Dokʉ̈ Timotë 4:6 - Mbëtï Ndjapä: TÄFO MADƗ̈

⁶ Amö nyisə̂ rə lâme gbɛ̂ sə̈ arə̂mâ, käko mô wadje tə̂ tchôtchô earə̂ kua ndə̂ Jezü Krîsiti. Mô nyiadje sə̂nə̈ pä tchə̂lə̂ zə̈ sɨ̂sɨ̈ la apö ndə̂kə̂ za su sə̈ Krîsiti, la tchôtchô kə̂ nyisə̂ rə ndə̂ mo zâ tchêngbâ nə̈ djîrə̂ lâme.

Dokʉ̈ Timotë 4:6 Iomraidhean Croise

Matiyə̈ 13:52

Tche tô rə̂ sə̈ andjê päkëdə̂: «Earə̂ kə̂ nyisə̂ ndïɛ̈ ndə̂ tche wâtə̂ djisîpili ndə̂ Gbölö gö-gbïɛ̈ ndə̂ tchêlafô, tche wä batə̂ ngâ earə̂ nda ndə̂ tche wûtu la atäfo rə la abəndɨ nə̈ lə̂ gro ndə̂ yê gbɛ̂ ësûwu.»

Lûke 1:3

Bëte rə̂ kä ndə̂ mëmê ndjë gbɛ̂, pânə̈ ndə̂ më pû dju apö nə̈ gbɛ̂ ndə̂kə̂ to tə̂ küma nə̈ ndjoa ëtə̂ dju nə̈, âfû tə̂ mê ndə̂kə̂ pa më mbo ndjë mbëtï pâ arə ndə̂ âwûtu tə̂ manə̈ balë balë sə̈ mö Tëöfîle.

Abadjângele 1:15

Tə̂ngâlo, azü ndə̂ Jezü pâlatə̂ andjê. Kə̂ ngba ndə̂ andjê gbɛ̂ wä ngbangbo balë la tə̂ akrə gbɛ̂ (120). Pîêre âlafô lə̂ gbâtə̂ andjê kə̈ tô rə̂ päkëdə̂:

Abadjângele 20:31

La nyê gbö-ê, lə̂ ngû vötaâ më gbôâbo tə̂kə̂ za wängö sə̈ nyê tchêdalo la tchə̂lə̂ bütchî la ngûla lə̂ la mê-a, sə̂nə̈ têâbo lə̂ nyê?

Abadjângele 20:35

Më nyïsə̂ nə̈ sə̈ nyê logbɛ̂ pä nyë mbö kua ânyë kə̂ za könô sə̈ a-earə̂ yûkü. Nyë rɨ̈ tchə̂lə̂ nyê tə̂ apö ndə̂ Gbölö Gbïɛ̈ Jezü la tə̂ yê tô rə̂ päkëdə̂: ‹Kə̂ za rə sə̈ akrə kä ndə̂ âfû kə̈ rô kə̂ gbo rə tchânə̂ akrə.›»

Rômo 15:15

Praâbalë lə̂ mbëtï âtə, angâ apö kä lə̂nə̈ ndə̂ më wâbo ndə̂kə̂ to rə̂ sə̈ nyê la ganô-a; më tö pö lâme pä nyë rɨ su nyê tə̂ arə ndə̂ a nyîsə̂ nə̈ sə̈ nyê dokʉ̈tchê. Më mbö tâ käko bëte Ndjapä mbö tchôtchô su tə̂ mê,

Dokʉ̈ Körɛ̂nte 4:17

Tə̂ pö ndə̂nə̈ kä ndə̂ më wân Timotë sə̈ nyê, modô ndə̂ mê ndə̂ më nyîndə̂ yê tə̂ gbölösə̂nə̈, ndə̂ gbô tchë sə̂ lə̂ köbo Gbölö Gbïɛ̈. Tche kä ndə̂ ânyiadje sə̂ köbo ndə̂ më sə̂ la rə̂ la tchêngbâ nə̈ ndə̂ më wâ balë la Krîsiti, batə̂ rə̂ ndə̂ më nyîsə̂ nə̈ katchôgbɛ̂, kulə̂ a-Egilîze.

Bïchuû Körɛ̂nte 11:23

Andjë də̈ earə̂ kua ndə̂ Krîsiti? Käko më rö andjê gbɛ̂, më tö pö lâme batə̂ earə̂ nyî. Më mbö kua kə̈ rô andjê gbɛ̂, më mbö kânga kə̈ rô andjê gbɛ̂, a bhï mê la djapra kə̈ rô andjê gbɛ̂, lə̂ agbôgbô rə ësə̂ kuzü, më rö andjê gbɛ̂.

