Fïlîpe 1:6 - Mbëtï Ndjapä: TÄFO MADƗ̈

⁶ Më wünsə̂ nə̈ tə̂ lëge nə̈ pä Ndjapä ndə̂ tche jêtə̂ tchôtchô kua lə̂ köbosə̂ nyê, tchê mboadje rə̂ ndjoa ëtə̂ lo kə̂ ka ndə̂ Jezü Krîsiti.

Fïlîpe 1:6 Iomraidhean Croise

Jâan 6:29

Jezü tô rə̂ ndə̂nə̈ sə̈ andjê päkëdə̂: «Kua ndə̂ Ndjapä yûkû nə̈ sə̈ nyê wä ndə̂kə̂ pa nyë za su nyê sə̈ tchanə̈ ndə̂ Ndjapä la tə̂ yê wân tchë.»

Abadjângele 11:18

Ndə̂ andjë djê pö nə̈, andjë ngbô ma andjê tâ ânyë kə̈ sə̂ lakə̂ voga Ndjapä päkëdə̂: «Ndjapä zä ndjë köbo sə̈ azü ndə̂ andjë wâbô wâtə̂ ajuîfu ndə̂kə̂ gbotə̂ bəndɨ kə̂ mbo rə ndə̂ andjê, ânyë kə̂ gbo tchîsûwu!»

Abadjângele 16:14

Ngâ ɛ̈chë gö ndə̂ Tïyätîre kä lə̂ gûtə̂ andjê ndə̂ rə̈ yê wû pä Lidï. Tche də̈ earə̂ kə̂ ka angbêngbê alə̂ba ndə̂ âfû tə̂ gbölösə̂nə̈, kə̈ də̂ akrə ndə̂ tche voga Ndjapä. Tche sə̂ lakə̂ dje ârâ, ânyë Gbölö Gbïɛ̈ jî tchə̂lə̂ su yê ndə̂kə̂ dje apö ndə̂ Pôlo.

Dokʉ̈ Körɛ̂nte 1:8

Tchetchë kä ndə̂ âmbo rə̂ pä nyë kpokpo tə̂ nyê ndjoa ësə̂nə̈ ndə̂ manə̈ krʉ tâ. Käko lo kə̂ ka ndə̂ Gbölö Gbïɛ̈ ndə̂ azə̂ Jezü Krîsiti, ngâ pö balë ndə̂ a gbo rə̂ lə̂ küma nyê wâbo-a.

Bïchuû Körɛ̂nte 1:15

Më wûnsə̂ nə̈ tə̂ lëge nə̈ nə̂ pä rə nə̈ âwa käko ânyë më nyîndə̂ kə̂ e dokʉ̈tchê bhândə̂ nyê ndə̂kə̂ pa nyë gbo tchôtchô su ndə̂ Ndjapä sûsunə̈ bïchuû.

Bïchuû Körɛ̂nte 2:3

Dju mbëtï ndə̂ më wân rə̂ sə̈ nyê lâme kä. Më nyîâbo ndə̂kə̂ za nyonyo tə̂ su azü ndə̂ andjë wâ ndə̂kə̂ mbo rə̂ pä më wa la mômô-a. Më wünsə̂ nə̈ tə̂ su mê lə̂ köbosə̂ nyê pä, mômô ndə̂ âwâtə̂ su mê lâme wä ndjë tə̂ su nyê gbɛ̂

Bïchuû Körɛ̂nte 7:16

Su mê wä la mômô bëte më wä ndə̂kə̂ za su mê pâ nyê lə̂ arə gbɛ̂.

Bïchuû Körɛ̂nte 9:4

Më wä la wawa bëte âdə mëmê la azü gö ndə̂ Mäsëdöâne âwutu bhâye ânyë nyë nyîkrəabô rə nə̈ nyîkrə dämba-ê, ârâ âwa la ganô bëte ârâ tö rə̂ sə̈ andjê pä nyë nyîkrə rə nə̂ gbɛ̂.

