Dokʉ̈ Timotë 6:1 - Mbëtï Ndjapä: TÄFO MADƗ̈

¹ Azü gbɛ̂ ndə̂ andjë wâtə̂ angbâa, äwäpä andjë lusə̂ a-earə̂ andjê, gundə̂sə̂ nə̈ ndə̂ andjë kʉ̂sə̂ nə̈ ndə̂kə̂ pa a kpe wa andjê. Käko ânyë a droabô rə̈ Ndjapä drô-ê, kə̂ droabô ndjë kə̂ nyisə̂ rə ndə̂ ârâ drô-ê.

Dokʉ̈ Timotë 6:1 Iomraidhean Croise

Matiyə̈ 11:30

Nyë mbö rə gundə̂sə̂ arə ndə̂ më nyîsə̂ nə̈ sə̈ nyê. Kʉ̂ngbô ndə̂ më zâ rə̂ sə̈ nyê ndə̂kə̂ pa nyë za rə̂ lûâbo-a.»

Matiyə̈ 11:9

Giamâ kä ndə̂ nyë ê ndə̂kə̂ wun rə̂? Ngâ earə̂ ndə̂ma Ndjapä? Ɛn-ɛn, më tö rə̂ sə̈ nyê pä nyë wûn ngâ akrə ndə̂ tche rô earə̂ ndə̂ma Ndjapä nə̂.

Lûke 17:1

Jezü tô rə̂ sə̈ adjisîpili ndə̂ yê päkëdə̂: «Arə ndə̂ âmbo rə̂ pä azü te lə̂ ngbongbo rə kä tâ logbɛ̂. Praâbalë nyonyo kä tə̂ akrə ndə̂ tche mbô rə̂ pä angâ yê te lə̂ ngbongbo rə.

Abadjângele 10:22

Andjë tô rə̂ ndə̂nə̈ sə̈ tchë päkëdə̂: «Kabïta Körönɛ̈ye ndə̂ tche sə̂ pâ aturûgu ngbangbo balë kä ndə̂ âwân ârâ. Tche də̈ djîrə̂ akrə, kə̈ kpê wa Ndjapä, ajuîfu gbɛ̂ tö tchôtchô pö ndə̂ yê. Ngâ ânje ndə̂ Ndjapä yükû nə̈ la gbôgbô sə̈ tchë, ndə̂kə̂ e mö pä mo e bhândə̂ yê, ânyë tche dje apö ndə̂ mo to rə̂ sə̈ tchë.»

Abadjângele 10:7

La tchêngbâ nə̈ ânje ndə̂ tche tô pö lâme rô etə̂. Körönɛ̈ye ê a-earə̂ kua ndə̂ yê bïchuû la ngâ turûgu balë ndə̂ tche sə̂ tchâtchâ yê ndə̂nə̈ gû. Turûgu lâme kpë wa Ndjapä.

Abadjângele 15:10

Bëte giamâ kä ndə̂ nyê pu tchâma Ndjapä ndə̂ tchô angêta lakə̂ za ngâ kʉ̂ngbô lə̂ küma adjisîpili? Azə̈ la araâta azə̂ kʉ̂âbo sə̂kə̂ za rə̂ alême-a.

Rômo 2:24

Bëte rə̂ kä ndə̂, a mbô rə̂ lə̂ Mbëtï Ndjapä päkëdə̂: «Bëte nyënyê ajuîfu, azü ndə̂ andjë wâbô wâtə̂ ajuîfu drö rə̈ Ndjapä.»

Dokʉ̈ Körɛ̂nte 10:32

Nyë mböäbô rə̂ mbô ndə̂kə̂ pa ngâ juîfu balë te lə̂ ngbongbo rə-ê, âdəndjë ngâ akrə ndə̂ tche wâbô wâtə̂ juîfu, âdəndjë ngâ akrə ndə̂ Egilîze ndə̂ Ndjapä-ê.

Gälâte 5:1

Krîsiti jï azə̂ tchâtchâ ngbâa ndə̂kə̂ pa azə̈ sə ämbänə̈. Käko nyë kpökpo tə̂ nyê! Nyë kä nyî bata nyîndə̂ nə̈ pä a ka la nyê tchâtchâ ngbâa-ê.

Dokʉ̈ Timotë 5:14

Më nyïndə̂ nə̈ pä abechë-ɛ̈chë lə̂ ndavrö kä to aköchë, kə̂ zɨ abechë, kə̂ nyisə̂ köbo sə̈ azü nda ndə̂ andjê. Käko andjê gboabô tə̂ köbo sə̈ earə̂ kə̂ kosə̂ azə̂, ndə̂kə̂ dɨ angbongbo apö tə̂ azə̂ tee-a.

Tîte 2:5

kə̂ to pö la köbo nə̈, kə̂ bata tə̂ andjê tə̂ angbongbo arə, kə̂ mbo akua tchâalê ndə̂ andjê la su andjê balë, kə̂ watə̂ atchôtchô aɛ̈chë, kə̂ dje ma aköchë ndə̂ andjê, ânyë azü dɨabô angbongbo apö dɨ̂ tə̂ pö Ndjapä-ê.

Dokʉ̈ Pîêre 2:12

Äwäpä kə̂ sə ndə̂ nyê lə̂ gbâtə̂ azü ndə̂ andjë wâbô wâtə̂ ajuîfu daka-ê, käko ânyë, âdə andjê âto ngbongbo pö tə̂ nyê pä nyë də̈ angbongbo azü, andjê âsə̈ wun tchôtchô kə̂ mbo rə ndə̂ nyê, kə̂ vogadje Ndjapä lo nə̈ ndə̂ tche kadje ngbâ yê.

Dokʉ̈ Pîêre 3:16

Praâbalë nyë tö pö nə̈ sə̈ andjê nyima-ë lakə̂ lusə̂ andjê, äwäpä kə̂ rɨ tchə̂lə̂ su nyê wabô wâ la ngâ ngbongbo rə-ê, käko ânyë ganô mbo azü ndə̂ andjë to angbongbo apö tə̂ nyê tə̂ pö ndə̂ tchôtchô kə̂ sə ndə̂ nyê balë la Krîsiti.