Dokʉ̈ Timotë 6:6 - Mbëtï Ndjapä: TÄFO MADƗ̈

⁶ Ɛn-ɛn! Kə̂ zatə̂ andjê gbɛ̂ sə̈ Ndjapä wätə̂ köbo ndə̂kə̂ gbo arə tə̂ gbölösə̂nə̈, lə̂ köbosə̂ nə̈ ndə̂ akrə zâ su yê kütû pâ rə ndə̂ tche wâ la rə̂.

Dokʉ̈ Timotë 6:6 Iomraidhean Croise

Lûke 12:15

Pânə̈ Jezü tô rə̂ sə̈ azü gbɛ̂ päkëdə̂: «La nyê gbö-ê! Âwâbo pä nyë za su nyê pâ kə̂ gbo rə-a, bëte kə̂ gbo rə gbö ndə̂ ngâ akrə bâtabô tchîsûwu ndə̂ yê-a.»

Lûke 3:14

Aturûgu yû ndjë tchë päkëdə̂: «Ânyë andə̂ ârâ nə̈? Giamâ kä ndə̂ ârâ wâ ndə̂kə̂ mbo rə̂?» Tche tô rə̂ sə̈ andjê päkëdə̂: «Nyë zäbô makətche ndə̂ akrə zâ la gbôgbô-ê, kə̂ yiabô pö yî lə̂ küma akrə ndə̂kə̂ kʉ makətche ndə̂ yê-ê, äwäpä nyë za su nyê kütû tə̂ makətche-kua ndə̂ nyê.»

Rômo 8:28

Azə̈ wûnsə̂ nə̈ nə̂ pä, rə gbɛ̂ pälatə̂ yê ndə̂kə̂ mbo dâkâ tə̂ azü ndə̂ andjë nyîndə̂ Ndjapä. Azü ndə̂ tche ê andjê lə̂ köbosə̂ nə̈ ndə̂ su yê nyîndə̂ nə̈.

Bïchuû Körɛ̂nte 4:17

Nyonyo ndə̂ azə̈ wun rə̂ angêta wä ndə̂ angâ alö ndə̂kə̂ pa änyikrə azə̂ bëte golowäre ndə̂ âwâ logbɛ̂ logbɛ̂, ndə̂ ârô masə̂nə̈.

Fïlîpe 1:21

Bëte andə̂ me nə̈, âdə mê âsə la tʉ̈rʉ̂ la mê, më sə̈ bëte Krîsiti, ânyë âdə mê âtchu, më tchü ndə̂kə̂ gbo rə ngbâ kua ndə̂ më mbô rə̂.

Dokʉ̈ Timotë 4:8

Angɨ̈ gbɛ̂ ndə̂ âmbo rə̂ pä tchə̂lə̂ kpoto akrə kra lâme, ämbö dâkâ tə̂ akrə kpîɛ̂kpîɛ̂ rə̂, praâbalë kə̂ zatə̂ andjê gbɛ̂ sə̈ Ndjapä däka lə̂ arə gbɛ̂. Bëte kə̂ zatə̂ andjê gbɛ̂ sə̈ Ndjapä nə̈ lâme, pö ndə̂ tchîsûwu ndə̂ akrə gbo rə̂ kä lə̂nə̈: Tchîsûwu ndə̂ yê ndə̂ tchô angêta, la tchîsûwu ndə̂ yê ndə̂ tchô lâmbo.

Dokʉ̈ Timotë 6:8

Käko âdə azə̂ âwa la kɨ̈zɨ̂ la lə̂ba, äwäpä su azə̈ wa kütû pânə̈.

Aheborö 13:5

Âwâbo pä lə̂ köbosə̂ kə̂ mbo rə ndə̂ nyê, nyê wa la gʉ makətche tə̂ gbölösə̂nə̈-a. Nyë zä su nyê pâ rə ndə̂ nyë wâ la rə̂, bëte Ndjapä la tə̂ yê tö rə̂ päkëdə̂: «Mê gboabô tə̂ zə̈ tee-a, mê djeabô tchêngbâ mê tə̂ zə̈ balë tee-a.»