Dokʉ̈ Timotë 4:7 - Mbëtï Ndjapä: TÄFO MADƗ̈

⁷ Amö dje tchêngbâ zə̈ tə̂ angbongbo andə̂ma pö ndə̂ âwâ ngbî tə̂ pö ndə̂kə̂ za su sə̈ Krîsiti lâme-ê, praâbalë amö zatə̂ zə̈ gbɛ̂ sə̈ Ndjapä.

Dokʉ̈ Timotë 4:7 Iomraidhean Croise

Abadjângele 24:16

Tə̂ pö ndə̂nə̈ kä ndə̂ mëmê ndjë gbɛ̂ më sə̂ lakə̂ mbo rə̂ gbɛ̂ ndə̂kə̂ pa, logbɛ̂ më wabô wâ la ngâ ngbongbo rə lə̂kə̂ rɨ tchə̂lə̂ su mê lə̂ la Ndjapä ndjë lə̂ la azü-î.

Dokʉ̈ Timotë 1:4

Amö to rə̂ sə̈ andjê pä andjë zabô tə̂ andjê zâ ndə̂kə̂ dɨ andə̂ma apö yepa-ê, lakə̂ dɨ arə̈ angbängbä araâta andjê-ê. Arə lâme mbö rə̂ pä azü gama andjê lə̂ gbâtə̂ andjê, praâbalë âdə̂âbo rə ndə̂ su Ndjapä nyîndə̂ nə̈ kä lâme-a, ndə̂ a wunsə̂ nə̈ lə̂ köbosə̂ kə̂ za su sə̈ Ndjapä.

Dokʉ̈ Timotë 1:9

Äwäpä azə̈ djë tchə̂lə̂ pö atə̂ djîrə̂: Ndïɛ̈ wâbo bëte azü ndə̂ andjë mbo djîrə̂ rə-a, praâbalë äwä bëte azü ndə̂ andjë kosə̂ ndïɛ̈ la azü ndə̂ andjë kôsə̂ Ndjapä, la a-earə̂ ngbongbo su, la a-earə̂ ngbongbo rə, la azü ndə̂ andjë kpêâbô wa Ndjapä kpê-ê, ndə̂ andjë mbôâbô wa rə ndə̂ âwâ ngbî bëte Ndjapä mbô-ê, la azü ndə̂ andjë wôn arabha andjê, la azü ndə̂ andjë wôn araanyï andjê, la a-earə̂ kə̂ won azü,

Dokʉ̈ Timotë 2:10

Praâbalë äwäpä andjë nyisə̂ kə̂ fu ndə̂ andjê lə̂ köbosə̂ kə̂ mbo tchôtchô rə. Rə ndə̂ aɛ̈chë ndə̂ andjë zâtə̂ andjê sə̈ Ndjapä wâ ndə̂kə̂ mbo rə̂ kä lâme.

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.

Dokʉ̈ Timotë 4:8

Angɨ̈ gbɛ̂ ndə̂ âmbo rə̂ pä tchə̂lə̂ kpoto akrə kra lâme, ämbö dâkâ tə̂ akrə kpîɛ̂kpîɛ̂ rə̂, praâbalë kə̂ zatə̂ andjê gbɛ̂ sə̈ Ndjapä däka lə̂ arə gbɛ̂. Bëte kə̂ zatə̂ andjê gbɛ̂ sə̈ Ndjapä nə̈ lâme, pö ndə̂ tchîsûwu ndə̂ akrə gbo rə̂ kä lə̂nə̈: Tchîsûwu ndə̂ yê ndə̂ tchô angêta, la tchîsûwu ndə̂ yê ndə̂ tchô lâmbo.

Dokʉ̈ Timotë 6:11

Âdə andə̂ zə nə̈, akrə ndə̂ Ndjapä, amö kpe tə̂ arə lâme gbɛ̂. Amö pu köbo djîrə̂ rə, kə̂ zatə̂ zə̈ gbɛ̂ sə̈ Ndjapä, kə̂ za su zə̈ sə̈ Krîsiti, kə̂ nyində̂ ngâ, kə̂ mbo rə nyima-ë.

Dokʉ̈ Timotë 6:20

Timotë, amö bata rə ndə̂ Ndjapä gbôtâ ëtchânə̂ zə̈ lâme. Amö kpe tə̂ awünwün apö ndə̂ âwa ngbî tə̂ pö ndə̂kə̂ za su sə̈ Krîsiti lâme. Amö kpe ndjë tə̂ apö kə̂ gama pâ angbongbo kə̂ wunsə̂ rə.

