Dokʉ̈ Timotë 6:20 - Mbëtï Ndjapä: TÄFO MADƗ̈

²⁰ Timotë, amö bata rə ndə̂ Ndjapä gbôtâ ëtchânə̂ zə̈ lâme. Amö kpe tə̂ awünwün apö ndə̂ âwa ngbî tə̂ pö ndə̂kə̂ za su sə̈ Krîsiti lâme. Amö kpe ndjë tə̂ apö kə̂ gama pâ angbongbo kə̂ wunsə̂ rə.

Dokʉ̈ Timotë 6:20 Iomraidhean Croise

Abadjângele 16:1

Pôlo wûtu bhâlə̂ gö ndə̂ Dêrebe ndjë la Lîsetere. Ngâ djisîpili kä bhâye ndə̂ rə̈ yê wû pä Timotë, anyï nə̈ də̈ ngâ juîfu ndə̂ tche zâ su yê sə̈ Krîsiti. Praâbalë bha nə̈ də̈ gerêke.

Abadjângele 17:18

Angâ a-earə̂ kə̂ nyisə̂ rə ndə̂ a ê rə̂ tə̂ andjê pä aepikurïɛ̈n la asotoyisïɛ̈n sə̂ lakə̂ to pö la tchë. Angânə̈ tö rə̂ päkëdə̂: «Ɛ̈mawû âtə nyîndə̂ kə̂ to rə̂ atöko?» Angânə̈ tô rə̂ päkëdə̂: «Tche wä batə̂ akrə ndə̂ tche mu pö ndə̂ andjapä ndə̂ angâ agö ngbî.» Bëte Pôlo mü Tchôtchô Pö ndə̂ Jezü lakə̂ jo ndə̂ azü lə̂ kuzü.

Abadjângele 17:21

Dëkë azü gö ndə̂ Ätêne gbɛ̂ la azü ndə̂ angâ agö ngbî ndə̂ andjë lô lə̂ gûtə̂ andjê, andjë zätə̂ andjê gbɛ̂ lakə̂ to tchêngbâ apö nə̈ ndjë lakə̂ dje atäfo apö nə̈.

Rômo 1:22

Andjë wüntî pä anyë wätə̂ azü ndə̂ küma andjê wâ lanə̈, dëkë andjë wätə̂ a-earə̂ nyî.

Rômo 3:2

Tchôtchô rə nə̈ wä gbölö lə̂ angbängbä rə. Dokʉ̈ rə nə̈ də̈ rə̂ ndə̂ Ndjapä zâ apö ndə̂ yê sə̈ ajuîfu.

Dokʉ̈ Körɛ̂nte 2:6

Dëkë, ârâ nyïsə̂ köbo ndə̂ küma akrə wa lanə̈ sə̈ azü ndə̂ Krîsiti ndə̂ andjë dû lə̂kə̂ za su andjê sə̈ Ndjapä. Küma ndə̂ âwa lanə̈ lâme tôâbo pâ cho âtə-a, kə̈ tôâbo ndjë tə̂ a-earə̂ kümändëmä ndə̂ andjë wâ la gbôgbô pâ cho âtə-a. Arə lâme gbɛ̂ wä ndə̂kə̂ ndɨ̂ndɨ̈.

Dokʉ̈ Körɛ̂nte 3:19

Bëte küma azü tchêbêche ndə̂ âwa lanə̈ wätə̂ rə nyî lə̂ la Ndjapä. Ädə̈ käko ânyë Mbëtï Ndjapä tô rə̂ päkëdə̂: «Ndjapä gbö azü ndə̂ küma andjê wâ lanə̈ lâme lə̂ känyï ndə̂kə̂ bolo azü ndə̂ andjê la tə̂ andjê.»

Kölôse 2:18

Âwâbo pä nyë gbotə̂ köbo sə̈ azü ndə̂ andjë mbötə̂ andjê lə̂ la azü batə̂ akpîɛ̂kpîɛ̂ azü ânyë kə̂ voga aânje lâme-a. Andjë wäbô ngbanga wâ lə̂ küma nyê-ê. Andjë zä su andjê tə̂ angâ arə ndə̂ andjë wûn rə̂ batə̂ lü. Kə̂ wunsə̂ rə ndə̂ andjê wä batə̂ mbämbä kə̂ za küma azü, âmbô rə̂ pä andjë wüntə̂ andjê gbölö kə̈ rô azü gbɛ̂.

