Fïlîpe 1:12 - Mbëtï Ndjapä: TÄFO MADƗ̈

¹² Arə̂mä, më nyïndə̂ nə̈ pä nyë wunsə̂ nə̈: Rə ndə̂ âgbô mê, ämbö rə̂ pä Tchôtchô Pö e atə̂ tchâtchu nə̈.

Fïlîpe 1:12 Iomraidhean Croise

Lûke 21:13

Kə̂ mbo nyê la yûkü lâme mbö rə̂ ndə̂kə̂ pa nyë to pö ndə̂ mê lə̂ la azü gbɛ̂.

Abadjângele 8:4

Azü ndə̂ Jezü ndə̂ andjë krʉ̂ tchə̂lə̂ tə̂ andjê katchôgbɛ̂, ê kulə̂ atchô ngbî ngbî lakə̂ mu Tchôtchô Pö.

Rômo 8:28

Azə̈ wûnsə̂ nə̈ nə̂ pä, rə gbɛ̂ pälatə̂ yê ndə̂kə̂ mbo dâkâ tə̂ azü ndə̂ andjë nyîndə̂ Ndjapä. Azü ndə̂ tche ê andjê lə̂ köbosə̂ nə̈ ndə̂ su yê nyîndə̂ nə̈.

Rômo 8:37

Praâbalë lə̂ arə lâme gbɛ̂, azə̈ wätə̂ azü ndə̂ andjë rô la gbôgbô lə̂ köbosə̂ gbôgbô ndə̂ Jezü ndə̂ tche nyîndə̂ azə̂.

Fïlîpe 1:5

bëte rə̂ ndə̂ nyë zâ könô sə̈ mê, ätö sə̂nə̈ ndə̂ më jêtə̂ kə̂ mu Tchôtchô Pö ndjoa ëtə̂ tchô angêta.

Fïlîpe 1:7

Äwä lə̂ köbo nə̈ ndə̂kə̂ pa su mê wa pâ nyê. Pö ndə̂ nyê zä su mê tə̂ gbölösə̂nə̈, bëte nyë gbö ndjë atchôtchô arə ndə̂ Ndjapä kʉ̂ rə̂ sə̈ mê lə̂ köbosə̂ tchôtchô su yê. Ndə̂ më sə̂ angêta lə̂ nda kânga, âdəndjë rə̂ ndə̂ më sə̂âbô sə̂ lə̂ nda kânga, më kïtə̂ köbo la gbôgbô tə̂ azü ndə̂ andjë nyîâbô nyîndə̂ nə̈ pä a mu Tchôtchô Pö ndə̂ mê sə lakə̂ mu rə̂ la gbôgbô.

Fïlîpe 2:22

Praâbalë nyënyê la tə̂ nyê, nyë wünsə̂ nə̈ pä Timotë nyïsə̂ köbo ndə̂ tche mbô djîrə̂ rə, batə̂ modô la bha nə̈, tche zätə̂ yê ndə̂kə̂ mbo kua bëte Tchôtchô Pö ndrotə̂ mê.

Fïlîpe 4:15

Nyënyê ndə̂ azü lə̂ Egilîze ndə̂ Fïlîpe, nyënyê la tə̂ nyê, nyë wûnsə̂ nə̈ nə̂ pä, sə̂nə̈ ndə̂ a jêtə̂ kə̂ mu Tchôtchô Pö kä ndə̂ më gbô bhâ Mäsëdöâne. Ngâ Egilîze balë zâbo ngâ rə balë sə̈ mê ngbâ rə ndə̂ më zâ rə̂ sə̈ tchë lâme-a, kütû Egilîze ndə̂ nyê kä ndə̂ âzâ könô sə̈ mê.

Fïlîpe 4:3

Momö ndjë gbɛ̂, mo də̈ ngâ mê djîrə̂ earə̂ kua, më yükû nə̈ sə̈ mö ndə̂kə̂ pa mo za könô sə̈ andjê, bëte andjë zä könô sə̈ mê lə̂ kua ndə̂kə̂ mu Tchôtchô Pö sə̈ azü, andjendjê la Kelemän la adɨ̂ angâ mê a-earə̂ kua ndə̂ a mbô rə̈ andjê bhâlə̂ mbëtï ndə̂ tchîsûwu ndə̂ logbɛ̂ logbɛ̂.

Dokʉ̈ Timotë 2:8

Më nyïndə̂ nə̈ pä aköchë to pö sə̈ Ndjapä kusə̂ tchô gbɛ̂, lakə̂ kenga könô andjê atə̂ lafô, könô ndə̂ âwâ ngbî ânyë kə̈ dâka gbɛ̂. Âwâbo pä andjë to pö nə̈ sə̈ tchë la mêrâ-a, âdəndjë lakə̂ gama andjê lə̂ gbâtə̂ andjê-a.

Bïchuû Timotë 2:9

Tə̂ pö ndə̂ Tchôtchô Pö nə̈ lâme kä ndə̂ më wûn yûkü zoo ânyë a yî mê atə̂lə̂ nda kânga batə̂ ngbongbo akrə. Praâbalë âdə̂âbo pö Ndjapä nə̈ kä ndə̂ a yî rə̂ lə̂ nda kânga-a.

Bïchuû Timotë 4:17

Gbölö Gbïɛ̈ la tə̂ yê kä ndə̂ âsə̂ ndrotə̂ mê, tche zä gbôgbô sə̈ mê ânyë mê mû pö ndə̂ yê tə̂ gbölösə̂nə̈, ânyë azü gbɛ̂ ndə̂ andjë wâbô wâtə̂ ajuîfu djê rə̂. Tchâme Gbölö Gbïɛ̈ jî mê lə̂ ma bämalä-ê.