Dokʉ̈ Timotë 5:18 - Mbëtï Ndjapä: TÄFO MADƗ̈

¹⁸ Bëte Mbëtï Ndjapä tö rə̂ päkëdə̂: «Bâgala ndə̂ tche sə̂ lakə̂ mbo kua ndə̂kə̂ dada andjî blë, âwâbo pä a gʉa ma yê-a», ndjë «äwäpä a kʉ makətche-kua ndə̂ earə̂ kua sə̈ tchë.»

Dokʉ̈ Timotë 5:18 Iomraidhean Croise

Matiyə̈ 10:10

Nyë zäbô kədjâ zâ ndə̂kə̂ nə la rə̂-ê, âdəndjë lə̂ba bïchuû, âdəndjë dakpo âdəndjë tchongbôlô, bëte earə̂ kua wä ndə̂kə̂ gbo kɨ̈zɨ̂ ma yê.

Lûke 10:7

Nyë sə̈ tchâalê nə̈ lâme, nyë zɨ̈ rə, kə̂ ndjo rə ndə̂ a kʉ rə̂ sə̈ nyê. Bëte earə̂ kua wä ndə̂kə̂ gbo rə ngbâ kua ndə̂ yê. Nyë nə̈äbô nə̂ lə̂ manda azü balë balë-ê.

Rômo 10:11

Mbëtï Ndjapä tö rə̂ päkëdə̂: «Akrə balë balë ndə̂ tche zâ su yê sə̈ tchë, ganô mboabô tchë tee-a.»

Rômo 11:2

Ndjapä gbôâbo tə̂ azü ndə̂ yê ndə̂ tche dɨ̂ andjê dokʉ̈tchê alême-a. Nyë wûn-âbo sə̂ pö ndə̂ Mbëtï Ndjapä tô rə̂ päkëdə̂: Elïe sə̈ lakə̂ dɨ tchə̂lə̂ ma yê sə̈ Ndjapä, tə̂ pö ndə̂ kə̂ mbo rə ndə̂ azü ndə̂ Isarayële?

Rômo 4:3

Tə̂ lëge nə̈, pö giamâ kä ndə̂ Mbëtï Ndjapä tô rə̂? Mbëtï nə̈ tö rə̂ päkëdə̂: «Abrahâmo zä su yê sə̈ Ndjapä ânyë Ndjapä wûn tchë batə̂ djîrə̂ akrə lə̂ köbosə̂ nə̈ ndə̂ tche zâ su yê sə̈ Ndjapä.»

Rômo 9:17

Ädə̈ käko ânyë lə̂ Mbëtï Ndjapä, Ndjapä tö ndjë rə̂ sə̈ Faraön päkëdə̂: «Më zä mö Gbïɛ̈ ndə̂kə̂ pa lə̂ köbosə̂ zə̈, mê nyisə̂ gbôgbô ndə̂ mê lakə̂ mbo rə̂ ânyë rə̈ mê za tchô gbɛ̂ pâ cho âtə.»

Dokʉ̈ Körɛ̂nte 9:14

Äwä ndjë batə̂ rə̂ ndə̂ Gbölö Gbïɛ̈ zâma ndə̂kə̂ pa akrə ndə̂ tche mu Tchôtchô Pö gbo ndjë rə ndə̂ yê lə̂ köbosə̂ Tchôtchô Pö nə̈.

Gälâte 3:8

Mbëtï Ndjapä tô pö ndə̂ rə nə̈ lâme dokʉ̈tchê nə̂ pä Ndjapä âmbo rə̂ ânyë azü ndə̂ andjë wâbô wâtə̂ ajuîfu wa djîrə̂ lə̂ la yê lə̂ köbosə̂ kə̂ za su andjê sə̈ tchë. Mbëtï nə̈ tö ndjë tchôtchô pö sə̈ Abrahâmo dokʉ̈tchê päkëdə̂: «Lə̂ köbosə̂ zə̈, Ndjapä eadje tchôtchô pö pâ azü tchêbêche gbɛ̂.»

Jâke 4:5

Âdəndjë rə̂, nyë wûntî pä pö ndə̂ Mbëtï Ndjapä tô rə̂ lâme wätə̂ mbämbä pö? Ndə̂ âtô rə̂ päkëdə̂: «Yingö ndə̂ Ndjapä zâ rə̂ lə̂ azə̂ lâme, tche kï pânə̈ tə̂ gbölösə̂nə̈.»