Fïlîpe 1:8 - Mbëtï Ndjapä: TÄFO MADƗ̈

⁸ Lə̂ la Ndjapä më nyïndə̂ nyê tə̂ gbölösə̂nə̈ la su mê balë batə̂ rə̂ ndə̂ Jezü Krîsiti nyîndə̂ nyê.

Fïlîpe 1:8 Iomraidhean Croise

Lûke 1:78

Ndjapä ndə̂ azə̂ mbö tchôtchô su lakə̂ wun nyonyo azü tə̂ gbölösə̂nə̈, tchê mboadje rə̂ pä ngbänga ndə̂ tchêlafô ta pâ azə̂.

Rômo 1:9

Ndjapä ndə̂ më zâ su mê gbɛ̂ ndə̂kə̂ mbo kua ndə̂ yê lə̂ köbosə̂ nə̈ ndə̂ mê mu Tchôtchô Pö ndə̂ Modô ndə̂ yê, tche wûnsə̂ nə̈ nə̂ pä më tö lëge pö. Më tö pö ndə̂ nyê logbɛ̂,

Rômo 9:1

Pö ndə̂ më nyîndə̂ kə̂ to rə̂ âtə, më tö lëge pö, më môâbo yepa-a, bëte më wä balë la Krîsiti. Kpɨ̂ki Yingö nyïsə̂ köbosə̂ kə̂ rɨ tchə̂lə̂ su mê, ânyë su mê nyîsə̂ nə̈ päkëdə̂, rə nə̈ wätə̂ lëge pö.

Bïchuû Körɛ̂nte 13:9

Sə̂nə̈ ndə̂ ârâ wâbô wâ la gbôgbô, ârâ wä la mômô, ânyë nyënyê ndə̂ nye nə̈, nyë wâ la gbôgbô. Rə ndə̂ ârâ to pö sə̈ Ndjapä bëte rə̂ wä ndə̂kə̂ pa nyë mbotə̂ nyê tə̂ azü ndə̂ nyë dâka gbɛ̂.

Bïchuû Körɛ̂nte 6:12

Ârâ kôâbo sə̂kə̂ ji su ârâ sə̈ nyê-a, praâbalë nyënyê kä ndə̂ âkôsə̂ kə̂ ji su nyê sə̈ ârâ.

Bïchuû Körɛ̂nte 7:15

Tche rɨ̈ tchə̂lə̂ yê tə̂ rə ndə̂ nyë djê ma yê, la rə̂ ndə̂ nyë zâ tchë bhândə̂ nyê la mômô lakə̂ kpe wa yê.

Gälâte 1:20

Pö ndə̂ më mbô rə̂ lə̂ mbëtï sə̈ nyê âtə, më tö rə̂ lə̂ la Ndjapä, më môâbo yepa-a.

Gälâte 3:26

Bëte nyënyê gbɛ̂ nyë wätə̂ abechë ndə̂ Ndjapä lə̂ köbosə̂ kə̂ za su nyê sə̈ Jezü Krîsiti.

Gälâte 4:19

Abechë ndə̂ mê, më kä lakə̂ wun yûkü nyê tə̂ täfo nə̈ batə̂ rə̂ ndə̂ tchə̂lə̂ ɛ̈chë ka tchë la güzu tə̂ lo kə̂ zɨ ndə̂ yê, zoo Krîsiti ge lə̂ nyê.

Fïlîpe 2:1

Ndə̂ nyë wâ balë la Krîsiti, ämbö rə̂ pä nyë kpokpo tə̂ nyê. Lə̂ köbosə̂ kə̂ nyində̂ ngâ, ämbö rə̂ pä su nyê wa la gbôgbô, nyê wa balë la Yingö ndə̂ Ndjapä, nyë kä lakə̂ nyïndə̂ angâ nyê lə̂ gbâtə̂ nyê, ndjë lakə̂ wun nyonyo azü.

