Fïlîpe 2:1 - Mbëtï Ndjapä: TÄFO MADƗ̈

¹ Ndə̂ nyë wâ balë la Krîsiti, ämbö rə̂ pä nyë kpokpo tə̂ nyê. Lə̂ köbosə̂ kə̂ nyində̂ ngâ, ämbö rə̂ pä su nyê wa la gbôgbô, nyê wa balë la Yingö ndə̂ Ndjapä, nyë kä lakə̂ nyïndə̂ angâ nyê lə̂ gbâtə̂ nyê, ndjë lakə̂ wun nyonyo azü.

Fïlîpe 2:1 Iomraidhean Croise

Lûke 2:25

Ngâ köchë alême kädje bhâ Jerûzalêmo, rə̈ yê wü pä Simeyön. Köchë lâme wätə̂ djîrə̂ akrə, kə̈ kpê wa Ndjapä. Tche sə̈ bëte akrə ndə̂ tche nə ndə̂kə̂ tro ngûla azü ndə̂ Isarayële. Kpɨ̂ki Yingö kä pâ yê.

Jâan 14:18

Mê gboabô tə̂ nyê tə̂ awüntə̂wün tee-a, mê kadje pu nyê.

Jâan 14:27

«Më gbötə̂ zɨtɨ su sə̈ nyê, zɨtɨ su ndə̂ më wâ la rə̂ kä ndə̂ më zâ rə̂ sə̈ nyê. Më zâbo rə̂ sə̈ nyê batə̂ rə̂ ndə̂ tchêbêche za rə̂ sə̈ nyê-a. Âwâbo pä tchə̂lə̂ küma nyê djingɨli-a, ânyë su nyê wäbô ndjë wâ la wawa-ê.

Jâan 17:13

Angaâtə, mê âgu atə̂ndə̂ zə̈. Më tö pö lâme sə̂nə̈ ndə̂ gbô mê ndə̂po bêche âtə, ndə̂kə̂ pa mômô ndə̂ mê watə̂ su andjê, mômô ndə̂ âsɨ̂sɨ̈.

Abadjângele 2:46

Logbɛ̂, andjë pälatə̂ andjê batə̂ akrə balë bhâlə̂ gbölö nda Ndjapä, andjë zɨ̈ rə sə̂nə̈ balë kulə̂ anda ndə̂ andjê, andjë zɨ̈ rə nə̈ la mômô ndjë la tchôtchô su.

Abadjângele 4:32

Akpûlû azü ndə̂ andjë zâ su andjê sə̈ Krîsiti wä batə̂ akrə balë, kə̈ wâ la su balë. Akrə balë balë tôâbo rə̂ päkëdə̂: «Rə ndə̂ mê wä kütû tə̂ andə̂ me nə̈-a!» Praâbalë rə gbɛ̂ ndə̂ andjë wâ la rə̂, andjë päla rə̂ balë ëtâ.

Rômo 5:5

Rə ndə̂ su azə̂ krʉ̂ bëte rə̂ lâme, azə̂ krʉabô bëte rə̂ tʉrʉ tee-a, bëte Ndjapä nyisə̂ nə̈ lə̂ su azə̂ pä tche nyïndə̂ azə̂ tə̂ gbölösə̂nə̈. Tche nyïsə̂ nə̈ lə̂ köbosə̂ Kpɨ̂ki Yingö ndə̂ tche zâ tchë sə̈ azə̂.

Rômo 8:26

Äwä ndjë käko, Kpɨ̂ki Yingö mbö ndjë rə̂ la azə̂, azə̂ ndə̂ azə̈ wâbô wâ la gbôgbô. Yingö la tə̂ yê kä ndə̂ âto pö sə̈ Ndjapä bëte azə̂, bëte rə̂ ndə̂ azə̈ wûn-âbo wûnsə̂ kə̂ to pö sə̈ Ndjapä lə̂ köbo nə̈-ê. Lə̂kə̂ to pö ndə̂ Yingö sə̈ Ndjapä, tche kä lakə̂ dɨ tchə̂lə̂ ma yê. Apö kə̂ dɨ tchə̂lə̂ ma nə̈ lâme, akrə wâbo ndə̂kə̂ to rə̂-a.

Dokʉ̈ Körɛ̂nte 12:13

Bëte azə̈ gbɛ̂ gbö batɛ̂me lə̂ köbosə̂ Yingö balë, ndə̂kə̂ watə̂ tə̂ akrə balë. Ajuîfu la azü ndə̂ andjë wâbô wâtə̂ ajuîfu, angbâa la azü ndə̂ andjë wâbô wâtə̂ angbâa, azü gbɛ̂ gbö kütû Yingö balë lâme.

Dokʉ̈ Körɛ̂nte 15:31

Arə̂mä, tə̂ lëge nə̈ logbɛ̂ më kä lə̂ kuzü, lëge pö, më bhï gogo mê tə̂ pö ndə̂ nyê lə̂ köbosə̂ nə̈ ndə̂ azə̈ wâ la nyê balë la Jezü Krîsiti Gbölö Gbïɛ̈ ndə̂ azə̂.

Dokʉ̈ Körɛ̂nte 3:16

Nyë wätə̂ gbölö nda ndə̂ Ndjapä, ndə̂ Yingö ndə̂ yê sə̂ lə̂ nyê. Nyë wûn-âbo sə̂nə̈ käko-ë?

Bïchuû Körɛ̂nte 2:14

Azə̈ zä ayîabâ sə̈ Ndjapä bëte lə̂ köbosə̂ nə̈ ndə̂ azə̈ wâ balë la Krîsiti, tche kʉ̂ azə̂ nə̂ lə̂ mawû azü ndə̂ andjë rô la gbôgbô. Lə̂ köbosə̂ azə̂, tche mbö rə̂ pä azü wunsə̂ Krîsiti katchôgbɛ̂ batə̂ ngâ kâdâ-yömbö ndə̂ tchâfo nə̈ fô katchôgbɛ̂.

