Dokʉ̈ Timotë 6:16 - Mbëtï Ndjapä: TÄFO MADƗ̈

¹⁶ Tchetchë balë kä ndə̂ âwâbô wâ ndə̂kə̂ tchu-î, ndə̂ tche sə̂ lə̂ ngbänga, ndə̂ ngâ akrə ndə̂kə̂ ndo la sə̂nə̈ sə̂âbo-a. Ngâ akrə balë ndə̂ tche wûn Ndjapä sə̂âbo-a, ânyë ngâ akrə balë ndə̂ tche kʉ̂sə̂ kə̂ wun tchë sə̂âbo-a. Kə̂ lusə̂tə̂ la gbôgbô wätə̂ andə̂ ye nə̈ tə̂ logbɛ̂ logbɛ̂! Amin.

Dokʉ̈ Timotë 6:16 Iomraidhean Croise

Jâan 1:18

Ngâ akrə balë wûn-âbo Ndjapä nə̂-a. Praâbalë kütû gbokôngô Modô nə̈, ndə̂ tche wâtə̂ Ndjapä ânyë kə̈ sə̂ bhâ ndrotə̂ Bha, tchetchë balë kä ndə̂ ânyîsə̂ Ndjapä sə̈ azü ânyë andjë wûnsə̂ yê.

Jâan 14:9

Jezü tô rə̂ sə̈ tchë päkëdə̂: «Fïlîpe, ndə̂ mê gû lə̂ gûtə̂ nyê nə̂, mo wûn-âbo sə̂ mê dämba? Akrə ndə̂ tche wûn mê, dëkë tche wûn Bha mê nə̂. Bëte giamâ mo yû mê päkëdə̂: ‹Amö nyisə̂ Bha sə̈ ârâ›?

Jâan 6:46

Pö lâme nyîâbo ndə̂kə̂ to rə̂ pä ngâ akrə wûn Bha mê nə̂-a, kütû akrə ndə̂ tche tô bhândə̂ Ndjapä kä ndə̂ âwûn Bha mê.

Jâan 8:58

Jezü tô rə̂ sə̈ andjê päkëdə̂: «Ɛn-ɛn, tə̂ lëge nə̈ më tö rə̂ sə̈ nyê: Dokʉ̈tchê ndə̂kə̂ pa a zɨ Abrahâmo, ‹Më kä tâ›.»

Ëfêze 3:21

Äwäpä azə̈ voga tchë lə̂ Egilîze, lə̂ köbosə̂ Jezü Krîsiti, azü ndə̂ tchô dokʉ̈tchê la azü ndə̂ tchô angêta gbɛ̂, ndə̂ logbɛ̂ logbɛ̂! Amin.

Fïlîpe 4:20

Azə̈ vöga Ndjapä Bha azə̂ logbɛ̂ logbɛ̂! Amin.

Kölôse 1:15

Krîsiti də̈ nyîsɨ̂ Ndjapä ndə̂ akrə wâbo ndə̂kə̂ wun tchë-a. Tche də̈ dokʉ̈ Bechë tə̂ küma arə gbɛ̂ ndə̂ Ndjapä mbô rə̂.

Dokʉ̈ Timotë 1:17

Äfü pä azə̈ lusə̂ gbïɛ̈ ndə̂ tche wâ pïï etə̂, Ndjapä ndə̂ tche wâbô wâ ndə̂kə̂ tchu-î, ndə̂ a wûn-âbô tchë wûn-î, ndə̂ tche wâ gbokôngô. Kə̂ lusə̂tə̂, la voga wätə̂ andə̂ ye nə̈, tə̂ logbɛ̂ logbɛ̂! Amin!

Aheborö 13:8

Jezü Krîsiti wä batə̂ rə̂ ndə̂ tche wâ dalîtə, angêta âtə, ndjë tə̂ logbɛ̂ logbɛ̂.

Jâke 1:17

Arə gbɛ̂ ndə̂ sə̂nə̈ lû, la akʉbala ndə̂ âdâka gbɛ̂ tö bhâ lafô, bhândə̂ Ndjapä, ndə̂ tche mbô arə ndə̂ âwâ la ngbänga yê tâ. Tche djêâbo tchə̂lə̂ tə̂ yê-a, kə̈ wâbo la tchâkrʉzrö yê tâ ndə̂ âtro-a.

