Dokʉ̈ Timotë 4:16 - Mbëtï Ndjapä: TÄFO MADƗ̈

¹⁶ La zə̈ gbö pâ zə̈ la tə̂ zə̈, ndjë pâ kə̂ nyisə̂ rə ndə̂ zə̈. Amö rʉatə̂ su zə̈ pânə̈. Mo âmbo tâ käko ânyë kə̂ tchadje tə̂ zə̈ la tə̂ zə̈ lə̂ kuzü, ndjë la andjanə̈ ndə̂ andjë dje mö.

Dokʉ̈ Timotë 4:16 Iomraidhean Croise

Mâreke 13:9

Âdə andə̂ nye nə̈, la nyê gbö pâ nyê la tə̂ nyê. Azü â-eadje la nyê atə̂lə̂ ngbanga, a âbhiadje nyê lə̂ anda kə̂ voga Ndjapä ndə̂ ajuîfu. Nyê eadje ndə̂kə̂ krʉ tchâtchu agoverenëre la agbïɛ̈ bëte mê, ndə̂kə̂ pa nyë to pö ndə̂ arə ndə̂ nyë wûnsə̂ nə̈ pâ mê tchâtchu andjê.

Lûke 21:34

«La nyê gbö-ê, nyë zäbô su nyê zâ pâ kə̂ zɨ kɨ̈zɨ̂ lə̂ kpülü lakə̂ ndjo pî âropâ nyê, âdəndjë rə̂ nyë rɨ̈äbô tchə̂lə̂ nyê rɨ̂ pâ arə tchêbêche âtə-ê. Ârə̂ âdəabô də̂ käko, lo kə̂ ka ndə̂ Modô ndə̂ Akrə âtroadje nyê.

Abadjângele 26:22

Praâbalë Ndjapä kä ndə̂ âbâta mê zoo ânyë gbô mê ndə̂po lakə̂ nyisə̂ arə ndə̂ më wûnsə̂ nə̈ pâ yê sə̈ akpîɛ̂kpîɛ̂ azü la agbölö azü. Më tö kütû pö ndə̂ arə ndə̂ a-earə̂ ndə̂ma Ndjapä la Möyîze tô rə̂ alême, ndə̂ âwutuadje, ârə̂ kä âkə̈ wûtu âtə, andjë tö rə̂ päkëdə̂:

Abadjângele 6:4

Âdə andə̂ ârâ, ârâ âsə kpô tə̂kə̂ to pö sə̈ Ndjapä, lakə̂ mu pö ndə̂ yê.»

Rômo 11:14

ndə̂kə̂ mbo rə̂ pä azü pâ mawo ndə̂ mê ajuîfu wa la gbölö su ânyë mê tcha angânə̈ lə̂ gbâtə̂ andjê lə̂ kuzü.

Rômo 16:17

Arə̂mä, rə ndə̂ mê yûkû nə̈ sə̈ nyê kä âtə: La nyê gbö tə̂ azü ndə̂ andjë nə la apö ndə̂ âkrʉ tchə̂lə̂ azü la apö ndə̂ âmbo rə̂ pä azü te lə̂ ngbongbo rə. Azü nə̈ gbôtə̂ köbo pö ndə̂ ârâ nyîsə̂ nə̈ sə̈ andjê lâme nə̂. Nyë gïtə̂ nyê tə̂ azü lâme bhâchï.

Rômo 2:7

Angâ azü rʉ̈ätə̂ su andjê lə̂ agbôgbô arə ndə̂kə̂ mbo tchôtchô rə ndə̂kə̂ pa Ndjapä voga andjê ânyë kə̂ lusə̂ andjê. Andjë pü tchîsûwu ndə̂ ândɨ̂âbô ndɨ̂-î. Ndjapä âzadje tchîsûwu ndə̂ logbɛ̂ logbɛ̂ sə̈ andjê.

Dokʉ̈ Körɛ̂nte 1:21

Bëte azü pâ cho âtə, lə̂ köbosə̂ küma andjê ndə̂ âwâ lanə̈, andjë wûn-âbo sə̂ Ndjapä la küma yê ndə̂ âwâ lanə̈ lâme-a. Ädə̈ käko ânyë âdâka lə̂ la Ndjapä ndə̂kə̂ tcha andjanə̈ ndə̂ andjë zâ su andjê sə̈ tchë kütû lə̂ köbosə̂ pö ndə̂ ârâ mû rə̂, ndə̂ âwâ batə̂ pö nyî lâme.

