Dokʉ̈ Timotë 6:4 - Mbëtï Ndjapä: TÄFO MADƗ̈

⁴ dëkë tche bhï gogo yê lə̂ wünwün nə̈. Tche wûn-âbo sə̂ rə balë-a, tche kä la tə̂kömbô ndə̂kə̂ gama yê la azü, ndjë lakə̂ po tə̂ pö ndə̂ ada apö. Arə lâme kä ndə̂ ânə la gbölö su, kə̂ po lə̂ gbâtə̂ azü, kə̂ dro tchô, kə̂ to angbongbo apö tə̂ azü,

Dokʉ̈ Timotë 6:4 Iomraidhean Croise

Abadjângele 15:2

Pôlo la Bärnäbâse kôsə̂ pö ndə̂ azü lâme, pö âlafô lə̂ gbâtə̂ andjê ânyë andjë sə̂ lakə̂ gama andjê la andjê tə̂ gbölösə̂nə̈. Andjë nyîkrə pö ndə̂kə̂ pa Pôlo la Bärnäbâse la angâ arə̂mâ ndə̂ andjê eadje atə̂ Jerûzalêmo ndə̂kə̂ wun abadjângele la akpôkpô azü pâ pö lâme.

Abadjângele 18:15

Praâbalë pö nə̈ wä pâ pö ndə̂kə̂ gama lə̂ gbâtə̂ nyê pâ rə̈ azü, la pö ndə̂ ndïɛ̈ ndə̂ nyê la tə̂ nyê. Käko pö nə̈ wün kütû nyê la tə̂ nyê! Më nyîâbo ndə̂kə̂ wa tchə̂lə̂ ngoa ngbanga käko-a.»

Abadjângele 8:9

Dëkë ngâ köchë ndə̂ rə̈ yê wû pä Chemön sə̈ lə̂ gbölö gö ndə̂ Samarï nə̈ dokʉ̈tchê. Tche də̈ earə̂ yëwä, tche mbö arə ndə̂ âdjîngɨli tchə̂lə̂ küma azü ndə̂ Samarï, kə̈ wûntə̂ yê batə̂ ngâ gbölö akrə.

Rômo 12:16

Nyê djëtə̂ nyê lə̂ gbâtə̂ nyê la angâ nyê. Nyë wäbô wâ la gʉ agbölö rə-ê, praâbalë nyë zä su nyê pâ arə ndə̂ azü luabô sə̂nə̈ lû-î. Nyë wün-äbô tə̂ nyê wün batə̂ azü ndə̂ küma andjê wâ lanə̈-ê.

Rômo 13:13

Äwäpä kə̂ mbo rə ndə̂ azə̂ wa lə̂ köbo nə̈ djîrə̂ batə̂ andə̂ azü ndə̂ andjë mbo rə la tchêdalo. Azə̈ zɨ̈äbô rə zɨ̂ kə̂ ndjoabô rə ndjô âro masə̂nə̈-ê. Azə̈ mböäbô ngbongbo rə mbô-ê, kə̂ puabô ɛ̈chë âdəndjë köchë ndə̂ akrə pû-î. Azə̈ pöäbô pô-ê, kə̂ wabô wâ la gbölö su-ê.

Rômo 14:1

Akrə ndə̂ tche zâ su yê sə̈ Ndjapä ânyë kə̈ kpôkpoabô tə̂ yê kpôkpo-ê, äwäpä nyë za tchë. Nyë jëndeabô tchë jênde-ê, bëte apö ndə̂ tche rɨ sə̂nə̈ bhâtə̂ su yê ânyë kə̈ wûn andə̂ ye pä äkä lə̂ köbo nə̈ lâme.

Rômo 2:8

Praâbalë angâ azü kösə̂ kə̂ dje ma Ndjapä, kə̈ kôsə̂ lëge pö, kə̂ mbo kütû mbə̈lï. Andə̂ andjë nə̈, su Ndjapä âkʉadje tchë tə̂ andjê ânyë tchê wadje ngbanga lə̂ küma andjê.

Dokʉ̈ Körɛ̂nte 11:16

Praâbalë âdə ngâ akrə ânyində̂ kə̂ kosə̂ pö lâme, äwäpä tche wunsə̂ nə̈ pä ngâ köbo ngbî ndə̂kə̂ pa ârâ la a-Egilîze ndə̂ Ndjapä mbo rə̂ wâbo-a.

Dokʉ̈ Körɛ̂nte 11:18

Tə̂ dokʉ̈ nə̈, a tö rə̂ sə̈ mê pä âdə nyê âpalatə̂ nyê, apö ndə̂kə̂ krʉ tchə̂lə̂ tə̂ kä lə̂ gbâtə̂ nyê, tchâkalâ pö nə̈ wätə̂ lëge pö.

Dokʉ̈ Körɛ̂nte 3:18

Âwâbo pä akrə bolotə̂ yê la tə̂ yê-a. Âdə ngâ akrə lə̂ gbâtə̂ nyê âwun rə̂ pä küma anyê kä lanə̈ batə̂ azü ndə̂ tchêbêche âtə, äwäpä tche watə̂ earə̂ nyî ânyë kə̂ watə̂ djîrə̂ akrə ndə̂ küma yê wâ lanə̈.

