Fïlîpe 1:10 - Mbëtï Ndjapä: TÄFO MADƗ̈

¹⁰ ânyë nyê wunsə̂ rə ndə̂ âwâtə̂ tchôtchô nə̈ la rə ndə̂ âwâtə̂ ngbongbo nə̈. Käko nyê wadje tə̂ azü ndə̂ andjë grô gbɛ̂, ânyë tə̂ lo kə̂ ka ndə̂ Krîsiti, ngâ pö wabô wâ lə̂ küma nyê-ê.

Fïlîpe 1:10 Iomraidhean Croise

Matiyə̈ 16:23

Praâbalë Jezü djêtə̂ yê kə̈ tô rə̂ sə̈ Pîêre päkëdə̂: «Gitə̂ zə̈ tə̂ mê bhâchï Satäa! Mo wä batə̂ ngâ täme lə̂ köbo mê, bëte kə̂ wun tchô ndə̂ zə̈ wâbo batə̂ andə̂ Ndjapä-a, praâbalë äwä batə̂ andə̂ azü.»

Matiyə̈ 26:33

Pîêre zâ pö kə̈ tô rə̂ sə̈ tchë päkëdə̂: «Âdə azü gbɛ̂ âgbotə̂ zə̈, mëmê ndə̂ me nə̈, mê gboabô tə̂ zə̈ balë tee-a.»

Jâan 1:47

Ndə̂ Jezü wûn Nätänäyêle ndə̂ tche sə̂ lakə̂ pu tchë, kə̈ tô pö ndə̂ yê päkëdə̂: «Lëge akrə gö ndə̂ Isarayële kä âtə. Tche wûn-âbo sə̂kə̂ mo yepa sə̈ azü-a.»

Jâan 3:20

Bëte akrə ndə̂ tche mbô ngbongbo rə, tche kösə̂ ngbänga. Tche nə̂âbo pu ngbänga nə̂-a, bëte tche wä la wawa ndə̂kə̂ pa angbongbo rə ndə̂ yê wutuabô wûtu kraâ lə̂ la azü-î.

Abadjângele 24:16

Tə̂ pö ndə̂nə̈ kä ndə̂ mëmê ndjë gbɛ̂ më sə̂ lakə̂ mbo rə̂ gbɛ̂ ndə̂kə̂ pa, logbɛ̂ më wabô wâ la ngâ ngbongbo rə lə̂kə̂ rɨ tchə̂lə̂ su mê lə̂ la Ndjapä ndjë lə̂ la azü-î.

Rômo 12:2

Äwäpä kə̂ sə ndə̂ nyê wabô wâ batə̂ andə̂ azü pâ cho âtə-ê. Praâbalë nyë gbötə̂ köbo sə̈ Ndjapä, tche mbo täfo rə lə̂kə̂ sə ndə̂ nyê, kə̂ za täfo kə̂ wunsə̂ rə sə̈ nyê. Käko nyê wun-adje sə̂ rə ndə̂ tche nyîndə̂ nə̈: Rə ndə̂ âwatə̂ tchôtchô nə̈, rə ndə̂ âfû tə̂ yê, rə ndə̂ âdâka gbɛ̂.

Rômo 12:9

Äwäpä azə̈ nyində̂ angâ azə̂ la su azə̂ balë. Nyë kpë tə̂ ngbongbo rə, kə̂ zatə̂ nyê lə̂ rə ndə̂ âwâtə̂ tchôtchô nə̈.

Rômo 16:17

Arə̂mä, rə ndə̂ mê yûkû nə̈ sə̈ nyê kä âtə: La nyê gbö tə̂ azü ndə̂ andjë nə la apö ndə̂ âkrʉ tchə̂lə̂ azü la apö ndə̂ âmbo rə̂ pä azü te lə̂ ngbongbo rə. Azü nə̈ gbôtə̂ köbo pö ndə̂ ârâ nyîsə̂ nə̈ sə̈ andjê lâme nə̂. Nyë gïtə̂ nyê tə̂ azü lâme bhâchï.

Rômo 2:18

Mo wünsə̂ rə ndə̂ su Ndjapä nyîndə̂ nə̈ ânyë ndïɛ̈ nyîsə̂ köbo kə̂ wunsə̂ rə ndə̂ âwâtə̂ tchôtchô nə̈ sə̈ mö.

Rômo 7:16

Âdə më âmbo rə ndə̂ më nyîâbô ndə̂nə̈ nyî, dëkë më nyïndə̂ pö ndə̂ ndïɛ̈ ânyë kə̂ nyï ndjë ndə̂ ndïɛ̈ batə̂ tchôtchô rə.

