Dokʉ̈ Timotë 6:17 - Mbëtï Ndjapä: TÄFO MADƗ̈

¹⁷ Andə̂ a-earə̂ kə̂ gbo arə tchêbêche âtə, amö zama sə̈ andjê pä andjë bhiabô gogo andjê bhî, kə̂ zabô su andjê zâ pâ kə̂ gbo rə ndə̂ tchêbêche, ndə̂ âchiabô chî lâme-ê. Praâbalë äwäpä andjë za su andjê pâ Ndjapä, tchetchë ndə̂ tche kʉ arə gbɛ̂ sə̈ azə̂ tə̂ gbölösə̂nə̈, ndə̂kə̂ pa su azə̂ wa la mômô lə̂ köbosə̂ nə̈.

Dokʉ̈ Timotë 6:17 Iomraidhean Croise

Matiyə̈ 12:32

Âdə ngâ akrə âto ngbongbo pö tə̂ Modô ndə̂ Akrə, Ndjapä âkoadje pö nə̈ lə̂ küma yê. Praâbalë âdə akrə âto ngbongbo pö tə̂ Kpɨ̂ki Yingö, Ndjapä âkoabô pö nə̈ lə̂ küma yê tee-a, ndə̂ tchô angêta, âdəndjë lə̂ tchîsûwu ndə̂ ânə.»

Matiyə̈ 19:23

Jezü tô rə̂ sə̈ adjisîpili ndə̂ yê päkëdə̂: «Ɛn-ɛn, tə̂ lëge nə̈ më tö rə̂ sə̈ nyê, sə̂nə̈ kâkä tə̂ earə̂ rə ndə̂kə̂ li âtə̂lə̂ Gbölö gö-gbïɛ̈ ndə̂ tchêlafô.

Matiyə̈ 25:16

Akrə ndə̂ tche wâ la mîɛ̈-makətche ndə̂ lôlo ngbangbo mïndûu ê kə̈ bhî küma yê pânə̈, kə̈ gbô ngânə̈ ngbangbo mïndûu ëpânə̈.

Matiyə̈ 27:57

La tchêndə̂gölo, ngâ earə̂ rə ndə̂ tche də̂ akrə gö ndə̂ Arimatë ndə̂ rə̈ yê wû pä Jozêfu wûtu. Tche wä ndjë alême tə̂ ngâ djisîpili ndə̂ Jezü.

Matiyə̈ 6:32

Azü ndə̂ andjë wûn-âbô sə̂ Ndjapä wûn kä ndə̂ âpu rə käko logbɛ̂. Nyënyê ndə̂ nye nə̈, Bha nyê bhâ lafô wûnsə̂ nə̈ nə̂ pä nyë nyïndə̂ arə käko-ë.

Mâreke 10:24

Tchə̂lə̂ küma adjisîpili nə̈ gbɛ̂ djîngɨli tə̂ pö lâme. Praâbalë Jezü kâ tô rə̂ sə̈ andjê päkëdə̂: «Abechë ndə̂ mê, sə̂nə̈ kâkä ndə̂kə̂ li atə̂lə̂ Gbölö gö-gbïɛ̈ ndə̂ Ndjapä!

Lûke 19:2

Ngâ köchë ndə̂ rə̈ yê wü pä Zachë, ndə̂ tche wâtə̂ makündji ndə̂ a-earə̂ kə̂ pala makətche-lapöo, tche wä la arə tə̂ gbölösə̂nə̈.

Lûke 3:11

Jâan tô rə̂ sə̈ andjê päkëdə̂: «Akrə ndə̂ tche wâ la lə̂ba bïchuû, äwäpä tche za ngânə̈ sə̈ akrə ndə̂ tche wâbô wâ la rə̂-ê. Akrə ndə̂ tche wâ la kɨ̈zɨ̂, äwäpä tche za ngânə̈ sə̈ akrə ndə̂ tche wâbô wâ la rə̂-ê.»

Abadjângele 14:17

Ndjapä nyïsə̂ dâkâ ndə̂ yê lə̂ köbosə̂ atchôtchô arə ndə̂ gbô tchë sə̂ lakə̂ mbo rə̂ tə̂ azü: Tche wän nyïvrö bhâ lafô sə̈ nyê gundə̂sə̂ alö nə̈ ndə̂kə̂ pa arəgʉ le la köbo nə̈, tche kʉ̈ kɨ̈zɨ̂ sə̈ nyê ânyë kə̈ zâ mômô tə̂ su nyê tə̂ gbölösə̂nə̈.»

