Fïlîpe 2:12 - Mbëtï Ndjapä: TÄFO MADƗ̈

¹² Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndə̂ gbô mê sə̂ ndrotə̂ nyê alême, nyë djë ma Ndjapä logbɛ̂, käko äwäpä kə̂ dje ma ndə̂ nyê lâme ka rô anə̈ dokʉ̈tchê ndə̂ më sə̂âbô sə̂ ndrotə̂ nyê. Nyë mbö kua nə̈ la gbölö wa lakə̂ gugu ndə̂kə̂ tcha tchîsûwu ndə̂ nyê.

Fïlîpe 2:12 Iomraidhean Croise

Dokʉ̈ Körɛ̂nte 15:58

Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë kpökpo tə̂ nyê logbɛ̂, kə̂ sə kpô tə̂kə̂ mbo kua ndə̂ Gbölö Gbïɛ̈ la su nyê gbɛ̂. Äwäpä nyë wunsə̂ nə̈ pä kua ndə̂ nyê mbo rə̂ bëte Gbölö Gbïɛ̈ lâme, tchêngbâ nə̈ wâbo ämbänə̈-a.

Aheborö 4:11

Bëte rə̂ kä, äwäpä azə̈ pu köbo gbɛ̂ ndə̂kə̂ li bhâsə̂ tchô ndə̂kə̂ yatə̂ nə̈ lâme, kə̂ mbo rə̂ pä ngâ akrə balë lə̂ gbâtə̂ azə̂ teabô tê-ê lakə̂ kosə̂ pö batə̂ araâta azə̂ lâme-ê.

Dokʉ̈ Pîêre 2:11

Arə̂mâ ndə̂ mê ndə̂ mê nyîndə̂ nyê tə̂ gbölösə̂nə̈, më zä wängö sə̈ nyê, nyënyê ndə̂ nyë wâ batə̂ ayirə la azü pâ köbo ndə̂kə̂ pa nyë kosə̂ angbongbo gʉ su nyê ndə̂ âmbo kʉ̈ʉ̈ la vrö nyê.

Matiyə̈ 11:29

Nyë zä kʉ̂ngbô ndə̂ mê ndə̂ âlûâbô lû-î, kə̂ gbotə̂ köbo sə̈ mê ndə̂kə̂ pa më nyisə̂ rə sə̈ nyê! Bëte më wâbo tə̂ akrə ndə̂ mê mbo gbôgbô tə̂ azü-a, kə̈ pûâbo ndjë gbölö tchô-a. Nyê gboadje tchô ndə̂kə̂ yatə̂ nyê tâ.

Fïlîpe 1:27

Praâbalë äwäpä kə̂ sə ndə̂ nyê wa gundə̂sə̂ Tchôtchô Pö ndə̂ Krîsiti. Käko âdə mê âe ndə̂kə̂ wun nyê âdəndjë rə̂ ndə̂ më êâbô ê, äwäpä më dje rə̂ pä gbô nyê kä kpôtâ lakə̂ wa balë. Pö tə̂ su nyê wa balë, lakə̂ palatə̂ nyê ndə̂kə̂ mbo kʉ̈ʉ̈ bëte Tchôtchô Pö.

Bïchuû Pîêre 3:18

Praâbalë äwäpä nyë ge lə̂ tchôtchô su lakə̂ wunsə̂ Gbölö Gbïɛ̈ ndə̂ azə̂ Jezü Krîsiti Earə̂ kə̂ tcha azə̂. Voga wätə̂ andə̂ ye nə̈, angêta ndjë tə̂ logbɛ̂ logbɛ̂! Amin.

Aheborö 5:9

Ndə̂ Jezü kâ akua ndə̂ yê gbɛ̂, tche mbôtə̂ yê tə̂ akrə ndə̂ tche za kə̂ tcha lə̂ kuzü ndə̂ logbɛ̂ sə̈ azü gbɛ̂ ndə̂ andjë djê ma yê.

