Dokʉ̈ Timotë 6:14 - Mbëtï Ndjapä: TÄFO MADƗ̈

¹⁴ Amö bata ndïɛ̈ ndə̂ Ndjapä, âwâbo pä ngâ ngbongbo rə balë wa lə̂ zə̈-a, âwâbo pä a gbo ngâ pö ndə̂kə̂ gbɨtɨ tü balë lə̂ küma zə̈-a. Amö mbo tâ käko ndjoa ëtə̂ kə̂ ka ndə̂ Gbölö Gbïɛ̈ ndə̂ azə̂ Jezü Krîsiti.

Dokʉ̈ Timotë 6:14 Iomraidhean Croise

Dokʉ̈ Körɛ̂nte 1:8

Tchetchë kä ndə̂ âmbo rə̂ pä nyë kpokpo tə̂ nyê ndjoa ësə̂nə̈ ndə̂ manə̈ krʉ tâ. Käko lo kə̂ ka ndə̂ Gbölö Gbïɛ̈ ndə̂ azə̂ Jezü Krîsiti, ngâ pö balë ndə̂ a gbo rə̂ lə̂ küma nyê wâbo-a.

Ëfêze 5:27

Tche nyïndə̂ kə̂ mbo rə̂ pä Egilîze nə̈ fu tə̂ gbölösə̂nə̈, ngâ cho grʉabô rə̂ grʉ̂-ê, âsɨkpɨabô sɨ̂kpɨ-î, âdaka gbɛ̂, ânyë tche mbo rə̂ pä äkrʉ tchâtchu yê la tə̂ yê. Tche nyïndə̂ nə̈ pä Egilîze wa ngbî kə̂ daka gbɛ̂, ndə̂ ngâ pö balë wâbô wâ lə̂ küma nə̈-ê.

Fïlîpe 1:10

ânyë nyê wunsə̂ rə ndə̂ âwâtə̂ tchôtchô nə̈ la rə ndə̂ âwâtə̂ ngbongbo nə̈. Käko nyê wadje tə̂ azü ndə̂ andjë grô gbɛ̂, ânyë tə̂ lo kə̂ ka ndə̂ Krîsiti, ngâ pö wabô wâ lə̂ küma nyê-ê.

Fïlîpe 1:6

Më wünsə̂ nə̈ tə̂ lëge nə̈ pä Ndjapä ndə̂ tche jêtə̂ tchôtchô kua lə̂ köbosə̂ nyê, tchê mboadje rə̂ ndjoa ëtə̂ lo kə̂ ka ndə̂ Jezü Krîsiti.

Fïlîpe 2:15

Käko nyê watə̂ azü ndə̂ pö wâbô wâ lə̂ küma andjê-ê, abechë ndə̂ Ndjapä ndə̂ ngbongbo rə wâbô wâ lə̂ küma andjê-ê, lə̂ gbâtə̂ azü ndə̂ tchô angêta âtə, ndə̂ andjë wâ ngbo ânyë kə̂ mbo ngbongbo rə. Äwäpä ngbänga nyê tcho lə̂ gûtə̂ andjê batə̂ akêkêrə̂ lafô,

Kölôse 1:22

Praâbalë angaâtə lə̂ köbosə̂ kuzü Modô ndə̂ yê ndə̂ tche wûn yûkü lə̂ tə̂ yê ndə̂ akrə, tchôtchô kə̂ sə kângbâ yê lə̂ gbâtə̂ nyê la Ndjapä, ndə̂kə̂ mbo rə̂ ânyë nyê krʉ tchâtchu Ndjapä batə̂ azü ndə̂ andjë wâ ngbî ânyë kə̈ dâka gbɛ̂, azü ndə̂ pö wâbô wâ lə̂ küma andjê, azü ndə̂ ngâ ngbongbo rə wâbô wâ tə̂ andjê-ê.

Kölôse 4:17

Ndə̂kə̂ ka pö ndə̂ mê, nyë tö rə̂ sə̈ Ärchîpe päkëdə̂: «La zə̈ gbö tə̂ kua ndə̂ Gbölö Gbïɛ̈ zâ rə̂ sə̈ mö! Amö mbo rə̂ lə̂ köbo nə̈.»