Dokʉ̈ Timotë 6:3

Âdə ngâ akrə ânyisə̂ ngâ pö ngbî, ânyë kə̈ zâbô tə̂ yê zâ tə̂ alëge apö ndə̂ Gbölö Gbïɛ̈ ndə̂ azə̂ Jezü Krîsiti-î, lakə̂ nyisə̂ rə ndə̂ âwâbô wâ gundə̂sə̂ apö ndə̂kə̂ zatə̂ andjê sə̈ Ndjapä-ê,

Dokʉ̈ Timotë 6:5

kə̂ gama lə̂ gbâtə̂ azü ndə̂ âkâbô kâ-ê. Kə̂ wunsə̂ rə ndə̂ andjê wâtə̂ ngôlê-ngölë nə̈. Lëge pö wâbo lə̂ andjê-a, bëte andjë wûntî pä kə̂ zatə̂ andjê gbɛ̂ sə̈ Ndjapä wätə̂ köbo ndə̂kə̂ gbo arə.

Bïchuû Timotë 2:16

Amö kpe tə̂ awünwün apö ndə̂ âwâ ngbî tə̂kə̂ zatə̂ andjê gbɛ̂ sə̈ Ndjapä lâme. Bëte azü ndə̂ andjë zâtə̂ andjê lakə̂ dɨ awünwün apö nə̈ lâme, andjê eadje atə̂ tchâtchu nə̈ kütû lə̂ köbosə̂ kə̂ wa ngbî tə̂ pö ndə̂kə̂ zatə̂ andjê gbɛ̂ sə̈ Ndjapä lâme.

Bïchuû Timotë 2:23

Praâbalë awünwün apö ndə̂ âwâtə̂ angbɨ̈lə̈ nə̈ lâme, amö kosə̂ nə̈-ê. Bëte mo wûnsə̂ nə̈ nə̂ pä apö käko mbö rə̂ pä azü po la angâ andjê.

Bïchuû Timotë 3:12

Tə̂ lëge nə̈, azü gbɛ̂ ndə̂ andjë nyîndə̂ kə̂ zâtə̂ andjê gbɛ̂ sə̈ Ndjapä ânyë kə̈ nyîndə̂ kə̂ wa balë la Jezü Krîsiti, a âmboadje andjê la yûkü.

Bïchuû Timotë 3:5

Andjê mboadje tə̂ andjê batə̂ azü ndə̂ andjë zâtə̂ andjê gbɛ̂ sə̈ Ndjapä, praâbalë andjê vuadje sə̂ gbôgbô ndə̂nə̈. Amö sə tə̂ andjê ngrɨ̈.

Bïchuû Timotë 4:4

Andjê beadje tü andjê ndə̂kə̂ dje lëge pö, ânyë kə̂ dekadje tü andjê ndə̂kə̂ dje andə̂ma pö.

Tîte 1:14

Âwâbo pä andjë dje andə̂ma pö ndə̂ ajuîfu lâme-a, la andïɛ̈ ndə̂ azü ndə̂ andjë djê tchêngbâ andjê tə̂ lëge pö lâme.

Tîte 2:12

Tchôtchô su yê nə̈ lâme nyïsə̂ köbo sə̈ azə̂ ndə̂kə̂ pa azə̈ gbotə̂ kə̂ kosə̂ Ndjapä-ê, kə̂ gbotə̂ kə̂ mbo gʉ arə tchêbêche âtə-ê, ndə̂kə̂ pa, kə̂ sə ndə̂ azə̂ lə̂ alö ndə̂ azə̈ sə̂ lə̂nə̈ âtə âwa la köbo nə̈, kə̂ wa djîrə̂, ndjë ndə̂kə̂ pa azə̈ zatə̂ azə̂ gbɛ̂ sə̈ Ndjapä.

Tîte 3:9

Praâbalë amö kpe tə̂kə̂ pu dju arə ndə̂ âwâtə̂ wünwün nə̈, lakə̂ dɨ rə̈ araâta, lakə̂ po, lakə̂ gama pâ apö ndə̂ ndïɛ̈, bëte ngâ rə balë wâbo lə̂ arə lâme-a, kütû awünwün apö kä.

Aheborö 5:14

Kɨ̈zɨ̂ ndə̂ âkpôkpö wä bëte anênegbe azü, bëte lə̂ köbosə̂ kə̂ mbo arə ndə̂ andjê, tchə̂lə̂ la andjê krä ndə̂kə̂ wunsə̂ kə̂ krʉ tchə̂lə̂ tchôtchô rə la ngbongbo rə.