Gälâte 5:10

Âdə andə̂ me nə̈, më zä su mê sə̈ Gbölö Gbïɛ̈ tə̂ pö ndə̂ nyê: Âwâbo pä nyë za ngâ köbo ngbî-a. Praâbalë akrə ndə̂ tche ndɨ̂ tchə̂lə̂ küma nyê lâme, tche âwa ndjë tə̂ tchabâ gbɛ̂, a âwadje ngbanga lə̂ küma yê.

Ëfêze 4:12

Tche kʉ̈ arə nə̈ lâme käko ndə̂kə̂ pa azü ndə̂ Ndjapä gbo köbo ndə̂kə̂ mbo kua ndə̂ Ndjapä zâ rə̂ sə̈ andjê ânyë tə̂ Krîsiti ge,

Fïlîpe 1:10

ânyë nyê wunsə̂ rə ndə̂ âwâtə̂ tchôtchô nə̈ la rə ndə̂ âwâtə̂ ngbongbo nə̈. Käko nyê wadje tə̂ azü ndə̂ andjë grô gbɛ̂, ânyë tə̂ lo kə̂ ka ndə̂ Krîsiti, ngâ pö wabô wâ lə̂ küma nyê-ê.

Fïlîpe 1:29

Bëte Ndjapä mbö tchôtchô su tə̂ nyê lə̂ köbosə̂ Krîsiti, âdə̂âbô kütû ndə̂kə̂ za su nyê sə̈ tchë-a, praâbalë ndə̂kə̂ wun ndjë yûkü bëte tchë.

Fïlîpe 2:12

Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndə̂ gbô mê sə̂ ndrotə̂ nyê alême, nyë djë ma Ndjapä logbɛ̂, käko äwäpä kə̂ dje ma ndə̂ nyê lâme ka rô anə̈ dokʉ̈tchê ndə̂ më sə̂âbô sə̂ ndrotə̂ nyê. Nyë mbö kua nə̈ la gbölö wa lakə̂ gugu ndə̂kə̂ tcha tchîsûwu ndə̂ nyê.

Fïlîpe 2:13

Bëte Ndjapä kä âkə̂ za gʉ tə̂ su nyê ndə̂kə̂ mbo rə nə̈, ânyë kə̂ za köbo sə̈ nyê ndə̂kə̂ mbo rə gundə̂sə̂ rə ndə̂ tche nyîkrə rə̂ tə̂ su yê.

Fïlîpe 2:16

lakə̂ mu pö ndə̂ âza tchîsûwu sə̈ azü, käko mê âwa la mômô tə̂ pö ndə̂ nyê lo kə̂ ka ndə̂ Krîsiti, bëte kua ndə̂ mê la yûkü ndə̂ më wûn rə̂ bëte nyê wâbo ämbänə̈-a.

Kölôse 2:12

Lə̂ köbosə̂ batɛ̂me ndə̂ nyë gbô rə̂, a chî nyê la Krîsiti nə̂, ânyë nyë jô lə̂ kuzü balë la tchë nə̂, bëte rə̂ ndə̂ nyë zâ su nyê pâ gbôgbô ndə̂ Ndjapä ndə̂ tche jô Krîsiti lə̂ kuzü.

Dokʉ̈ Tësälönîke 1:3

Lə̂ la Ndjapä, kua ndə̂ nyê mbo rə̂ lə̂kə̂ za su nyê ndə̂ nyë zâ rə̂ sə̈ Ndjapä lâme, sə̂nə̈ yûâbo tə̂ ârâ-a. Kə̂ nyində̂ angâ nyê ndə̂ âmbo rə̂ pä nyë mbo kua tə̂ gbölösə̂nə̈ lâme, sə̂nə̈ yûâbo tə̂ ârâ-a. Rə ndə̂ nyë krʉ̂ bëte rə̂ la su nyê ndə̂ gbô rə̂ ndə̂po pâ Gbölö Gbïɛ̈ ndə̂ azə̂ Jezü Krîsiti lâme, sə̂nə̈ yûâbo tə̂ ârâ-a.