Bïchuû Timotë 2:10

Bëte rə̂ kä ndə̂ më rʉ̂âtə̂ su mê lə̂ arə gbɛ̂, bëte azü ndə̂ Ndjapä dɨ̂ andjê ndə̂kə̂ pa andjë tcha ndjë lə̂ kuzü. Kə̂ tcha lə̂ kuzü nə̈ lâme wâ lə̂ Jezü Krîsiti lakə̂ lusə̂tə̂ ndə̂ logbɛ̂ logbɛ̂.

Aheborö 4:1

Ndjapä zä bâlâ tə̂ azə̂ pä, azə̈ wä ndə̂kə̂ li sə̂ tchô ndə̂ tche nyïkrə rə̂ ndə̂kə̂ pa azə̈ yatə̂ azə̂ tâ. Gbô pö ndə̂kə̂ mbo rə nə̈ lâme kä po la tchô angêta, käko la azə̂ gbö-ê, ânyë köbo ndə̂kə̂ li sə̂ tchô ndə̂kə̂ yatə̂ nə̈ lâme yuabô yû tə̂ ngâ akrə lə̂ gbâtə̂ nyê-ê.

Aheborö 12:1

Âdə andə̂ azə̈ nə̈, azə̈ wûnsə̂ nə̈ nə̂ pä pö ndə̂ angbängbä azü ndə̂ andjë mbô rə alême gundə̂sə̂ kə̂ za su andjê sə̈ Ndjapä lâme, andjë täkpa ndrotə̂ azə̂. Käko äwäpä azə̈ gbotə̂ akʉ̂ngbô ndə̂ azə̂ gbɛ̂ ndə̂ âlû, kə̂ gbotə̂ köbo ngbongbo rə ndə̂ azə̈ te lə̂nə̈ gasa lâme-ê, kə̂ kpe la rö lakə̂ rʉatə̂ su azə̂ ndə̂kə̂ pa adɨngâalî ndə̂ a nyîsə̂ nə̈ sə̈ azə̂.

Fïlîpe 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, më wä la gʉ ndə̂kə̂ ka wun nyê! Më wä la mômô lə̂ köbosə̂ nyê ânyë tə̂ mê krâ tə̂ gbölösə̂nə̈! Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë kpokpo tə̂ nyê lə̂ köbosə̂ nə̈ ndə̂ nyë wâ balë la Gbölö Gbïɛ̈.

Rômo 2:7

Angâ azü rʉ̈ätə̂ su andjê lə̂ agbôgbô arə ndə̂kə̂ mbo tchôtchô rə ndə̂kə̂ pa Ndjapä voga andjê ânyë kə̂ lusə̂ andjê. Andjë pü tchîsûwu ndə̂ ândɨ̂âbô ndɨ̂-î. Ndjapä âzadje tchîsûwu ndə̂ logbɛ̂ logbɛ̂ sə̈ andjê.

Dokʉ̈ Tësälönîke 1:3

Lə̂ la Ndjapä, kua ndə̂ nyê mbo rə̂ lə̂kə̂ za su nyê ndə̂ nyë zâ rə̂ sə̈ Ndjapä lâme, sə̂nə̈ yûâbo tə̂ ârâ-a. Kə̂ nyində̂ angâ nyê ndə̂ âmbo rə̂ pä nyë mbo kua tə̂ gbölösə̂nə̈ lâme, sə̂nə̈ yûâbo tə̂ ârâ-a. Rə ndə̂ nyë krʉ̂ bëte rə̂ la su nyê ndə̂ gbô rə̂ ndə̂po pâ Gbölö Gbïɛ̈ ndə̂ azə̂ Jezü Krîsiti lâme, sə̂nə̈ yûâbo tə̂ ârâ-a.

Fïlîpe 1:29

Bëte Ndjapä mbö tchôtchô su tə̂ nyê lə̂ köbosə̂ Krîsiti, âdə̂âbô kütû ndə̂kə̂ za su nyê sə̈ tchë-a, praâbalë ndə̂kə̂ wun ndjë yûkü bëte tchë.

