Dokʉ̈ Timotë 4:3 - Mbëtï Ndjapä: TÄFO MADƗ̈

³ Andjë kïtə̂ köbo tə̂ azü ndə̂kə̂ pa andjë toabô tə̂ andjê tô-ê, kə̈ kîtə̂ köbo ndə̂kə̂ pa andjë zɨabô angâ akɨ̈zɨ̂ zɨ̂-ê. Dëkë Ndjapä mbö kɨ̈zɨ̂ lâme ndə̂kə̂ pa azü ndə̂ Krîsiti ndə̂ andjë wûnsə̂ lëge pö, andjë zɨ rə̂ lakə̂ za ayîabâ sə̈ Ndjapä.

Dokʉ̈ Timotë 4:3 Iomraidhean Croise

Matiyə̈ 14:19

Pânə̈ tche zâma sə̈ azü nə̈ ndə̂kə̂ pa andjë sə bêche pâ abë. Tche kʉ̂ mâpa mïndûu la agiangû bïchuû nə̈, kə̈ kênga la yê atə̂ lafô, kə̈ ê tchôtchô pö pânə̈. La tchêngbâ nə̈ tche tchô tchə̂lə̂ mâpa nə̈, tche kʉ̂ rə̂ sə̈ adjisîpili, ânyë andjë krʉ̂ tchə̂lə̂ nə̈ tə̂ azü nə̈ gbɛ̂.

Matiyə̈ 15:11

Âdə̂âbo rə ndə̂ âli atə̂lə̂ akrə kä ndə̂ âmbo rə̂ pä tchë wa la kâkpö-a. Praâbalë rə ndə̂ âwutu lə̂ ma akrə kä ndə̂ âmbo rə̂ pä tche wa la kâkpö.»

Matiyə̈ 15:36

Tche kʉ̂ mâpa mïndûu manə̈ bïchuû la agiangû lâme, kə̈ zâ ayîabâ sə̈ Ndjapä, kə̈ tchô tchə̂lə̂ nə̈, kə̈ kʉ̂ rə̂ sə̈ adjisîpili ânyë andjë krʉ̂ tchə̂lə̂ nə̈ tə̂ kpûlû azü nə̈ gbɛ̂.

Lûke 24:30

Ndə̂ andjë sə̂ lakə̂ zɨ kɨ̈zɨ̂, Jezü zâ mâpa, kə̈ ê tchôtchô pö pânə̈, kə̈ tchô tchə̂lə̂ nə̈, kə̂ krʉ̂ tchə̂lə̂ nə̈ tə̂ andjê.

Jâan 6:23

Praâbalë angâ azü nə̂ la angâ akülû, andjë tö bhâ Tïbërïyâde kə̈ wûtu ndola sə̂ tchô ndə̂ andjë zɨ̂ mâpa tâ alême, pânə̈ ndə̂ Gbölö Gbïɛ̈ zâ ayîabâ sə̈ Ndjapä lâme.

Abadjângele 27:35

Pâ pö lâme, Pôlo zâ mâpa, kə̈ zâ ayîabâ sə̈ Ndjapä tchâtchu andjê gbɛ̂, kə̈ tchô tchə̂lə̂ nə̈ ânyë kə̈ jêtə̂ kə̂ zɨ rə̂.

Rômo 14:17

Gbölö gö-gbïɛ̈ ndə̂ Ndjapä wâbo ndə̂kə̂ zɨ kɨ̈zɨ̂ âdəndjë ndə̂kə̂ ndjo rə-a, praâbalë äwä ndə̂kə̂ mbo rə djîrə̂, ndə̂kə̂ sə la zɨtɨ su la mômô ndə̂ Kpɨ̂ki Yingö za rə̂ sə̈ akrə.

Rômo 14:3

Akrə ndə̂ tche zɨ arə gbɛ̂, âwâbo pä tche wun akrə ndə̂ tche zɨ kütû angâ rə batə̂ ngâ akrə ndə̂ tche wâbô wâtə̂ ngâ rə-a. Akrə ndə̂ tche zɨ kütû angâ rə, âwâbo pä tche jende akrə ndə̂ tche zɨ arə gbɛ̂-a, bëte Ndjapä zä ndjë akrə ndə̂ tche zɨ arə gbɛ̂ batə̂ akrə ndə̂ yê.

Rômo 14:6

Akrə ndə̂ tche wûn ngâ lö batə̂ gbölö lö ndə̂ ârô adɨ̂ nə̈, tche mbö rə̂ käko ndə̂kə̂ lusə̂ Gbölö Gbïɛ̈. Akrə ndə̂ tche zɨ arə gbɛ̂, tche zɨ̈ rə̂ ndə̂kə̂ lusə̂ Gbölö Gbïɛ̈, bëte tche zä ayîabâ sə̈ Ndjapä. Akrə ndə̂ tche zɨ angâ rə, tche mbö rə̂ käko ndə̂kə̂ lusə̂ Gbölö Gbïɛ̈, bëte tchetchë ndjë gbɛ̂ tche zä ayîabâ sə̈ Ndjapä.

