Dokʉ̈ Timotë 4:4 - Mbëtï Ndjapä: TÄFO MADƗ̈

⁴ Bëte rə gbɛ̂ ndə̂ Ndjapä mbô rə̂ wätə̂ tchôtchô nə̈, ânyë ngâ rə balë ndə̂kə̂ pa a kosə̂ nə̈ wâbo-a. Äwä ndə̂kə̂ pa akrə zɨ rə̂ lakə̂ za ayîabâ sə̈ Ndjapä.

Dokʉ̈ Timotë 4:4 Iomraidhean Croise

Abadjângele 10:15

Tchə̂lə̂ gɨ̈ nə̈ kä tô rə̂ sə̈ tchë tə̂ bïchuû nə̈ päkëdə̂: «Rə ndə̂ Ndjapä mbô rə̂ pä äwatə̂ tchôtchô nə̈, âwâbo pä mo wun rə̂ tə̂ ngbongbo rə-a.»

Abadjângele 15:29

Nyë zɨ̈äbô gûsû ndə̂ a wâ rə̂ la ngela sə̈ ngakʉ̈lä zɨ̂-î, kə̂ zɨabô jï zɨ̂-î, kə̂ zɨabô gia ndə̂ tche tchû la jï lə̂ yê zɨ̂-î. Nyë püäbô aɛ̈chë âdəndjë aköchë pû katchôgbɛ̂-ê. Âdə nyë âkosə̂ arə lâme dëkë nyë mbö rə lə̂ köbo nə̈. Ârâ pô ndə̂ nyê nə̂.»

Abadjângele 21:25

Âdə andə̂ azü ndə̂ andjë wâbô wâtə̂ ajuîfu ânyë kə̈ zâ su andjê sə̈ Krîsiti lâme, ârâ mbô mbëtï sə̈ andjê nə̂. Ârâ zäma lə̂nə̈ päkëdə̂: Gûsû ndə̂ a wâ rə̂ la ngela sə̈ angakʉ̈lä, äwäpä andjë zɨabô rə̂ zɨ̂-î. Andjë wâbo ndjë ndə̂kə̂ zɨ jï-a, la gia ndə̂ tche tchû la jï lə̂ yê-a. Âwâbo pä andjë pu aɛ̈chë âdəndjë aköchë katchôgbɛ̂-a.»

Rômo 14:14

Lə̂ köbo ndə̂kə̂ wa balë la Gbölö Gbïɛ̈, ndə̂ më wâ balë la tchë lâme, më wûnsə̂ nə̈ nə̂ tə̂ lëge nə̈ pä ngâ rə balë ndə̂ âwâ la tə̂ yê tə̂ rə kâkpö balë wâbo-a. Praâbalë âdə ngâ akrə âwun ngâ rə batə̂ ngbongbo rə, rə nə̈ lâme wätə̂ ngbongbo rə kütû lə̂ la akrə nə̈ lâme.

Rômo 14:20

Amö ndɨabô kua Ndjapä ndɨ̂ bëte pö ndə̂kə̂ zɨ rə-ê. Tə̂ lëge nə̈, akɨ̈zɨ̂ gbɛ̂ wätə̂ tchôtchô nə̈. Praâbalë âdə köbo âyu tə̂ ngâ akrə bëte kɨ̈zɨ̂ ndə̂ mo zɨ rə̂, dëkë kə̂ zɨ kɨ̈zɨ̂ ndə̂ zə̈ nə̈ wâtə̂ ngbongbo rə nə̂.

Rômo 14:6

Akrə ndə̂ tche wûn ngâ lö batə̂ gbölö lö ndə̂ ârô adɨ̂ nə̈, tche mbö rə̂ käko ndə̂kə̂ lusə̂ Gbölö Gbïɛ̈. Akrə ndə̂ tche zɨ arə gbɛ̂, tche zɨ̈ rə̂ ndə̂kə̂ lusə̂ Gbölö Gbïɛ̈, bëte tche zä ayîabâ sə̈ Ndjapä. Akrə ndə̂ tche zɨ angâ rə, tche mbö rə̂ käko ndə̂kə̂ lusə̂ Gbölö Gbïɛ̈, bëte tchetchë ndjë gbɛ̂ tche zä ayîabâ sə̈ Ndjapä.

Dokʉ̈ Körɛ̂nte 10:23

Angânə̈ tö rə̂ päkëdə̂: «A zä köbo sə̈ akrə ndə̂kə̂ mbo arə gbɛ̂», ɛn-ɛn! Praâbalë âdə̂âbo rə gbɛ̂ kä âkə̈ dâka-a. «A zä köbo sə̈ akrə ndə̂kə̂ mbo arə gbɛ̂», ɛn-ɛn! Praâbalë, âdə̂âbo rə gbɛ̂ kä ndə̂ âmbo rə̂ pä Egilîze kpokpo tə̂ yê-a.

Dokʉ̈ Körɛ̂nte 10:25

Rə gbɛ̂ ndə̂ a ka rə̂ lə̂ kâpä, nyë zɨ̈ rə̂ kə̂ yuabô kû pö pânə̈ yû-î, nyë rɨ̈äbô tchə̂lə̂ su nyê rɨ̂ pânə̈-ê.

Dokʉ̈ Körɛ̂nte 10:26

Bëte tchêbêche la arə gbɛ̂ ndə̂ âwâ lə̂nə̈ də̈ andə̂ Gbölö Gbïɛ̈.

Dokʉ̈ Körɛ̂nte 10:30

Âdə mê âza ayîabâ sə̈ Ndjapä tə̂ pö ndə̂ kɨ̈zɨ̂ ndə̂ më zɨ̂ rə̂, bëte giamâ kä ndə̂ akrə jende mê bëte kɨ̈zɨ̂ ndə̂ më zâ ayîabâ tâ?»

Dokʉ̈ Timotë 4:3

Andjë kïtə̂ köbo tə̂ azü ndə̂kə̂ pa andjë toabô tə̂ andjê tô-ê, kə̈ kîtə̂ köbo ndə̂kə̂ pa andjë zɨabô angâ akɨ̈zɨ̂ zɨ̂-ê. Dëkë Ndjapä mbö kɨ̈zɨ̂ lâme ndə̂kə̂ pa azü ndə̂ Krîsiti ndə̂ andjë wûnsə̂ lëge pö, andjë zɨ rə̂ lakə̂ za ayîabâ sə̈ Ndjapä.