Dokʉ̈ Timotë 5:1 - Mbëtï Ndjapä: TÄFO MADƗ̈

¹ Amö gbɨtɨabô tü akrə ndə̂ tche dû gbɨ̂tɨ la gbôgbô-ê, praâbalë äwäpä mo za wängö sə̈ tchë batə̂ bha zə̈. Amö za wängö sə̈ abechë-ɛ̈köchë batə̂ arə̂mâ ndə̂ zə̈,

Dokʉ̈ Timotë 5:1 Iomraidhean Croise

Matiyə̈ 23:8

Andə̂ nye nə̈, nyë nyïäbô nyîndə̂ nə̈ ndə̂kə̂ pa a e nyê ‹earə̂ kə̂ nyisə̂ rə-ê›, bëte earə̂ kə̂ nyisə̂ rə wä balë, ânyë nyë wä gbɛ̂ tə̂ ayîngâ.

Abadjângele 14:23

Pôlo la Bärnäbâse nyîsə̂ akpôkpô azü kə̈ kʉ̂ andjê tə̂ küma a-Egilîze nə̈ balë balë gbɛ̂. La tchêngbâ nə̈ ndə̂ andjë kôsə̂ kɨ̈zɨ̂ ndə̂kə̂ to pö sə̈ Ndjapä, andjë gbôtə̂ akpôkpô azü nə̈ ëtchânə̂ Gbölö Gbïɛ̈, ndə̂ andjë zâ su andjê sə̈ tchë.

Abadjângele 15:4

Andjë wûtu bhâ Jerûzalêmo, azü ndə̂ Egilîze, abadjângele la akpôkpô azü kʉ̂ andjê bhândə̂ andjê la mômô. Andjë tô pö ndə̂ arə gbɛ̂ ndə̂ Ndjapä mbô rə̂ lə̂ köbosə̂ andjê.

Abadjângele 15:6

Abadjângele la akpôkpô azü ndə̂ Egilîze pâlatə̂ andjê ndə̂kə̂ za küma andjê pâ pö lâme.

Abadjângele 20:17

Bhâ Milë, Pôlo wân tchô sə̈ akpôkpô azü ndə̂ Egilîze ndə̂ Ëfêze ndə̂kə̂ nə.

Rômo 13:7

Äwäpä rə ndə̂ akrə balë balë wâ ndə̂kə̂ gbo rə̂, nyë zä rə̂ sə̈ tchë. Nyë yö lapöo tchânə̂ a-earə̂ kə̂ pala makətche-lapöo. Nyë yö ndjë lapöo ndə̂ arə ndə̂ nyê tchânə̂ azü ndə̂ âwâ ndə̂kə̂ pa nyë yo rə̂ tchânə̂ andjê. Nyë lüsə̂ azü ndə̂ âwâ ndə̂kə̂ pa nyë lusə̂ andjê.

Gälâte 6:1

Arə̂mä, âdə nyë âgbo ngâ akrə lakə̂ mbo ngbongbo rə, nyënyê ndə̂ Kpɨ̂ki Yingö wâ lə̂ nyê, äwäpä nyë ka la tchë pâ tchôtchô köbo tə̂ nyima nə̈. La zə̈ gbö-ê! Ânyë momö ndjë gbɛ̂ ngâ rə vuabô mö vû ndə̂kə̂ pa mo te lə̂ ngbongbo rə-ê.

Dokʉ̈ Timotë 5:17

Akpôkpô azü ndə̂ andjë nyisə̂ köbo sə̈ azü lə̂ Egilîze la köbo nə̈, äwäpä a lusə̂ andjê, sûsunə̈ bïchuû, tə̂ gbogbôsə̂nə̈, andjanə̈ ndə̂ andjë wun yûkü la kua ndə̂kə̂ mu pö lakə̂ nyisə̂ rə.

Dokʉ̈ Timotë 5:2

kə̂ za rə̂ sə̈ akpôkpô aɛ̈chë batə̂ araanyï zə̈, kə̂ za rə̂ sə̈ abechë-ɛ̈chë batə̂ araanyînə̂ zə̈ la grôgrô su.

