Fïlîpe 1:11 - Mbëtï Ndjapä: TÄFO MADƗ̈

¹¹ Nyê wadje tə̂ azü ndə̂ adjîrə̂ arə sɨ̂sɨ̈ lə̂ andjê, ndə̂ ânə̂ lə̂ köbosə̂ Jezü Krîsiti. Käko kä ndə̂ a voga Ndjapä lakə̂ lusə̂ yê.

Fïlîpe 1:11 Iomraidhean Croise

Matiyə̈ 5:16

Äwäpä ngbänga nyê tcho käko-ë tchâtchu azü gbɛ̂, ânyë andjë wun tchôtchô kə̂ mbo rə ndə̂ nyê, käko ânyë andjë voga Bha nyê ndə̂ tche sə̂ bhâ lafô.»

Jâan 15:16

Âdə̂âbo nyënyê kä ndə̂ âê mê-a, praâbalë mëmê kä ndə̂ adɨ̂ nyê, më zäma sə̈ nyê ndə̂kə̂ pa nyë e, kə̂ le lêlê nə̈, lêlê nə̈ ndə̂ âwa logbɛ̂. Käko Bha mê âkʉadje arə gbɛ̂ sə̈ nyê ndə̂ nyë yûkû nə̈ la rə̈ mê.

Jâan 15:2

Amatö yö gbɛ̂ ndə̂ âwâ ëtə̂ mê, ânyë kə̈ lêâbô lê-ê, tche âku rə̂ fiî. Praâbalë amatö yö gbɛ̂ ndə̂ âlê, tche âsro atäpânə̈ ndə̂ âwûtu tə̂ kʉ̂tê nə̈ ndə̂kə̂ pa äka lê tə̂ gbölösə̂nə̈.

Jâan 15:8

Âdə nyê âle lêlê nə̈ tə̂ gbölösə̂nə̈, ânyë kə̈ nyîsə̂ nə̈ pä nyë wätə̂ alëge adjisîpili ndə̂ mê, a luadje sə̂ Bha mê lə̂ köbosə̂ nə̈.

Rômo 15:28

Âdə më âmbo rə lâme nə̂ gbɛ̂, ânyë lə̂ la azü gbɛ̂ më kʉ̂ makətche ndə̂ azü pâla rə̂ lâme sə̈ andjê, mê eadje atə̂ Ɛ̈sëpânye. Kə̂ ro ndə̂ mê, mê wutuadje bhândə̂ nyê.

Rômo 6:22

Praâbalë angaâtə, Ndjapä jî nyê tchâtchâ ngbâa ndə̂ ngbongbo rə nə̂ ânyë nyë wätə̂ a-earə̂ kua ndə̂ yê. Käko ndə̂ nyê mbo rə ndə̂ âdâka lə̂ la Ndjapä lâme, rə ndə̂ nyê gbo rə̂ ngbânə̈ wätə̂ tchîsûwu ndə̂ logbɛ̂ logbɛ̂.

Dokʉ̈ Körɛ̂nte 10:31

Käko arə gbɛ̂ ndə̂ nyê zɨ rə̂, arə gbɛ̂ ndə̂ nyê ndjo rə̂, arə gbɛ̂ ndə̂ nyê mbo rə̂, äwäpä nyë mbo rə̂ gbɛ̂ ndə̂kə̂ pa azü voga Ndjapä lə̂ köbosə̂ nə̈.

Bïchuû Körɛ̂nte 9:10

Ndjapä ndə̂ tche kʉ andjî rəgʉ sə̈ earə̂ kə̂ lu rəgʉ, ânyë kə̂ kʉ kɨ̈zɨ̂ sə̈ azü ndə̂kə̂ zɨ rə̂, tchê kʉadje andjî rəgʉ sə̈ nyê, kə̂ mbo rə̂ pä äle ndə̂kə̂ pa azü gbo atchôtchô arə tə̂ gbölösə̂nə̈ lə̂ köbosə̂ nyê.

Ëfêze 1:12

Äwäpä ârâ voga Ndjapä ndə̂ tche wâ gbölö, ârâ ndə̂ ârâ də̂ adokʉ̈ azü ndə̂ ârâ zâ su ârâ pâ Krîsiti.

Ëfêze 1:14

Kpɨ̂ki Yingö nə̈ də̈ dokʉ̈ tchâkalâ tchôtchô rə ndə̂ azə̈ gboadje rə̂ tchânə̂ Ndjapä. Azə̂ gboadje rə̂ gbɛ̂ tə̂ lo nə̈ ndə̂ a ji azə̂ lə̂ ngbongbo rə tratralë. Azə̈ vöga Ndjapä ndə̂ tche wâ gbölö.

Ëfêze 2:10

Bëte Ndjapä kä ndə̂ âmbô azə̂, a mbö azə̂ lə̂ köbosə̂ kə̂ wa balë ndə̂ azə̂ la Jezü Krîsiti, ndə̂kə̂ pa azə̈ mbo atchôtchô arə ndə̂ tche nyikrə rə̂ dokʉ̈tchê ndə̂kə̂ pa azə̈ mbo rə̂.

Ëfêze 5:9

Bëte rə ndə̂ ngbänga nə la rə̂ də̈: Kə̂ mbo dâkâ, kə̂ mbo djîrə̂ rə la lëge pö.