Dokʉ̈ Körɛ̂nte 3:3

Bëte gbô nyê kä lakə̂ mbo rə batə̂ azü ndə̂ tchêbêche âtə. Gbölö su lakə̂ po kä lə̂ gbâtə̂ nyê. Ânyîâbo sə̂nə̈ pä nyë mbö rə batə̂ azü ndə̂ tchêbêche âtə? Kə̂ mbo rə ndə̂ nyê wâbo batə̂ andə̂ azü gbɛ̂?

Bïchuû Körɛ̂nte 11:20

Azü kä lakə̂ mbo nyê la ngbâa, azü zɨ̈ rə ndə̂ nyê, kə̂ kʉ arə ndə̂ nyê gbɛ̂, kə̂ talusə̂ nyê, kə̂ rʉa ngälâ nyê, praâbalë nyë rʉ̈ätə̂ su nyê la andjê!

Gälâte 5:15

Praâbalë âdə nyë âsə lakə̂ mbo rə batə̂ agia güsü, lakə̂ to ku tə̂ angâ nyê, lakə̂ lolotə̂ nyê lə̂ gbâtə̂ nyê, la nyë gbö-ê! Ârə̂ âdəabô də̂ käko, nyê won-adje tə̂ nyê lə̂ gbâtə̂ nyê gbɛ̂.

Gälâte 5:26

Azə̈ mböäbô rə mbô lakə̂ bhi gogo azə̂-ê, azə̈ püäbô angâ azə̂ pû la pö-ê, kə̂ mboabô gʉ rə ndə̂ angâ azə̂ mbô lə̂ gbâtə̂ azə̂-ê.

Gälâte 6:3

Âdə ngâ akrə âwatə̂ mbämbä akrə, ânyë kə̈ wûntə̂ yê batə̂ gbölö akrə, dëkë tche bölotə̂ yê la tə̂ yê.

Fïlîpe 1:15

Tə̂ lëge nə̈, angânə̈ lə̂ gûtə̂ andjê mü pö ndə̂ Krîsiti la gbölö su, kə̈ nyî ndjë ndə̂kə̂ pu tchâma mê, praâbalë angânə̈ mü rə̂ la tchôtchô su.

Fïlîpe 2:14

Âwâbo pä nyë mbo rə̂ lakə̂ po lə̂ ma nyê âdəndjë lakə̂ gama-a.

Fïlîpe 2:3

Âwâbo pä nyë gbogbro tə̂ nyê ndə̂kə̂ pu gbölö tchô âdəndjë ndə̂kə̂ wa la ngbongbo su ndə̂kə̂ pa azü wun nyê-a, praâbalë äwäpä nyë mbotə̂ nyê kpîɛ̂kpîɛ̂ rə̂, kə̂ wun angâ nyê gbölö âro nyê.

Kölôse 2:18

Âwâbo pä nyë gbotə̂ köbo sə̈ azü ndə̂ andjë mbötə̂ andjê lə̂ la azü batə̂ akpîɛ̂kpîɛ̂ azü ânyë kə̂ voga aânje lâme-a. Andjë wäbô ngbanga wâ lə̂ küma nyê-ê. Andjë zä su andjê tə̂ angâ arə ndə̂ andjë wûn rə̂ batə̂ lü. Kə̂ wunsə̂ rə ndə̂ andjê wä batə̂ mbämbä kə̂ za küma azü, âmbô rə̂ pä andjë wüntə̂ andjê gbölö kə̈ rô azü gbɛ̂.

Bïchuû Tësälönîke 2:4

Ngbongbo akrə lâme âadje lafô ndə̂kə̂ mbo kʉ̈ʉ̈ la arə gbɛ̂ ndə̂ azü wun rə̂ batə̂ andjapä, la arə gbɛ̂ ndə̂ azü voga rə̂. Tchê eadje zoo kə̂ sə bhâlə̂ gbölö nda Ndjapä lakə̂ to rə̂ pä anyenyê kä ndə̂ âwâtə̂ Ndjapä.

Dokʉ̈ Timotë 1:4

Amö to rə̂ sə̈ andjê pä andjë zabô tə̂ andjê zâ ndə̂kə̂ dɨ andə̂ma apö yepa-ê, lakə̂ dɨ arə̈ angbängbä araâta andjê-ê. Arə lâme mbö rə̂ pä azü gama andjê lə̂ gbâtə̂ andjê, praâbalë âdə̂âbo rə ndə̂ su Ndjapä nyîndə̂ nə̈ kä lâme-a, ndə̂ a wunsə̂ nə̈ lə̂ köbosə̂ kə̂ za su sə̈ Ndjapä.

