Fïlîpe 1:7 - Mbëtï Ndjapä: TÄFO MADƗ̈

⁷ Äwä lə̂ köbo nə̈ ndə̂kə̂ pa su mê wa pâ nyê. Pö ndə̂ nyê zä su mê tə̂ gbölösə̂nə̈, bëte nyë gbö ndjë atchôtchô arə ndə̂ Ndjapä kʉ̂ rə̂ sə̈ mê lə̂ köbosə̂ tchôtchô su yê. Ndə̂ më sə̂ angêta lə̂ nda kânga, âdəndjë rə̂ ndə̂ më sə̂âbô sə̂ lə̂ nda kânga, më kïtə̂ köbo la gbôgbô tə̂ azü ndə̂ andjë nyîâbô nyîndə̂ nə̈ pä a mu Tchôtchô Pö ndə̂ mê sə lakə̂ mu rə̂ la gbôgbô.

Fïlîpe 1:7 Iomraidhean Croise

Abadjângele 20:23

Rə balë ndə̂ më wûnsə̂ nə̈ də̈ rə̂ ndə̂: Lə̂ agö balë balë Kpɨ̂ki Yingö nyïsə̂ nə̈ dokʉ̈tchê sə̈ mê pä kânga la nyonyo kä lakə̂ krʉ bëte mê.

Abadjângele 21:33

Gbölö kömändâ ndə̂ aturûgu lâme ê ndola Pôlo, kə̈ zâma ndə̂kə̂ pa a za tchë, kə̂ i tchë la djingîli bïchuû. Pânə̈ tche yû azü nə̈ päkëdə̂: «Tche də̈ tchabâ? Giamâ kä ndə̂ tche mbô rə̂?»

Dokʉ̈ Körɛ̂nte 13:7

Akrə ndə̂ tche nyîndə̂ kə̂ gʉa la yê pâ angbongbo arə gbɛ̂ ndə̂ a mbo rə̂ tə̂ yê, tche zä su yê sə̈ Ndjapä lə̂ arə gbɛ̂, tche zä su yê pâ arə gbɛ̂ ndə̂ tche krʉ̂ bëte rə̂, tche rʉ̈ätə̂ su yê lə̂ arə gbɛ̂.

Dokʉ̈ Körɛ̂nte 9:23

Më mbö arə lâme gbɛ̂ tə̂ pö ndə̂ Tchôtchô Pö ânyë kə̂ gbo atchôtchô arə ndə̂ Tchôtchô Pö nə̈ za rə̂.

Bïchuû Körɛ̂nte 3:2

Nyënyê kä ndə̂ âwâtə̂ mbëtï ndə̂ ârâ, ndə̂ a mbô rə̂ bhâlə̂ su ârâ, ndə̂ azü gbɛ̂ wûnsə̂ nə̈ ânyë kə̂ dɨ rə̂.

Bïchuû Körɛ̂nte 7:3

Më tôâbo pö nə̈ lâme ndə̂kə̂ wa ngbanga lə̂ küma nyê-a, bëte më tô rə̂ sə̈ nyê dokʉ̈tchê nə̂ pä, âdə ârâ âtchu âdəndjë rə̂ ndə̂ ârâ sə̂ la tʉ̈rʉ̂ la ârâ, ârâ nyïndə̂ nyê tə̂ gbölösə̂nə̈.

Gälâte 5:6

Bëte âdə ngâ akrə âwa balë la Jezü Krîsiti, ânyë a wâ tchë la gasa, âdəndjë rə̂ ndə̂ a wâbô tchë wâ la gasa, tchôtchô rə nə̈ də̂âbo rə̂ lâme-a! Tchôtchô rə nə̈ wä ndə̂kə̂ pa akrə za su yê sə̈ Krîsiti. Kə̂ za su sə̈ Krîsiti nə̈ lâme kä ndə̂ âmbo rə̂ pä azü nyində̂ angâ andjê.

Ëfêze 3:1

Bëte rə̂ kä ndə̂, mëmê Pôlo, më wâtə̂ earə̂ kânga ndə̂ Jezü Krîsiti bëte nyënyê ndə̂ nyë wâbô wâtə̂ ajuîfu.

