Dokʉ̈ Timotë 5:25 - Mbëtï Ndjapä: TÄFO MADƗ̈

²⁵ Käko ndjë, atchôtchô kua ndə̂ azü mbo rə̂, wütu kraâ lə̂ la azü, ânyë anə̈ ndə̂ a wûn-âbô sə̂nə̈ wûn gasa-ê, wâbo po lə̂ küwû nə̈-a.

Dokʉ̈ Timotë 5:25 Iomraidhean Croise

Matiyə̈ 5:16

Äwäpä ngbänga nyê tcho käko-ë tchâtchu azü gbɛ̂, ânyë andjë wun tchôtchô kə̂ mbo rə ndə̂ nyê, käko ânyë andjë voga Bha nyê ndə̂ tche sə̂ bhâ lafô.»

Lûke 11:33

«Akrə tôâbo wo lə̂ lâmba ndə̂kə̂ za rə̂ wü âdəndjë ndə̂kə̂ za rə̂ tchâtchâ lüsû-a. Tche âza rə̂ pâ ngâ rə lafô ndə̂kə̂ pa azü ndə̂ andjë li atə̂ tchâalê nə̈ wun tchô ndə̂ sɨ̂nyî nə̈.

Abadjângele 10:22

Andjë tô rə̂ ndə̂nə̈ sə̈ tchë päkëdə̂: «Kabïta Körönɛ̈ye ndə̂ tche sə̂ pâ aturûgu ngbangbo balë kä ndə̂ âwân ârâ. Tche də̈ djîrə̂ akrə, kə̈ kpê wa Ndjapä, ajuîfu gbɛ̂ tö tchôtchô pö ndə̂ yê. Ngâ ânje ndə̂ Ndjapä yükû nə̈ la gbôgbô sə̈ tchë, ndə̂kə̂ e mö pä mo e bhândə̂ yê, ânyë tche dje apö ndə̂ mo to rə̂ sə̈ tchë.»

Abadjângele 22:12

«Ngâ köchë kä bhâye, rə̈ yê wü pä Änänîâse. Tche də̈ akrə ndə̂ tche zâtə̂ yê gbɛ̂ sə̈ Ndjapä ânyë kə̈ bâta ndjë ndïɛ̈ la köbo nə̈. Ajuîfu ndə̂ gö ndə̂ Dämâse gbɛ̂ tö tchôtchô pö ndə̂ yê tə̂ gbölösə̂nə̈.

Abadjângele 9:36

Lə̂ gbölö gö ndə̂ Jopë, ngâ ɛ̈chë ndə̂ tche wâtə̂ djisîpili ndə̂ Jezü kä tâ ndə̂ rə̈ yê wû pä Tabïta. Rə̈ yê la ma gerêke wä pä Dörökâse, ndə̂ ânyîndə̂ kə̂ to rə̂ pä «mbölë». Tche zätə̂ yê gbɛ̂ ndə̂kə̂ mbo tchôtchô rə tə̂ azü, ndə̂kə̂ za könô sə̈ a-earə̂ yûkü.

Fïlîpe 1:11

Nyê wadje tə̂ azü ndə̂ adjîrə̂ arə sɨ̂sɨ̈ lə̂ andjê, ndə̂ ânə̂ lə̂ köbosə̂ Jezü Krîsiti. Käko kä ndə̂ a voga Ndjapä lakə̂ lusə̂ yê.

Dokʉ̈ Timotë 3:7

Äwä ndjë ndə̂kə̂ pa azü də sûwu to tchôtchô pö ndə̂ yê, käko ânyë, azü toabô angbongbo pö tô tə̂ yê, ânyë tche teabô tê lə̂ kû ndə̂ Jâbolo-ê.

Apökälîbïchi 14:13

Pânə̈ më kâ djê ngâ tchə̂lə̂ gɨ̈ bhâ lafô päkëdə̂: «Mbo pö âtə lə̂ mbëtï päkëdə̂: ‹Mômô kä tə̂ azü ndə̂ andjë tchû angêta bëte kua ndə̂ Gbölö Gbïɛ̈!› ‹Ɛn-ɛn, Kpɨ̂ki Yingö tö rə̂ päkëdə̂: Mômô kä tə̂ andjê. Andjê yadje tə̂ andjê la tchêngbâ gbôgbô kua ndə̂ andjë mbô rə̂, bëte kua ndə̂ andjë mbô rə̂ lâme zä tchêngbâ andjê!›»