Fïlîpe 1:5 - Mbëtï Ndjapä: TÄFO MADƗ̈

⁵ bëte rə̂ ndə̂ nyë zâ könô sə̈ mê, ätö sə̂nə̈ ndə̂ më jêtə̂ kə̂ mu Tchôtchô Pö ndjoa ëtə̂ tchô angêta.

Fïlîpe 1:5 Iomraidhean Croise

Abadjângele 2:42

Andjë zätə̂ andjê gbɛ̂ ndə̂kə̂ dje abadjângele lakə̂ nyisə̂ rə ndə̂ andjê logbɛ̂. Andjë mända rə, kə̂ sə balë, kə̂ zɨ rə balë, kə̂ to pö sə̈ Ndjapä.

Rômo 11:17

Azü ndə̂ Isarayële wä batə̂ yö ndə̂ olivï lə̂ kɨ̈ndɨ̈, ndə̂ a kû angâ amatö yö nə̈. Praâbalë momö, mö wä batə̂ matö yö ndə̂ olivï ndə̂ güsü, a zä mö ânyë kə̈ pî mö lə̂ gbâtə̂ adɨ̂ amatö yö ndə̂ âwâtə̂ yö lə̂ kɨ̈ndɨ̈ nə̈. Angaâtə, mo wä ndjë ndə̂kə̂ gbo tchôtchô rə batə̂ amatö yö lə̂ kɨ̈ndɨ̈ nə̈, bëte ngû ndə̂ âtô ânyë kə̈ kênga lə̂ chëchë da yö nə̈.

Rômo 12:13

Nyë mbö rə̂ la azü ndə̂ Ndjapä ndə̂ andjë wâbô wâ la rə-ê. Äwäpä gbô nyê ndəpo lakə̂ mbo rə̂ la azü ndə̂ andjë nə pu nyê.

Rômo 15:26

Bëte azü ndə̂ Mäsëdöâne la andjanə̈ ndə̂ Akayï nyîkrə rə̂ tə̂ su andjê ndə̂kə̂ pala makətche ndə̂kə̂ wan rə̂ sə̈ azü ndə̂ Ndjapä bhâ Jerûzalêmo ndə̂ andjë sə̂ lə̂ nyonyo.

Dokʉ̈ Körɛ̂nte 1:9

Ndjapä mbö rə gundə̂sə̂ pö ma yê, tchetchë ndə̂ tche ê nyê ndə̂kə̂ pa nyë wa balë la Modô ndə̂ yê Jezü Krîsiti, Gbölö Gbïɛ̈ ndə̂ azə̂.

Bïchuû Körɛ̂nte 8:1

Arə̂mä, ârâ nyïndə̂ kə̂ to pö ndə̂ tchôtchô su ndə̂ Ndjapä mbô rə̂ tə̂ a-Egilîze ndə̂ âwâ pâ cho ndə̂ Mäsëdöâne.

Ëfêze 3:6

Pö lə̂ küwû nə̈ wä kâkë: Lə̂ köbosə̂ Tchôtchô Pö, azü ndə̂ andjë wâbô wâtə̂ ajuîfu wä ndjë ndə̂kə̂ gbo tchôtchô rə ndə̂ Ndjapä nyîkrə rə̂ bëte azü ndə̂ yê lâme lə̂ köbo nə̈ balë la ajuîfu. Andjë wä lə̂ tə̂ balë, kə̈ wâ ndjë tə̂ azü ndə̂ Ndjapä zâ bâlâ tə̂ andjê lə̂ köbosə̂ nə̈ ndə̂ andjë wâ balë la Jezü Krîsiti.

Fïlîpe 1:12

Arə̂mä, më nyïndə̂ nə̈ pä nyë wunsə̂ nə̈: Rə ndə̂ âgbô mê, ämbö rə̂ pä Tchôtchô Pö e atə̂ tchâtchu nə̈.

Fïlîpe 1:16

Andjanə̈ ndə̂ andjë mû pö lakə̂ nyində̂ ngâ, andjë wûnsə̂ nə̈ nə̂ pä Ndjapä zä rə̂ sə̈ mê ndə̂kə̂ kitə̂ köbo tə̂ azü ndə̂ andjë to ngbongbo pö tə̂ Tchôtchô Pö.

Fïlîpe 1:27

Praâbalë äwäpä kə̂ sə ndə̂ nyê wa gundə̂sə̂ Tchôtchô Pö ndə̂ Krîsiti. Käko âdə mê âe ndə̂kə̂ wun nyê âdəndjë rə̂ ndə̂ më êâbô ê, äwäpä më dje rə̂ pä gbô nyê kä kpôtâ lakə̂ wa balë. Pö tə̂ su nyê wa balë, lakə̂ palatə̂ nyê ndə̂kə̂ mbo kʉ̈ʉ̈ bëte Tchôtchô Pö.