Bïchuû Tësälönîke 1:11

Bëte rə̂ kä ndə̂ ârâ to pö sə̈ Ndjapä logbɛ̂ tə̂ pö ndə̂ nyê, ndə̂kə̂ pa kə̂ mbo rə ndə̂ nyê wa lə̂ köbosə̂ nə̈ ndə̂ tche ê nyê lâme. Ârâ yükû nə̈ ndə̂kə̂ pa lə̂ köbosə̂ gbôgbô ndə̂ yê, tche za könô sə̈ nyê ndə̂kə̂ mbo atchôtchô arə gbɛ̂ ndə̂ nyë nyîndə̂ kə̂ mbo rə̂, kə̂ mbo rə̂ pä su nyê ndə̂ nyë zâ rə̂ sə̈ Ndjapä lâme wa la kua ndə̂ yê tâ.

Bïchuû Tësälönîke 3:4

Ndə̂ azə̈ wâ balë la Gbölö Gbïɛ̈, ârâ zä su ârâ pâ nyê: Rə ndə̂ ârâ yûkû nə̈ sə̈ nyê, nyë kä lakə̂ mbo rə̂, ânyë gbô nyê səadje lakə̂ mbo rə̂.

Filemön 1:21

Më mbö mbëtï âtə sə̈ mö bëte më wünsə̂ nə̈ bhâtə̂ su mê pä mô djeadje ma mê ndə̂kə̂ mbo rə ndə̂ më yükû nə̈ sə̈ mö lâme. Më wünsə̂ nə̈ pä mô mboadje rə̂ âro anə̈ ndə̂ më yûkû nə̈ ndə̂kə̂ pa mo mbo rə̂.

Aheborö 10:35

Rə ndə̂ su nyê krʉ̂ bëte rə̂ lâme, âwâbo pä nyë gbotə̂ köbo nə̈-a, bëte nyê gbôadje gbölö rə ngbânə̈.

Aheborö 12:2

Äwäpä gbô la azə̂ wa kpôtə̂ Jezü, tchetchë kä ndə̂ ânyîsə̂ köbo kə̂ za su sə̈ Ndjapä tə̂ dokʉ̈ nə̈ ndjoa ëtə̂ manə̈. Tche nyïndə̂ kə̂ tchu pâ yö ndə̂ gba, ânyë ganô ndə̂ âkrʉ̂ bëte tchë lə̂ köbosə̂ kuzü ndə̂ yê nə̈ lâme-ê, tche mbôâbo sə̂nə̈ tə̂ yê-a, bëte tche wün mômô ndə̂ âkrʉ̂ bëte tchë. Angaâtə tche sə̈ lə̂ ngendë-gbïɛ̈ də ndôkö könô Ndjapä.

Dokʉ̈ Pîêre 5:10

Yûkü ndə̂ nyê wun rə̂ lâme wä ndə̂ kpîɛ̂kpîɛ̂ lö. Praâbalë Ndjapä ndə̂ tche mbo tchôtchô su tə̂ azü, ndə̂ tche ê nyê ndə̂kə̂ sə lə̂kə̂ wa gbölö ndə̂ yê ndə̂ âwâ logbɛ̂ logbɛ̂ lə̂ köbosə̂ Jezü Krîsiti, tchê mboadje rə̂ la tə̂ yê ndə̂kə̂ pa nyë daka, kə̂ kpokpoadje nyê, ânyë ngâ rə balë goabô nyê gôâ-ê.

Bïchuû Pîêre 3:10

Käko lo kə̂ ka ndə̂ Gbölö Gbïɛ̈ wadje batə̂ earə̂ ngbä. Tə̂ lö nə̈ lâme tchêlafô âro me la ngâ gbölö wârə̂, wo âjuadje arə tchêlafô, sə̂nə̈ lâme tchêbêche la arə gbɛ̂ ndə̂ âwâ lə̂nə̈ âyu me yü.