Fïlîpe 1:16 - Mbëtï Ndjapä: TÄFO MADƗ̈

¹⁶ Andjanə̈ ndə̂ andjë mû pö lakə̂ nyində̂ ngâ, andjë wûnsə̂ nə̈ nə̂ pä Ndjapä zä rə̂ sə̈ mê ndə̂kə̂ kitə̂ köbo tə̂ azü ndə̂ andjë to ngbongbo pö tə̂ Tchôtchô Pö.

Fïlîpe 1:16 Iomraidhean Croise

Dokʉ̈ Körɛ̂nte 9:17

Âdə mëmê la tə̂ mê kä ndə̂ âpû köbo kua nə̈ lâme, dëkë më wä ndə̂kə̂ gbo makətche-kua ngbânə̈. Praâbalë ngâ rə ngbî ndə̂kə̂ pa më mbo rə̂ wâbo-a, më âmbo kütû kua ndə̂ a zâ rə̂ sə̈ mê lâme.

Bïchuû Körɛ̂nte 2:17

Azə̈ wâbo batə̂ angbängbä azü ndə̂ andjë zâ pö Ndjapä batə̂ kə̂ ka rə-a. Azə̈ tö lëge pö ndə̂ âtô bhândə̂ Ndjapä lə̂ la yê, bëte rə̂ ndə̂ azə̈ wâ balë la Krîsiti.

Fïlîpe 1:10

ânyë nyê wunsə̂ rə ndə̂ âwâtə̂ tchôtchô nə̈ la rə ndə̂ âwâtə̂ ngbongbo nə̈. Käko nyê wadje tə̂ azü ndə̂ andjë grô gbɛ̂, ânyë tə̂ lo kə̂ ka ndə̂ Krîsiti, ngâ pö wabô wâ lə̂ küma nyê-ê.

Fïlîpe 1:12

Arə̂mä, më nyïndə̂ nə̈ pä nyë wunsə̂ nə̈: Rə ndə̂ âgbô mê, ämbö rə̂ pä Tchôtchô Pö e atə̂ tchâtchu nə̈.

Fïlîpe 1:5

bëte rə̂ ndə̂ nyë zâ könô sə̈ mê, ätö sə̂nə̈ ndə̂ më jêtə̂ kə̂ mu Tchôtchô Pö ndjoa ëtə̂ tchô angêta.

Fïlîpe 1:7

Äwä lə̂ köbo nə̈ ndə̂kə̂ pa su mê wa pâ nyê. Pö ndə̂ nyê zä su mê tə̂ gbölösə̂nə̈, bëte nyë gbö ndjë atchôtchô arə ndə̂ Ndjapä kʉ̂ rə̂ sə̈ mê lə̂ köbosə̂ tchôtchô su yê. Ndə̂ më sə̂ angêta lə̂ nda kânga, âdəndjë rə̂ ndə̂ më sə̂âbô sə̂ lə̂ nda kânga, më kïtə̂ köbo la gbôgbô tə̂ azü ndə̂ andjë nyîâbô nyîndə̂ nə̈ pä a mu Tchôtchô Pö ndə̂ mê sə lakə̂ mu rə̂ la gbôgbô.

Fïlîpe 2:22

Praâbalë nyënyê la tə̂ nyê, nyë wünsə̂ nə̈ pä Timotë nyïsə̂ köbo ndə̂ tche mbô djîrə̂ rə, batə̂ modô la bha nə̈, tche zätə̂ yê ndə̂kə̂ mbo kua bëte Tchôtchô Pö ndrotə̂ mê.

Fïlîpe 4:15

Nyënyê ndə̂ azü lə̂ Egilîze ndə̂ Fïlîpe, nyënyê la tə̂ nyê, nyë wûnsə̂ nə̈ nə̂ pä, sə̂nə̈ ndə̂ a jêtə̂ kə̂ mu Tchôtchô Pö kä ndə̂ më gbô bhâ Mäsëdöâne. Ngâ Egilîze balë zâbo ngâ rə balë sə̈ mê ngbâ rə ndə̂ më zâ rə̂ sə̈ tchë lâme-a, kütû Egilîze ndə̂ nyê kä ndə̂ âzâ könô sə̈ mê.

Fïlîpe 4:3

Momö ndjë gbɛ̂, mo də̈ ngâ mê djîrə̂ earə̂ kua, më yükû nə̈ sə̈ mö ndə̂kə̂ pa mo za könô sə̈ andjê, bëte andjë zä könô sə̈ mê lə̂ kua ndə̂kə̂ mu Tchôtchô Pö sə̈ azü, andjendjê la Kelemän la adɨ̂ angâ mê a-earə̂ kua ndə̂ a mbô rə̈ andjê bhâlə̂ mbëtï ndə̂ tchîsûwu ndə̂ logbɛ̂ logbɛ̂.