Dokʉ̈ Timotë 5:5 - Mbëtï Ndjapä: TÄFO MADƗ̈

⁵ Âdə andə̂ tchanə̈ ndə̂ tche wâtə̂ lëge ɛ̈chë lə̂ ndavrö, ndə̂ tche sə̂ la kütû yê, tche zä su yê pâ Ndjapä, kə̂ rʉatə̂ su yê dalobiî lakə̂ dɨ tchə̂lə̂ ma yê sə̈ Ndjapä, ndjë lakə̂ to pö sə̈ tchë.

Dokʉ̈ Timotë 5:5 Iomraidhean Croise

Lûke 18:1

Jezü tö ndoka âtə sə̈ adjisîpili ndə̂ yê, ndə̂kə̂ nyisə̂ nə̈ sə̈ andjê pä, äwäpä andjë to pö sə̈ Ndjapä logbɛ̂, kə̂ moabô mô tâ-ê.

Lûke 18:7

Käko azü ndə̂ Ndjapä ndə̂ tche dɨ̂ andjê, ndə̂ andjë kɨ sə̈ tchë dalobiî lâme, tchê wabô tchə̂lə̂ ngbanga ndə̂ andjê? Tche âsə zoo ânyë kə̂ za könô sə̈ andjê?

Lûke 2:37

Pânə̈ köchë nə̈ tchû tə̂ yê. Tche wä la ngû tə̂ azü voanə̈ la tchêpâ nə̈ voanə̈. Logbɛ̂ tche kä kütû bhâlə̂ gbölö nda Ndjapä. Tchə̂lə̂ bütchî la tchêdalo, tche mbö kua ndə̂ Ndjapä, tche kösə̂ kɨ̈zɨ̂, kə̂ to pö sə̈ Ndjapä.

Abadjângele 26:7

Azü pâ mawo lə̂ könô gbɛ̂ tchêpâ nə̈ bïchuû ndə̂ araâta azə̂ krʉ̈ ndə̂kə̂ wun rə ndə̂ Ndjapä tô pö ndə̂nə̈. Ädə̈ käko ânyë andjë sə̂ lakə̂ mbo kua ndə̂ Ndjapä dalobiî, kə̈ gbôâbo tâ-a. Gbïɛ̈, mëmê ndjë gbɛ̂ më krʉ̈ ndə̂kə̂ wun rə nə̈ lâme. Tə̂ pö ndə̂ rə lâme kä ndə̂ ajuîfu nə̂ la mê atə̂lə̂ ngbanga âtə.

Abadjângele 6:1

Sə̂nə̈ lâme, kə̂ ngba ndə̂ adjisîpili sə̂ lakə̂ êë atə̂ lafô. Ajuîfu ndə̂ andjë to ma gerêke âlafô la pö tə̂ ajuîfu ndə̂ andjë to ma heborö, bëte aɛ̈chë lə̂ ndavrö ndə̂ andjë to ma gerêke lâme, sə̂ andjê yû tə̂ ajuîfu ndə̂ andjë to ma heborö sə̂nə̈ ndə̂ andjë sə lakə̂ krʉ tchə̂lə̂ kɨ̈zɨ̂ ndə̂ lö balë balë.

Abadjângele 9:39

Pîêre âlafô gasa kə̈ gû la andjê. Ndə̂ tche âsə̈ wutu bhâye, andjë â la tchë dələ̂ darə də lafô. Aɛ̈chë lə̂ ndavrö gbɛ̂ pâlatə̂ andjê ndrotə̂ Pîêre lakə̂ kɨ. Andjë sə̈ lakə̂ nyisə̂ akrʉ lə̂ba la angrɨ̈ngrɨ̈ alə̂ba ndə̂ Dörökâse sɨ̂ rə̂ sə̈ andjê sə̂nə̈ ndə̂ gbô tchë sə̂ alême la tʉ̈rʉ̂ la yê.

Abadjângele 9:41

Pîêre zâ könô yê, kə̈ kênga tchë ëlafô. La tchêngbâ nə̈ tche ê azü ndə̂ Krîsiti la aɛ̈chë lə̂ ndavrö, kə̈ mâ Tabïta tə̂ andjê la tʉ̈rʉ̂ la yê.

Rômo 1:12

Rə ndə̂ më nyîndə̂ kə̂ to rə̂ wä kâkë: Më nyïndə̂ kə̂ wutu bhândə̂ nyê ânyë azə̂ la nyê gbɛ̂ gbo gbôgbô lə̂ su azə̂. Nyê gbo gbôgbô lə̂ su nyê lə̂ köbosə̂ su mê ndə̂ më zâ rə̂ sə̈ Krîsiti. Mê gbo ndjë gbôgbô lə̂ su mê lə̂ köbosə̂ su nyê ndə̂ nyë zâ rə̂ sə̈ Krîsiti.

