Dokʉ̈ Timotë 5:11 - Mbëtï Ndjapä: TÄFO MADƗ̈

¹¹ Âdə andə̂ aɛ̈chë lə̂ ndavrö ndə̂ gbô andjê ndə̂po tə̂ abechë-ɛ̈chë, amö mboabô rə̈ andjê mbô lə̂ mbëtï-ê, bëte âdə gʉ su andjê âalafô tə̂ andjê me nə̂, andjê gboadje tə̂ köbo Krîsiti ndə̂kə̂ kä to aköchë.

Dokʉ̈ Timotë 5:11 Iomraidhean Croise

Dokʉ̈ Timotë 4:3

Andjë kïtə̂ köbo tə̂ azü ndə̂kə̂ pa andjë toabô tə̂ andjê tô-ê, kə̈ kîtə̂ köbo ndə̂kə̂ pa andjë zɨabô angâ akɨ̈zɨ̂ zɨ̂-ê. Dëkë Ndjapä mbö kɨ̈zɨ̂ lâme ndə̂kə̂ pa azü ndə̂ Krîsiti ndə̂ andjë wûnsə̂ lëge pö, andjë zɨ rə̂ lakə̂ za ayîabâ sə̈ Ndjapä.

Dokʉ̈ Timotë 5:12

Kə̂ mbo tə̂ rə käko lâme wä ngbanga pâ andjê, bëte andjë gbôtə̂ köbo dokʉ̈ pö ma andjê ndə̂ andjë zâ rə̂ alême nə̂.

Dokʉ̈ Timotë 5:14

Më nyïndə̂ nə̈ pä abechë-ɛ̈chë lə̂ ndavrö kä to aköchë, kə̂ zɨ abechë, kə̂ nyisə̂ köbo sə̈ azü nda ndə̂ andjê. Käko andjê gboabô tə̂ köbo sə̈ earə̂ kə̂ kosə̂ azə̂, ndə̂kə̂ dɨ angbongbo apö tə̂ azə̂ tee-a.

Dokʉ̈ Timotë 5:9

Âdə mo ânyində̂ kə̂ mbo rə̈ ngâ ɛ̈chë lə̂ mbëtï ndə̂ aɛ̈chë lə̂ ndavrö, äwäpä tche wa la ngû ndola tə̂ azü vötaâ ânyë. Ndjë äwäpä tche watə̂ ɛ̈chë ngbâ köchë kütû balë.

Jâke 5:5

Nyë sə̈ pâ cho âtə lə̂ atchôtchô arə, la arə ndə̂ âtcho tə̂ nyê tə̂ gbölösə̂nə̈, nyë zɨ̈ rə, kə̈ wâ la jrôâ tə̂ nyê batə̂ agia ndə̂ andjë krʉ̂ bëte lö kə̂ wa angrô andjê.

Bïchuû Pîêre 2:18

Apö ndə̂ andjë sə lakə̂ bhi gogo andjê lakə̂ to rə̂ wä kütû tə̂ avôvôo apö. Lə̂ köbosə̂ angbongbo gʉ su andjê la arə ganô ndə̂ andjê, andjë mbö rə̂ pä azü ndə̂ andjë wûtu anganga lə̂ gbâtə̂ a-earə̂ ngbongbo rə, te lə̂ gbânda ndə̂ andjê.

Apökälîbïchi 18:3

Bëte azü pâ cho gbɛ̂ ndjö vɛ̂n-ɛn âmbô andjê lə̂ köbosə̂ kə̂ pu aköchë katchôgbɛ̂ ndə̂ yê lâme. Agbïɛ̈ ndə̂ tchêbêche sə̂ la tchë köchë la ɛ̈chë nə̂, ânyë a-earə̂ waɛ̂che pâ cho gbö arə tə̂ gbölösə̂nə̈ lə̂ köbosə̂ afûfû arə ndə̂ yê ndə̂ ârô masə̂nə̈.»

Apökälîbïchi 18:7

Nyë mbö tchë la gbölö yûkü, la nyonyo gundə̂sə̂ kə̂ lusə̂tə̂ yê la gbölö gʉ ndə̂kə̂ gbo afûfû arə ndə̂ yê tə̂ gbölösə̂nə̈. Bëte tche tö rə̂ la tə̂ yê päkëdə̂: ‹Më sə̈ tchâtə batə̂ ɛ̈chë-gbïɛ̈, më wâbo tə̂ ɛ̈chë lə̂ ndavrö-a, mê səabô lə̂ müä lo balë tee-a.›

Apökälîbïchi 18:9

Agbïɛ̈ ndə̂ tchêbêche gbɛ̂ ndə̂ andjë sə̂ la tchë köchë la ɛ̈chë, ânyë kə̈ gbô rə lə̂ köbosə̂ afûfû arə ndə̂ yê ndə̂ ârô masə̂nə̈ lâme, andjê kɨadje, kə̂ dɨadje tchə̂lə̂ ma andjê tə̂ pö ndə̂ yê, sə̂nə̈ ndə̂ andjê wun-adje ngʉ̂wo yê ndə̂ âsəadje lakə̂ ju.