Dokʉ̈ Körɛ̂nte 6:13

Angâ azü tö ndjë rə̂ päkëdə̂: «Kɨ̈zɨ̂ wä bëte tchə̂lə̂, ânyë tchə̂lə̂ wâ bëte kɨ̈zɨ̂.» Ɛn-ɛn, praâbalë Ndjapä ândɨadje kɨ̈zɨ̂ la tchə̂lə̂. Käko tə̂ akrə wâbo ndə̂kə̂ pa tche za rə̂ sə̈ ɛ̈chë âdəndjë köchë katchôgbɛ̂-a. Tə̂ akrə wä bëte Gbölö Gbïɛ̈, ânyë Gbölö Gbïɛ̈ wâ bëte tə̂ akrə.

Dokʉ̈ Körɛ̂nte 7:28

Praâbalë âdə mo âto ɛ̈chë, mo mbôâbo ngbongbo rə-a. Âdə ngâ bechë-ɛ̈chë âto köchë, tche mbôâbo ngbongbo rə-a. Praâbalë azü ndə̂ andjë tôtə̂ andjê wun-adje yûkü tə̂ gbölösə̂nə̈ lə̂ tchîsûwu ndə̂ andjê, ârə̂ kä ndə̂ më nyîndə̂ nə̈ pä ägboabô nyê gbô-ê.

Dokʉ̈ Körɛ̂nte 8:8

Âdə̂âbo kɨ̈zɨ̂ kä ndə̂ âmbo rə̂ pä azə̈ wa ndola Ndjapä-a. Âdə azə̂ âzɨabô rə̂ zɨ̂-î, ngâ rə ndə̂ azə̂ ndə̂ âyû lə̂nə̈ wâbo-a. Âdə azə̂ âzɨ rə̂, ngâ rə ndə̂ azə̈ gbo ndjë rə̂ lə̂nə̈ wâbo-a.

Kölôse 2:16

Käko âwâbo pä ngâ akrə wa ngbanga lə̂ küma nyê tə̂ pö ndə̂ kɨ̈zɨ̂-a, âdəndjë kə̂ ndjo rə, âdəndjë alö ndə̂ akpülü, alö kpülü ndə̂ täfo nyîpï, la alö sabäa-a.

Kölôse 3:17

Apö gbɛ̂ ndə̂ nyê to rə̂, âdəndjë arə gbɛ̂ ndə̂ nyê mbo rə̂, nyë mbö rə̂ la rə̈ Gbölö Gbïɛ̈ Jezü, kə̂ za ayîabâ sə̈ Ndjapä Bha lə̂ köbosə̂ yê.

Dokʉ̈ Timotë 2:4

Ndjapä nyïndə̂ nə̈ pä azü gbɛ̂ tcha lə̂ kuzü, lakə̂ wunsə̂ lëge pö.

Dokʉ̈ Timotë 4:4

Bëte rə gbɛ̂ ndə̂ Ndjapä mbô rə̂ wätə̂ tchôtchô nə̈, ânyë ngâ rə balë ndə̂kə̂ pa a kosə̂ nə̈ wâbo-a. Äwä ndə̂kə̂ pa akrə zɨ rə̂ lakə̂ za ayîabâ sə̈ Ndjapä.

Dokʉ̈ Timotë 5:14

Më nyïndə̂ nə̈ pä abechë-ɛ̈chë lə̂ ndavrö kä to aköchë, kə̂ zɨ abechë, kə̂ nyisə̂ köbo sə̈ azü nda ndə̂ andjê. Käko andjê gboabô tə̂ köbo sə̈ earə̂ kə̂ kosə̂ azə̂, ndə̂kə̂ dɨ angbongbo apö tə̂ azə̂ tee-a.

Aheborö 13:4

Äwäpä azü gbɛ̂ lusə̂ kə̂ totə̂ ndə̂ köchë la ɛ̈chë. Äwäpä aköchë la aɛ̈chë bata tə̂ andjê lə̂ gbâtə̂ andjê. Bëte Ndjapä âwadje ngbanga pâ azü ndə̂ andjë pu aɛ̈chë âdəndjë aköchë katchôgbɛ̂, la andjanə̈ ndə̂ andjë pu aköchë âdəndjë aɛ̈chë ndə̂ azü.

Aheborö 13:9

Âwâbo pä nyë gbotə̂ köbo sə̈ azü, andjë bolo nyê lakə̂ nyisə̂ angâ apö ngbî ngbî sə̈ nyê-a, bëte äwäpä su nyê kpokpo tə̂ yê lə̂ köbosə̂ tchôtchô su ndə̂ Ndjapä, âdə̂âbo tə̂ pö ndə̂ kɨ̈zɨ̂-a. Azü ndə̂ andjë bata ndïɛ̈ ndə̂ kɨ̈zɨ̂ lâme, andjë gbôâbo ngâ rə ngbânə̈ balë-a.