Gälâte 4:6

Nyë wätə̂ abechë ndə̂ yê tə̂ lëge nə̈, Ndjapä wän Yingö ndə̂ Modô ndə̂ yê lə̂ su azə̂ ndə̂ âon päkëdə̂: «Aba!», ndə̂ ânyîndə̂ kə̂ to rə̂ päkëdə̂: «Bha!».

Gälâte 5:22

Praâbalë arə ndə̂ Kpɨ̂ki Yingö mbo rə̂ wä kâkë: Kə̂ nyində̂ ngâ, mômô, zɨtɨ su, kə̂ rʉatə̂ su, kə̂ mbo tchôtchô rə, kə̂ mbo dâkâ tə̂ azü, kə̂ za su sə̈ Ndjapä,

Ëfêze 4:4

Azə̈ gbɛ̂ wätə̂ tə̂ balë ânyë Yingö wâ balë, äwä ndjë batə̂ rə̂ ndə̂ Ndjapä ê nyê ndə̂kə̂ pa nyë za su nyê pâ rə balë.

Fïlîpe 1:8

Lə̂ la Ndjapä më nyïndə̂ nyê tə̂ gbölösə̂nə̈ la su mê balë batə̂ rə̂ ndə̂ Jezü Krîsiti nyîndə̂ nyê.

Fïlîpe 3:3

Azə̂ ndə̂ azə̂ voga Ndjapä lə̂ köbosə̂ Yingö ndə̂ yê, azə̈ kä ndə̂ âwâtə̂ alëge a-earə̂ gasa nə̈, azə̈ wä la mômô ndə̂ azə̈ wâ balë la Jezü Krîsiti, azə̈ zâbo su azə̂ pâ azə̂ la tə̂ azə̂-a.

Kölôse 2:2

Më nyïndə̂ nə̈ pä su andjê wa la gbôgbô, äwäpä andjë wa balë lə̂ köbosə̂ kə̂ nyində̂ ngâ, kə̂ gbo atchôtchô arə lə̂ köbosə̂ kə̂ wunsə̂ rə. Käko ânyë andjê wun-adje sə̂ apö ndə̂ Ndjapä nyîkrə rə̂, ndə̂ gbô rə̂ wâ lə̂ küwû nə̈: Pö nə̈ lâme də̈ Krîsiti.

Kölôse 3:12

Ndjapä dɨ̂ nyê nə̂, nyë də̈ azü ndə̂ yê ndə̂ tche nyîndə̂ andjê. Käko nyë wün nyonyo azü, kə̂ mbo dâkâ tə̂ azü, kə̂ mbotə̂ nyê kpîɛ̂kpîɛ̂ rə̂, nyë mbö rə tə̂ azü nyima-ë, kə̂ rʉatə̂ su nyê ndə̂kə̂ sə bëte tchë.

Aheborö 6:18

Käko kə̂ za bâlâ lakə̂ deba, arə bïchuû lâme tchə̂lə̂ nə̈ wâbo ndə̂kə̂ zu-a, ânyë lə̂ köbosə̂ nə̈ Ndjapä môâbo ndjë yepa-a. Käko azə̂ ndə̂ azə̈ gbôtə̂ arə gbɛ̂ ndə̂kə̂ krʉ bëte arə ndə̂ Ndjapä nyïkrə rə̂ ânyë su azə̂ wâ pânə̈, azə̈ gbö gbôgbô tə̂ su azə̂ tə̂ gbölösə̂nə̈ lə̂ köbosə̂ nə̈.

Dokʉ̈ Pîêre 1:2

Ndjapä Bha dɨ̈ nyê gundə̂sə̂ nə̈ ndə̂ tche nyikrə rə̂ dokʉ̈tchê bhâtə̂ su yê. Tche mbö rə̂ pä nyë daka gbɛ̂, lə̂ köbosə̂ Yingö ndə̂ yê, ndə̂kə̂ pa nyë dje ma Jezü Krîsiti, ânyë tche djutu ngbongbo rə ndə̂ nyê la jï yê. Äfü pä tchôtchô su la zɨtɨ su ndə̂ Ndjapä wa pâ nyê tə̂ gbölösə̂nə̈.

Dokʉ̈ Jâan 3:24

Akrə ndə̂ tche bâta ndïɛ̈ ndə̂ Ndjapä, dëkë tche kä balë la tchë, ânyë Ndjapä wâ nə̂ balë la tchë. Käko kä ndə̂ azə̈ wunsə̂ nə̈ pä Ndjapä wâ nə̂ balë la azə̂ lə̂ köbosə̂ Kpɨ̂ki Yingö ndə̂ tche zâ rə̂ sə̈ azə̂.

Dokʉ̈ Jâan 4:12

Ngâ akrə balë wûn-âbo Ndjapä-a. Käko âdə azə̂ ânyində̂ angâ azə̂ lə̂ gbâtə̂ azə̂, Ndjapä kä lə̂ azə̂, ânyë kə̂ nyində̂ ngâ ndə̂ yê nə̈ lə̂ azə̂ daka gbɛ̂.

Dokʉ̈ Jâan 4:16

Andə̂ azə̈ nə̈, azə̈ wûnsə̂ nə̈ nə̂ pä Ndjapä nyïndə̂ azə̂. Ndjapä wätə̂ kə̂ nyində̂ ngâ, akrə ndə̂ tche sə̂ lə̂kə̂ nyində̂ ngâ, tche kä balë la Ndjapä, ânyë Ndjapä kä balë la tchë.