Filemön 1:17 - Mbëtï Ndjapä: TÄFO MADƗ̈

¹⁷ Käko âdə mo âwun mê batə̂ agü zə̈, äwäpä mo za tchë bhândə̂ zə̈ âwûntî pä mëmê la tə̂ mê kä ndə̂ mo zâ mê.

Filemön 1:17 Iomraidhean Croise

Matiyə̈ 10:40

«Akrə ndə̂ tche mbô rə̂ la nyê, dëkë tche mbö rə̂ la mê. Akrə ndə̂ tche mbô rə̂ la mê dëkë tche mbö rə̂ la akrə ndə̂ tche wân mê.

Matiyə̈ 18:5

Akrə ndə̂ tche mbô rə̂ la ngâ yɛ̈yɛ̈ bechë batə̂ tchanə̈ âtə la rə̈ mê, dëkë mëmê la tə̂ mê kä ndə̂ tche mbô rə̂ la mê.»

Matiyə̈ 25:40

Gbïɛ̈ nə̈ âtoadje rə̂ ndə̂nə̈ sə̈ andjê päkëdə̂: ‹Ɛn-ɛn, tə̂ lëge nə̈ më tö rə̂ sə̈ nyê, logbɛ̂ ndə̂ nyê mbo rə lâme tə̂ ngâ mbämbä akrə lə̂ gbâtə̂ arə̂mâ ndə̂ mê, dëkë nyë mbö rə̂ tə̂ mê.›

Abadjângele 16:15

Tche gbô batɛ̂me la azü tchâalê ndə̂ yê gbɛ̂. Pânə̈ tche ê ârâ päkëdə̂: «Âdə nyë âwun rə̂ pä tə̂ lëge nə̈ më zâ su mê sə̈ Gbölö Gbïɛ̈ nə̂, nyë nə̈ kə̂ lô bhâ tchâalê ndə̂ mê.» Tche mbô rə̂ gbɛ̂ pä ârâ nyində̂ nə̈.

Bïchuû Körɛ̂nte 8:23

Tîte də̈ agü mê la ngâ mê ndə̂ ârâ mbo kua la tchë bëte nyê. Âdə andə̂ arə̂mâ lâme, andjë də̈ azü ndə̂ a-Egilîze wân andjê. Andjë mbö kua bëte voga ndə̂ Krîsiti.

Ëfêze 3:6

Pö lə̂ küwû nə̈ wä kâkë: Lə̂ köbosə̂ Tchôtchô Pö, azü ndə̂ andjë wâbô wâtə̂ ajuîfu wä ndjë ndə̂kə̂ gbo tchôtchô rə ndə̂ Ndjapä nyîkrə rə̂ bëte azü ndə̂ yê lâme lə̂ köbo nə̈ balë la ajuîfu. Andjë wä lə̂ tə̂ balë, kə̈ wâ ndjë tə̂ azü ndə̂ Ndjapä zâ bâlâ tə̂ andjê lə̂ köbosə̂ nə̈ ndə̂ andjë wâ balë la Jezü Krîsiti.

Fïlîpe 1:7

Äwä lə̂ köbo nə̈ ndə̂kə̂ pa su mê wa pâ nyê. Pö ndə̂ nyê zä su mê tə̂ gbölösə̂nə̈, bëte nyë gbö ndjë atchôtchô arə ndə̂ Ndjapä kʉ̂ rə̂ sə̈ mê lə̂ köbosə̂ tchôtchô su yê. Ndə̂ më sə̂ angêta lə̂ nda kânga, âdəndjë rə̂ ndə̂ më sə̂âbô sə̂ lə̂ nda kânga, më kïtə̂ köbo la gbôgbô tə̂ azü ndə̂ andjë nyîâbô nyîndə̂ nə̈ pä a mu Tchôtchô Pö ndə̂ mê sə lakə̂ mu rə̂ la gbôgbô.

