Dokʉ̈ Timotë 6:19 - Mbëtï Ndjapä: TÄFO MADƗ̈

¹⁹ Käko andjê paladje arə ndə̂ andjê la tə̂ andjê bhâlə̂ tchôtchô gro ndə̂ âwâtə̂ gbôgbô nə̈, bëte tchêlâmbo. Käko ânyë andjë gbo lëge tchîsûwu.

Dokʉ̈ Timotë 6:19 Iomraidhean Croise

Matiyə̈ 19:21

Jezü tô rə̂ sə̈ tchë päkëdə̂: «Âdə mo ânyində̂ kə̂ dâkâ gbɛ̂, amö gu, kə̂ ka arə gbɛ̂ ndə̂ mo wâ la rə̂, kə̂ kʉ makətche nə̈ sə̈ a-earə̂ yûkü, ânyë kə̂ gbo rə ngbânə̈ bhâ lafô. La tchêngbâ nə̈ mo nə ngbâ mê.»

Lûke 12:33

Äwäpä nyë ka arə ndə̂ nyê kə̂ kʉ makətche nə̈ sə̈ a-earə̂ yûkü. Äwäpä nyë pu köbo ndə̂kə̂ gbo kədjâ-makətche ndə̂ âwâbô wâ ndə̂kə̂ ndɨ-î. Nyë päla arə ndə̂ nyê bhâ lafô, ânyë âyuabô yû balë-ê. Bhâye, ngâ earə̂ ngbä ndoabô la rə̂ tee-a, ako zɨabô ndjë rə̂ tee-a.

Lûke 16:25

Praâbalë Abrahâmo tô rə̂ päkëdə̂: ‹Bechë ndə̂ mê, äwäpä sə̂ pö âtə te lə̂ zə̈: Ndə̂ gbô mö ndə̂po la tʉ̈rʉ̂ la zə̈ bêche, mo gbö arə alême tə̂ gbölösə̂nə̈. Praâbalë andə̂ Lazäre, tche wün yûkü tə̂ gbölösə̂nə̈. Angaâtə, su yê zɨ̂ nə̂, ânyë momö ndə̂ zə nə̈, mo kä lakə̂ wun yûkü.

Lûke 16:9

Jezü kä tô rə̂ sə̈ andjê päkëdə̂: «Andə̂ me nə̈, më tô rə̂ sə̈ nyë päkëdə̂: Arə tchêbêche âtə ndə̂ âbolo azü lâme, nyë kʉ̈ rə̂ kə̂ za könô sə̈ araagü nyê la rə̂, ânyë lo nə̈ ndə̂ arə nə̈ lâme âwabô wâ tchânə̂ nyê, andjê kʉadje nyê lə̂ anda ndə̂ logbɛ̂ logbɛ̂.

Lûke 18:2

Tche tô rə̂ sə̈ andjê päkëdə̂: «Lə̂ ngâ gö, ngâ earə̂ kə̂ wa ngbanga kädje, tche kpêâbo wa Ndjapä-a, kə̈ lûâbo ndjë sə̂ ngâ akrə balë-a.

Lûke 18:22

Pânə̈ ndə̂ Jezü djê pö lâme, tche tô rə̂ sə̈ tchë päkëdə̂: «Gbô ngâ rə balë kä po ndə̂kə̂ pa mo mbo rə̂: Äwäpä mo ka arə gbɛ̂ ndə̂ mo wâ la rə̂, kə̂ krʉ tchə̂lə̂ makətche nə̈ tə̂ a-earə̂ yûkü, käko ânyë mô gboadje arə bhâ lafô, la tchêngbâ nə̈, mo nə ngbâ mê.»

Gälâte 5:6

Bëte âdə ngâ akrə âwa balë la Jezü Krîsiti, ânyë a wâ tchë la gasa, âdəndjë rə̂ ndə̂ a wâbô tchë wâ la gasa, tchôtchô rə nə̈ də̂âbo rə̂ lâme-a! Tchôtchô rə nə̈ wä ndə̂kə̂ pa akrə za su yê sə̈ Krîsiti. Kə̂ za su sə̈ Krîsiti nə̈ lâme kä ndə̂ âmbo rə̂ pä azü nyində̂ angâ andjê.

Ëfêze 3:17

Kə̂ mbo rə̂ ndə̂kə̂ pa Krîsiti sə lə̂ su nyê lə̂ köbosə̂ kə̂ za su nyê sə̈ Ndjapä. Äwäpä nyë chichi tə̂ nyê, kə̂ kpokpo tə̂ nyê lə̂kə̂ nyində̂ ngâ nə̈ lâme.

Fïlîpe 3:12

Më tôâbo rə̂ pä më wûtu ëtə̂ manə̈ âdəndjë rə̂ ndə̂ më dâka gbɛ̂ nə̂-a. Praâbalë gbô mê kä lə̂ rö, më zätə̂ mê gbɛ̂ la gbôgbô ndə̂kə̂ za rə ndə̂ âwâ bëte mê, bëte Jezü Krîsiti la tə̂ yê zâ mê nə̂.

Fïlîpe 3:14

Käko më kpë la rö ndə̂kə̂ wutu ëtə̂ manə̈, ânyë kə̂ gbo rə ngbânə̈ tchânə̂ Ndjapä ndə̂ tche ê azə̂ ndə̂kə̂ gbo rə̂ bhâ lafô lə̂ köbosə̂ Jezü Krîsiti.

Dokʉ̈ Timotë 6:12

Amö mbo tchôtchô kʉ̈ʉ̈ lə̂ köbosə̂ kə̂ za su sə̈ Krîsiti. Amö za tchîsûwu ndə̂ logbɛ̂ logbɛ̂ ndə̂ a ê mö ndə̂kə̂ gbo rə̂ lâme, ndə̂ mo gâmba pö ndə̂kə̂ za su zə̈ sə̈ Krîsiti kraâ alême lə̂ la angbängbä azü ndə̂ andjë sə̂ sə̂nə̈.

Bïchuû Timotë 1:1

Mëmê Pôlo, më də̈ badjângele ndə̂ Jezü Krîsiti, lə̂ köbosə̂ nə̈ ndə̂ Ndjapä nyîndə̂ nə̈, ndjë gundə̂sə̂ bâlâ ndə̂ tchîsûwu ndə̂ Ndjapä zâ rə̂ tə̂ azü, ndə̂ âwâ lə̂ Jezü Krîsiti.

Bïchuû Timotë 2:19

Praâbalë gbôgbô da nda ndə̂ Ndjapä nyîkrə rə̂, gbô rə̂ kä tâ, pö ndə̂ a pî rə̂ pâ da nda lâme wä päkëdə̂: «Gbölö Gbïɛ̈ wünsə̂ azü ndə̂ yê», ânyë: «Akrə ndə̂ tche tô rə̂ la ma yê pä anyë wätə̂ akrə ndə̂ Gbölö Gbïɛ̈, äwäpä tche e ngrɨ̈ tə̂ ngbongbo rə.»

Dokʉ̈ Pîêre 1:4

Azə̈ krʉ̈ bëte atchôtchô arə ndə̂ Ndjapä kʉ̂ rə̂ pra azə̂ bhâ lafô. Arə nə̈ lâme wâbo ndə̂kə̂ ndɨ̂ndɨ̈-a, ngâ ngbongbo rə grʉ̂âbo rə̂-a, kə̂ fu ndə̂nə̈ wâbo ndjë ndə̂kə̂ ro-a.