Dokʉ̈ Timotë 4:1 - Mbëtï Ndjapä: TÄFO MADƗ̈

¹ Kpɨ̂ki Yingö tö rə̂ kraâ päkëdə̂: Lə̂ adɨ̂ alö âtə, angâ azü âgboadje tə̂ köbo su andjê ndə̂ andjë zâ rə̂ sə̈ Krîsiti, kə̂ zadje tə̂ andjê sə̈ ayingö ndə̂ âbolo azü, lakə̂ nyisə̂ rə ndə̂ âtô bhândə̂ angbongbo atchozö.

Dokʉ̈ Timotë 4:1 Iomraidhean Croise

Matiyə̈ 18:7

Äwätə̂ rə ndə̂ nyonyo tə̂ azü pâ cho âtə! Arə ndə̂ âmbo rə̂ pä azü te lə̂ ngbongbo rə ngbä tə̂ gbölösə̂nə̈! Tə̂ lëge nə̈, ädäka ndə̂kə̂ pa arə nə̈ lâme wutu. Praâbalë nyonyo kä tə̂ akrə ndə̂ tche mbô rə̂ pä rə nə̈ lâme wutu.

Lûke 17:1

Jezü tô rə̂ sə̈ adjisîpili ndə̂ yê päkëdə̂: «Arə ndə̂ âmbo rə̂ pä azü te lə̂ ngbongbo rə kä tâ logbɛ̂. Praâbalë nyonyo kä tə̂ akrə ndə̂ tche mbô rə̂ pä angâ yê te lə̂ ngbongbo rə.

Jâan 16:13

Âdə Yingö ndə̂ lëge pö nə̈ âwutu, tchê nyiadje sə̂ alëge pö gbɛ̂ sə̈ nyê. Bëte tchê nyiabô sə̂ pö ngbâ su yê tee-a, praâbalë tche ânyisə̂ apö gbɛ̂ ndə̂ tche djê rə̂, kə̂ toadje ndjë pö ndə̂ arə gbɛ̂ ndə̂ âwâ ndə̂kə̂ wutu sə̈ nyê.

Abadjângele 13:2

Tə̂ngâlo, ndə̂ andjë pâlatə̂ andjê ndə̂kə̂ voga Gbölö Gbïɛ̈ ânyë kə̈ kôsə̂ kɨ̈zɨ̂ ndə̂kə̂ to pö sə̈ Ndjapä, Kpɨ̂ki Yingö tô rə̂ sə̈ andjê päkëdə̂: «Nyë zä Bärnäbâse la Sôlo ngbî bëte mê ndə̂kə̂ pa andjë mbo kua ndə̂ më ê andjê ndə̂nə̈.»

Abadjângele 17:18

Angâ a-earə̂ kə̂ nyisə̂ rə ndə̂ a ê rə̂ tə̂ andjê pä aepikurïɛ̈n la asotoyisïɛ̈n sə̂ lakə̂ to pö la tchë. Angânə̈ tö rə̂ päkëdə̂: «Ɛ̈mawû âtə nyîndə̂ kə̂ to rə̂ atöko?» Angânə̈ tô rə̂ päkëdə̂: «Tche wä batə̂ akrə ndə̂ tche mu pö ndə̂ andjapä ndə̂ angâ agö ngbî.» Bëte Pôlo mü Tchôtchô Pö ndə̂ Jezü lakə̂ jo ndə̂ azü lə̂ kuzü.

Abadjângele 20:23

Rə balë ndə̂ më wûnsə̂ nə̈ də̈ rə̂ ndə̂: Lə̂ agö balë balë Kpɨ̂ki Yingö nyïsə̂ nə̈ dokʉ̈tchê sə̈ mê pä kânga la nyonyo kä lakə̂ krʉ bëte mê.

Abadjângele 21:11

Tche nə̈ ndə̂kə̂ wun ârâ, tche zâ wû tchêpâ lə̂ba ndə̂ Pôlo, kə̈ î da yê la könô yê la tə̂ yê ânyë kə̈ tô rə̂ päkëdə̂: «Nyë djë pö ndə̂ Kpɨ̂ki Yingö ndə̂ tche tô rə̂: Ajuîfu iadje earə̂ wû âtə kâkë bhâ Jerûzalêmo, ânyë kə̂ gbotə̂ yê tchânə̂ azü ndə̂ andjë wâbô wâtə̂ ajuîfu.»

