Dokʉ̈ Timotë 6:5 - Mbëtï Ndjapä: TÄFO MADƗ̈

⁵ kə̂ gama lə̂ gbâtə̂ azü ndə̂ âkâbô kâ-ê. Kə̂ wunsə̂ rə ndə̂ andjê wâtə̂ ngôlê-ngölë nə̈. Lëge pö wâbo lə̂ andjê-a, bëte andjë wûntî pä kə̂ zatə̂ andjê gbɛ̂ sə̈ Ndjapä wätə̂ köbo ndə̂kə̂ gbo arə.

Dokʉ̈ Timotë 6:5 Iomraidhean Croise

Matiyə̈ 12:33

«Âdə ngâ yö âwatə̂ tchôtchô nə̈, lêlê nə̈ âwadje ndjë tə̂ tchôtchô nə̈. Âdə yö âwatə̂ ngbongbo nə̈, lêlê nə̈ wadje ndjë tə̂ ngbongbo nə̈. Bëte a wünsə̂ yö tə̂ lêlê nə̈.

Matiyə̈ 21:13

Tche tö rə̂ sə̈ andjê päkëdə̂: «A mbö rə̂ lə̂ Mbëtï Ndjapä päkëdə̂: ‹A â-eadje rə̂ tə̂ nda ndə̂ mê pä nda kə̂ to pö sə̈ Ndjapä.› Praâbalë nyënyê, nyë mbô rə̂ tə̂ ngâ kudû ndə̂ a-earə̂ ngbä zatə̂ andjê wü lə̂nə̈.»

Matiyə̈ 23:13

«Nyonyo kä tə̂ nyê, a-earə̂ kə̂ nyisə̂ ndïɛ̈ la afarizïɛ̈n. Pö ma nyê wä ngbî tə̂kə̂ mbo rə ndə̂ nyê, nyë tchü manda Gbölö gö-gbïɛ̈ ndə̂ tchêlafô tə̂ azü. Nyënyê la tə̂ nyê, nyë nyîâbo ndə̂kə̂ li bhâye-a, praâbalë nyë kïtə̂ köbo tə̂ azü ndə̂ andjë nyîndə̂ kə̂ li bhâye. [

Dokʉ̈ Körɛ̂nte 11:16

Praâbalë âdə ngâ akrə ânyində̂ kə̂ kosə̂ pö lâme, äwäpä tche wunsə̂ nə̈ pä ngâ köbo ngbî ndə̂kə̂ pa ârâ la a-Egilîze ndə̂ Ndjapä mbo rə̂ wâbo-a.

Bïchuû Tësälönîke 3:6

Arə̂mä, ârâ yükû nə̈ sə̈ nyê la rə̈ Gbölö Gbïɛ̈ Jezü Krîsiti, nyë gïäbô tə̂ nyê gî pu a-earə̂ dö-ê, ndə̂kə̂ mbo rə ndə̂ andjê wâ ngbî tə̂ pö ndə̂ ârâ nyîsə̂ nə̈ sə̈ nyê.

Dokʉ̈ Timotë 1:6

Angâ azü gbôtə̂ tchôtchô köbo lâme nə̂, köbo andjê yû lakə̂ dɨ awünwün apö nə̂.

Dokʉ̈ Timotë 3:3

Tche zâbo tə̂ yê gbɛ̂ ndə̂kə̂ ndjo pî-a, kə̈ wâbo tə̂ earə̂ kʉ̈ʉ̈-a, praâbalë tche wä zɨtɨ-ë. Tche wâbo tə̂ earə̂ kə̂ po la azü-a, kə̈ wâbo tə̂ akrə ndə̂ tche nyîndə̂ makətche tə̂ gbölösə̂nə̈-a.

Dokʉ̈ Timotë 3:8

Äwäpä adiâkere wa ndjë tə̂ azü ndə̂ andjë lûsə̂tə̂ andjê, pö ma andjê wa kütû balë, andjë zabô tə̂ andjê zâ gbɛ̂ ndə̂kə̂ ndjo pî-î, kə̂ puabô köbo pû ndə̂kə̂ gbo makətche lə̂ köbosə̂ ngbongbo köbo-ê.

Dokʉ̈ Timotë 4:7

Amö dje tchêngbâ zə̈ tə̂ angbongbo andə̂ma pö ndə̂ âwâ ngbî tə̂ pö ndə̂kə̂ za su sə̈ Krîsiti lâme-ê, praâbalë amö zatə̂ zə̈ gbɛ̂ sə̈ Ndjapä.

