Dokʉ̈ Timotë 5:14 - Mbëtï Ndjapä: TÄFO MADƗ̈

¹⁴ Më nyïndə̂ nə̈ pä abechë-ɛ̈chë lə̂ ndavrö kä to aköchë, kə̂ zɨ abechë, kə̂ nyisə̂ köbo sə̈ azü nda ndə̂ andjê. Käko andjê gboabô tə̂ köbo sə̈ earə̂ kə̂ kosə̂ azə̂, ndə̂kə̂ dɨ angbongbo apö tə̂ azə̂ tee-a.

Dokʉ̈ Timotë 5:14 Iomraidhean Croise

Rômo 14:13

Azə̈ gbötə̂ kə̂ jende tə̂ azə̂ lə̂ gbâtə̂ azə̂-ê. Praâbalë rə ndə̂ nyë wâ ndə̂kə̂ nyïkrə rə̂ tə̂ su nyê kä âtə: Nyë kösə̂ kə̂ za täme lə̂ köbo ngâ nyê âdəndjë rə̂ ndə̂kə̂ mbo rə̂ pä tche te lə̂ ngbongbo rə-ê.

Bïchuû Körɛ̂nte 11:12

Rə ndə̂ mê mbo rə̂ angêta, mê kä mboadje rə̂, käko âdə angâ azü ânyində̂ kə̂ gbo ngâ rə ndə̂kə̂ krʉ pânə̈ ânyë kə̂ bhi gogo andjê batə̂ ârâ, andjê gboabô rə̂ tee-a!

Dokʉ̈ Timotë 2:8

Më nyïndə̂ nə̈ pä aköchë to pö sə̈ Ndjapä kusə̂ tchô gbɛ̂, lakə̂ kenga könô andjê atə̂ lafô, könô ndə̂ âwâ ngbî ânyë kə̈ dâka gbɛ̂. Âwâbo pä andjë to pö nə̈ sə̈ tchë la mêrâ-a, âdəndjë lakə̂ gama andjê lə̂ gbâtə̂ andjê-a.

Dokʉ̈ Timotë 4:3

Andjë kïtə̂ köbo tə̂ azü ndə̂kə̂ pa andjë toabô tə̂ andjê tô-ê, kə̈ kîtə̂ köbo ndə̂kə̂ pa andjë zɨabô angâ akɨ̈zɨ̂ zɨ̂-ê. Dëkë Ndjapä mbö kɨ̈zɨ̂ lâme ndə̂kə̂ pa azü ndə̂ Krîsiti ndə̂ andjë wûnsə̂ lëge pö, andjë zɨ rə̂ lakə̂ za ayîabâ sə̈ Ndjapä.

Dokʉ̈ Timotë 5:11

Âdə andə̂ aɛ̈chë lə̂ ndavrö ndə̂ gbô andjê ndə̂po tə̂ abechë-ɛ̈chë, amö mboabô rə̈ andjê mbô lə̂ mbëtï-ê, bëte âdə gʉ su andjê âalafô tə̂ andjê me nə̂, andjê gboadje tə̂ köbo Krîsiti ndə̂kə̂ kä to aköchë.

Dokʉ̈ Timotë 6:1

Azü gbɛ̂ ndə̂ andjë wâtə̂ angbâa, äwäpä andjë lusə̂ a-earə̂ andjê, gundə̂sə̂ nə̈ ndə̂ andjë kʉ̂sə̂ nə̈ ndə̂kə̂ pa a kpe wa andjê. Käko ânyë a droabô rə̈ Ndjapä drô-ê, kə̂ droabô ndjë kə̂ nyisə̂ rə ndə̂ ârâ drô-ê.

Tîte 2:5

kə̂ to pö la köbo nə̈, kə̂ bata tə̂ andjê tə̂ angbongbo arə, kə̂ mbo akua tchâalê ndə̂ andjê la su andjê balë, kə̂ watə̂ atchôtchô aɛ̈chë, kə̂ dje ma aköchë ndə̂ andjê, ânyë azü dɨabô angbongbo apö dɨ̂ tə̂ pö Ndjapä-ê.

Tîte 2:8

Äwäpä mo to pö ndə̂ âdâka, ndə̂ akrə gboabô köbo gbô ndə̂kə̂ zu tchə̂lə̂ nə̈-ê, käko ânyë, a-earə̂ kə̂ kosə̂ azə̂ toabô ngâ ngbongbo pö tô tə̂ azə̂-ê, tchâme andjê wa la ganô.

Aheborö 13:4

Äwäpä azü gbɛ̂ lusə̂ kə̂ totə̂ ndə̂ köchë la ɛ̈chë. Äwäpä aköchë la aɛ̈chë bata tə̂ andjê lə̂ gbâtə̂ andjê. Bëte Ndjapä âwadje ngbanga pâ azü ndə̂ andjë pu aɛ̈chë âdəndjë aköchë katchôgbɛ̂, la andjanə̈ ndə̂ andjë pu aköchë âdəndjë aɛ̈chë ndə̂ azü.