Filemön 1:6 - Mbëtï Ndjapä: TÄFO MADƗ̈

⁶ Më yükû nə̈ sə̈ Ndjapä ndə̂kə̂ pa kə̂ za su zə̈ sə̈ Krîsiti ndə̂ âwâ balë la andə̂ ârâ lâme, âmbo kua lə̂ zə̈ ânyë kə̂ mbo rə̂ pä azü wunsə̂ tchôtchô rə gbɛ̂ ndə̂ azə̈ wâ la rə̂ lə̂kə̂ za su azə̂ balë sə̈ Krîsiti.

Filemön 1:6 Iomraidhean Croise

Matiyə̈ 25:16

Akrə ndə̂ tche wâ la mîɛ̈-makətche ndə̂ lôlo ngbangbo mïndûu ê kə̈ bhî küma yê pânə̈, kə̈ gbô ngânə̈ ngbangbo mïndûu ëpânə̈.

Matiyə̈ 5:16

Äwäpä ngbänga nyê tcho käko-ë tchâtchu azü gbɛ̂, ânyë andjë wun tchôtchô kə̂ mbo rə ndə̂ nyê, käko ânyë andjë voga Bha nyê ndə̂ tche sə̂ bhâ lafô.»

Dokʉ̈ Körɛ̂nte 14:25

Apö ndə̂ âwâ wü bhâlə̂ su yê âwutuadje kraâ ësûwu, käko tchê gʉteadje, kə̂ chiadje küma yê, kə̂ vogadje Ndjapä lakə̂ to rə̂ päkëdə̂: «Ndjapä kä tə̂ lëge nə̈ lə̂ gbâtə̂ nyê.»

Dokʉ̈ Körɛ̂nte 16:9

Bëte ngâ gbölö köbo jî sə̈ mê nə̂ ndə̂kə̂ mbo ngâ kua bhâye, praâbalë a-earə̂ kə̂ kitə̂ köbo tə̂ kua ndə̂ mê ngbä tə̂ gbölösə̂nə̈.

Fïlîpe 4:8

Ndə̂kə̂ ka pö nə̈, arə̂mä, äwäpä nyë za su nyê pâ rə ndə̂ âdâka, rə ndə̂ a voga rə̂, rə ndə̂ âwâtə̂ lëge nə̈, rə ndə̂ a lusə̂ nə̈, rə ndə̂ âwâ djîrə̂, rə ndə̂ âdâka gbɛ̂, rə ndə̂ âfû lə̂ la azü, rə ndə̂ a to tchôtchô pö ndə̂nə̈ sə̈ azü.

Kölôse 1:9

Bëte rə̂ kä ndə̂, kə̂ to tə̂ lo nə̈ ndə̂ ârâ djê pö lâme, ârâ gbôâbo tə̂kə̂ to pö sə̈ Ndjapä bëte nyê-a. Ârâ yükû nə̈ sə̈ Ndjapä ndə̂kə̂ pa tche mbo rə̂ ânyë nyë wunsə̂ apö gbɛ̂ ndə̂ su yê nyîndə̂ nə̈, kə̂ wunsə̂ rə gbɛ̂ lakə̂ wunsə̂ dju arə ndə̂ Yingö ndə̂ yê kʉ rə̂ sə̈ azü.

Kölôse 3:10

Nyë yû täfo kə̂ sə ndə̂ akrə nə̂, batə̂ akrə ndə̂ tche yu täfo lə̂ba. Ndjapä ndə̂ tche mbô nyê tə̂ atäfo azü, tchê mboadje rə̂ ndə̂kə̂ pa nyë wa logbɛ̂ batə̂ nyîsɨ̂ yê, käko ânyë nyê wünsə̂ yê djîrə̂.

Tîte 3:14

Äwäpä andjandə̂ azə̈ nə̈ manda ndjë ndə̂kə̂ zatə̂ andjê gbɛ̂ ndə̂kə̂ mbo atchôtchô arə, ndə̂kə̂ pa âdə ngâ rə âwa ndə̂kə̂ pa a za könô tâ gasa-ê, andjë mbo rə̂, käko andjê səabô tee bhuu la tə̂ andjê-a.

Aheborö 6:10

Bëte Ndjapä wä djîrə̂: Käko kua ndə̂ nyë mbô rə̂, âdəndjë kə̂ nyində̂ ngâ ndə̂ nyë nyîsə̂ nə̈ tə̂ azü ndə̂ Krîsiti alême, ndjë la andjanə̈ ndə̂ tchô angêta, sə̂nə̈ yûâbo tə̂ yê-a.

Jâke 2:14

Arə̂mä ndə̂ mê, âdə ngâ akrə âto rə̂ päkëdə̂: «Anyë zâ su anyê sə̈ Krîsiti nə̂», ânyë kə̈ nyîâbô sə̂nə̈ nyî lə̂ kua nə̈-ê, kə̂ za su yê sə̈ Krîsiti nə̈ lâme âmboadje ngâ rə tə̂ yê? Kə̂ za su yê sə̈ Krîsiti nə̈ lâme tchadje tchë lə̂ kuzü?

Jâke 2:17

Äwä ndjë käko tə̂ pö ndə̂kə̂ za su sə̈ Ndjapä ndə̂ âwâbô wâ la kua ndə̂ yê tâ, dëkë kə̂ za su nə̈ lâme tchû nə̂.

Dokʉ̈ Pîêre 2:12

Äwäpä kə̂ sə ndə̂ nyê lə̂ gbâtə̂ azü ndə̂ andjë wâbô wâtə̂ ajuîfu daka-ê, käko ânyë, âdə andjê âto ngbongbo pö tə̂ nyê pä nyë də̈ angbongbo azü, andjê âsə̈ wun tchôtchô kə̂ mbo rə ndə̂ nyê, kə̂ vogadje Ndjapä lo nə̈ ndə̂ tche kadje ngbâ yê.

Dokʉ̈ Pîêre 3:1

Nyënyê ndjë, aɛ̈chë, nyë djë ma aköchë ndə̂ nyê, käko ânyë angânə̈ lə̂ gbâtə̂ aköchë nə̈ ndə̂ andjê kôsə̂ pö Ndjapä, andjê ka pu tchë lə̂ köbosə̂ kə̂ mbo rə ndə̂ aɛ̈chë ndə̂ andjê, âdə̂âbo tə̂ pö ndə̂ pö ndə̂ nyê to rə̂ sə̈ andjê-a.

Dokʉ̈ Pîêre 3:16

Praâbalë nyë tö pö nə̈ sə̈ andjê nyima-ë lakə̂ lusə̂ andjê, äwäpä kə̂ rɨ tchə̂lə̂ su nyê wabô wâ la ngâ ngbongbo rə-ê, käko ânyë ganô mbo azü ndə̂ andjë to angbongbo apö tə̂ nyê tə̂ pö ndə̂ tchôtchô kə̂ sə ndə̂ nyê balë la Krîsiti.

Bïchuû Pîêre 1:8

Bëte âdə arə lâme âwa lə̂ nyê âkə̈ gê, ârə̂ âmbo rə̂ pä kua ndə̂ Ndjapä ndə̂ nyê mbo rə̂ âleadje kə̂ zadje köbo sə̈ nyê ndə̂kə̂ ge lə̂kə̂ wunsə̂ Gbölö Gbïɛ̈ ndə̂ azə̂ Jezü Krîsiti.