Dokʉ̈ Körɛ̂nte 9:22

Âdə mê âsə lə̂ gûtə̂ azü ndə̂ andjë kpôkpoabô tə̂ andjê kpôkpo lə̂kə̂ za su andjê sə̈ Krîsiti, kə̂ mbo rə batə̂ azü ndə̂ andjë kpôkpoabô tə̂ andjê kpôkpo lə̂kə̂ za su andjê sə̈ Krîsiti ânyë kə̂ gbo andjê sə̈ Krîsiti. Më zätə̂ mê gbɛ̂ sə̈ azü gbɛ̂ ndə̂kə̂ mbo rə̂ gbɛ̂ ânyë kə̂ tcha angânə̈ sə̈ Krîsiti.

Dokʉ̈ Körɛ̂nte 9:27

Më mbö arə gbôgbô tə̂ tə̂ mê, ndə̂kə̂ pa ädje mê. Ârə̂ âdəabô də̂ käko-ë, Tchôtchô Pö ndə̂ mê mu rə̂ lâme, mê âwutu lə̂nə̈ kênê ämbänə̈.

Ëfêze 4:14

Käko azə̂ kä wa bata batə̂ ayɛ̈yɛ̈ abechë tee-a, ndə̂ andjë wâ batə̂ külû la ngû ndə̂ kpabe sə lakə̂ e la rə̂ katchôgbɛ̂ lâme ndə̂, kə̂ nyisə̂ rə ndə̂ a-earə̂ yepa la a-earə̂ kə̂ bolo azü wâ batə̂ yi ndə̂ âro la andjê dəkalâ dəkalâ lâme.

Kölôse 4:17

Ndə̂kə̂ ka pö ndə̂ mê, nyë tö rə̂ sə̈ Ärchîpe päkëdə̂: «La zə̈ gbö tə̂ kua ndə̂ Gbölö Gbïɛ̈ zâ rə̂ sə̈ mö! Amö mbo rə̂ lə̂ köbo nə̈.»

Dokʉ̈ Tësälönîke 2:16

Andjë kïtə̂ köbo tə̂ ârâ ndə̂kə̂ mu pö Ndjapä sə̈ azü ndə̂ andjë wâbô wâtə̂ ajuîfu-î, pö ndə̂ âwâ ndə̂kə̂ tcha andjê lə̂ kuzü. Ajuîfu mbö rə̂ pä ngbongbo rə ndə̂ andjë mbo tchê rə̂ logbɛ̂ wa ëpânə̈ ëpânə̈. Praâbalë la tchêngbâ nə̈ gbɛ̂ mêrâ ndə̂ Ndjapä tê pâ andjê.

Dokʉ̈ Timotë 1:3

Batə̂ rə̂ ndə̂ më yûkû nə̈ alême sə̈ mö ndə̂ mê âsə̈ ro atə̂ Mäsëdöâne lâme, amö sə po bhâ Ëfêze. Angâ azü bhâye ndə̂ andjë nyisə̂ rə ndə̂ âwâ ngbî tə̂ pö Ndjapä lâme, amö dacho la andjê.

Dokʉ̈ Timotë 4:15

Rə ndə̂ âwâ ndə̂kə̂ pa mo za rə̂ lə̂ su zə̈ kä lâme. Rə ndə̂ âwâ ndə̂kə̂ pa mo rʉatə̂ su zə̈ lə̂nə̈ kä lâme. Käko ânyë azü gbɛ̂ wun köbo ndə̂ kua ndə̂ zə̈ e atə̂ tchâtchu nə̈.

Dokʉ̈ Timotë 4:6

Amö nyisə̂ rə lâme gbɛ̂ sə̈ arə̂mâ, käko mô wadje tə̂ tchôtchô earə̂ kua ndə̂ Jezü Krîsiti. Mô nyiadje sə̂nə̈ pä tchə̂lə̂ zə̈ sɨ̂sɨ̈ la apö ndə̂kə̂ za su sə̈ Krîsiti, la tchôtchô kə̂ nyisə̂ rə ndə̂ mo zâ tchêngbâ nə̈ djîrə̂ lâme.

Bïchuû Timotë 2:10

Bëte rə̂ kä ndə̂ më rʉ̂âtə̂ su mê lə̂ arə gbɛ̂, bëte azü ndə̂ Ndjapä dɨ̂ andjê ndə̂kə̂ pa andjë tcha ndjë lə̂ kuzü. Kə̂ tcha lə̂ kuzü nə̈ lâme wâ lə̂ Jezü Krîsiti lakə̂ lusə̂tə̂ ndə̂ logbɛ̂ logbɛ̂.