Rômo 7:22

Bëte rə̂ kä, bhâlə̂ su mê, ndïɛ̈ ndə̂ Ndjapä fü tə̂ mê.

Rômo 8:7

Azü ndə̂ su andjê wâ kütû pâ angbongbo gʉ su andjê, andjë kösə̂ Ndjapä. Andjë kösə̂ kə̂ mbo rə gundə̂sə̂ ndïɛ̈ ndə̂ Ndjapä. Andjë wâbo ndjë ndə̂kə̂ mbo rə̂-a.

Dokʉ̈ Körɛ̂nte 1:8

Tchetchë kä ndə̂ âmbo rə̂ pä nyë kpokpo tə̂ nyê ndjoa ësə̂nə̈ ndə̂ manə̈ krʉ tâ. Käko lo kə̂ ka ndə̂ Gbölö Gbïɛ̈ ndə̂ azə̂ Jezü Krîsiti, ngâ pö balë ndə̂ a gbo rə̂ lə̂ küma nyê wâbo-a.

Dokʉ̈ Körɛ̂nte 10:32

Nyë mböäbô rə̂ mbô ndə̂kə̂ pa ngâ juîfu balë te lə̂ ngbongbo rə-ê, âdəndjë ngâ akrə ndə̂ tche wâbô wâtə̂ juîfu, âdəndjë ngâ akrə ndə̂ Egilîze ndə̂ Ndjapä-ê.

Dokʉ̈ Körɛ̂nte 8:13

Bëte rə̂ kä, âdə kɨ̈zɨ̂ kä ndə̂ âmbo rə̂ pä ngâ mê te, mê kä zɨ bata gûsû balë tee-a, ânyë ngâ mê teabô tê lə̂ köbosə̂ nə̈-ê.

Bïchuû Körɛ̂nte 1:12

Bëte rə ndə̂ tə̂ ârâ krâ lə̂ köbosə̂ nə̈ wä kâkë: Kə̂ rɨ tchə̂lə̂ su ârâ nyïsə̂ nə̈ sə̈ ârâ pä ârâ sə̈ pâ cho âtə la grôgrô su. Ârâ sə̈ ndjë käko lakə̂ mbotə̂ ârâ kpîɛ̂kpîɛ̂ rə̂ lə̂ la nyê, ndjë lə̂ köbosə̂ lëge pö. Âdə̂âbo lə̂ köbosə̂ küma akrə ndə̂ âwâ lanə̈-a, praâbalë lə̂ köbosə̂ tchôtchô su ndə̂ Ndjapä.

Bïchuû Körɛ̂nte 2:17

Azə̈ wâbo batə̂ angbängbä azü ndə̂ andjë zâ pö Ndjapä batə̂ kə̂ ka rə-a. Azə̈ tö lëge pö ndə̂ âtô bhândə̂ Ndjapä lə̂ la yê, bëte rə̂ ndə̂ azə̈ wâ balë la Krîsiti.

Bïchuû Körɛ̂nte 6:3

Ârâ nyîâbo ndə̂kə̂ mbo rə̂ pä ngâ akrə te lə̂ köbosə̂ ârâ-a, ânyë azü toabô ngbongbo pö tô pâ kua ndə̂ ârâ-ê.

Bïchuû Körɛ̂nte 8:8

Më tôâbo pö lâme ndə̂kə̂ za kümändëmä sə̈ nyê-a, praâbalë ndə̂kə̂ to pö ndə̂ angâ a-Egilîze ndə̂ andjë wâ la gʉ kua. Më tö rə̂ käko ndə̂kə̂ za köbo sə̈ nyê ndə̂kə̂ nyisə̂ köbo ndə̂ nyë nyîndə̂ angâ nyê.

Gälâte 5:11

Âdə andə̂ me nə̈, arə̂mä, âdə më ândəpo lakə̂ mu pö pä a wa azü la gasa, bëte giamâ kä ndə̂ gbô azü ndə̂po lakə̂ mbo mê tə̂ gêgêe nə̈? Âdə më âmu pö ndə̂nə̈, käko pö ndə̂ yö ndə̂ gba ndə̂ Krîsiti kä kʉ bata su ngâ akrə balë tee-a.

Ëfêze 4:15

Praâbalë âdə azə̂ âto lëge pö lakə̂ nyində̂ ngâ, azə̂ geadje lə̂ rə gbɛ̂ ndə̂kə̂ wa batə̂ Krîsiti ndə̂ tche wâtə̂ küma nə̈.

Ëfêze 5:10

Nyë pü köbo ndə̂kə̂ wunsə̂ rə ndə̂ âfû tə̂ su Gbölö Gbïɛ̈.

