Fïlîpe 1:4 - Mbëtï Ndjapä: TÄFO MADƗ̈

⁴ Logbɛ̂ ndə̂ mê âsə̈ to pö sə̈ Ndjapä bëte nyê gbɛ̂, më tö pö la mômô tə̂ su mê,

Fïlîpe 1:4 Iomraidhean Croise

Mâreke 5:5

Dalobiî tche nə̈ lə̂ gûtə̂ acho akuzü, âdəndjë kulə̂ aküma aga lakə̂ ta wârə̂, kə̂ kʉ atäme lakə̂ sro tə̂ yê la rə̂ la ku.

Lûke 15:10

Käko ndjë, më tö rə̂ sə̈ nyê, mômô kä lə̂ gbâtə̂ aânje ndə̂ Ndjapä bëte ngâ earə̂ ngbongbo rə balë ndə̂ tche gbôtə̂ bəndɨ kə̂ mbo rə ndə̂ yê.»

Lûke 15:7

«Käko ndjë, më tö rə̂ sə̈ nyë: Ngâ gbölö mômô wadje bhâ lafô, bëte earə̂ ngbongbo rə balë ndə̂ tche gbotə̂ bəndɨ kə̂ mbo rə ndə̂ yê. Mômô lâme rö andə̂ adjîrə̂ azü tə̂ azü voanə̈ la lə̂ könô gbɛ̂ tchêpâ nə̈ mïndûu manə̈ vöanə̈ (99) ndə̂ andjë wäbô wâ la gʉ ndə̂kə̂ gbotə̂ bəndɨ köbo andjê.»

Rômo 1:9

Ndjapä ndə̂ më zâ su mê gbɛ̂ ndə̂kə̂ mbo kua ndə̂ yê lə̂ köbosə̂ nə̈ ndə̂ mê mu Tchôtchô Pö ndə̂ Modô ndə̂ yê, tche wûnsə̂ nə̈ nə̂ pä më tö lëge pö. Më tö pö ndə̂ nyê logbɛ̂,

Fïlîpe 2:2

Käko äwäpä nyë mbo rə̂ pä su mê sɨ la mômô lə̂ köbosə̂ kə̂ djetə̂ nyê, nyë nyïndə̂ angâ nyê lə̂ gbâtə̂ nyê, nyë sə̈ balë ânyë pö tə̂ su nyê wa balë.

Fïlîpe 3:18

Bëte angbängbä azü mbö rə ndə̂ ânyîsə̂ nə̈ pä andjë kôsə̂ pö ndə̂ yö ndə̂ gba ndə̂ Krîsiti nə̂. Më tô pö lâme sə̈ nyê nə̂ ëngbâ ngânə̈ ëngbâ ngânə̈, ânyë kə̂ kä to rə̂ la ngûla sə̈ nyê âtə.

Fïlîpe 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, më wä la gʉ ndə̂kə̂ ka wun nyê! Më wä la mômô lə̂ köbosə̂ nyê ânyë tə̂ mê krâ tə̂ gbölösə̂nə̈! Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë kpokpo tə̂ nyê lə̂ köbosə̂ nə̈ ndə̂ nyë wâ balë la Gbölö Gbïɛ̈.

Kölôse 2:5

Bëte më sə̂âbo lə̂ gbâtə̂ nyê-a, praâbalë më kä la nyê sə̂nə̈ balë lə̂ yingö. Më wä la mômô ndə̂kə̂ wun rə̂ pä gbô nyê kä lakə̂ mbo rə la köbo nə̈ ânyë gbô su nyê ndə̂ nyë zâ rə̂ sə̈ Krîsiti lâme kä pâ yê.

Dokʉ̈ Tësälönîke 1:2

Ârâ zä ayîabâ logbɛ̂ sə̈ Ndjapä tə̂ pö ndə̂ nyê gbɛ̂, ndjë lə̂kə̂ to pö ndə̂ ârâ sə̈ Ndjapä, ârâ ë rə̈ nyê logbɛ̂.

Filemön 1:7

Ngâ mê lə̂ Krîsiti, më kä la gbölö mômô, kə̈ gbô gbôgbô tə̂ su mê, tə̂ pö ndə̂ azü ndə̂ mo nyîndə̂ andjê, la rə̂ ndə̂ mo zâ gbôgbô tə̂ su azü ndə̂ Krîsiti lâme.

Bïchuû Jâan 1:4

Më kä la mômô tə̂ su mê tə̂ gbölösə̂nə̈ ndə̂ më wûn rə̂ pä, angâ abechë ndə̂ zə̈ kä lakə̂ sə lə̂ lëge pö, batə̂ rə̂ ndə̂ Bha azə̂ zâma tə̂ pö ndə̂nə̈ sə̈ azə̂.