Bïchuû Körɛ̂nte 3:6

Tchetchë kä ndə̂ âmbô rə̂ pä ârâ wa la gbôgbô ndə̂kə̂ watə̂ a-earə̂ kua lə̂ täfo madɨ̈ ndə̂ a mbôâbô rə̂ mbô lə̂ mbëtï-ndïɛ̈, praâbalë lə̂ köbosə̂ Yingö. Bëte Mbëtï-ndïɛ̈ wön tchô, ânyë Yingö e la akrə ndə̂kə̂ pa tche gbo tchîsûwu.

Bïchuû Körɛ̂nte 6:4

Praâbalë lə̂ arə gbɛ̂, ârâ nyïsə̂ nə̈ pä ârâ də̈ alëge a-earə̂ kua ndə̂ Ndjapä lə̂ köbosə̂ kə̂ rʉatə̂ su ârâ lə̂ arə yûkü, arə nyonyo la arə ndə̂ âza wawa.

Ëfêze 6:21

Ndə̂kə̂ pa nyë wunsə̂ pö pâ mê, kə̂ wunsə̂ rə ndə̂ mê mbo rə̂, Tïchîke ngâ azə̂ ndə̂ më nyîndə̂ yê tə̂ gbölösə̂nə̈, ndə̂ tche də̂ djîrə̂ earə̂ kua ndə̂ Gbölö Gbïɛ̈ toadje apö pâ mê gbɛ̂ sə̈ nyê.

Fïlîpe 2:20

Bëte tchetchë balë kä ndə̂ âwûnsə̂ apö tə̂ su mê ânyë kə̂ dɨ su yê tə̂ pö ndə̂ nyê.

Fïlîpe 2:22

Praâbalë nyënyê la tə̂ nyê, nyë wünsə̂ nə̈ pä Timotë nyïsə̂ köbo ndə̂ tche mbô djîrə̂ rə, batə̂ modô la bha nə̈, tche zätə̂ yê ndə̂kə̂ mbo kua bëte Tchôtchô Pö ndrotə̂ mê.

Fïlîpe 3:16

Âdə rə nə̈ âwa atöko, äwäpä nyë ndəpo kpôlə̂ köbo ndə̂ ârâ nə̂ lə̂nə̈ ndjoa angêta.

Kölôse 2:19

Azü käko wâbo ndə̂kə̂ pi ëtə̂ Krîsiti-a, ndə̂ tche wâ batə̂ küma akrə. Bëte küma akrə kä ndə̂ tə̂ akrə gbo rə gbɛ̂ ndə̂ tche nyîndə̂ nə̈, bëte tchë kä ndə̂ atâtäkpa sə̂ agbäbï la ambë palatə̂ andjê kə̂ wa balë, kə̂ kʉche batə̂ rə̂ ndə̂ Ndjapä nyîndə̂ nə̈.

Kölôse 3:16

Äwäpä Tchôtchô Pö ndə̂ Krîsiti ndə̂ atchôtchô arə sɨ̂sɨ̈ lə̂nə̈ wa lə̂ tchîsûwu ndə̂ nyê. Nyë nyisə̂ rə, kə̂ to tchôtchô pö sə̈ angâ nyê lə̂ gbâtə̂ nyê, lə̂ köbosə̂ küma ndə̂ âwâ lanə̈ gbɛ̂. Nyë pä düwü sə̈ Ndjapä la su nyê gbɛ̂ ndə̂kə̂ za ayîabâ sə̈ tchë, nyë pä adüwü ndə̂ Mbëtï Ndjapä, adüwü ndə̂kə̂ dɨ tchə̂lə̂ ma sə̈ Ndjapä, ndə̂ Yingö kʉ rə̂ sə̈ nyê.

Kölôse 4:7

Tïchîke ngâ ârâ earə̂ kua ndə̂ më nyîndə̂ yê tə̂ gbölösə̂nə̈ toadje apö gbɛ̂ pâ kə̂ sə̈ ndə̂ mê sə̈ nyê. Tche mbö kua ndrotə̂ mê batə̂ lëge earə̂ kua ndə̂ Gbölö Gbïɛ̈.

Dokʉ̈ Tësälönîke 3:2

ânyë kə̈ wân Timotë ngâ ârâ lə̂ Krîsiti sə̈ nyê; tche də̈ akrə ndə̂ andjë mbo kua balë la Ndjapä, kua ndə̂kə̂ mu Tchôtchô Pö ndə̂ Krîsiti. Ârâ wän tchë sə̈ nyê ndə̂kə̂ mbo rə̂ ânyë nyê kpokpo tə̂ nyê, kə̂ mbo rə̂ ânyë nyê gbo gbôgbô lə̂kə̂ za su nyê sə̈ Krîsiti,

Dokʉ̈ Timotë 1:10

la a-earə̂ kə̂ pu aɛ̈chë âdəndjë aköchë ngbî ngbî, la aköchë ndə̂ andjë pu angâ andjê aköchë, la azü ndə̂ andjë mbo waɛ̂che ndə̂ angbâa, la a-earə̂ yepa, la azü ndə̂ andjë debä la pö yepa, la azü gbɛ̂ ndə̂ andjë mbo rə ngbî tə̂ lëge pö Ndjapä ndə̂ a nyîsə̂ nə̈.