Bïchuû Timotë 3:14

Praâbalë andə̂ zə nə̈, äwäpä rə ndə̂ mo manda rə̂ ânyë kə̈ gâmba rə̂ pä, äwätə̂ lëge nə̈ lâme, amö za rə̂ kperə̂: Mo wûnsə̂ akrə ndə̂ tche nyîsə̂ nə̈ sə̈ mö nə̂.

Bïchuû Timotë 4:2

Äwäpä mo mu pö Ndjapä, kə̂ chi pânə̈ lə̂ tchôtchô lö ndjë lə̂ ngbongbo lö. Amö gbɨtɨ tü azü, kə̂ hro la andjê, kə̂ za wängö sə̈ andjê, lakə̂ rʉatə̂ su zə̈ logbɛ̂, la su ndə̂kə̂ nyisə̂ rə.

Tîte 1:9

Äwäpä tche zatə̂ yê gbɛ̂ pâ pö Ndjapä, ndə̂ âwâtə̂ pö ndə̂kə̂ za su sə̈ Krîsiti, ânyë kə̈ wâ gundə̂sə̂ pö ndə̂ a nyîsə̂ nə̈ dokʉ̈tchê. Käko tchê wadje tə̂ akrə ndə̂ tche kʉ̂sə̂ kə̂ za wängö sə̈ azü tə̂ pö ndə̂ lëge pö ndə̂ a nyîsə̂ nə̈ sə̈ andjê, ndjë kə̂ nyisə̂ nə̈ sə̈ a-earə̂ kə̂ kosə̂ lëge pö pä, andjë tchâ köbo nə̂.

Tîte 2:15

Käko kä ndə̂ mo wâ ndə̂kə̂ to pö, kə̂ za wängö sə̈ azü, kə̂ gbɨtɨ tü azü la gbôgbô. Âwâbo pä ngâ akrə balë talusə̂ zə̈-a.

Tîte 2:7

lə̂ arə gbɛ̂. Momö ndjë gbɛ̂, äwäpä mo nyisə̂ köbo sə̈ azü lə̂ köbosə̂ kə̂ mbo tchôtchô kua ndə̂ zə̈. Äwäpä kə̂ nyisə̂ rə ndə̂ zə̈ daka gbɛ̂, lakə̂ lusə̂tə̂ zə̈.

Filemön 1:19

Mëmê Pôlo kä ndə̂ âmbô mbëtï âtə sə̈ mö la könô mê: Mëmê kä ndə̂ âgiadje rə̂ sə̈ mö. Më nyîâbo ndə̂kə̂ to rə̂ sə̈ mö pä, sə̂ geda ndə̂ mê ndə̂ âwâ ndjë lə̂ küma zə̈ lâme, sə̂nə̈ te lə̂ zə̈-a, bëte geda nə̈ də̈ tchîsûwu ndə̂ zə̈.

Aheborö 12:15

La nyê gbö-ê, ânyë ngâ akrə dodoabô tə̂ yê dôdo tə̂ tchôtchô su ndə̂ Ndjapä-ê. Âwâbo pä ngâ akrə wa batə̂ soabe, ndə̂ ndôngâ yê wutu ânyë kə̂ ndɨ angbängbä azü-a.

Aheborö 13:9

Âwâbo pä nyë gbotə̂ köbo sə̈ azü, andjë bolo nyê lakə̂ nyisə̂ angâ apö ngbî ngbî sə̈ nyê-a, bëte äwäpä su nyê kpokpo tə̂ yê lə̂ köbosə̂ tchôtchô su ndə̂ Ndjapä, âdə̂âbo tə̂ pö ndə̂ kɨ̈zɨ̂-a. Azü ndə̂ andjë bata ndïɛ̈ ndə̂ kɨ̈zɨ̂ lâme, andjë gbôâbo ngâ rə ngbânə̈ balë-a.

Jâke 5:20

äwäpä nyë wunsə̂ nə̈ päkëdə̂: Akrə ndə̂ tche kâ la ngâ earə̂ ngbongbo rə ëpâ köbo ndə̂ tche tchâ rə̂ lâme, dëkë tche mbö rə̂ pä earə̂ ngbongbo rə tcha lə̂ kuzü, kə̈ mbô ndjë rə̂ pä Ndjapä ko angbängbä apö lə̂ küma yê.