Fïlîpe 4:17

Ânyîâbo ndə̂kə̂ to rə̂ pä më sə̈ lakə̂ gro tchêngbâ rə ndə̂ azü kʉ rə̂ sə̈ azü-a. Rə ndə̂ mê pu rə̂ wä ndə̂kə̂ pa azü gbo rə tə̂ gbölösə̂nə̈ ngbâ rə ndə̂ andjë mbô rə̂.

Kölôse 1:10

Käko äwäpä tchîsûwu ndə̂ nyê daka gbɛ̂ gundə̂sə̂ nə̈ ndə̂ Gbölö Gbïɛ̈ nyîndə̂ nə̈, ânyë nyê mbo arə ndə̂ âfû tə̂ yê. Äwäpä kə̂ wunsə̂ Ndjapä ndə̂ nyê e atə̂ tchâtchu nə̈.

Kölôse 1:6

Tchôtchô Pö nə̈ lâme wütu kə̈ zâ tchô pâ cho gbɛ̂, ânyë azü gbôtə̂ bəndɨ köbo andjê, ânyë Tchôtchô Pö nə̈ sə̂ lakə̂ êë atə̂ tchâtchu nə̈. Rə nə̈ wä ndjë kütû käko lə̂ gbâtə̂ nyê, ndə̂kə̂ to tə̂ lo nə̈ ndə̂ nyë gâmba Tchôtchô Pö nə̈, kə̈ wûnsə̂ lëge pö lə̂ köbosə̂ nə̈ ndə̂ Ndjapä mbô tchôtchô su tə̂ azü,

Bïchuû Tësälönîke 1:12

Käko lə̂ köbosə̂ nyê, a luadje sə̂ rə̈ Gbölö Gbïɛ̈ ndə̂ azə̂ Jezü, ânyë lə̂ köbosə̂ yê a luadje ndjë sə̂ rə̈ nyê. Rə lâme gbɛ̂ wä lə̂ köbosə̂ tchôtchô su ndə̂ Ndjapä la Gbölö Gbïɛ̈ ndə̂ azə̂ Jezü Krîsiti.

Tîte 3:14

Äwäpä andjandə̂ azə̈ nə̈ manda ndjë ndə̂kə̂ zatə̂ andjê gbɛ̂ ndə̂kə̂ mbo atchôtchô arə, ndə̂kə̂ pa âdə ngâ rə âwa ndə̂kə̂ pa a za könô tâ gasa-ê, andjë mbo rə̂, käko andjê səabô tee bhuu la tə̂ andjê-a.

Aheborö 12:11

Âdə a âbhi akrə, posə̂nə̈ tə̂ yê krâbo-a, tchë kä la nyonyo. Praâbalë tə̂ngâlo, akrə ndə̂ a nyîsə̂ rə sə̈ tchë, tchê gboadje atchôtchô arə ngbânə̈: Zɨtɨ su la tchôtchô kə̂ sə.

Dokʉ̈ Pîêre 2:12

Äwäpä kə̂ sə ndə̂ nyê lə̂ gbâtə̂ azü ndə̂ andjë wâbô wâtə̂ ajuîfu daka-ê, käko ânyë, âdə andjê âto ngbongbo pö tə̂ nyê pä nyë də̈ angbongbo azü, andjê âsə̈ wun tchôtchô kə̂ mbo rə ndə̂ nyê, kə̂ vogadje Ndjapä lo nə̈ ndə̂ tche kadje ngbâ yê.

Dokʉ̈ Pîêre 2:5

Nyënyê ndjë gbɛ̂, nyë sə̈ batə̂ atäme ndə̂ âwâ la tchîsûwu, ndə̂kə̂ pa a kʉ nyê kə̂ mbo nyê la gbölö nda Ndjapä ndə̂ Yingö mbô rə̂. Käko nyê wadje tə̂ kpûlû ndə̂ a-earə̂ kə̂ wa ngela sə̈ Ndjapä ndə̂ andjë dâka gbɛ̂ lə̂ la Ndjapä, ânyë kə̂ wa ngela ndə̂ Yingö nyisə̂ nə̈ sə̈ nyê, ndə̂ âfû lə̂ la Ndjapä lə̂ köbosə̂ Jezü Krîsiti.

Dokʉ̈ Pîêre 2:9

Praâbalë nyënyê ndə̂ nye nə̈, nyë wätə̂ azü gö ndə̂ Ndjapä dɨ̂ nyê, ndə̂ nyë wätə̂ a-earə̂ kə̂ wa ngela sə̈ Ndjapä, ndə̂ andjë wâtə̂ andjandə̂ gbïɛ̈, azü gö ndə̂ andjë wâ ngbî ânyë kə̈ dâka gbɛ̂, azü gö ndə̂ andjë wâtə̂ azü ndə̂ Ndjapä. Tche dɨ̈ nyê ndə̂kə̂ pa nyë wutu lə̂ bübü tchô kə̂ sə lə̂ tchôtchô ngbänga yê, ânyë kə̂ mu pö ndə̂ atchôtchô arə ndə̂ tche mbô rə̂.

Dokʉ̈ Pîêre 4:14

Âdə a âdro nyê bëte rə̈ Krîsiti, nyë kä la mômô, bëte Yingö ndə̂ Ndjapä ndə̂ âwâ gbölö kä pâ nyê.