Dokʉ̈ Jâan 1:5

Pö ndə̂ ârâ djê rə̂ lə̂ ma Jezü Krîsiti ânyë kə̈ nyîndə̂ kə̂ to tchêngbâ nə̈ sə̈ nyê wä kâkë: Ndjapä wätə̂ ngbänga, ngâ bübü tchô balë wâbo lə̂ yê-a.

Dokʉ̈ Jâan 1:7

Praâbalë âdə azə̂ ânə lə̂ ngbänga, batə̂ rə̂ ndə̂ Ndjapä la tə̂ yê wâ lə̂ ngbänga, dëkë azə̈ wâ nə̂ balë la angâ azə̂, ânyë jï Jezü Modô ndə̂ yê djutu angbongbo rə ndə̂ azə̂ gbɛ̂.

Dokʉ̈ Jâan 4:12

Ngâ akrə balë wûn-âbo Ndjapä-a. Käko âdə azə̂ ânyində̂ angâ azə̂ lə̂ gbâtə̂ azə̂, Ndjapä kä lə̂ azə̂, ânyë kə̂ nyində̂ ngâ ndə̂ yê nə̈ lə̂ azə̂ daka gbɛ̂.

Jûde 1:25

Ndjapä balë kä ndə̂ âdə̂ Earə̂ kə̂ tcha azə̂ lə̂ köbosə̂ Jezü Krîsiti Gbölö Gbïɛ̈ ndə̂ azə̂. Voga la gbölö la gbôgbô la kümändëmä gbɛ̂ də̈ andə̂ ye nə̈, dokʉ̈tchê, angaâtə, ânyë tə̂ logbɛ̂ logbɛ̂! Amin.

Apökälîbïchi 1:6

kə̈ mbô rə̂ pä azə̈ watə̂ azü ndə̂ Gbölö gö-gbïɛ̈ ndə̂ Ndjapä, a-earə̂ kə̂ wa ngela sə̈ Ndjapä ndə̂kə̂ mbo kua ndə̂ Bha nə̈ Ndjapä. Voga la gbôgbô wätə̂ andə̂ ye nə̈ ndə̂ logbɛ̂ logbɛ̂! Amin!

Apökälîbïchi 1:8

Gbölö Gbïɛ̈ Ndjapä tö rə̂ päkëdə̂: «Më wä dokʉ̈tchê tə̂ arə gbɛ̂», kə̈ wâtə̂ adɨ̂ arə gbɛ̂. Më kä tâ, kə̈ wâ alême tâ, mê nəadje. Më wä la gbôgbô gbɛ̂.

Apökälîbïchi 21:3

Më djê ngâ ôn ngbôô ndə̂ âtô dəsə̂ ngendë-gbïɛ̈ nə̈ päkëdə̂: «Angaâtə nda ndə̂ Ndjapä kä lə̂ gbâtə̂ azü! Tchê səadje lə̂ gbâtə̂ andjê, ânyë andjê wadje tə̂ azü gö ndə̂ yê. Ndjapä la tə̂ yê səadje ndrotə̂ andjê, kə̂ wadje tə̂ Ndjapä ndə̂ andjê.

Apökälîbïchi 22:5

Tchô kä buabô tee-a, andjê kä krʉabô bëte ngbänga lâmba âdəndjë ngbänga lo tee-a, bëte Gbölö Gbïɛ̈ Ndjapä mboadje rə̂ pä ngbänga yê tcho pâ andjê, ânyë kə̂ mboadje kümändëmä tə̂ logbɛ̂ logbɛ̂.

Apökälîbïchi 4:11

«Gbölö gbïɛ̈, Ndjapä ndə̂ ârâ, mo kʉ̈sə̂ nə̈ pä azü voga mö, kə̂ lusə̂ zə̈, tə̂ pö ndə̂ gbôgbô ndə̂ zə̈. Bëte momö kä ndə̂ âmbô arə gbɛ̂. Arə nə̈ lâme wün tchîsûwu, bëte momö kä ndə̂ ânyîndə̂ nə̈.»

Apökälîbïchi 7:12

Andjë sə̈ lakə̂ to rə̂ päkëdə̂: «Amin! Voga, golowäre, küma ndə̂ âwâ lanə̈, ayîabâ, kə̂ lusə̂tə̂, kümändëmä la gbôgbô wätə̂ andə̂ Ndjapä ndə̂ azə̂ ndə̂ tche wâ pïï etə̂! Amin.»