Dokʉ̈ Timotë 6:2 - Mbëtï Ndjapä: TÄFO MADƗ̈

² Angbâa ndə̂ a-earə̂ andjê wâtə̂ azü ndə̂ Krîsiti, andjë wätə̂ arə̂mâ ndə̂ andjê lə̂ Krîsiti. Âdə̂âbo anə̈ lâme kä ndə̂ âkitə̂ köbo tə̂ andjê ndə̂kə̂ lusə̂ a-earə̂ andjê nə̈-a, praâbalë äwäpä angbâa nə̈ ka mbô kua ndə̂ a-earə̂ andjê nə̈ âro anə̈ dokʉ̈tchê, bëte a-earə̂ andjê nə̈, ndə̂ andjë gbo rə ngbâ kua ndə̂ angbâa lâme, andjë wâ nə̂ tə̂ azü ndə̂ Krîsiti, kə̈ wâtə̂ arə̂mâ ndə̂ andjê, ânyë Ndjapä nyïndə̂ andjê tə̂ gbölösə̂nə̈. Rə ndə̂ âwâ pä mo nyisə̂ nə̈, kə̂ zama tə̂ pö ndə̂nə̈ kä âtə:

Dokʉ̈ Timotë 6:2 Iomraidhean Croise

Matiyə̈ 23:8

Andə̂ nye nə̈, nyë nyïäbô nyîndə̂ nə̈ ndə̂kə̂ pa a e nyê ‹earə̂ kə̂ nyisə̂ rə-ê›, bëte earə̂ kə̂ nyisə̂ rə wä balë, ânyë nyë wä gbɛ̂ tə̂ ayîngâ.

Matiyə̈ 25:40

Gbïɛ̈ nə̈ âtoadje rə̂ ndə̂nə̈ sə̈ andjê päkëdə̂: ‹Ɛn-ɛn, tə̂ lëge nə̈ më tö rə̂ sə̈ nyê, logbɛ̂ ndə̂ nyê mbo rə lâme tə̂ ngâ mbämbä akrə lə̂ gbâtə̂ arə̂mâ ndə̂ mê, dëkë nyë mbö rə̂ tə̂ mê.›

Matiyə̈ 6:24

«Akrə balë wâbo ndə̂kə̂ mbo kua sə̈ agbölö azü bïchuû-a. Bëte tchê koadje sə̂ ngânə̈ balë ânyë kə̂ nyiadje ndə̂ ngânə̈ balë. Âdəndjë rə̂ tchê zadje tə̂ yê gbɛ̂ sə̈ dokʉ̈ nə̈ ânyë kə̂ koadje sə̂ bïchuû nə̈. Âwâbo pä nyë mbo kua sə̈ Ndjapä, kə̂ ngbo rə̂ la kua makətche-a.»

Abadjângele 1:15

Tə̂ngâlo, azü ndə̂ Jezü pâlatə̂ andjê. Kə̂ ngba ndə̂ andjê gbɛ̂ wä ngbangbo balë la tə̂ akrə gbɛ̂ (120). Pîêre âlafô lə̂ gbâtə̂ andjê kə̈ tô rə̂ päkëdə̂:

Rômo 11:17

Azü ndə̂ Isarayële wä batə̂ yö ndə̂ olivï lə̂ kɨ̈ndɨ̈, ndə̂ a kû angâ amatö yö nə̈. Praâbalë momö, mö wä batə̂ matö yö ndə̂ olivï ndə̂ güsü, a zä mö ânyë kə̈ pî mö lə̂ gbâtə̂ adɨ̂ amatö yö ndə̂ âwâtə̂ yö lə̂ kɨ̈ndɨ̈ nə̈. Angaâtə, mo wä ndjë ndə̂kə̂ gbo tchôtchô rə batə̂ amatö yö lə̂ kɨ̈ndɨ̈ nə̈, bëte ngû ndə̂ âtô ânyë kə̈ kênga lə̂ chëchë da yö nə̈.