Abadjângele 14:27

Ndə̂ andjë wûtu bhâ Äntïyôche, andjë pâla azü ndə̂ Egilîze kə̈ nyîsə̂ tchêngbâ arə gbɛ̂ ndə̂ Ndjapä mbô rə̂ lə̂ köbosə̂ andjê sə̈ azü ndə̂ Egilîze nə̈. Andjë nyîsə̂ köbosə̂ nə̈ ndə̂ Ndjapä jî köbo sə̈ azü ndə̂ andjë wâbô wâtə̂ ajuîfu ânyë andjë zâ su andjê sə̈ Jezü.

Abadjângele 17:25

Âdə̂âbo azü kä ndə̂ âza könô sə̈ tchë lə̂ kua ndə̂ yê-a, âwûntî pä tche yukû ngâ rə tchânə̂ andjê. Bëte tchetchë kä ndə̂ âza tchîsûwu, kə̈ zâ yi tchə̂lə̂ yê, kə̈ kʉ̂ adɨ̂ arə gbɛ̂ sə̈ azü.

Rômo 11:20

Äwätə̂ lëge nə̈. A wä amatö yö nə̈ bëte rə̂ ndə̂ andjë zâbô su andjê zâ sə̈ Ndjapä-ê. Andə̂ zə nə̈, gbô mö kä po tə̂ yö nə̈ bëte mo zâ su zə̈ sə̈ Ndjapä nə̂. Käko âwâbo pä mo bhi gogo zə̈-a, praâbalë äwäpä la zə̈ gbo-ê.

Ëfêze 5:5

Äwäpä nyë wunsə̂ nə̈ djîrə̂ pä akrə ndə̂ tche pû aɛ̈chë âdəndjë aköchë katchôgbɛ̂, la akrə ndə̂ tche wâ la kâkpö, la akrə ndə̂ tche wâ la gbölö gʉ ndə̂kə̂ gbo arə gbɛ̂ (bëte akrə ndə̂ tche wâ la gʉ ndə̂kə̂ gbo arə gbɛ̂ wä batə̂ akrə ndə̂ tche voga angakʉ̈lä), tche wâbo ndə̂kə̂ gbo rə lə̂ Gbölö gö-gbïɛ̈ ndə̂ Krîsiti la andə̂ Ndjapä-a.

Kölôse 3:16

Äwäpä Tchôtchô Pö ndə̂ Krîsiti ndə̂ atchôtchô arə sɨ̂sɨ̈ lə̂nə̈ wa lə̂ tchîsûwu ndə̂ nyê. Nyë nyisə̂ rə, kə̂ to tchôtchô pö sə̈ angâ nyê lə̂ gbâtə̂ nyê, lə̂ köbosə̂ küma ndə̂ âwâ lanə̈ gbɛ̂. Nyë pä düwü sə̈ Ndjapä la su nyê gbɛ̂ ndə̂kə̂ za ayîabâ sə̈ tchë, nyë pä adüwü ndə̂ Mbëtï Ndjapä, adüwü ndə̂kə̂ dɨ tchə̂lə̂ ma sə̈ Ndjapä, ndə̂ Yingö kʉ rə̂ sə̈ nyê.

Dokʉ̈ Tësälönîke 1:9

Azü gbɛ̂ tö pö ndə̂ köbo ndə̂ nyë kʉ̂ ârâ bhândə̂ nyê, köbo ndə̂ nyë gbôtə̂ angakʉ̈lä ânyë kə̈ kâ pu Ndjapä ndə̂kə̂ mbo kua ndə̂ yê, tchetchë ndə̂ tche wâ la tchîsûwu ânyë kə̈ wätə̂ lëge Ndjapä.

Dokʉ̈ Timotë 1:3

Batə̂ rə̂ ndə̂ më yûkû nə̈ alême sə̈ mö ndə̂ mê âsə̈ ro atə̂ Mäsëdöâne lâme, amö sə po bhâ Ëfêze. Angâ azü bhâye ndə̂ andjë nyisə̂ rə ndə̂ âwâ ngbî tə̂ pö Ndjapä lâme, amö dacho la andjê.