Dokʉ̈ Tësälönîke 3:13

Äwäpä tche za gbôgbô tə̂ su nyê ânyë lo nə̈ ndə̂ Gbölö Gbïɛ̈ kangbâ yê la azü ndə̂ yê gbɛ̂, nyê watə̂ azü ndə̂ andjë wâ ngbî ânyë kə̈ dâka gbɛ̂ tchâtchu Ndjapä Bha azə̂, ndjë la azü ndə̂ pö wâbô wâ lə̂ küma andjê-ê.

Dokʉ̈ Tësälönîke 5:23

Äwäpä Ndjapä la tə̂ yê ndə̂ tche za zɨtɨ su sə̈ azü mbo rə̂ ânyë tə̂ nyê wa gbɛ̂ ngbî bëte tchë. Äwäpä tche bata yingö ndə̂ nyê, vrö nyê la tə̂ nyê gbɛ̂ ânyë ngâ pö balë wabô wâ lə̂ küma nyê tə̂ lo kə̂ ka ndə̂ Gbölö Gbïɛ̈ ndə̂ azə̂ Jezü Krîsiti-î.

Bïchuû Tësälönîke 2:1

Arə̂mä, âdə andə̂ pö ndə̂ lö kə̂ ka ndə̂ Gbölö Gbïɛ̈ ndə̂ azə̂ Jezü Krîsiti la pö ndə̂kə̂ pala azə̂ ndrotə̂ yê lâme, ârâ yü nyê kâkë:

Bïchuû Tësälönîke 2:8

Käko Ngbongbo akrə lâme âmadje tə̂ yê, Gbölö Gbïɛ̈ Jezü won-adje tchë lə̂ köbosə̂ yi tchə̂lə̂ ma yê. Tchê ndɨadje Ngbongbo akrə lâme lə̂ köbosə̂ sɨ̂nyî ndə̂kə̂ ka ndə̂ yê.

Dokʉ̈ Timotë 6:20

Timotë, amö bata rə ndə̂ Ndjapä gbôtâ ëtchânə̂ zə̈ lâme. Amö kpe tə̂ awünwün apö ndə̂ âwa ngbî tə̂ pö ndə̂kə̂ za su sə̈ Krîsiti lâme. Amö kpe ndjë tə̂ apö kə̂ gama pâ angbongbo kə̂ wunsə̂ rə.

Bïchuû Timotë 4:1

Më yükû nə̈ sə̈ mö tchâtchu Ndjapä ndjë tchâtchu Jezü Krîsiti ndə̂ tchê kadje ndə̂kə̂ wa ngbanga ndə̂ azü ndə̂ andjë wâ la tʉ̈rʉ̂ la andjê la andjanə̈ ndə̂ andjë tchû. Tche âwa ngbanga nə̈ tə̂ lo kə̂ ka ndə̂ yê, la lo kə̂ mbo kümändëmä ndə̂ yê.

Tîte 2:13

Azə̈ mbö tâ käko ndə̂kə̂ krʉ bëte tchôtchô lö ndə̂ su azə̂ wâ pânə̈ lâme. Sə̂nə̈ lâme kä ndə̂ azə̂ wun-adje golowäre ndə̂ Gbölö Ndjapä ndə̂ azə̂, la Jezü Krîsiti Earə̂ kə̂ tcha azə̂.

Aheborö 9:14

Âdə rə nə̈ âwa käko, jï Krîsiti âwa la gbôgbô tə̂ gbölösə̂nə̈ ndə̂kə̂ mbo kua kə̂ ro adɨ̂ arə lâme gbɛ̂! Lə̂ köbosə̂ Kpɨ̂ki Yingö ndə̂ âwâ logbɛ̂ logbɛ̂, Krîsiti zâtə̂ yê batə̂ ngela ndə̂ âdâka gbɛ̂. Jï yê djutuadje kə̂ rɨ tchə̂lə̂ su azə̂ ndə̂ âwâ la kâkpö ânyë kə̂ ka la azə̂ pu kuzü lâme. Käko azə̂ mboadje rə̂ la Ndjapä ndə̂ tche wâ la tʉ̈rʉ̂ la yê.

Aheborö 9:28

Batə̂ rə̂ ndə̂, Krîsiti zâtə̂ yê la ngela sûsunə̈ balë ndə̂kə̂ djutu angbongbo rə ndə̂ angbängbä azü, tchê kadje ngbâ yê tə̂ bïchuû nə̈ ndə̂kə̂ tcha azü ndə̂ andjë krʉ̂ bëte tchë, âdə bata ndə̂kə̂ djutu ngbongbo rə ndə̂ andjê-a.