Rômo 1:5

Lə̂ köbosə̂ yê, Ndjapä mbö tchôtchô su tə̂ mê ndə̂kə̂ watə̂ badjângele ndə̂kə̂ mbo rə̂ ânyë azü gbɛ̂ ndə̂ andjë wâbô wâtə̂ ajuîfu za su andjê sə̈ Jezü Krîsiti ndə̂kə̂ mbo rə gundə̂sə̂ pö ndə̂ yê. Më mbö rə̂ bëte rə̈ Krîsiti.

Dokʉ̈ Körɛ̂nte 7:32

Më nyïndə̂ nə̈ pä nyë dɨ̈äbô su nyê dɨ̂-î. Akrə ndə̂ tche tôâbô ɛ̈chë tô-ê, tchê dɨadje su yê pâ arə ndə̂ Gbölö Gbïɛ̈, tche pü köbo ndə̂kə̂ pa su Gbölö Gbïɛ̈ fu la tchë.

Dokʉ̈ Körɛ̂nte 7:34

käko su yê wä pâ arə bïchuû. Äwä ndjë batə̂ rə̂ ndə̂ ɛ̈chë ndə̂ tche tôâbô köchë tô-ê, la bechë-ɛ̈chë ndə̂ tche tôâbô köchë tô-ê, andjê dɨadje su andjê pâ arə ndə̂ Gbölö Gbïɛ̈. Andjê batadje tə̂ andjê la yingö ndə̂ andjê ngbî bëte Ndjapä. Praâbalë ɛ̈chë ndə̂ tche tô köchë, kə̂ dɨ su yê wä pâ arə ndə̂ tchêbêche âtə, tche pü köbo ndə̂kə̂ pa su köchë ndə̂ yê fu la tchë.

Ëfêze 6:18

Nyë tö pö sə̈ Ndjapä lə̂ aköbo nə̈ balë balë gbɛ̂, ndjë tə̂ logbɛ̂, kə̂ yukû arə tchânə̂ yê lə̂ köbosə̂ Yingö. Käko la nyê gbö logbɛ̂, nyë gböäbô gbôtə̂ kə̂ to pö sə̈ Ndjapä tə̂ pö ndə̂ azü ndə̂ yê gbɛ̂.

Fïlîpe 4:6

Nyë dɨ̈äbô su nyê dɨ̂ pâ ngâ rə balë-ê, praâbalë lə̂ arə gbɛ̂, nyë yükû rə ndə̂ nyë nyîndə̂ nə̈ tchânə̂ Ndjapä, lə̂ köbosə̂ kə̂ to pö sə̈ tchë lakə̂ dɨ tchə̂lə̂ ma, lakə̂ za ayîabâ sə̈ tchë.

Dokʉ̈ Timotë 2:1

Më zä wängö tə̂ dokʉ̈ nə̈ ndə̂kə̂ pa nyë yükû rə tchânə̂ Ndjapä, kə̂ to apö sə̈ tchë, kə̂ dɨ tchə̂lə̂ ma nyê sə̈ tchë, kə̂ za ayîabâ sə̈ tchë bëte azü gbɛ̂.

Dokʉ̈ Timotë 5:16

Âdə ngâ ɛ̈chë ndə̂ tche zâ su yê sə̈ Krîsiti, âwa la angâ aɛ̈chë lə̂ ndavrö pâ mawo ndə̂ yê, äwäpä tche mbo rə̂ la andjê, âwâbo pä Egilîze mbo rə̂ la andjê-a. Käko Egilîze nə̈ mbo rə̂ kütû la andjanə̈ ndə̂ andjë wâtə̂ alëge aɛ̈chë lə̂ ndavrö.

Dokʉ̈ Timotë 5:3

Amö lusə̂ aɛ̈chë lə̂ ndavrö, ndə̂ andjë wâtə̂ alëge aɛ̈chë lə̂ ndavrö.

Bïchuû Timotë 1:3

Më zä ayîabâ tə̂ gbölösə̂nə̈ sə̈ Ndjapä, ndə̂ më zâ tchêngbâ araâta mê lakə̂ mbo kua sə̈ tchë, la tchôtchô kə̂ rɨ tchə̂lə̂ su. Më kä lakə̂ za küma mê dalobiî tə̂ pö ndə̂ zə̈ logbɛ̂ ndə̂ mê to pö sə̈ Ndjapä.

Dokʉ̈ Pîêre 3:5

Ädə̈ käko ânyë aɛ̈chë ndə̂ andjë wâ alême ngbî ânyë kə̈ dâka gbɛ̂, andjë zä su andjê pâ Ndjapä, kə̈ djê ma aköchë ndə̂ andjê,