Fïlîpe 2:26

Tche wä la gʉ tə̂ gbölösə̂nə̈ ndə̂kə̂ ka wun nyê gbɛ̂, kə̈ wâ la nyonyo bëte rə̂ ndə̂ nyë djê pö ndə̂ tə̂kömbô ndə̂ yê.

Fïlîpe 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, më wä la gʉ ndə̂kə̂ ka wun nyê! Më wä la mômô lə̂ köbosə̂ nyê ânyë tə̂ mê krâ tə̂ gbölösə̂nə̈! Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë kpokpo tə̂ nyê lə̂ köbosə̂ nə̈ ndə̂ nyë wâ balë la Gbölö Gbïɛ̈.

Kölôse 2:1

Bëte më nyïndə̂ nə̈ pä nyë wunsə̂ pö ndə̂ gbôgbô kʉ̈ʉ̈ ndə̂ më sə̂ lakə̂ mbo rə̂ bëte nyê, bëte azü ndə̂ Laodisë, ndjë bëte azü gbɛ̂ ndə̂ andjë wûn-âbô la mê wûn lo balë-ê.

Kölôse 3:12

Ndjapä dɨ̂ nyê nə̂, nyë də̈ azü ndə̂ yê ndə̂ tche nyîndə̂ andjê. Käko nyë wün nyonyo azü, kə̂ mbo dâkâ tə̂ azü, kə̂ mbotə̂ nyê kpîɛ̂kpîɛ̂ rə̂, nyë mbö rə tə̂ azü nyima-ë, kə̂ rʉatə̂ su nyê ndə̂kə̂ sə bëte tchë.

Dokʉ̈ Tësälönîke 2:5

Nyë wûnsə̂ nə̈ nə̂ gbɛ̂ pä ârâ tôâbo ngâ pö balë ndə̂kə̂ bolo azü-a; ârâ zâbo ndjë gʉ kə̂ gbo rə ndə̂ ârâ wü dəkêlê kə̂ mu pö nə̈-a, Ndjapä wûnsə̂ nə̈ nə̂.

Dokʉ̈ Tësälönîke 2:8

Tə̂ pö ndə̂nə̈ ndə̂ ârâ nyîndə̂ nyê tə̂ gbölösə̂nə̈, ârâ nyîâbo ndə̂kə̂ mu kütû Tchôtchô Pö balë sə̈ nyê-a, praâbalë ârâ nyï ndjë ndə̂kə̂ za tchîsûwu ndə̂ ârâ la kuzü bëte nyê, bëte nyë də̈ azü ndə̂ pö ndə̂ nyê kʉ̂ ârâ tə̂ gbölösə̂nə̈!

Bïchuû Timotë 1:4

Ngûla zə̈ ndə̂ âtû lâme, sə̂nə̈ të lə̂ mê ânyë më wâ la gbölö gʉ ndə̂kə̂ kä wun mö, ânyë kə̂ wa la mômô tə̂ gbölösə̂nə̈.

Filemön 1:12

Më wän tchë sə̈ mö ëngbânə̈ bëte tchetchë, tche wätə̂ ngâ tchâme-tə̂ mê la tə̂ mê.

Filemön 1:20

Tə̂ lëge nə̈, ngâ mê lə̂ Krîsiti, më yükû nə̈ sə̈ mö ndə̂kə̂ pa mo mbo dâkâ tə̂ mê lə̂ köbosə̂ nə̈ ndə̂ azə̈ wâ la mö balë lə̂ Gbölö Gbïɛ̈ lâme. Amö za gbôgbô tə̂ su mê bëte azə̈ la mö wâ nə̂ balë la Krîsiti.

Dokʉ̈ Jâan 3:17

Praâbalë âdə ngâ akrə âwa la arə tchêbêche âtə tə̂ gbölösə̂nə̈, ânyë kə̈ gʉ̂â la yê tə̂ ngâ yê, ndə̂ tche wûn tchë la gʉ ngâ rə, akrə käko lâme nyïndə̂ Ndjapä tchïtchïnə̈ atöko?