Fïlîpe 1:7

Äwä lə̂ köbo nə̈ ndə̂kə̂ pa su mê wa pâ nyê. Pö ndə̂ nyê zä su mê tə̂ gbölösə̂nə̈, bëte nyë gbö ndjë atchôtchô arə ndə̂ Ndjapä kʉ̂ rə̂ sə̈ mê lə̂ köbosə̂ tchôtchô su yê. Ndə̂ më sə̂ angêta lə̂ nda kânga, âdəndjë rə̂ ndə̂ më sə̂âbô sə̂ lə̂ nda kânga, më kïtə̂ köbo la gbôgbô tə̂ azü ndə̂ andjë nyîâbô nyîndə̂ nə̈ pä a mu Tchôtchô Pö ndə̂ mê sə lakə̂ mu rə̂ la gbôgbô.

Fïlîpe 2:12

Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndə̂ gbô mê sə̂ ndrotə̂ nyê alême, nyë djë ma Ndjapä logbɛ̂, käko äwäpä kə̂ dje ma ndə̂ nyê lâme ka rô anə̈ dokʉ̈tchê ndə̂ më sə̂âbô sə̂ ndrotə̂ nyê. Nyë mbö kua nə̈ la gbölö wa lakə̂ gugu ndə̂kə̂ tcha tchîsûwu ndə̂ nyê.

Fïlîpe 2:22

Praâbalë nyënyê la tə̂ nyê, nyë wünsə̂ nə̈ pä Timotë nyïsə̂ köbo ndə̂ tche mbô djîrə̂ rə, batə̂ modô la bha nə̈, tche zätə̂ yê ndə̂kə̂ mbo kua bëte Tchôtchô Pö ndrotə̂ mê.

Fïlîpe 4:3

Momö ndjë gbɛ̂, mo də̈ ngâ mê djîrə̂ earə̂ kua, më yükû nə̈ sə̈ mö ndə̂kə̂ pa mo za könô sə̈ andjê, bëte andjë zä könô sə̈ mê lə̂ kua ndə̂kə̂ mu Tchôtchô Pö sə̈ azü, andjendjê la Kelemän la adɨ̂ angâ mê a-earə̂ kua ndə̂ a mbô rə̈ andjê bhâlə̂ mbëtï ndə̂ tchîsûwu ndə̂ logbɛ̂ logbɛ̂.

Filemön 1:17

Käko âdə mo âwun mê batə̂ agü zə̈, äwäpä mo za tchë bhândə̂ zə̈ âwûntî pä mëmê la tə̂ mê kä ndə̂ mo zâ mê.

Aheborö 3:14

Angaâtə, azə̈ la Krîsiti kä lakə̂ mbo kua balë, ndə̂ gbô azə̂ sə̂ lakə̂ za su azə̂ tâ la gbôgbô zoo âwutu ëtə̂ manə̈ batə̂ rə̂ ndə̂ azə̈ zâ su azə̂ tâ lə̂ dokʉ̈ nə̈.

Bïchuû Pîêre 1:1

Mëmê Chemôn-Pîêre, më wätə̂ earə̂ kua la badjângele ndə̂ Jezü Krîsiti. Më mbö mbëtï âtə sə̈ andjanə̈ ndə̂ andjë zâ su andjê sə̈ Ndjapä. Kə̂ za su andjê sə̈ Ndjapä nə̈ lâme, ngîrî nə̈ wä ndjë batə̂ andə̂ azə̈ nə̈, lə̂ köbosə̂ djîrə̂ rə ndə̂ Ndjapä ndə̂ azə̂ la Jezü Krîsiti Earə̂ kə̂ tcha azə̂.

Dokʉ̈ Jâan 1:3

Rə ndə̂ ârâ wûn rə̂, ânyë kə̈ djê rə̂, ârâ mü rə̂ sə̈ nyê ndə̂kə̂ pa nyënyê ndjë gbɛ̂, su nyê wa balë la andə̂ ârâ. Käko azə̂ gbɛ̂ wa la su balë la Bha azə̂ Ndjapä ndjë la Modô ndə̂ yê Jezü Krîsiti.

Dokʉ̈ Jâan 1:7

Praâbalë âdə azə̂ ânə lə̂ ngbänga, batə̂ rə̂ ndə̂ Ndjapä la tə̂ yê wâ lə̂ ngbänga, dëkë azə̈ wâ nə̂ balë la angâ azə̂, ânyë jï Jezü Modô ndə̂ yê djutu angbongbo rə ndə̂ azə̂ gbɛ̂.