Dokʉ̈ Timotë 1:7

Andjë tö rə̂ pä anyë wätə̂ a-earə̂ kə̂ nyisə̂ ndïɛ̈, dëkë andjë djêâbo tchə̂lə̂ pö ndə̂ andjë to rə̂-a, âdəndjë arə ndə̂ andjë hro kôkôkô pânə̈-a.

Dokʉ̈ Timotë 3:6

Âwâbo pä akrə tə̂ küma Egilîze watə̂ täfo akrə ndə̂ tche zâ su yê sə̈ Krîsiti-a. Ârə̂ âdəabô də̂ käko, tche âbhi gogo yê tə̂ gbölösə̂nə̈, ânyë a wadje ngbanga lə̂ küma yê batə̂ rə̂ ndə̂ a wâ ngbanga lə̂ küma Jâbolo lâme.

Bïchuû Timotë 2:14

Apö lâme gbɛ̂, äwäpä mo ka tô tchêndə̂ nə̈, kə̂ to rə̂ sə̈ andjê tchâtchu Ndjapä ndə̂kə̂ pa andjë gbotə̂ kə̂ po tə̂ pö ndə̂ ada pö-ê. Ngâ rə balë wâbo lə̂kə̂ po nə̈ lâme-a, praâbalë ändɨ̈ andjanə̈ ndə̂ andjë dje rə̂.

Bïchuû Timotë 2:23

Praâbalë awünwün apö ndə̂ âwâtə̂ angbɨ̈lə̈ nə̈ lâme, amö kosə̂ nə̈-ê. Bëte mo wûnsə̂ nə̈ nə̂ pä apö käko mbö rə̂ pä azü po la angâ andjê.

Bïchuû Timotë 3:4

Azü ndə̂ andjë yosə̂ angâ andjê, a-earə̂ mêrâ, a-earə̂ kə̂ bhi gogo tə̂ gbölösə̂nə̈, azü ndə̂ arə tchêbêche âtə tcho tə̂ andjê âro Ndjapä.

Tîte 3:9

Praâbalë amö kpe tə̂kə̂ pu dju arə ndə̂ âwâtə̂ wünwün nə̈, lakə̂ dɨ rə̈ araâta, lakə̂ po, lakə̂ gama pâ apö ndə̂ ndïɛ̈, bëte ngâ rə balë wâbo lə̂ arə lâme-a, kütû awünwün apö kä.

Jâke 1:19

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë wunsə̂ pö ndə̂ mê tö rə̂ âtə: Äwäpä akrə balë balë deka tü yê gasa kə̂ dje pö, kə̂ toabô pö tô gagasa-ê, kə̂ mboabô mêrâ mbô wândâ-wändä-ê.

Bïchuû Pîêre 2:12

Praâbalë andjë mbö rə batə̂ andə̂ agia ndə̂ andjë wûn-âbo sə̂ rə wûn-î, ânyë a dɨ̂ tchîsûwu ndə̂ andjê dokʉ̈tchê nə̂ ndə̂kə̂ pa a kʉ andjê kə̂ won andjê. Andjë drö rə ndə̂ andjë wûn-âbô sə̂nə̈ wûn-î, andjê foadje batə̂ aföfö agia.

Bïchuû Pîêre 2:18

Apö ndə̂ andjë sə lakə̂ bhi gogo andjê lakə̂ to rə̂ wä kütû tə̂ avôvôo apö. Lə̂ köbosə̂ angbongbo gʉ su andjê la arə ganô ndə̂ andjê, andjë mbö rə̂ pä azü ndə̂ andjë wûtu anganga lə̂ gbâtə̂ a-earə̂ ngbongbo rə, te lə̂ gbânda ndə̂ andjê.

Jûde 1:10

Praâbalë azü lâme, andjë drö arə ndə̂ andjë wûn-âbô sə̂nə̈ wûn-î. Anə̈ ndə̂ andjë wûnsə̂ nə̈, andjë wünsə̂ nə̈ batə̂ agia ndə̂ andjë wûn-âbô sə̂ rə wûn-î. Rə lâme ndjë gbɛ̂ wä kütû ndə̂kə̂ ndɨ andjê.

Jûde 1:16

Azü lâme, tə̂ andjê krâbo lo balë-a, andjë gbôâbo tə̂kə̂ dɨ tchə̂lə̂ ma andjê-a. Andjë nə̈ gundə̂sə̂ ngbongbo gʉ su andjê. Andjë tö tchê apö lakə̂ bolo azü, kə̂ gamba azü bëte kə̂ gbo rə.

Apökälîbïchi 3:17

Bëte mo tö rə̂ päkëdə̂: Rə ndə̂ mê kä tâ, më wä la rə tə̂ gbölösə̂nə̈, pö ndə̂ ngâ rə balë kä kʉ̂âbo mê-a. Tchâme, mo wûn-âbo sə̂nə̈ pä mo də̈ earə̂ yûkü-a, âdəndjë earə̂ nyonyo-a, âdəndjë akrə ndə̂ rə ndə̂ yê wâbô wâ tâ-a, âdəndjë earə̂ föla-a, la akrə ndə̂ tche wâ kpändëwä-a.