Dokʉ̈ Timotë 5:12 - Mbëtï Ndjapä: TÄFO MADƗ̈

¹² Kə̂ mbo tə̂ rə käko lâme wä ngbanga pâ andjê, bëte andjë gbôtə̂ köbo dokʉ̈ pö ma andjê ndə̂ andjë zâ rə̂ alême nə̂.

Dokʉ̈ Timotë 5:12 Iomraidhean Croise

Dokʉ̈ Körɛ̂nte 11:34

Âdə gʉ ânyu ngâ akrə, äwäpä tche zɨ rə bhândə̂ yê, käko ânyë ngbanga ndə̂ Ndjapä teabô tê pâ nyê sə̂nə̈ ndə̂ nyê palatə̂ nyê-ê. Âdə andə̂ adɨ̂ apö nə̈, më âwutu bhâye ânyë kə̂ nyikrəadje rə̂.

Gälâte 1:6

Tchə̂lə̂ küma mê djïngɨli tə̂ pö ndə̂nə̈ ndə̂ nyë gbôtə̂ köbo yê gasa käko, tchetchë ndə̂ tche ê nyê lə̂ köbosə̂ tchôtchô su Krîsiti ndə̂kə̂ za tchêngbâ ngâ tchôtchô pö ngbî.

Dokʉ̈ Timotë 5:11

Âdə andə̂ aɛ̈chë lə̂ ndavrö ndə̂ gbô andjê ndə̂po tə̂ abechë-ɛ̈chë, amö mboabô rə̈ andjê mbô lə̂ mbëtï-ê, bëte âdə gʉ su andjê âalafô tə̂ andjê me nə̂, andjê gboadje tə̂ köbo Krîsiti ndə̂kə̂ kä to aköchë.

Dokʉ̈ Timotë 5:13

Pâ arə lâme gbɛ̂, andjë mbôâbo kua-a, ânyë kua ndə̂ andjê wä kütû ndə̂kə̂ nə kulə̂ manda azü. Âdə̂âbô kütû tə̂ pö ndə̂nə̈ ndə̂ andjë mbôâbo kua mbô lâme kä me-a, praâbalë andjë dɨ̈ apö tə̂ gbölösə̂nə̈, kə̈ vûâbo sə̂ apö-a, kə̂ yitə̂ andjê lə̂ arə ndə̂ âwûn-âbô andjê wûn-î.

Jâke 3:1

Arə̂mâ ndə̂ mê, âwâbo pä angbängbä azü watə̂ a-earə̂ kə̂ nyisə̂ rə-a. Bëte nyë wûnsə̂ nə̈ nə̂ pä azəzə̂ ndə̂ a-earə̂ kə̂ nyisə̂ rə, ngbanga ndə̂ Ndjapä wadje rə̂ pâ azə̂ ârə̂ âwatə̂ ngbongbo nə̈ kə̂ ro masə̂nə̈.

Dokʉ̈ Pîêre 4:17

Bëte lo ndə̂kə̂ pa Ndjapä jetə̂ kə̂ wa ngbanga ndə̂ azü nda ndə̂ yê wûtu nə̂. Âdə tche âdokʉtchê tə̂ azə̂, andə̂ andjanə̈ ndə̂ andjë kôsə̂ kə̂ gamba Tchôtchô Pö ndə̂ Ndjapä lâme, tchîsûwu ndə̂ andjê âka atöko?