Dokʉ̈ Timotë 4:16

La zə̈ gbö pâ zə̈ la tə̂ zə̈, ndjë pâ kə̂ nyisə̂ rə ndə̂ zə̈. Amö rʉatə̂ su zə̈ pânə̈. Mo âmbo tâ käko ânyë kə̂ tchadje tə̂ zə̈ la tə̂ zə̈ lə̂ kuzü, ndjë la andjanə̈ ndə̂ andjë dje mö.

Dokʉ̈ Timotë 6:3

Âdə ngâ akrə ânyisə̂ ngâ pö ngbî, ânyë kə̈ zâbô tə̂ yê zâ tə̂ alëge apö ndə̂ Gbölö Gbïɛ̈ ndə̂ azə̂ Jezü Krîsiti-î, lakə̂ nyisə̂ rə ndə̂ âwâbô wâ gundə̂sə̂ apö ndə̂kə̂ zatə̂ andjê sə̈ Ndjapä-ê,

Bïchuû Timotë 1:6

Bëte rə̂ kä ndə̂ më kä tô rə̂ sə̈ mö päkëdə̂: Arə ndə̂ Yingö ndə̂ âwâ lə̂ zə̈, ndə̂ mo gbô rə̂ tchânə̂ Ndjapä tə̂ lo nə̈ ndə̂ më tô könô mê lə̂ küma zə̈ lâme, äwäpä mo mbo rə̂ âjo-ê.

Bïchuû Timotë 3:10

Praâbalë andə̂ zə nə̈, mö zâ tchêngbâ mê lə̂ arə kâkë nə̂: Kə̂ nyîsə̂ rə ndə̂ mê, kə̂ sə ndə̂ mê, arə ndə̂ më nyîndə̂ kə̂ mbo rə̂ lə̂ kua ndə̂ mê, kə̂ za su mê sə̈ Krîsiti, kə̂ rʉatə̂ su mê, kə̂ nyində̂ ngâ ndə̂ mê, kə̂ rʉatə̂ su mê lə̂ arə gbôgbô.

Bïchuû Timotë 4:3

Bëte ngâ lö wutuadje ndə̂ angâ azü kä nyi bata ndə̂kə̂ dje lëge pö ndə̂ a nyisə̂ nə̈ tee-a. Praâbalë andjê âmbo kütû rə ndə̂ gʉ su andjê la tə̂ andjê nyîndə̂ nə̈. Kpûlû a-earə̂ kə̂ nyisə̂ rə takpadje ndə̂ andjê, ânyë kə̂ nyisə̂ rə sə̈ andjê, ndə̂ andjë wâ la gʉ ndə̂kə̂ dje rə̂ lâme.

Tîte 2:1

Âdə andə̂ zə nə̈, amö nyisə̂ rə ndə̂ âwâ gundə̂sə̂ djîrə̂ kə̂ nyisə̂ rə.

Dokʉ̈ Pîêre 2:2

Batə̂ rə̂ ndə̂ angbelɛ̂-bechë mbo gʉ ngo anyï andjê, äwäpä nyë mbö ndjë gʉ pö Ndjapä ndə̂ ngâ ngbongbo rə balë wâbo wâ lə̂nə̈-ê. Käko lə̂ köbosə̂ kə̂ ndjo rə̂, nyê geadje ânyë kə̂ tchadje lə̂ kuzü.

Bïchuû Jâan 1:9

Akrə balë balë gbɛ̂ ndə̂ tche sə̂âbô sə̂ lə̂kə̂ nyisə̂ rə ndə̂ Krîsiti, ânyë kə̈ wân tâ ngbî, dëkë tche wâbo balë la Ndjapä-a. Akrə ndə̂ tche sə̂ lə̂kə̂ nyisə̂ rə ndə̂ Krîsiti, akrə nə̈ lâme kä balë la Bha azə̂ la Modô ndə̂ yê.

Jûde 1:5

Nyë wûnsə̂ apö lâme nə̂ gbɛ̂, praâbalë âkîâbo tə̂ köbo tə̂ mê ndə̂kə̂ pa më ka tô tchêndə̂ nə̈ sə̈ nyê-a. Gbölö Gbïɛ̈ tchä Isarayële, azü ndə̂ yê alême tchânə̂ azü gö ndə̂ Ejîpiti, la tchêngbâ nə̈ tche mbô rə̂ pä andjanə̈ ndə̂ andjë kôsə̂ kə̂ za su andjê sə̈ tchë tchû-î.