô su.

Abadjângele 5:12

Abadjângele mbö akpɨ̈ngbɨ̈ rə la arə ndə̂ âropâ küma azü lə̂ gbâtə̂ azü gö. Azü ndə̂ Jezü gbɛ̂ pâlatə̂ andjê tchâmbrönda ndə̂ rə̈ nə̈ wû pä tchâmbrönda ndə̂ Salomön.

Rômo 12:16

Nyê djëtə̂ nyê lə̂ gbâtə̂ nyê la angâ nyê. Nyë wäbô wâ la gʉ agbölö rə-ê, praâbalë nyë zä su nyê pâ arə ndə̂ azü luabô sə̂nə̈ lû-î. Nyë wün-äbô tə̂ nyê wün batə̂ azü ndə̂ küma andjê wâ lanə̈-ê.

Dokʉ̈ Körɛ̂nte 1:10

Arə̂mä, më yükû nə̈ sə̈ nyê la rə̈ Gbölö Gbïɛ̈ ndə̂ azə̂ Jezü Krîsiti, nyënyê gbɛ̂ nyë djëtə̂ nyê lə̂ gbâtə̂ nyê ânyë tchə̂lə̂ gbâtə̂ nyê krʉabô tchə̂lə̂ tə̂ yê krʉ̂-ê. Nyë ngbötə̂ nyê kə̂ wa batə̂ akrə balë. Äwäpä yingö ndə̂ nyê lakə̂ rɨ tchə̂lə̂ nyê gbɛ̂ wa balë.

Bïchuû Körɛ̂nte 13:11

Ndə̂kə̂ ka ndə̂ pö nə̈ arə̂mä, nyë wä la mômô! Nyë pu köbo ndə̂kə̂ daka gbɛ̂. Nyë zä wängö lə̂ gbâtə̂ nyê la angâ nyê, nyë djëtə̂ nyê lə̂ gbâtə̂ nyê, kə̂ sə la zɨtɨ su, ânyë Ndjapä ndə̂ tche nyîndə̂ azü, ânyë kə̂ za zɨtɨ su sə̈ andjê, tchê səadje la nyê.

Bïchuû Körɛ̂nte 2:3

Dju mbëtï ndə̂ më wân rə̂ sə̈ nyê lâme kä. Më nyîâbo ndə̂kə̂ za nyonyo tə̂ su azü ndə̂ andjë wâ ndə̂kə̂ mbo rə̂ pä më wa la mômô-a. Më wünsə̂ nə̈ tə̂ su mê lə̂ köbosə̂ nyê pä, mômô ndə̂ âwâtə̂ su mê lâme wä ndjë tə̂ su nyê gbɛ̂

Bïchuû Körɛ̂nte 7:7

Âdə̂âbo kütû bëte kə̂ nə ndə̂ yê-a, praâbalë äwä ndjë bëte rə̂ ndə̂ nyë mbô rə̂ pä tche gbo gbôgbô tə̂ su yê. Tche tö rə̂ sə̈ ârâ pä nyë kä la gʉ tə̂ gbölösə̂nə̈ ndə̂kə̂ wun mê, lakə̂ kɨ tə̂ mê ndjë la gʉ ndə̂kə̂ to pö lə̂ kpâlâ mê. Ndə̂ më âsə̈ dje rə̂, su mê wâ la mômô tə̂ gbölösə̂nə̈.

Fïlîpe 1:4

Logbɛ̂ ndə̂ mê âsə̈ to pö sə̈ Ndjapä bëte nyê gbɛ̂, më tö pö la mômô tə̂ su mê,

Fïlîpe 2:16

lakə̂ mu pö ndə̂ âza tchîsûwu sə̈ azü, käko mê âwa la mômô tə̂ pö ndə̂ nyê lo kə̂ ka ndə̂ Krîsiti, bëte kua ndə̂ mê la yûkü ndə̂ më wûn rə̂ bëte nyê wâbo ämbänə̈-a.

Fïlîpe 2:20

Bëte tchetchë balë kä ndə̂ âwûnsə̂ apö tə̂ su mê ânyë kə̂ dɨ su yê tə̂ pö ndə̂ nyê.

Fïlîpe 4:2

Më zä wängö sə̈ Evodï la Sɛ̈ntîche ndə̂kə̂ pa andjë djetə̂ andjê lə̂ gbâtə̂ andjê bëte rə̂ ndə̂ andjë wâ balë la Gbölö Gbïɛ̈.

Kölôse 2:5

Bëte më sə̂âbo lə̂ gbâtə̂ nyê-a, praâbalë më kä la nyê sə̂nə̈ balë lə̂ yingö. Më wä la mômô ndə̂kə̂ wun rə̂ pä gbô nyê kä lakə̂ mbo rə la köbo nə̈ ânyë gbô su nyê ndə̂ nyë zâ rə̂ sə̈ Krîsiti lâme kä pâ yê.

Bïchuû Tësälönîke 2:13

Âdə andə̂ ârâ, arə̂mä ndə̂ Gbölö Gbïɛ̈ nyîndə̂ nyê, äwäpä ârâ za ayîabâ sə̈ Ndjapä logbɛ̂ tə̂ pö ndə̂ nyê. Bëte Ndjapä dɨ̈ nyê dokʉ̈tchê ânyë kə̈ mbô arə gbɛ̂, ndə̂kə̂ pa nyë tcha lə̂ kuzü lə̂ köbosə̂ Yingö ndə̂ yê ndə̂ âmbo rə̂ pä tchîsûwu ndə̂ nyê daka gbɛ̂ lə̂ la yê. Bëte nyë gämba lëge pö.

Bïchuû Timotë 1:4

Ngûla zə̈ ndə̂ âtû lâme, sə̂nə̈ të lə̂ mê ânyë më wâ la gbölö gʉ ndə̂kə̂ kä wun mö, ânyë kə̂ wa la mômô tə̂ gbölösə̂nə̈.

Filemön 1:20

Tə̂ lëge nə̈, ngâ mê lə̂ Krîsiti, më yükû nə̈ sə̈ mö ndə̂kə̂ pa mo mbo dâkâ tə̂ mê lə̂ köbosə̂ nə̈ ndə̂ azə̈ wâ la mö balë lə̂ Gbölö Gbïɛ̈ lâme. Amö za gbôgbô tə̂ su mê bëte azə̈ la mö wâ nə̂ balë la Krîsiti.

Bïchuû Jâan 1:4

Më kä la mômô tə̂ su mê tə̂ gbölösə̂nə̈ ndə̂ më wûn rə̂ pä, angâ abechë ndə̂ zə̈ kä lakə̂ sə lə̂ lëge pö, batə̂ rə̂ ndə̂ Bha azə̂ zâma tə̂ pö ndə̂nə̈ sə̈ azə̂.

Vötaâ Jâan 1:4

Ndə̂ më djê pö ndə̂ abechë ndə̂ mê ndə̂ andjë sə̂ lə̂ lëge pö, mômô ndə̂ më wâ la rə̂ rö adɨ̂ amômô gbɛ̂.