Tîte 2:2

Äwäpä akpôkpô aköchë zɨabô rə zɨ âro masə̂nə̈-ê, äwäpä andjë lusə̂tə̂ andjê, kə̂ to pö la köbo nə̈, kə̂ za su andjê tə̂ lëge nə̈ gbɛ̂ sə̈ Krîsiti, kə̂ nyində̂ angâ andjê, lakə̂ rʉatə̂ su andjê lə̂ arə gbɛ̂.

Tîte 2:6

Äwä ndjë pä mo za wängö sə̈ abechë-ɛ̈köchë ndə̂kə̂ pa andjë to pö la köbo nə̈

Jâke 3:17

Küma ndə̂ âwa lanə̈, ndə̂ âtô bhâ lafô mbö rə̂ pä akrə wa tə̂ dokʉ̈ nə̈ la grôgrô su, pânə̈ âmbo rə̂ pä azü sə la zɨtɨ su, kə̂ mbo rə nyima-ë, kə̂ djetə̂ andjê lə̂ gbâtə̂ andjê, kə̂ sɨ̂sɨ̈ lakə̂ wun nyonyo azü, lakə̂ mbo tchôtchô rə tə̂ andjê. Akrə ndə̂ küma yê wâ lanə̈, tche sə̂âbo dəndə̂ ngâ akrə balë-a, kə̂ mbôâbo rə ngbî tə̂ pö ma yê-a.

Jâke 5:14

Ngâ akrə lə̂ gbâtə̂ nyê kä la tə̂kömbô? Äwäpä tche e akpôkpô azü ndə̂ Egilîze, andjë to pö sə̈ Ndjapä tə̂ pö ndə̂ yê, kə̂ mbo kâdâ tə̂ yê la rə̈ Gbölö Gbïɛ̈.

Dokʉ̈ Pîêre 5:1

Më tö pö âtə ndə̂kə̂ za gbôgbô tə̂ su akpôkpô azü ndə̂ Egilîze ndə̂ andjë sə̂ lə̂ gbâtə̂ nyê. Mëmê ndjë gbɛ̂ më də̈ kpôkpô akrə batə̂ nyê. Yûkü ndə̂ Krîsiti wûn rə̂ alême, më wûn rə̂ la lala mê nə̂. Käko mê səadje lə̂kə̂ wa gbölö ndə̂ âwutuadje lâme.

Bïchuû Jâan 1:1

Mëmê Jâan, kpôkpô akrə ndə̂ Egilîze kä ndə̂ âwân mbëtï âtə sə̈ mö ndə̂ Ɛ̈chë la abechë ndə̂ zə̈, ndə̂ Ndjapä dɨ̂ mö, ndə̂ më nyîndə̂ zə̈ tə̂ lëge nə̈ gbɛ̂. Âdə̂âbo mëmê la kütû mê kä ndə̂ ânyîndə̂ nyê-a. Praâbalë azü gbɛ̂ ndə̂ andjë wûnsə̂ lëge pö kä ndə̂ ânyî ndjë ndə̂ nyê.

Vötaâ Jâan 1:1

Mëmê ndə̂ më wâtə̂ kpôkpô akrə ndə̂ Egilîze kä ndə̂ âmbô mbëtï âtə sə̈ mö Gäyïwûse ndə̂ më nyîndə̂ zə̈ tə̂ lëge nə̈ gbɛ̂.

Apökälîbïchi 4:4

Ndrotə̂ ngendë-gbïɛ̈ nə̈, angâ angendë-gbïɛ̈ tə̂ akrə gbɛ̂ tchêpâ nə̈ voanə̈ tâkpa ndrotə̂ nə̈, ânyë akpôkpô azü tə̂ akrə gbɛ̂ tchêpâ nə̈ voanə̈ sə̂ ëlə̂nə̈. Andjë yü grôgrô lə̂ba ëtə̂ andjê kə̈ yû kurône ndə̂ a mbô rə̂ la lôlo tə̂ küma andjê.