Bïchuû Körɛ̂nte 7:15

Tche rɨ̈ tchə̂lə̂ yê tə̂ rə ndə̂ nyë djê ma yê, la rə̂ ndə̂ nyë zâ tchë bhândə̂ nyê la mômô lakə̂ kpe wa yê.

Dokʉ̈ Körɛ̂nte 2:3

Ndə̂ më sə̂ lə̂ gbâtə̂ nyê alême, më wâbo la gbôgbô-a, wawa rôpâ mê ânyë më sə̂ lakə̂ gûgû gügu.

Ëfêze 6:5

Angbâa, nyë djë ma a-earə̂ nyê pâ cho âtə lakə̂ kpe wa andjê tə̂ gbölösə̂nə̈, la su nyê gbɛ̂ batə̂ rə̂ ndə̂ nyê dje ma Krîsiti.

Matiyə̈ 11:12

Ätö tə̂ losə̂ Jâan-Batîse, a nyïsə̂ Tchôtchô Pö ndə̂ Gbölö gö-gbïɛ̈ ndə̂ tchêlafô sə̈ azü, ânyë azü kä lakə̂ mbo gbôgbô gbɛ̂ ndə̂kə̂ li atə̂lə̂ nə̈.

Fïlîpe 1:5

bëte rə̂ ndə̂ nyë zâ könô sə̈ mê, ätö sə̂nə̈ ndə̂ më jêtə̂ kə̂ mu Tchôtchô Pö ndjoa ëtə̂ tchô angêta.

Abadjângele 9:6

Praâbalë amö alafô, kə̈ lî atə̂lə̂ gö nə̈, a âtoadje sə̂ rə ndə̂ mo wâ ndə̂kə̂ mbo rə̂.»

Fïlîpe 2:19

Âdə Gbölö Gbïɛ̈ Jezü ânyində̂ nə̈, mê wan-adje Timotë sə̈ nyê lə̂ alö âtə, ndə̂kə̂ pa mëmê la tə̂ mê, su mê wa la gbôgbô lə̂ köbosə̂ apö ndə̂ tchê toadje tchêngbâ nə̈ sə̈ mê pâ nyê.

Dokʉ̈ Körɛ̂nte 4:14

Më mbôâbo mbëtï âtə sə̈ nyê ndə̂kə̂ za ganô lə̂ la nyê-a, praâbalë më nyïndə̂ kə̂ kra tü nyê dokʉ̈tchê batə̂ abechë ndə̂ mê ndə̂ më nyîndə̂ andjê tə̂ gbölösə̂nə̈.

Fïlîpe 4:15

Nyënyê ndə̂ azü lə̂ Egilîze ndə̂ Fïlîpe, nyënyê la tə̂ nyê, nyë wûnsə̂ nə̈ nə̂ pä, sə̂nə̈ ndə̂ a jêtə̂ kə̂ mu Tchôtchô Pö kä ndə̂ më gbô bhâ Mäsëdöâne. Ngâ Egilîze balë zâbo ngâ rə balë sə̈ mê ngbâ rə ndə̂ më zâ rə̂ sə̈ tchë lâme-a, kütû Egilîze ndə̂ nyê kä ndə̂ âzâ könô sə̈ mê.

Abadjângele 16:29

Earə̂ kə̂ bata manda kânga lâme yûkû wo. Tche lî wândâ wändä kə̈ tê tchâtchâ Pôlo la Sïlâse lakə̂ gugu.

Fïlîpe 1:6

Më wünsə̂ nə̈ tə̂ lëge nə̈ pä Ndjapä ndə̂ tche jêtə̂ tchôtchô kua lə̂ köbosə̂ nyê, tchê mboadje rə̂ ndjoa ëtə̂ lo kə̂ ka ndə̂ Jezü Krîsiti.