Rômo 8:29

Bëte azü ndə̂ Ndjapä ê andjê dokʉ̈tchê ndə̂kə̂ watə̂ azü ndə̂ yê, tche nyïkrə rə̂ tə̂ su yê dokʉ̈tchê ndə̂kə̂ mbo rə̂ ânyë andjë wa batə̂ nyîsɨ̂ Modô ndə̂ yê. Ndjapä mbö rə̂ käko ndə̂kə̂ pa Modô ndə̂ yê watə̂ âyä angbängbä azü.

Gälâte 5:6

Bëte âdə ngâ akrə âwa balë la Jezü Krîsiti, ânyë a wâ tchë la gasa, âdəndjë rə̂ ndə̂ a wâbô tchë wâ la gasa, tchôtchô rə nə̈ də̂âbo rə̂ lâme-a! Tchôtchô rə nə̈ wä ndə̂kə̂ pa akrə za su yê sə̈ Krîsiti. Kə̂ za su sə̈ Krîsiti nə̈ lâme kä ndə̂ âmbo rə̂ pä azü nyində̂ angâ andjê.

Ëfêze 1:1

5Mëmê Pôlo më wätə̂ badjângele ndə̂ Jezü Krîsiti, lə̂ köbosə̂ nə̈ ndə̂ Ndjapä nyîndə̂ nə̈, më mbö mbëtï âtə sə̈ azü ndə̂ Ndjapä ndə̂ andjë sə̂ bhâ [Ëfêze], andjanə̈ ndə̂ andjë zâ su andjê gbɛ̂ sə̈ Ndjapä ânyë kə̈ wâ balë la Jezü Krîsiti.

Ëfêze 1:15

Bëte rə̂ kä, ndə̂ më djê pö ndə̂ su nyê ndə̂ nyë zâ rə̂ sə̈ Gbölö Gbïɛ̈ Jezü, la rə̂ ndə̂ nyë nyîndə̂ azü ndə̂ Ndjapä gbɛ̂,

Ëfêze 3:6

Pö lə̂ küwû nə̈ wä kâkë: Lə̂ köbosə̂ Tchôtchô Pö, azü ndə̂ andjë wâbô wâtə̂ ajuîfu wä ndjë ndə̂kə̂ gbo tchôtchô rə ndə̂ Ndjapä nyîkrə rə̂ bëte azü ndə̂ yê lâme lə̂ köbo nə̈ balë la ajuîfu. Andjë wä lə̂ tə̂ balë, kə̈ wâ ndjë tə̂ azü ndə̂ Ndjapä zâ bâlâ tə̂ andjê lə̂ köbosə̂ nə̈ ndə̂ andjë wâ balë la Jezü Krîsiti.

Kölôse 1:2

ârâ wän mbëtï âtə sə̈ azü ndə̂ Ndjapä ndə̂ andjë sə̂ lə̂ gö ndə̂ Kölôse, azü ndə̂ andjë zâ su andjê sə̈ Krîsiti ânyë kə̈ wâ balë la tchë. Äfü pä Ndjapä Bha azə̂ mbo tchôtchô su tə̂ nyê kə̂ za zɨtɨ su sə̈ nyê.

Kölôse 1:4

Bëte ârâ djê pö ndə̂kə̂ za su nyê sə̈ Jezü Krîsiti lâme nə̂, ndjë lakə̂ nyində̂ azü ndə̂ Ndjapä gbɛ̂ lâme.

Kölôse 4:1

A-earə̂ angbâa, nyë mbö djîrə̂ rə tə̂ angbâa ndə̂ nyê la rə ndə̂ âwâ lə̂ köbo nə̈. Äwäpä nyë wunsə̂ nə̈ pä nyë kä ndjë la earə̂ nyê tâ bhâ lafô.

Bïchuû Tësälönîke 1:3

Arə̂mä, äwäpä ârâ za ayîabâ sə̈ Ndjapä logbɛ̂ tə̂ pö ndə̂ nyê. Äwä lə̂ köbo nə̈ ndə̂kə̂ mbo rə̂ käko, bëte su nyê ndə̂ nyë zâ rə̂ sə̈ Krîsiti sə̈ lakə̂ êë atə̂ lafô tə̂ gbölösə̂nə̈, ânyë kə̂ nyində̂ tə̂ nyê la angâ nyê sə̂ lakə̂ gêgë.

Dokʉ̈ Timotë 4:11

Rə ndə̂ âwâ pä mo zama tə̂ pö ndə̂nə̈, lakə̂ nyisə̂ nə̈ kä lâme.

