Dokʉ̈ Timotë 6:10 - Mbëtï Ndjapä: TÄFO MADƗ̈

¹⁰ Bëte chëchë angbongbo arə balë balë gbɛ̂ də̈ kə̂ nyində̂ makətche. Angâ azü gbötə̂ köbo, kə̂ ê tʉ̂rʉ tə̂ su andjê ndə̂ andjë zâ rə̂ sə̈ Krîsiti tə̂ pö ndə̂ kə̂ nyində̂ makətche. Andjë zä nyonyo tə̂ su andjê la tə̂ andjê lə̂ köbosə̂ tchə̂lə̂ küma andjê ndə̂ âdjîngɨli.

Dokʉ̈ Timotë 6:10 Iomraidhean Croise

Matiyə̈ 13:22

Angâ azü wä batə̂ cho ndə̂ âwâ lə̂ chi, ânyë ndjî rəgʉ tû tâ. Andjë djë pö nə̈, praâbalë kə̂ dɨ su andjê pâ rə tchêbêche, la gʉ kə̂ gbo arə tchêbêche rôpâ pö Ndjapä nə̈ ânyë âlêâbô lê-ê.

Matiyə̈ 23:13

«Nyonyo kä tə̂ nyê, a-earə̂ kə̂ nyisə̂ ndïɛ̈ la afarizïɛ̈n. Pö ma nyê wä ngbî tə̂kə̂ mbo rə ndə̂ nyê, nyë tchü manda Gbölö gö-gbïɛ̈ ndə̂ tchêlafô tə̂ azü. Nyënyê la tə̂ nyê, nyë nyîâbo ndə̂kə̂ li bhâye-a, praâbalë nyë kïtə̂ köbo tə̂ azü ndə̂ andjë nyîndə̂ kə̂ li bhâye. [

Matiyə̈ 6:19

«Nyë pälabô arə ndə̂ nyê pâla pâ cho âtə-ê, ndə̂ ako la asökö ndɨ rə̂ âdəndjë a-earə̂ ngbä koa manda ndə̂kə̂ zɨ ngbä nə̈ lâme-ê.

Mâreke 4:19

praâbalë kə̂ dɨ su andjê tə̂ arə tchêbêche, kə̂ gbo rə ndə̂ âbolo azü, la agʉ arə gbɛ̂ ndə̂ âlî lə̂ su andjê, âkîtə̂ köbo pö nə̈ tə̂ su andjê ndə̂kə̂ le.

Kölôse 3:5

Käko nyë jï agʉ tə̂ su nyê ndə̂ âmbo rə̂ pä nyë mbo angbongbo rə ndə̂ tchêbêche âtə batə̂: Kə̂ pu aɛ̈chë âdəndjë aköchë katchôgbɛ̂, kə̂ mbo arə kâkpö, gʉ tə̂ su akrə, gʉ ndə̂kə̂ mbo angbongbo rə la gbölö gʉ ndə̂kə̂ gbo rə ndə̂ âwâtə̂ ngâ köbo ndə̂kə̂ voga angakʉ̈lä.

Dokʉ̈ Timotë 3:3

Tche zâbo tə̂ yê gbɛ̂ ndə̂kə̂ ndjo pî-a, kə̈ wâbo tə̂ earə̂ kʉ̈ʉ̈-a, praâbalë tche wä zɨtɨ-ë. Tche wâbo tə̂ earə̂ kə̂ po la azü-a, kə̈ wâbo tə̂ akrə ndə̂ tche nyîndə̂ makətche tə̂ gbölösə̂nə̈-a.

Dokʉ̈ Timotë 6:21

Angâ azü gämba apö nə̈ lâme, ânyë kə̈ gbôtə̂ köbo su andjê ndə̂ andjë zâ rə̂ sə̈ Krîsiti lâme. Äfü pä Ndjapä mbo tchôtchô su tə̂ nyê.

Dokʉ̈ Timotë 6:9

Andə̂ andjanə̈ ndə̂ andjë nyîndə̂ kə̂ gbo rə tə̂ gbölösə̂nə̈ lâme, andjë të la kû ndə̂ arə ndə̂ âbolo azü, la angbängbä angbongbo agʉ ndə̂kə̂ gbo rə, ndə̂ ândɨ azü, ânyë kə̂ e la andjê pu kuzü.

Bïchuû Timotë 3:2

Bëte azü wadje tə̂ a-earə̂ kpɨ̂tɨ̈, azü ndə̂ andjë wa la gʉ makətche, azü ndə̂ andjë nyisə̂ tə̂ andjê, azü ndə̂ andjë bhi gogo andjê, a-earə̂ kə̂ dro tchô, azü ndə̂ andjë kosə̂ araanyï la arabha andjê, azü ndə̂ andjë wûn-âbo wûnsə̂ kə̂ za ayîabâ-ê, azü ndə̂ andjë mbôâbo wa arə ndə̂ âwâ ngbî bëte Ndjapä mbô-ê.

Bïchuû Timotë 4:10

Bëte Dëmâse gbôtə̂ mê nə̂ bëte gʉ arə tchêbêche ndə̂ tchô angêta. Tche rô nə̂ atə̂ Tësälönîke, Keresän rô atə̂ Gälâte, ânyë Tîte rô atə̂ Dalemasï.

Tîte 1:11

Äwäpä mo ngbo ma andjê ëtâ, bëte andjë kä lakə̂ djingɨli tchə̂lə̂ küma azü lə̂ abûngrɨ̂ gbɛ̂ lakə̂ nyisə̂ rə ndə̂ âwâbô wâ ndə̂kə̂ pa andjë nyisə̂ nə̈-ê, bëte andjë wä la gʉ ndə̂kə̂ gbo arə lə̂ ngbongbo köbo kə̂ gbo rə.

Jâke 5:19

Arə̂mâ ndə̂ mê, âdə ngâ akrə lə̂ gbâtə̂ nyê âe tʉ̂rʉ tə̂ lëge pö, ânyë ngâ akrə kâ la tchë lə̂ köbo nə̈,

Jûde 1:11

Nyonyo kä tə̂ andjê! Bëte andjë zä köbo ngbâ Käyîne, bëte pö ndə̂ makətche, andjë tchä köbo batə̂ Bälâme, andjë tchü bëte andjë älafô la pö batə̂ azü ndə̂ Korë.

Apökälîbïchi 18:13

la akʉngôâ yö ngbî ngbî ndə̂kə̂ fa rə̂ la kɨ̈zɨ̂ la ayömbö la mîre la dukâni la vɛ̂n-ɛn la kâdâ la farîni la blë la abâgala la aɛ̈bro-ngbaga la ambâlâtâ la apusu-pûsu ndə̂ ambâlâtâ la angbâa ndjë la vrö azü.