Dokʉ̈ Timotë 5:6 - Mbëtï Ndjapä: TÄFO MADƗ̈

⁶ Praâbalë tchanə̈ ndə̂ gbô arə tchêbêche âtə ndə̂po lakə̂ tcho tə̂ yê, tche tchû nə̂, ndə̂ gbô tchë ndə̂po la tʉ̈rʉ̂ la yê lâme.

Dokʉ̈ Timotë 5:6 Iomraidhean Croise

Matiyə̈ 8:22

Jezü tô rə̂ ndə̂nə̈ sə̈ tchë päkëdə̂: «Amö za tchêngbâ mê, kə̂ gbotə̂ akuzü andjë chi akuzü ndə̂ andjê.»

Lûke 12:19

Käko më âto rə̂ sə̈ mê la tə̂ mê päkëdə̂: Momö, rə ndə̂ zə̈ kä tâ tə̂ gbölösə̂nə̈, ârə̂ âmbo angbängbä ngû. Amö yatə̂ zə̈, kə̂ zɨ rə, kə̂ ndjo rə, kə̂ vu ngɨ̈.›

Lûke 15:13

La tchêngbâ kpîɛ̂kpîɛ̂ lö, angɨ nə̈ kâ arə ndə̂ yê lâme gbɛ̂, ânyë kə̈ rô la makətche nə̈ ngrɨ̈ atə̂lə̂ ngâ gö. Bhâye, tche ndɨ̂ arə ndə̂ yê gbɛ̂ lakə̂ mbo angbongbo rə.

Lûke 15:24

bëte modô ndə̂ mê ndə̂ nyê wun tchë âtə, tche tchû alême nə̂ ânyë kə̈ jô âtə, tche yû alême nə̂ ânyë më kä gbô tchë âtə.› Andjë jêtə̂ kə̂ mbo gbölö kpülü nə̈.

Lûke 15:32

Praâbalë azə̈ wä âme ndə̂kə̂ mbo kpülü, kə̂ vu ngɨ̈ bëte yîngâ zə̈ âtə, tche tchû alême nə̂ ânyë kə̈ jô âtə, tche yû alême nə̂ ânyë a gbô tchë âtə!›»

Lûke 16:19

«Ngâ köchë alême kä tâ ndə̂ tche wâtə̂ earə̂ rə. Tche yü kütû atchôtchô alə̂ba ndə̂ gbölö makətche. Tche sə̈ la sə̂nə̈ logbɛ̂, ndjë kütû kpülü la kpülü kä lə̂ manda ndə̂ yê.

Lûke 7:25

Giamâ kä ndə̂ nyë ê ndə̂kə̂ wun rə̂? Ngâ köchë ndə̂ tche yû alə̂ba ndə̂ âfû? Praâbalë azü ndə̂ andjë yu alə̂ba ndə̂ âfû, ânyë kə̂ sə tə̂ tchôtchô nə̈ lâme, andjë sə̈ bhâlə̂ gbadja ndə̂ agbïɛ̈.

Ëfêze 2:1

Dokʉ̈tchê alême nyë wä batə̂ azü ndə̂ andjë tchû lə̂ köbosə̂ kə̂ mbo rə ndə̂ nyê ndə̂ âwâbô wâ lə̂ köbo nə̈-ê, la ngbongbo rə ndə̂ nyê.

Ëfêze 2:5

Ndə̂ azə̈ wâ alême batə̂ azü ndə̂ andjë tchû lə̂ köbosə̂ kə̂ mbo rə ndə̂ azə̂ ndə̂ âwâbô wâ lə̂ köbo nə̈-ê, tche zâ tchîsûwu sə̈ azə̂ lə̂ köbosə̂ Krîsiti. Âwâ lə̂ köbosə̂ tchôtchô su ndə̂ Ndjapä ânyë a tchâ nyê.

Ëfêze 5:14

Bëte rə ndə̂ a wutu la pö ndə̂nə̈ ësûwu mbötə̂ yê tə̂ rə ndə̂ âwûtu lə̂ ngbänga. Ädə̈ käko ânyë a tô rə̂ päkëdə̂: «Amö jo-ê, momö ndə̂ mo lô âtə. Amö alafô lə̂ gbâtə̂ akuzü, Krîsiti wan-adje ngbänga yê pâ zə̈.»

Kölôse 2:13

Dokʉ̈tchê nyë də̈ azü ndə̂ nyë tchû bëte angbongbo arə ndə̂ nyë mbô rə̂, ndjë la gasa ndə̂ kpoto nyê ndə̂ nyë wâbô rə̂ wâ-ê. Praâbalë angaâtə, Ndjapä zä tchîsûwu sə̈ nyê lə̂ Krîsiti. Tche kö pö lə̂ küma azə̂ gbɛ̂.

Bïchuû Timotë 3:6

Bëte angânə̈ lə̂ gbâtə̂ andjê lï lə̂ anda ânyë kə̈ bôlo aɛ̈chë ndə̂ andjë wâ gbɨgbɨ ndə̂kə̂ te lə̂ gbânda ndə̂ andjê. Aɛ̈chë nə̈ lâme mbö angbongbo rə tə̂ gbölösə̂nə̈, kə̈ wâ la gʉ arə balë balë gbɛ̂ tə̂ su andjê.

Jâke 5:5

Nyë sə̈ pâ cho âtə lə̂ atchôtchô arə, la arə ndə̂ âtcho tə̂ nyê tə̂ gbölösə̂nə̈, nyë zɨ̈ rə, kə̈ wâ la jrôâ tə̂ nyê batə̂ agia ndə̂ andjë krʉ̂ bëte lö kə̂ wa angrô andjê.

Apökälîbïchi 18:7

Nyë mbö tchë la gbölö yûkü, la nyonyo gundə̂sə̂ kə̂ lusə̂tə̂ yê la gbölö gʉ ndə̂kə̂ gbo afûfû arə ndə̂ yê tə̂ gbölösə̂nə̈. Bëte tche tö rə̂ la tə̂ yê päkëdə̂: ‹Më sə̈ tchâtə batə̂ ɛ̈chë-gbïɛ̈, më wâbo tə̂ ɛ̈chë lə̂ ndavrö-a, mê səabô lə̂ müä lo balë tee-a.›

Apökälîbïchi 3:1

«Amö mbo mbëtï âtə kə̈ wân rə̂ sə̈ ânje ndə̂ Egilîze ndə̂ Sârede kə̂ to rə̂ lə̂nə̈ päkëdə̂: «Tchanə̈ ndə̂ tche wâ la ayingö ndə̂ Ndjapä mïndûu manə̈ bïchuû la akêkêrə̂ mïndûu manə̈ bïchuû tö rə̂ päkëdə̂: Më wûnsə̂ akua ndə̂ mo mbô rə̂ lâme nə̂, azü wüntî pä gbô mö kä la tʉ̈rʉ̂ la zə̈, dëkë mo tchû nə̂