Biblia Todo Logo
Bìoball air-loidhne

- Sanasan -




Fïlîpe 1:9 - Mbëtï Ndjapä: TÄFO MADƗ̈

9 Më tö pö sə̈ Ndjapä bëte nyê kâkë: Äwäpä kə̂ nyində̂ angâ nyê lə̂ gbâtə̂ nyê e kütû ë atə̂ tchâtchu nə̈, käko tchə̂lə̂ la nyê kra ndə̂kə̂ wunsə̂ rə djîrə̂,

Faic an caibideil Dèan lethbhreac




Fïlîpe 1:9
19 Iomraidhean Croise  

Arə̂mä, äwäpä kə̂ za küma nyê wabô wâ batə̂ andə̂ abechë-ê, âdə andə̂ kə̂ mbo ngbongbo rə âdə rə̂, ɛn-ɛn! Äwäpä nyë wa batə̂ ayɛ̈yɛ̈ abechë. Praâbalë âdə ârə̂ âwa ndə̂kə̂ za küma, äwäpä nyë za küma nyê batə̂ adjêdjena azü.


Ârâ wünsə̂ nə̈ pä nyë wä la arə tə̂ gbölösə̂nə̈: Kə̂ za su nyê sə̈ Ndjapä, kə̂ to pö lə̂ köbo nə̈, kə̂ wunsə̂ rə la gʉ ndə̂kə̂ mbo kua, lakə̂ nyində̂ ngâ ndə̂ ârâ nyîsə̂ nə̈ sə̈ nyê. Käko ârâ nyïndə̂ nə̈ pä nyë nyisə̂ nə̈ pä nyë kä la arə lə̂ köbosə̂ kə̂ kʉ arə ndə̂ nyê la tchôtchô su.


Bëte rə̂ kä, nyë sə̈äbô sə̂ batə̂ angbɨ̈lə̈ azü-î, praâbalë nyë pü köbo ndə̂kə̂ wunsə̂ rə ndə̂ Gbölö Gbïɛ̈ nyîndə̂ nə̈.


Bëte rə̂ kä ndə̂, kə̂ to tə̂ lo nə̈ ndə̂ ârâ djê pö lâme, ârâ gbôâbo tə̂kə̂ to pö sə̈ Ndjapä bëte nyê-a. Ârâ yükû nə̈ sə̈ Ndjapä ndə̂kə̂ pa tche mbo rə̂ ânyë nyë wunsə̂ apö gbɛ̂ ndə̂ su yê nyîndə̂ nə̈, kə̂ wunsə̂ rə gbɛ̂ lakə̂ wunsə̂ dju arə ndə̂ Yingö ndə̂ yê kʉ rə̂ sə̈ azü.


Nyë yû täfo kə̂ sə ndə̂ akrə nə̂, batə̂ akrə ndə̂ tche yu täfo lə̂ba. Ndjapä ndə̂ tche mbô nyê tə̂ atäfo azü, tchê mboadje rə̂ ndə̂kə̂ pa nyë wa logbɛ̂ batə̂ nyîsɨ̂ yê, käko ânyë nyê wünsə̂ yê djîrə̂.


Äwäpä Gbölö Gbïɛ̈ mbo rə̂ pä köbo ndə̂ nyê nyində̂ angâ nyê lə̂ gbâtə̂ nyê, la köbo ndə̂ nyê nyində̂ azü gbɛ̂ ârô masə̂nə̈ lâme sə lakə̂ êë atə̂ tchâtchu nə̈, batə̂ rə̂ ndə̂ ârâ nyîndə̂ nyê! Amin!


Ndə̂kə̂ ka ndə̂nə̈, arə̂mä, ârâ nyïsə̂ köbo ndə̂ nyê sə la rə̂ ânyë âfu tə̂ Ndjapä alême nə̂. Tə̂ lëge nə̈, nyë sə̂ käko nə̂. Praâbalë angaâtə, ârâ yükû nə̈ sə̈ nyê lakə̂ za wängö sə̈ nyê la rə̈ Gbölö Gbïɛ̈ Jezü; nyë mbö rə̂ âkä ro anə̈ dokʉ̈tchê.


Arə̂mä, äwäpä ârâ za ayîabâ sə̈ Ndjapä logbɛ̂ tə̂ pö ndə̂ nyê. Äwä lə̂ köbo nə̈ ndə̂kə̂ mbo rə̂ käko, bëte su nyê ndə̂ nyë zâ rə̂ sə̈ Krîsiti sə̈ lakə̂ êë atə̂ lafô tə̂ gbölösə̂nə̈, ânyë kə̂ nyində̂ tə̂ nyê la angâ nyê sə̂ lakə̂ gêgë.


Më yükû nə̈ sə̈ Ndjapä ndə̂kə̂ pa kə̂ za su zə̈ sə̈ Krîsiti ndə̂ âwâ balë la andə̂ ârâ lâme, âmbo kua lə̂ zə̈ ânyë kə̂ mbo rə̂ pä azü wunsə̂ tchôtchô rə gbɛ̂ ndə̂ azə̈ wâ la rə̂ lə̂kə̂ za su azə̂ balë sə̈ Krîsiti.


Kɨ̈zɨ̂ ndə̂ âkpôkpö wä bëte anênegbe azü, bëte lə̂ köbosə̂ kə̂ mbo arə ndə̂ andjê, tchə̂lə̂ la andjê krä ndə̂kə̂ wunsə̂ kə̂ krʉ tchə̂lə̂ tchôtchô rə la ngbongbo rə.


A djûtu ngbongbo rə ndə̂ nyê nə̂ lə̂ köbosə̂ nə̈ ndə̂ nyë mbô rə gundə̂sə̂ lëge pö, lakə̂ nyində̂ angâ nyê la su nyê balë lâme. Käko nyë nyïndə̂ angâ nyê lə̂ gbâtə̂ nyê la grôgrô su, kə̂ sə kpôtâ.


Praâbalë äwäpä nyë ge lə̂ tchôtchô su lakə̂ wunsə̂ Gbölö Gbïɛ̈ ndə̂ azə̂ Jezü Krîsiti Earə̂ kə̂ tcha azə̂. Voga wätə̂ andə̂ ye nə̈, angêta ndjë tə̂ logbɛ̂ logbɛ̂! Amin.


Lean sinn:

Sanasan


Sanasan