Dokʉ̈ Timotë 4:13 - Mbëtï Ndjapä: TÄFO MADƗ̈

¹³ Dokʉ̈tchê ndə̂kə̂ pa më nə, amö zatə̂ zə̈ gbɛ̂ ndə̂kə̂ dɨ Mbëtï Ndjapä, kə̂ za wängö sə̈ azü, lakə̂ nyisə̂ rə.

Dokʉ̈ Timotë 4:13 Iomraidhean Croise

Jâan 5:39

Nyë pü dju apö ndə̂ Ndjapä, bëte nyë wünsə̂ nə̈ pä nyë âgbo tchîsûwu ndə̂ logbɛ̂ logbɛ̂ lə̂ köbosə̂ nə̈. Dëkë apö Ndjapä lâme kä ndə̂ âto pö pâ mê.

Abadjângele 17:11

Ajuîfu ndə̂ Berë däka kə̈ rô andjandə̂ Tësälönîke. Andjë gbö pö ndə̂ Ndjapä la gʉ nə̈ gbɛ̂. Logbɛ̂ andjë sə̈ lakə̂ pu rə̂ lə̂ pö nə̈ ndə̂kə̂ wun rə̂ pä pö ndə̂ Pôlo tô rə̂ lâme kä lə̂ köbo nə̈.

Abadjângele 6:4

Âdə andə̂ ârâ, ârâ âsə kpô tə̂kə̂ to pö sə̈ Ndjapä, lakə̂ mu pö ndə̂ yê.»

Rômo 12:8

Akrə ndə̂ tche wâ la rə ndə̂ Yingö ndə̂kə̂ za gbôgbô tə̂ su azü, äwäpä tche za wängö. Akrə ndə̂ tche kʉ arə sə̈ azü, äwäpä tche kʉ arə nə̈ la tchôtchô su yê. Akrə ndə̂ tche sə̂ tə̂ küma azü, äwäpä tche zä su yê gbɛ̂ tə̂ kua nə̈. Akrə ndə̂ tche wun nyonyo a-earə̂ yûkü, äwäpä tche mbo rə̂ la mômô tə̂ ma yê.

Dokʉ̈ Körɛ̂nte 14:26

Käko arə̂mä, azə̂ âmbo atöko? Âdə nyë âpalatə̂ nyê, ngânə̈ balë lə̂ gbâtə̂ nyê pä düwü, ngânə̈ nyisə̂ rə âdəndjë rə̂ ndə̂ tche to pö ndə̂ ngâ rə ndə̂ Ndjapä nyîsə̂ nə̈ sə̈ tchë, ngânə̈ to pö la ama gö ngbî ngbî, ânyë ngânə̈ to tchêngbâ pö nə̈ la ma gö ndə̂ azü nə̈. Rə gbɛ̂ ndə̂ nyê mbo rə̂, äwäpä rə nə̈ lâme kpokpo azü ndə̂ Egilîze.

Dokʉ̈ Körɛ̂nte 14:3

Praâbalë akrə ndə̂ tche to ndə̂ma Ndjapä, tche tö pö nə̈ sə̈ azü. Tche tö apö ndə̂ âmbo rə̂ pä akrə kpokpo tə̂ yê, tche zä wängö ndə̂ Ndjapä sə̈ azü, kə̂ za wängö ndə̂ âza gbôgbô tə̂ su azü.

Dokʉ̈ Körɛ̂nte 14:6

Ndə̂ azə̈ sə̂ âtə arə̂mä, âdə mê ânə ndə̂kə̂ wun nyê, ânyë kə̈ tô pö sə̈ nyê la angâ ama gö ngbî, nyë âgbo tchôtchô rə lə̂ köbosə̂ mê atöko? Ndə̂kə̂ pa nyë gbo tchôtchô rə, äwäpä ngâ rə ndə̂ Ndjapä nyîsə̂ nə̈ sə̈ mê, mê to rə̂ sə̈ nyê, kə̂ mbo rə̂ ndə̂kə̂ pa nyë wunsə̂ rə, kə̂ to ndə̂ma Ndjapä sə̈ nyê, kə̂ nyisə̂ rə sə̈ nyê.

Dokʉ̈ Timotë 4:16

La zə̈ gbö pâ zə̈ la tə̂ zə̈, ndjë pâ kə̂ nyisə̂ rə ndə̂ zə̈. Amö rʉatə̂ su zə̈ pânə̈. Mo âmbo tâ käko ânyë kə̂ tchadje tə̂ zə̈ la tə̂ zə̈ lə̂ kuzü, ndjë la andjanə̈ ndə̂ andjë dje mö.

Dokʉ̈ Timotë 4:6

Amö nyisə̂ rə lâme gbɛ̂ sə̈ arə̂mâ, käko mô wadje tə̂ tchôtchô earə̂ kua ndə̂ Jezü Krîsiti. Mô nyiadje sə̂nə̈ pä tchə̂lə̂ zə̈ sɨ̂sɨ̈ la apö ndə̂kə̂ za su sə̈ Krîsiti, la tchôtchô kə̂ nyisə̂ rə ndə̂ mo zâ tchêngbâ nə̈ djîrə̂ lâme.

Bïchuû Timotë 3:15

Mo wünsə̂ Mbëtï Ndjapä ndə̂ gbô mö ndə̂po tə̂ bechë. Mbëtï nə̈ lâme wä la gbôgbô ndə̂kə̂ za küma zə̈ lanə̈. Küma ndə̂ âwa lanə̈ lâme kä ndə̂ âza köbo sə̈ mö ndə̂kə̂ tcha lə̂ kuzü lə̂ köbosə̂ kə̂ za su zə̈ ndə̂ âwâ lə̂ Jezü Krîsiti.

Bïchuû Timotë 4:2

Äwäpä mo mu pö Ndjapä, kə̂ chi pânə̈ lə̂ tchôtchô lö ndjë lə̂ ngbongbo lö. Amö gbɨtɨ tü azü, kə̂ hro la andjê, kə̂ za wängö sə̈ andjê, lakə̂ rʉatə̂ su zə̈ logbɛ̂, la su ndə̂kə̂ nyisə̂ rə.

Tîte 2:15

Käko kä ndə̂ mo wâ ndə̂kə̂ to pö, kə̂ za wängö sə̈ azü, kə̂ gbɨtɨ tü azü la gbôgbô. Âwâbo pä ngâ akrə balë talusə̂ zə̈-a.