Abadjângele 28:25

Ndə̂ azü nə̈ âlafô ndə̂kə̂ gu, andjë djêâbo tə̂ andjê pâ pö nə̈ lâme-a. Pôlo tô kütû ngâ pö balë sə̈ andjê päkëdə̂: «Pö ndə̂ Kpɨ̂ki Yingö tô rə̂ alême lə̂ ma earə̂ ndə̂ma Ndjapä Ezayï sə̈ arabha nyê wätə̂ lëge pö! Kpɨ̂ki Yingö tö rə̂ päkëdə̂:

Dokʉ̈ Körɛ̂nte 10:20

Ɛ̂n-ɛ̈n! Praâbalë ngela ndə̂ azü ndə̂ andjë wûn-âbô sə̂ Ndjapä wûn wâ rə̂ lâme, andjë wä rə̂ sə̈ angbongbo atchozö, âdə̂âbo Ndjapä-a. Dëkë, më nyîâbo ndə̂nə̈ pä nyë wa balë la angbongbo atchozö-a.

Dokʉ̈ Körɛ̂nte 11:19

Äwäpä tchə̂lə̂ tə̂ nyê krʉ-ê, ânyë a wun andjanə̈ lə̂ gûtə̂ nyê ndə̂ andjë wâtə̂ adjîrə̂ azü.

Dokʉ̈ Körɛ̂nte 12:11

Praâbalë kütû Kpɨ̂ki Yingö balë lâme kä ndə̂ âmbo arə lâme gbɛ̂. Tche kʉ̈ arə ndə̂ Yingö sə̈ akrə balë balë batə̂ rə̂ ndə̂ su yê nyîndə̂ nə̈.

Dokʉ̈ Körɛ̂nte 2:10

Bëte Ndjapä nyïsə̂ arə lâme sə̈ azə̂ lə̂ köbosə̂ Yingö ndə̂ yê. Bëte Yingö pü dju apö gbɛ̂, ndjë la arə ndə̂ Ndjapä nyîkrə rə̂ bhâlə̂ su yê ndə̂ gbô rə̂ wâ lə̂ küwû nə̈.

Bïchuû Körɛ̂nte 11:3

Praâbalë batə̂ rə̂ ndə̂ ɛ̈krʉ̂ ndə̂ tche bôlo Ɛ̂ve la känyï ndə̂ yê alême, wawa mbö mê ndə̂kə̂ pa su nyê ndɨabô ndɨ̂-î, ânyë nyê gboabô gbôtə̂ kə̂ za tchêngbâ Krîsiti ndə̂ nyë zâtə̂ nyê gbɛ̂ sə̈ tchë la grôgrô su lâme-ê.

Kölôse 2:18

Âwâbo pä nyë gbotə̂ köbo sə̈ azü ndə̂ andjë mbötə̂ andjê lə̂ la azü batə̂ akpîɛ̂kpîɛ̂ azü ânyë kə̂ voga aânje lâme-a. Andjë wäbô ngbanga wâ lə̂ küma nyê-ê. Andjë zä su andjê tə̂ angâ arə ndə̂ andjë wûn rə̂ batə̂ lü. Kə̂ wunsə̂ rə ndə̂ andjê wä batə̂ mbämbä kə̂ za küma azü, âmbô rə̂ pä andjë wüntə̂ andjê gbölö kə̈ rô azü gbɛ̂.

Bïchuû Timotë 3:13

Andə̂ angbongbo azü la andjanə̈ ndə̂ andjë bôlo angâ andjê, andjê eadje la ngbongbo rə ndə̂ andjê atə̂ tchâtchu nə̈. Andjê boloadje azü ânyë kə̂ bolo ndjë tə̂ andjê.

Bïchuû Timotë 4:4

Andjê beadje tü andjê ndə̂kə̂ dje lëge pö, ânyë kə̂ dekadje tü andjê ndə̂kə̂ dje andə̂ma pö.

Jâke 3:15

Ngoa küma ndə̂ âwa lanə̈ käko lâme tôâbo bhâ lafô-a, ätö kpô bêche âtə, ätö lə̂ köbosə̂ akrə, ätö bhândə̂ Jâbolo.