Dokʉ̈ Timotë 4:8

Angɨ̈ gbɛ̂ ndə̂ âmbo rə̂ pä tchə̂lə̂ kpoto akrə kra lâme, ämbö dâkâ tə̂ akrə kpîɛ̂kpîɛ̂ rə̂, praâbalë kə̂ zatə̂ andjê gbɛ̂ sə̈ Ndjapä däka lə̂ arə gbɛ̂. Bëte kə̂ zatə̂ andjê gbɛ̂ sə̈ Ndjapä nə̈ lâme, pö ndə̂ tchîsûwu ndə̂ akrə gbo rə̂ kä lə̂nə̈: Tchîsûwu ndə̂ yê ndə̂ tchô angêta, la tchîsûwu ndə̂ yê ndə̂ tchô lâmbo.

Dokʉ̈ Timotë 6:6

Ɛn-ɛn! Kə̂ zatə̂ andjê gbɛ̂ sə̈ Ndjapä wätə̂ köbo ndə̂kə̂ gbo arə tə̂ gbölösə̂nə̈, lə̂ köbosə̂ nə̈ ndə̂ akrə zâ su yê kütû pâ rə ndə̂ tche wâ la rə̂.

Bïchuû Timotë 3:5

Andjê mboadje tə̂ andjê batə̂ azü ndə̂ andjë zâtə̂ andjê gbɛ̂ sə̈ Ndjapä, praâbalë andjê vuadje sə̂ gbôgbô ndə̂nə̈. Amö sə tə̂ andjê ngrɨ̈.

Bïchuû Timotë 3:8

Ädə̈ ndjë käko tə̂ Jänêse la Jämbrêse ndə̂ andjë dâcho la Möyîze, käko azü lâme dä ndjë cho la lëge pö, andjë wätə̂ azü ndə̂kə̂ wunsə̂ rə ndə̂ andjê ndɨ̂, kə̂ za su andjê sə̈ Krîsiti kpôkpoabô tə̂ yê-a.

Tîte 1:11

Äwäpä mo ngbo ma andjê ëtâ, bëte andjë kä lakə̂ djingɨli tchə̂lə̂ küma azü lə̂ abûngrɨ̂ gbɛ̂ lakə̂ nyisə̂ rə ndə̂ âwâbô wâ ndə̂kə̂ pa andjë nyisə̂ nə̈-ê, bëte andjë wä la gʉ ndə̂kə̂ gbo arə lə̂ ngbongbo köbo kə̂ gbo rə.

Bïchuû Pîêre 2:15

Ndə̂ andjë gbôtə̂ djîrə̂ köbo, köbo yû tə̂ andjê ânyë andjë zâ köbo ngbâ Bälâme modô ndə̂ Bözôre ndə̂ tche nyîndə̂ kə̂ gbo makətche ndə̂ a kʉ̂ rə̂ sə̈ tchë ndə̂kə̂ pa tche mbo ngbongbo rə.

Bïchuû Pîêre 2:3

Tə̂ pö ndə̂ kə̂ gbo arə tə̂ gbölösə̂nə̈, a-earə̂ kə̂ nyisə̂ rə ndə̂ yepa lâme boloadje nyê lə̂ köbosə̂ apö yepa ndə̂kə̂ gbo arə tchânə̂ nyê. Praâbalë gasa alême, ngbanga ndə̂ a wâ rə̂ pâ andjê ndô tə̂kə̂ wutu nə̂, ngbongbo rə ndə̂ âwâ ndə̂kə̂ ndɨ andjê wâbo ngrɨ̈-a!

Jûde 1:11

Nyonyo kä tə̂ andjê! Bëte andjë zä köbo ngbâ Käyîne, bëte pö ndə̂ makətche, andjë tchä köbo batə̂ Bälâme, andjë tchü bëte andjë älafô la pö batə̂ azü ndə̂ Korë.

Apökälîbïchi 18:13

la akʉngôâ yö ngbî ngbî ndə̂kə̂ fa rə̂ la kɨ̈zɨ̂ la ayömbö la mîre la dukâni la vɛ̂n-ɛn la kâdâ la farîni la blë la abâgala la aɛ̈bro-ngbaga la ambâlâtâ la apusu-pûsu ndə̂ ambâlâtâ la angbâa ndjë la vrö azü.

Apökälîbïchi 18:3

Bëte azü pâ cho gbɛ̂ ndjö vɛ̂n-ɛn âmbô andjê lə̂ köbosə̂ kə̂ pu aköchë katchôgbɛ̂ ndə̂ yê lâme. Agbïɛ̈ ndə̂ tchêbêche sə̂ la tchë köchë la ɛ̈chë nə̂, ânyë a-earə̂ waɛ̂che pâ cho gbö arə tə̂ gbölösə̂nə̈ lə̂ köbosə̂ afûfû arə ndə̂ yê ndə̂ ârô masə̂nə̈.»