Kölôse 2:8

La nyê gbö-ê, ânyë ngâ akrə boloabô nyê bôlo la apö ndə̂ küma ndə̂ âwa lanə̈, ndə̂ âwâtə̂ andə̂ azü-î! Apö lâme də̈ ambämbä pö ndə̂kə̂ mbo rə ndə̂ azü la angbongbo atchozö ndə̂ andjë wâ la gbôgbô pâ cho âtə, praâbalë âtôâbo dəndə̂ Krîsiti balë-a.

Bïchuû Tësälönîke 1:4

Bëte rə̂ kä ndə̂ ârâ bhi gogo ârâ lə̂ köbosə̂ nyê kulə̂ a-Egilîze ndə̂ Ndjapä lə̂ köbosə̂ nə̈ ndə̂ nyë rʉ̂âtə̂ su nyê la rə̂ ndə̂ nyë ndə̂po lə̂ köbo kə̂ za su nyê sə̈ Krîsiti lə̂ agbôgbô arə gbɛ̂, la arə nyonyo ndə̂ âgbô nyê.

Bïchuû Tësälönîke 2:15

Käko arə̂mä, nyë kpökpo tə̂ nyê, kə̂ bata pö ndə̂ ârâ mû rə̂ sə̈ nyê alême, lə̂ ma ârâ âdəndjë lə̂ mbëtï ndə̂ ârâ wân rə̂ sə̈ nyê.

Dokʉ̈ Timotë 1:11

Pö ndə̂ âwâ gundə̂sə̂ Tchôtchô Pö ndə̂ ânyîsə̂ kə̂ wa gbölö ndə̂ Ndjapä kä âtə. Ndjapä ndə̂ a to tchôtchô pö ndə̂ yê kä ndə̂ âzâ pö lâme ëlə̂ ma mê.

Dokʉ̈ Timotë 1:2

Më mbö mbëtï âtə sə̈ mö Timotë, ndə̂ mo wâtə̂ lëge modô ndə̂ mê lə̂ köbosə̂ kə̂ za su zə̈ sə̈ Ndjapä. Äfü pä Ndjapä Bha la Jezü Krîsiti Gbölö Gbïɛ̈ ndə̂ azə̂ mbo tchôtchô su tə̂ zə̈, kə̂ wun nyonyo zə̈, kə̂ za zɨtɨ su sə̈ mö.

Dokʉ̈ Timotë 1:4

Amö to rə̂ sə̈ andjê pä andjë zabô tə̂ andjê zâ ndə̂kə̂ dɨ andə̂ma apö yepa-ê, lakə̂ dɨ arə̈ angbängbä araâta andjê-ê. Arə lâme mbö rə̂ pä azü gama andjê lə̂ gbâtə̂ andjê, praâbalë âdə̂âbo rə ndə̂ su Ndjapä nyîndə̂ nə̈ kä lâme-a, ndə̂ a wunsə̂ nə̈ lə̂ köbosə̂ kə̂ za su sə̈ Ndjapä.

Dokʉ̈ Timotë 1:6

Angâ azü gbôtə̂ tchôtchô köbo lâme nə̂, köbo andjê yû lakə̂ dɨ awünwün apö nə̂.

Dokʉ̈ Timotë 1:9

Äwäpä azə̈ djë tchə̂lə̂ pö atə̂ djîrə̂: Ndïɛ̈ wâbo bëte azü ndə̂ andjë mbo djîrə̂ rə-a, praâbalë äwä bëte azü ndə̂ andjë kosə̂ ndïɛ̈ la azü ndə̂ andjë kôsə̂ Ndjapä, la a-earə̂ ngbongbo su, la a-earə̂ ngbongbo rə, la azü ndə̂ andjë kpêâbô wa Ndjapä kpê-ê, ndə̂ andjë mbôâbô wa rə ndə̂ âwâ ngbî bëte Ndjapä mbô-ê, la azü ndə̂ andjë wôn arabha andjê, la azü ndə̂ andjë wôn araanyï andjê, la a-earə̂ kə̂ won azü,

Dokʉ̈ Timotë 4:7

Amö dje tchêngbâ zə̈ tə̂ angbongbo andə̂ma pö ndə̂ âwâ ngbî tə̂ pö ndə̂kə̂ za su sə̈ Krîsiti lâme-ê, praâbalë amö zatə̂ zə̈ gbɛ̂ sə̈ Ndjapä.