Ëfêze 4:1

Mëmê ndə̂ më də̂ earə̂ kânga bëte Gbölö Gbïɛ̈, më zä wängö sə̈ nyê ndə̂kə̂ pa nyë mbotə̂ nyê gundə̂sə̂ kə̂ e nyê ndə̂ Ndjapä ê nyê lâme.

Ëfêze 6:20

Më də̈ akrə ndə̂ më sə̂ lə̂ kpâlâ Jezü Krîsiti ânyë kə̈ sə̂ lə̂ nda kânga. Nyë tö pö sə̈ Ndjapä ndə̂kə̂ pa më toabô pö nə̈ tô la wa-ê, batə̂ rə̂ ndə̂ më wâ ndə̂kə̂ to rə̂.

Fïlîpe 1:12

Arə̂mä, më nyïndə̂ nə̈ pä nyë wunsə̂ nə̈: Rə ndə̂ âgbô mê, ämbö rə̂ pä Tchôtchô Pö e atə̂ tchâtchu nə̈.

Fïlîpe 1:13

Bëte rə̂ kä ndə̂ aturûgu gbɛ̂ lə̂ gbadja ndə̂ gbïɛ̈ la azü katchôgbɛ̂ wûnsə̂ nə̈ pä më kä bhâlə̂ nda kânga bëte kua ndə̂ Krîsiti.

Fïlîpe 1:14

Angbängbä arə̂mâ ndə̂ andjë wûn mê bhâlə̂ nda kânga, andjë kä gbô gbôgbô tə̂ su andjê ndə̂kə̂ za su andjê gbɛ̂ pâ Gbölö Gbïɛ̈. Käko andjë wä la gbôgbô, kə̈ kä mûâbo pö ndə̂ Ndjapä la wa-a, andjë mü rə̂ ârô anə̈ dokʉ̈tchê.

Fïlîpe 1:5

bëte rə̂ ndə̂ nyë zâ könô sə̈ mê, ätö sə̂nə̈ ndə̂ më jêtə̂ kə̂ mu Tchôtchô Pö ndjoa ëtə̂ tchô angêta.

Fïlîpe 2:22

Praâbalë nyënyê la tə̂ nyê, nyë wünsə̂ nə̈ pä Timotë nyïsə̂ köbo ndə̂ tche mbô djîrə̂ rə, batə̂ modô la bha nə̈, tche zätə̂ yê ndə̂kə̂ mbo kua bëte Tchôtchô Pö ndrotə̂ mê.

Fïlîpe 4:14

Praâbalë nyë mbö tchôtchô rə ânyë kə̈ zâ tîɛ̂ ma yûkü nə̈ tə̂ mê lâme.

Fïlîpe 4:15

Nyënyê ndə̂ azü lə̂ Egilîze ndə̂ Fïlîpe, nyënyê la tə̂ nyê, nyë wûnsə̂ nə̈ nə̂ pä, sə̂nə̈ ndə̂ a jêtə̂ kə̂ mu Tchôtchô Pö kä ndə̂ më gbô bhâ Mäsëdöâne. Ngâ Egilîze balë zâbo ngâ rə balë sə̈ mê ngbâ rə ndə̂ më zâ rə̂ sə̈ tchë lâme-a, kütû Egilîze ndə̂ nyê kä ndə̂ âzâ könô sə̈ mê.

Fïlîpe 4:3

Momö ndjë gbɛ̂, mo də̈ ngâ mê djîrə̂ earə̂ kua, më yükû nə̈ sə̈ mö ndə̂kə̂ pa mo za könô sə̈ andjê, bëte andjë zä könô sə̈ mê lə̂ kua ndə̂kə̂ mu Tchôtchô Pö sə̈ azü, andjendjê la Kelemän la adɨ̂ angâ mê a-earə̂ kua ndə̂ a mbô rə̈ andjê bhâlə̂ mbëtï ndə̂ tchîsûwu ndə̂ logbɛ̂ logbɛ̂.

Kölôse 4:18

Mëmê Pôlo, mëmê la tə̂ mê kä ndə̂ âmbô mbëtï âtə, më pô ndə̂ nyê nə̂. Sə̂nə̈ yüäbô yû tə̂ nyê pä më kä bhâlə̂ nda kânga-ê! Äfü pä Ndjapä mbo tchôtchô su tə̂ nyê!