Dokʉ̈ Timotë 5:1

Amö gbɨtɨabô tü akrə ndə̂ tche dû gbɨ̂tɨ la gbôgbô-ê, praâbalë äwäpä mo za wängö sə̈ tchë batə̂ bha zə̈. Amö za wängö sə̈ abechë-ɛ̈köchë batə̂ arə̂mâ ndə̂ zə̈,

Tîte 2:1

Âdə andə̂ zə nə̈, amö nyisə̂ rə ndə̂ âwâ gundə̂sə̂ djîrə̂ kə̂ nyisə̂ rə.

Tîte 2:15

Käko kä ndə̂ mo wâ ndə̂kə̂ to pö, kə̂ za wängö sə̈ azü, kə̂ gbɨtɨ tü azü la gbôgbô. Âwâbo pä ngâ akrə balë talusə̂ zə̈-a.

Tîte 3:8

Pö lâme wätə̂ lëge pö. Käko më nyïndə̂ nə̈ pä mo chi pânə̈ djîrə̂, ânyë azü gbɛ̂ ndə̂ andjë zâ su andjê sə̈ Krîsiti, andjë zatə̂ andjê gbɛ̂ ndə̂kə̂ mbo tchôtchô kua. Rə ndə̂ âdâka ânyë kə̈ kʉ̂sə̂ kə̂ za könô sə̈ azü kä lâme.

Aheborö 3:1

Arə̂mâ ndə̂ mê, nyë wätə̂ azü ndə̂ Ndjapä ê nyê ndə̂kə̂ watə̂ azü ndə̂ yê, käko äwäpä nyë lusə̂ Jezü, tchanə̈ ndə̂ Ndjapä wân tchë ndə̂kə̂ watə̂ gbölö earə̂ kə̂ wa ngela ndə̂ su azə̂ ndə̂ azə̈ zâ rə̂ sə̈ tchë, ânyë kə̂ mu pö ndə̂nə̈.

Aheborö 3:14

Angaâtə, azə̈ la Krîsiti kä lakə̂ mbo kua balë, ndə̂ gbô azə̂ sə̂ lakə̂ za su azə̂ tâ la gbôgbô zoo âwutu ëtə̂ manə̈ batə̂ rə̂ ndə̂ azə̈ zâ su azə̂ tâ lə̂ dokʉ̈ nə̈.

Dokʉ̈ Pîêre 5:1

Më tö pö âtə ndə̂kə̂ za gbôgbô tə̂ su akpôkpô azü ndə̂ Egilîze ndə̂ andjë sə̂ lə̂ gbâtə̂ nyê. Mëmê ndjë gbɛ̂ më də̈ kpôkpô akrə batə̂ nyê. Yûkü ndə̂ Krîsiti wûn rə̂ alême, më wûn rə̂ la lala mê nə̂. Käko mê səadje lə̂kə̂ wa gbölö ndə̂ âwutuadje lâme.

Bïchuû Pîêre 2:10

Azü ndə̂ andjë wâ la gʉ ndə̂kə̂ za tchêngbâ angbongbo gʉ su andjê la tə̂ andjê, ânyë kə̈ wûn gbôgbô ndə̂ Ndjapä batə̂ ngâ mbämbä rə lâme, tchê mboadje andjê la yûkü. A-earə̂ kə̂ nyisə̂ rə ndə̂ yepa lâme wüntə̂ andjê pä anyë âwâ tâ, kə̈ wûn tə̂ andjê gbölö, andjë wâbo la wawa ndə̂kə̂ dro ayingö ndə̂ tchêlafô ndə̂ sə̂ andjê lû lâme-a.

Jûde 1:8

Azü ndə̂ andjë lî lə̂ gbâtə̂ nyê lâme, andjë mbö ndjë tâ käko: Angâ arə ndə̂ ânə lə̂ küma andjê wä ngbo. Andjë mbö ngbongbo rə tə̂ andjê la tə̂ andjê. Andjë wün gbôgbô ndə̂ Ndjapä batə̂ ngâ mbämbä rə, kə̈ sə̂ lakə̂ dro aânje ndə̂ tchêlafô.