Dokʉ̈ Timotë 6:2

Angbâa ndə̂ a-earə̂ andjê wâtə̂ azü ndə̂ Krîsiti, andjë wätə̂ arə̂mâ ndə̂ andjê lə̂ Krîsiti. Âdə̂âbo anə̈ lâme kä ndə̂ âkitə̂ köbo tə̂ andjê ndə̂kə̂ lusə̂ a-earə̂ andjê nə̈-a, praâbalë äwäpä angbâa nə̈ ka mbô kua ndə̂ a-earə̂ andjê nə̈ âro anə̈ dokʉ̈tchê, bëte a-earə̂ andjê nə̈, ndə̂ andjë gbo rə ngbâ kua ndə̂ angbâa lâme, andjë wâ nə̂ tə̂ azü ndə̂ Krîsiti, kə̈ wâtə̂ arə̂mâ ndə̂ andjê, ânyë Ndjapä nyïndə̂ andjê tə̂ gbölösə̂nə̈. Rə ndə̂ âwâ pä mo nyisə̂ nə̈, kə̂ zama tə̂ pö ndə̂nə̈ kä âtə:

Filemön 1:10

Më yükû nə̈ sə̈ mö ndə̂kə̂ pa mo mbo dâkâ tə̂ bechë ndə̂ mê Önëzîme. Bëte bhâlə̂ nda kânga bhâtə, tche wâ nə̂ tə̂ modô ndə̂ mê lə̂ köbosə̂ Jezü Krîsiti.

Filemön 1:12

Më wän tchë sə̈ mö ëngbânə̈ bëte tchetchë, tche wätə̂ ngâ tchâme-tə̂ mê la tə̂ mê.

Filemön 1:18

Âdə tche âmbo ngâ ngbongbo rə alêe tə̂ zə̈, âdəndjë geda ndə̂ zə̈ âwa lə̂ küma yê, amö gbotâ lə̂ küma mê.

Aheborö 3:1

Arə̂mâ ndə̂ mê, nyë wätə̂ azü ndə̂ Ndjapä ê nyê ndə̂kə̂ watə̂ azü ndə̂ yê, käko äwäpä nyë lusə̂ Jezü, tchanə̈ ndə̂ Ndjapä wân tchë ndə̂kə̂ watə̂ gbölö earə̂ kə̂ wa ngela ndə̂ su azə̂ ndə̂ azə̈ zâ rə̂ sə̈ tchë, ânyë kə̂ mu pö ndə̂nə̈.

Aheborö 3:14

Angaâtə, azə̈ la Krîsiti kä lakə̂ mbo kua balë, ndə̂ gbô azə̂ sə̂ lakə̂ za su azə̂ tâ la gbôgbô zoo âwutu ëtə̂ manə̈ batə̂ rə̂ ndə̂ azə̈ zâ su azə̂ tâ lə̂ dokʉ̈ nə̈.

Jâke 2:5

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë djë pö âtə: Ndjapä də̂âbo tchë ndə̂ tche dɨ̂ azü ndə̂ andjë wâtə̂ a-earə̂ yûkü lə̂ la azü tchêbêche âtə, ndə̂kə̂ mbo andjê tə̂ a-earə̂ rə lə̂ köbosə̂ kə̂ za su andjê sə̈ Ndjapä, ânyë andjë watə̂ azü ndə̂ Gbölö gö-gbïɛ̈ ndə̂ Ndjapä, ndə̂ tche zâ bâlâ ndə̂nə̈ sə̈ azü ndə̂ andjë nyîndə̂ yê lâme?

Dokʉ̈ Pîêre 5:1

Më tö pö âtə ndə̂kə̂ za gbôgbô tə̂ su akpôkpô azü ndə̂ Egilîze ndə̂ andjë sə̂ lə̂ gbâtə̂ nyê. Mëmê ndjë gbɛ̂ më də̈ kpôkpô akrə batə̂ nyê. Yûkü ndə̂ Krîsiti wûn rə̂ alême, më wûn rə̂ la lala mê nə̂. Käko mê səadje lə̂kə̂ wa gbölö ndə̂ âwutuadje lâme.

Dokʉ̈ Jâan 1:3

Rə ndə̂ ârâ wûn rə̂, ânyë kə̈ djê rə̂, ârâ mü rə̂ sə̈ nyê ndə̂kə̂ pa nyënyê ndjë gbɛ̂, su nyê wa balë la andə̂ ârâ. Käko azə̂ gbɛ̂ wa la su balë la Bha azə̂ Ndjapä ndjë la Modô ndə̂ yê Jezü Krîsiti.