Kölôse 4:3

Kə̂ to pö tə̂ gbölösə̂nə̈ sə̈ Ndjapä bëte ârâ, käko kä ndə̂ Ndjapä za köbo sə̈ ârâ ndə̂kə̂ mu pö ndə̂ yê, kə̂ nyisə̂ pö Ndjapä pâ Krîsiti ndə̂ gbô rə̂ wâ lə̂ küwû nə̈. Bëte pö lâme kä ndə̂ më sə̂ lə̂ nda kânga.

Dokʉ̈ Tësälönîke 5:5

Bëte nyënyê gbɛ̂, nyë də̈ azü ndə̂ ngbänga, azü ndə̂ ngbɛ̂ngbɛ̂ lo. Azə̈ də̂âbo azü tchə̂lə̂ bütchî-a, âdəndjë azü ndə̂ bübü tchô-a.

Bïchuû Timotë 1:8

Âwâbo pä mo mbo ganô ndə̂kə̂ to pö pâ Gbölö Gbïɛ̈ ndə̂ azə̂-a. Âwâbo pä mo mbo ganô mê, earə̂ kânga ndə̂ yê-a. Praâbalë amö gamba rə̂ ndə̂kə̂ wun yûkü la mê, bëte Tchôtchô Pö, lakə̂ za su zə̈ pâ gbôgbô ndə̂ Ndjapä.

Bïchuû Timotë 2:9

Tə̂ pö ndə̂ Tchôtchô Pö nə̈ lâme kä ndə̂ më wûn yûkü zoo ânyë a yî mê atə̂lə̂ nda kânga batə̂ ngbongbo akrə. Praâbalë âdə̂âbo pö Ndjapä nə̈ kä ndə̂ a yî rə̂ lə̂ nda kânga-a.

Filemön 1:13

Më nyï âme ndə̂kə̂ bata tchë kpô ndrotə̂ mê ndə̂kə̂ pa tche mbo rə̂ la mê lə̂ kpâlâ zə̈ ndə̂ gbô mê sə̂ lə̂ nda kânga bëte Tchôtchô Pö.

Aheborö 3:1

Arə̂mâ ndə̂ mê, nyë wätə̂ azü ndə̂ Ndjapä ê nyê ndə̂kə̂ watə̂ azü ndə̂ yê, käko äwäpä nyë lusə̂ Jezü, tchanə̈ ndə̂ Ndjapä wân tchë ndə̂kə̂ watə̂ gbölö earə̂ kə̂ wa ngela ndə̂ su azə̂ ndə̂ azə̈ zâ rə̂ sə̈ tchë, ânyë kə̂ mu pö ndə̂nə̈.

Dokʉ̈ Pîêre 4:13

Praâbalë âdə nyë âsə̈ wun yûkü batə̂ rə̂ ndə̂ Krîsiti wûn yûkü, nyë sə̈ la mômô. Käko ânyë lo nə̈ ndə̂ tche âsə̈ ma gbôgbô ndə̂ gbölö ndə̂ yê tə̂ azü, nyënyê ndjë gbɛ̂ nyë âsɨ̂sɨ̈ la gbölö mômô.

Dokʉ̈ Pîêre 5:1

Më tö pö âtə ndə̂kə̂ za gbôgbô tə̂ su akpôkpô azü ndə̂ Egilîze ndə̂ andjë sə̂ lə̂ gbâtə̂ nyê. Mëmê ndjë gbɛ̂ më də̈ kpôkpô akrə batə̂ nyê. Yûkü ndə̂ Krîsiti wûn rə̂ alême, më wûn rə̂ la lala mê nə̂. Käko mê səadje lə̂kə̂ wa gbölö ndə̂ âwutuadje lâme.

Bïchuû Pîêre 1:13

Praâbalë äwä lə̂ la mê djîrə̂ ndə̂kə̂ pa, ndə̂ gbô mê sə̂ la tʉ̈rʉ̂ la mê, më âkä to tchêndə̂ apö lâme sə̈ nyê ndə̂kə̂ pa nyë loabô lô-ê.

Dokʉ̈ Jâan 3:14

Azə̈ wûnsə̂ nə̈ nə̂ pä azə̈ rô lə̂ kuzü nə̂, ânyë kə̈ wâ la tchîsûwu, bëte rə̂ ndə̂ azə̈ nyîndə̂ angâ azə̂. Akrə ndə̂ tche nyîâbô nyîndə̂ ngâ yê, dëkë gbô tchë kä lə̂ kuzü.