Dokʉ̈ Timotë 5:20 - Mbëtï Ndjapä: TÄFO MADƗ̈

²⁰ Andjanə̈ ndə̂ andjë mbo ngbongbo rə, amö hro la andjê tchâtchu azü gbɛ̂, käko ânyë wawa mbo adɨ̂ nə̈.

Dokʉ̈ Timotë 5:20 Iomraidhean Croise

Abadjângele 19:17

Azü lə̂ gö ndə̂ Ëfêze gbɛ̂ la ajuîfu la agerêke âsə̈ dje pö lâme, wawa mbô andjê gbɛ̂ ânyë a vôga rə̈ Gbölö Gbïɛ̈ Jezü.

Abadjângele 5:11

Azü ndə̂ Egilîze la azü gbɛ̂ ndə̂ andjë djê pö ndə̂nə̈, wawa mbô andjê tə̂ gbölösə̂nə̈.

Abadjângele 5:5

Ndə̂ Änänîâse djê pö nə̈, tche tê gbô kə̈ tchû-î. Azü gbɛ̂ ndə̂ andjë djê pö ndə̂ rə lâme, wawa mbô andjê tə̂ gbölösə̂nə̈.

Bïchuû Körɛ̂nte 7:11

Nyë wünsa arə nyonyo ndə̂ âgbô nyê ndə̂ Ndjapä nyîndə̂ nə̈ lâme, rə ndə̂ âmbô rə̂ kä âtə: Nyë wä la gʉ ndə̂kə̂ mbo kua wândâ wändä, nyë wünsə̂ kə̂ to pö djîrə̂ pâ apö ndə̂ a yî rə̂ lə̂ küma nyê, âdə azü âmbo ngbongbo rə, tchə̂lə̂ nyê kʉ nyê tâ, nyë kä la wawa lə̂ su nyê, nyë kä la gʉ ndə̂kə̂ kä wun mê, nyë wä la gʉ ndə̂kə̂ mbo adjîrə̂ kua, nyë wä ngbanga lə̂ küma azü ndə̂ andjë mbô ngbongbo rə. Lə̂ arə lâme gbɛ̂, nyë nyïsə̂ nə̈ pä pö wâbo lə̂ küma nyê-a.

Ëfêze 5:11

Nyë ngböäbô tə̂ nyê ngbô la azü ndə̂ andjë mbo rə lə̂ bübü tchô, ndə̂ ngâ tchôtchô rə wâbô wâ lə̂nə̈-ê. Praâbalë nyë wütu la pö ndə̂nə̈ ësûwu.

Dokʉ̈ Timotë 1:20

Lə̂ gûtə̂ azü nə̈ lâme, a gbö Imenë la Alegezândere. Më gbötə̂ andjê tchânə̂ Satäa, ndə̂kə̂ pa andjë ka tôâbô angbongbo pö tô tə̂ Ndjapä-ê.

Bïchuû Timotë 4:2

Äwäpä mo mu pö Ndjapä, kə̂ chi pânə̈ lə̂ tchôtchô lö ndjë lə̂ ngbongbo lö. Amö gbɨtɨ tü azü, kə̂ hro la andjê, kə̂ za wängö sə̈ andjê, lakə̂ rʉatə̂ su zə̈ logbɛ̂, la su ndə̂kə̂ nyisə̂ rə.

Tîte 1:13

Pö ndə̂ earə̂ ndə̂ma Ndjapä tô rə̂ lâme wätə̂ lëge pö. Djusə̂nə̈ kä, äwäpä mo hro la andjê tə̂ gbölösə̂nə̈ ndə̂kə̂ pa kə̂ za su andjê sə̈ Krîsiti lâme daka gbɛ̂.

Tîte 2:15

Käko kä ndə̂ mo wâ ndə̂kə̂ to pö, kə̂ za wängö sə̈ azü, kə̂ gbɨtɨ tü azü la gbôgbô. Âwâbo pä ngâ akrə balë talusə̂ zə̈-a.