Dokʉ̈ Timotë 6:11

Âdə andə̂ zə nə̈, akrə ndə̂ Ndjapä, amö kpe tə̂ arə lâme gbɛ̂. Amö pu köbo djîrə̂ rə, kə̂ zatə̂ zə̈ gbɛ̂ sə̈ Ndjapä, kə̂ za su zə̈ sə̈ Krîsiti, kə̂ nyində̂ ngâ, kə̂ mbo rə nyima-ë.

Dokʉ̈ Timotë 6:14

Amö bata ndïɛ̈ ndə̂ Ndjapä, âwâbo pä ngâ ngbongbo rə balë wa lə̂ zə̈-a, âwâbo pä a gbo ngâ pö ndə̂kə̂ gbɨtɨ tü balë lə̂ küma zə̈-a. Amö mbo tâ käko ndjoa ëtə̂ kə̂ ka ndə̂ Gbölö Gbïɛ̈ ndə̂ azə̂ Jezü Krîsiti.

Bïchuû Timotë 2:1

Andə̂ zə nə̈, bechë ndə̂ mê, amö kpokpo tə̂ zə̈ lə̂ köbosə̂ tchôtchô su ndə̂ âwâ lə̂ Jezü Krîsiti.

Bïchuû Timotë 2:16

Amö kpe tə̂ awünwün apö ndə̂ âwâ ngbî tə̂kə̂ zatə̂ andjê gbɛ̂ sə̈ Ndjapä lâme. Bëte azü ndə̂ andjë zâtə̂ andjê lakə̂ dɨ awünwün apö nə̈ lâme, andjê eadje atə̂ tchâtchu nə̈ kütû lə̂ köbosə̂ kə̂ wa ngbî tə̂ pö ndə̂kə̂ zatə̂ andjê gbɛ̂ sə̈ Ndjapä lâme.

Tîte 1:14

Âwâbo pä andjë dje andə̂ma pö ndə̂ ajuîfu lâme-a, la andïɛ̈ ndə̂ azü ndə̂ andjë djê tchêngbâ andjê tə̂ lëge pö lâme.

Tîte 1:4

Më mbö mbëtï âtə sə̈ mö Tîte, ndə̂ mo wâtə̂ lëge modô ndə̂ mê, ndə̂kə̂ za su mê la mö sə̈ Krîsiti wâ balë. Äfü pä Ndjapä Bha azə̂, la Jezü Krîsiti Earə̂ kə̂ tcha azə̂, mbo tchôtchô su tə̂ zə̈, kə̂ za zɨtɨ su sə̈ mö.

Tîte 1:9

Äwäpä tche zatə̂ yê gbɛ̂ pâ pö Ndjapä, ndə̂ âwâtə̂ pö ndə̂kə̂ za su sə̈ Krîsiti, ânyë kə̈ wâ gundə̂sə̂ pö ndə̂ a nyîsə̂ nə̈ dokʉ̈tchê. Käko tchê wadje tə̂ akrə ndə̂ tche kʉ̂sə̂ kə̂ za wängö sə̈ azü tə̂ pö ndə̂ lëge pö ndə̂ a nyîsə̂ nə̈ sə̈ andjê, ndjë kə̂ nyisə̂ nə̈ sə̈ a-earə̂ kə̂ kosə̂ lëge pö pä, andjë tchâ köbo nə̂.

Tîte 3:9

Praâbalë amö kpe tə̂kə̂ pu dju arə ndə̂ âwâtə̂ wünwün nə̈, lakə̂ dɨ rə̈ araâta, lakə̂ po, lakə̂ gama pâ apö ndə̂ ndïɛ̈, bëte ngâ rə balë wâbo lə̂ arə lâme-a, kütû awünwün apö kä.

Apökälîbïchi 3:3

Rə ndə̂ a nyîsə̂ nə̈ sə̈ mö la rə ndə̂ mo djê rə̂ alême, äwäpä sə̂nə̈ te lê zə̈, mo bata rə̂, kə̂ gbotə̂ bəndɨ kə̂ mbo rə ndə̂ zə̈-ê. Âdə mo âjoabô jô-ê, mê ânə pu mö batə̂ ngâ earə̂ ngbä, ânyë mô wun-abô sə̂ dalo ndə̂ mê tro mö la rə̂ tee-a.