Dokʉ̈ Timotë 3:15

Käko âdə më âwutuabô wûtu gasa-ê, mô wun-adje sə̂ köbo ndə̂ mo nə la rə̂ lə̂ gbâtə̂ azü ndə̂ Ndjapä, ndə̂ ânyîndə̂ kə̂ to rə̂ päkëdə̂: Egilîze ndə̂ Ndjapä ndə̂ tche wâ la tchîsûwu. Egilîze nə̈ kä ndə̂ âza gbôgbô la könô sə̈ lëge pö.

Dokʉ̈ Timotë 4:10

Âdə azə̂ âsə̈ wun yûkü, ndjë âdə azə̈ âsə lakə̂ mbo kʉ̈ʉ̈, bëte azə̈ zä su azə̂ pâ Ndjapä ndə̂ tche wâ la tʉ̈rʉ̂ la yê. Tche wätə̂ earə̂ kə̂ tcha azü gbɛ̂, tə̂ gbogbôsə̂nə̈ tche tchä azü ndə̂ andjë zâ su andjê sə̈ Krîsiti.

Dokʉ̈ Timotë 5:21

Më yükû nə̈ sə̈ mö la gbôgbô tchâtchu Ndjapä, ndjë tchâtchu Jezü Krîsiti la aânje ndə̂ Ndjapä dɨ̂ andjê, amö mbo rə gundə̂sə̂ kə̂ zama lâme, kə̂ səabô sə̂ dəndə̂ ngâ akrə balë-ê, kə̂ nyiabô nyîndə̂ ngâ akrə âro ngânə̈-ê.

Dokʉ̈ Timotë 6:13

Më zäma sə̈ mö tchâtchu Ndjapä ndə̂ tche za tchîsûwu sə̈ arə gbɛ̂, ndjë tchâtchu Jezü Krîsiti ndə̂ tche tô tchôtchô pö tchâtchu Pônse Pïlâte, tə̂ pö ndə̂ su yê ndə̂ tche zâ rə̂ sə̈ Ndjapä.

Dokʉ̈ Timotë 6:9

Andə̂ andjanə̈ ndə̂ andjë nyîndə̂ kə̂ gbo rə tə̂ gbölösə̂nə̈ lâme, andjë të la kû ndə̂ arə ndə̂ âbolo azü, la angbängbä angbongbo agʉ ndə̂kə̂ gbo rə, ndə̂ ândɨ azü, ânyë kə̂ e la andjê pu kuzü.

Bïchuû Timotë 4:10

Bëte Dëmâse gbôtə̂ mê nə̂ bëte gʉ arə tchêbêche ndə̂ tchô angêta. Tche rô nə̂ atə̂ Tësälönîke, Keresän rô atə̂ Gälâte, ânyë Tîte rô atə̂ Dalemasï.

Tîte 2:12

Tchôtchô su yê nə̈ lâme nyïsə̂ köbo sə̈ azə̂ ndə̂kə̂ pa azə̈ gbotə̂ kə̂ kosə̂ Ndjapä-ê, kə̂ gbotə̂ kə̂ mbo gʉ arə tchêbêche âtə-ê, ndə̂kə̂ pa, kə̂ sə ndə̂ azə̂ lə̂ alö ndə̂ azə̈ sə̂ lə̂nə̈ âtə âwa la köbo nə̈, kə̂ wa djîrə̂, ndjë ndə̂kə̂ pa azə̈ zatə̂ azə̂ gbɛ̂ sə̈ Ndjapä.

Tîte 3:6

Kpɨ̂ki Yingö nə̈ lâme, Ndjapä mbö rə̂ ânyë tche jrê pâ azə̂ tə̂ gbölösə̂nə̈ lə̂ köbosə̂ Jezü Krîsiti Earə̂ kə̂ tcha azə̂.

Bïchuû Pîêre 1:11

Käko a âjiadje köbo sə̈ nyê ngbɨngbɨngbɨ ndə̂kə̂ li bhâlə̂ Gbölö gö-gbïɛ̈ ndə̂ logbɛ̂, ndə̂ Gbölö Gbïɛ̈ ndə̂ azə̂, la Jezü Krîsiti Earə̂ kə̂ tcha azə̂.