Ëfêze 5:27

Tche nyïndə̂ kə̂ mbo rə̂ pä Egilîze nə̈ fu tə̂ gbölösə̂nə̈, ngâ cho grʉabô rə̂ grʉ̂-ê, âsɨkpɨabô sɨ̂kpɨ-î, âdaka gbɛ̂, ânyë tche mbo rə̂ pä äkrʉ tchâtchu yê la tə̂ yê. Tche nyïndə̂ nə̈ pä Egilîze wa ngbî kə̂ daka gbɛ̂, ndə̂ ngâ pö balë wâbô wâ lə̂ küma nə̈-ê.

Ëfêze 6:24

Äfü pä tchôtchô su ndə̂ Ndjapä wa pâ azü gbɛ̂ ndə̂ andjë nyîndə̂ Gbölö Gbïɛ̈ ndə̂ azə̂ Jezü Krîsiti lakə̂ nyində̂ yê ndə̂ âwâ pïï etə̂.

Fïlîpe 1:16

Andjanə̈ ndə̂ andjë mû pö lakə̂ nyində̂ ngâ, andjë wûnsə̂ nə̈ nə̂ pä Ndjapä zä rə̂ sə̈ mê ndə̂kə̂ kitə̂ köbo tə̂ azü ndə̂ andjë to ngbongbo pö tə̂ Tchôtchô Pö.

Fïlîpe 1:6

Më wünsə̂ nə̈ tə̂ lëge nə̈ pä Ndjapä ndə̂ tche jêtə̂ tchôtchô kua lə̂ köbosə̂ nyê, tchê mboadje rə̂ ndjoa ëtə̂ lo kə̂ ka ndə̂ Jezü Krîsiti.

Fïlîpe 2:16

lakə̂ mu pö ndə̂ âza tchîsûwu sə̈ azü, käko mê âwa la mômô tə̂ pö ndə̂ nyê lo kə̂ ka ndə̂ Krîsiti, bëte kua ndə̂ mê la yûkü ndə̂ më wûn rə̂ bëte nyê wâbo ämbänə̈-a.

Dokʉ̈ Tësälönîke 3:13

Äwäpä tche za gbôgbô tə̂ su nyê ânyë lo nə̈ ndə̂ Gbölö Gbïɛ̈ kangbâ yê la azü ndə̂ yê gbɛ̂, nyê watə̂ azü ndə̂ andjë wâ ngbî ânyë kə̈ dâka gbɛ̂ tchâtchu Ndjapä Bha azə̂, ndjë la azü ndə̂ pö wâbô wâ lə̂ küma andjê-ê.

Dokʉ̈ Tësälönîke 5:21

Praâbalë nyë wün tchə̂lə̂ apö nə̈ gbɛ̂ djîrə̂, kə̂ bata anə̈ ndə̂ âdâka,

Dokʉ̈ Tësälönîke 5:23

Äwäpä Ndjapä la tə̂ yê ndə̂ tche za zɨtɨ su sə̈ azü mbo rə̂ ânyë tə̂ nyê wa gbɛ̂ ngbî bëte tchë. Äwäpä tche bata yingö ndə̂ nyê, vrö nyê la tə̂ nyê gbɛ̂ ânyë ngâ pö balë wabô wâ lə̂ küma nyê tə̂ lo kə̂ ka ndə̂ Gbölö Gbïɛ̈ ndə̂ azə̂ Jezü Krîsiti-î.

Dokʉ̈ Jâan 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë gämbabô pö ndə̂ azü ndə̂ andjë to rə̂ pä anyë kä la yingö lâme gâmba-ê. Praâbalë äwäpä nyë wun kə̂ sə ndə̂ andjê, lakə̂ mbo rə ndə̂ andjê. Käko nyê wunsə̂ nə̈ pä yingö ndə̂ âwâ lə̂ andjê lâme tö bhândə̂ Ndjapä, bëte angbängbä a-earə̂ ndə̂ma Ndjapä ndə̂ yepa zâ tchêbêche nə̂ gbɛ̂.

Apökälîbïchi 2:2

Më wûnsə̂ akua ndə̂ zə̈ nə̂, ndjë la yûkü ndə̂ mo wûn rə̂ lakə̂ mbo kua ndə̂ zə̈. Më wûn ndjë sə̂ köbo ndə̂ mo rʉatə̂ su zə̈ lâme nə̂. Më wûnsə̂ nə̈ nə̂ pä mo wâbo ndə̂kə̂ rʉatə̂ su zə̈ la angbongbo azü-a. Azü ndə̂ andjë tô rə̂ pä anyë də̈ abadjângele lâme, ndə̂ mo pû apö pâ andjê, ânyë kə̈ wûnsə̂ nə̈ pä andjë də̈ a-earə̂ yepa.