Dokʉ̈ Pîêre 1:19

Praâbalë tche jï nyê lə̂ köbosə̂ jï Krîsiti ndə̂ âwâ la gbölö ngîrî. Krîsiti wä batə̂ ngbavö ɛ̈bro-ngbaga ndə̂ ngâ tchâme-tə̂ yê balë ndɨ̂âbô ndɨ̂-î, ânyë ngâ ngbongbo rə balë wâbo ndjë tə̂ yê-a.

Dokʉ̈ Pîêre 1:7

Lôlo la tə̂ yê ndə̂ âwâ ndə̂kə̂ ndɨ̂ndɨ̈, a zä rə̂ lə̂ wo ndə̂kə̂ wun köbosə̂ nə̈ ndə̂ âwâtə̂ tchôtchô nə̈. Käko ndjë, su nyê ndə̂ nyë zâ rə̂ sə̈ Ndjapä däka kə̈ rô lôlo lâme, praâbalë su nyê nə̈ ndə̂ nyë zâ rə̂ sə̈ Ndjapä nə̈ lâme rö lə̂ agbôgbô arə ndə̂kə̂ pa a wun köbosə̂ nə̈ ndə̂ âwâtə̂ tchôtchô nə̈. Käko kä ndə̂ nyê gboadje voga tchânə̂ Ndjapä, kə̂ gbo golowäre ndjë lakə̂ lusə̂tə̂, tə̂ lo ndə̂kə̂ ka ndə̂ Jezü Krîsiti.

Bïchuû Pîêre 2:21

Bëte äwä âme ndə̂kə̂ pa azü käko wun-abô sə̂ köbo djîrə̂ rə̂ wûn-î. Ngbongbo rə nə̈ də̈ rə̂ ndə̂ andjë wûnsə̂ köbo djîrə̂ rə nə̂, ânyë la tchêngbâ nə̈ andjë kä gbôtə̂ köbo ndïɛ̈ ndə̂ Ndjapä ndə̂ âdâka gbɛ̂, ndə̂ a nyîsə̂ nə̈ dokʉ̈tchê sə̈ andjê.

Bïchuû Pîêre 3:14

Bëte rə̂ kä, arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndə̂ nyê âsə̈ krʉ bëte lö nə̈ lâme, äwäpä nyë mbo rə̂ gbɛ̂ ndə̂kə̂ pa nyë daka gbɛ̂ ânyë ngâ pö balë wabô wâ lə̂ küma nyê-ê, ndjë äwäpä nyë sə la zɨtɨ su la Ndjapä.

Bïchuû Pîêre 3:2

Më nyïndə̂ nə̈ pä apö ndə̂ a-earə̂ ndə̂ma Ndjapä ndə̂ andjë dâka gbɛ̂ tô rə̂ sə̈ nyê dokʉ̈tchê alême, sə̂nə̈ te lə̂ nyê. Ndjë akümändëmä ndə̂ abadjângele nyîsə̂ nə̈ sə̈ nyê alême pâ pö ndə̂ Gbölö Gbïɛ̈ Earə̂ kə̂ tcha azə̂ lâme, më nyïndə̂ nə̈ pä sə̂nə̈ te lə̂ nyê.

Dokʉ̈ Jâan 3:2

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, azə̈ wâ angaâtə nə̂ tə̂ abechë ndə̂ Ndjapä. Köbo ndə̂ azə̈ sə la rə̂ ndə̂ tchêlâmbo, gbô rə̂ kä lə̂ küwû nə̈. Praâbalë azə̈ wûnsə̂ nə̈ nə̂ pä âdə Krîsiti âkangbâ yê, azə̂ wadje batə̂ tchë, bëte azə̂ wun-adje tchë batə̂ rə̂ ndə̂ tche wâ tâ.

Jûde 1:24

Ndjapä ndə̂ tche wâ ndə̂kə̂ bata nyê ânyë nyê teabô tê-ê, tchetchë kä ndə̂ âmbo rə̂ pä nyë daka gbɛ̂ ânyë kə̂ wutu tchâtchâ golowäre ndə̂ yê la gbölö mômô.

Apökälîbïchi 1:7

Nyë wünsaâ, tche kä lakə̂ nə lə̂ gûtə̂ ndrö! Ânyë la azü gbɛ̂ wun-adje tchë ndjë la azü ndə̂ andjë sû tchë alême. Azü gö pâ cho gbɛ̂ dɨadje tchə̂lə̂ ma andjê tə̂ pö ndə̂ yê. Tə̂ lëge nə̈! Amin.