Dokʉ̈ Timotë 4:2 - Mbëtï Ndjapä: TÄFO MADƗ̈

² Azü nə̈ lâme tchadje köbo sə̂nə̈ ngbâ azü ndə̂kə̂ mbo rə ndə̂ andjê wâ ngbî tə̂ pö ma andjê, ndə̂ andjë wâtə̂ a-earə̂ yepa. Kə̂ rɨ tchə̂lə̂ su andjê wä batə̂ wɛ̂n ndə̂ a zâ rə̂ lə̂ wo ânyë âdrô gboo.

Dokʉ̈ Timotë 4:2 Iomraidhean Croise

Matiyə̈ 24:24

Bëte angâ amesï ndə̂ yepa la a-earə̂ ndə̂ma Ndjapä ndə̂ yepa nəadje. Andjê mboadje asɨ̂nyî rə la arə ndə̂ âropâ küma azü, ndə̂kə̂ bolo azü, âdə köbo âwa, andjë bolo ndjë azü ndə̂ Ndjapä dɨ̂ andjê.

Matiyə̈ 7:15

«La nyê gbö tə̂ angbongbo a-earə̂ ndə̂ma Ndjapä. Andjë yü kpoto ɛ̈bro-ngbaga ânyë kə̂ nə pu nyê, dëkë andjë wätə̂ angbongbo azâgôâ.

Abadjângele 20:30

Ndjë lə̂ gbâtə̂ nyê la tə̂ nyê, angânə̈ adjelafô la pö yepa ndə̂kə̂ bolo adjisîpili ndə̂kə̂ pa andjë za tchêngbâ andjê.

Rômo 1:28

Batə̂ rə̂ ndə̂ andjë kôsə̂ kə̂ wunsə̂ Ndjapä, Ndjapä gbôtə̂ andjê ndə̂kə̂ pa andjë za tchêngbâ kə̂ wunsə̂ rə ndə̂ andjê ndə̂ âwâbô wâ lə̂ köbo nə̈-ê. Käko andjë mbö rə ndə̂ âwâbô wâ ndə̂kə̂ pa akrə mbo rə̂-ê.

Rômo 16:18

Bëte azü nə̈ lâme mbôâbo kua ndə̂ Krîsiti Gbölö Gbïɛ̈ ndə̂ azə̂-a. Praâbalë andjë pü kütû kɨ̈zɨ̂ tchə̂lə̂ andjê. Atchôtchô pö la apö ndə̂ âfû wütu lə̂ ma andjê ndə̂kə̂ bolo azü ndə̂ tchə̂lə̂ la andjê krâbô krâ-ê.

Ëfêze 4:14

Käko azə̂ kä wa bata batə̂ ayɛ̈yɛ̈ abechë tee-a, ndə̂ andjë wâ batə̂ külû la ngû ndə̂ kpabe sə lakə̂ e la rə̂ katchôgbɛ̂ lâme ndə̂, kə̂ nyisə̂ rə ndə̂ a-earə̂ yepa la a-earə̂ kə̂ bolo azü wâ batə̂ yi ndə̂ âro la andjê dəkalâ dəkalâ lâme.

Ëfêze 4:19

Andjë wûn-âbo sə̂kə̂ krʉ tchə̂lə̂ tchôtchô rə la ngbongbo rə-a, ädə̈ käko ânyë andjë zâtə̂ andjê ndə̂kə̂ pu aɛ̈chë âdəndjë aköchë katchôgbɛ̂. Andjë mbö arə kâkpö balë balë gbɛ̂ kə̈ gbôâbo tə̂ köbo nə̈-a.

Bïchuû Timotë 3:5

Andjê mboadje tə̂ andjê batə̂ azü ndə̂ andjë zâtə̂ andjê gbɛ̂ sə̈ Ndjapä, praâbalë andjê vuadje sə̂ gbôgbô ndə̂nə̈. Amö sə tə̂ andjê ngrɨ̈.

Apökälîbïchi 16:14

Andjë wätə̂ angbongbo atchozö ndə̂ andjë mbo akpɨ̈ngbɨ̈ rə. Andjë ë pu agbïɛ̈ kupâ cho gbɛ̂ ndə̂kə̂ pala andjê bëte kʉ̈ʉ̈ ndə̂ âwutuadje losə̂ gbölö lo ndə̂ Ndjapä ndə̂ tche wâ la gbôgbô gbɛ̂.