Dokʉ̈ Pîêre 1:20

Ndjapä dɨ̈ Krîsiti dokʉ̈tchê ndə̂kə̂ pa a mbo arə gbɛ̂. Tche mä Krîsiti ësûwu bëte nyê lə̂ adɨ̂ alö.

Bïchuû Pîêre 2:1

Dokʉ̈tchê alême a-earə̂ ndə̂ma Ndjapä ndə̂ yepa sə̈ lə̂ gbâtə̂ azü gö ndə̂ Isarayële; ârə̂ âwa ndjë me käko, angâ a-earə̂ kə̂ nyisə̂ rə ndə̂ yepa liadje lə̂ küwû nə̈ lə̂ gbâtə̂ nyê, kə̂ nyiadje sə̂ rə ndə̂ âwâ ngbî tə̂ pö Ndjapä, âmbo andjê ndə̂kə̂ e la andjê pu kuzü. Andjë âzro azü nə̈ zoo andjë kosə̂ Earə̂ kə̂ nyisə̂ rə ndə̂ tche tchâ andjê. Âchiabô tee ndə̂kə̂ pa Ndjapä won andjê-a.

Bïchuû Pîêre 3:3

Äwäpä nyë wunsə̂ nə̈ dokʉ̈tchê pä, lə̂ adɨ̂ alö, angâ azü ânəadje kə̂ səadje lakə̂ mbo rə gundə̂sə̂ ngbongbo gʉ su andjê la tə̂ andjê. Andjê moadje nyê,

Dokʉ̈ Jâan 2:18

Abechë ndə̂ mê, tchêbêche ndô tə̂kə̂ krʉ nə̂. Nyë djê rə̂ alême nə̂ pä Earə̂ kə̂ kosə̂ Krîsiti âwutuadje. Dëkë angaâtə angbängbä azü ndə̂ andjë kôsə̂ Krîsiti wûtu nə̂. Käko azə̈ wûnsə̂ nə̈ nə̂ pä tchêbêche ndô tə̂kə̂ krʉ nə̂.

Dokʉ̈ Jâan 4:6

Praâbalë andə̂ azə̈ nə̈, azə̈ wätə̂ azü ndə̂ Ndjapä. Akrə ndə̂ tche wûnsə̂ Ndjapä, tche djë azə̂. Praâbalë akrə ndə̂ tche wâbô wâtə̂ akrə ndə̂ Ndjapä, tche djêâbo azə̂-a. Käko kä ndə̂ azə̈ wunsə̂ kə̂ krʉ tchə̂lə̂ Yingö ndə̂ lëge pö la yingö ndə̂ ânyisə̂ ngbongbo köbo.

Jûde 1:18

Andjë tö rə̂ sə̈ nyê alême päkëdə̂: «Lə̂ adɨ̂ alö ndə̂kə̂ ka ndə̂ tchîsûwu, azü âwadje tə̂ a-earə̂ kə̂ mo tchô, ânyë kə̂ nəadje gundə̂sə̂ ngbongbo gʉ su andjê.»

Jûde 1:4

Bëte angâ angbongbo azü lï lə̂ küwû nə̈ lə̂ gbâtə̂ nyê. Andjë sə̈ lakə̂ ndɨ tchə̂lə̂ pö ndə̂ tchôtchô su ndə̂ Ndjapä ndə̂ azə̂, ânyë kə̂ gbo köbo ndə̂kə̂ mbo arə ndə̂ su andjê nyîndə̂ nə̈. Andjë kösə̂ Jezü Krîsiti ndə̂ tche də̂ kêlä Earə̂ kə̂ nyisə̂ rə la Gbölö Gbïɛ̈ ndə̂ azə̂. Mbëtï Ndjapä tô pö ndə̂ ngbanga ndə̂ a wâ rə̂ lə̂ küma andjê gasa alême nə̂.

Apökälîbïchi 13:14

Tche mbö rə̂ pä köbo azü yu la akpɨ̈ngbɨ̈ rə ndə̂ a zâ köbo sə̈ tchë ndə̂kə̂ mbo rə̂ tchâtchu gia nə̈. Tche tö rə̂ sə̈ azü tchêbêche ndə̂kə̂ mbo nyîsɨ̂ gia nə̈ ndə̂ a tû ku tə̂ yê la besala ânyë gbô tchë wâ la tʉ̈rʉ̂ la yê lâme.

Apökälîbïchi 16:14

Andjë wätə̂ angbongbo atchozö ndə̂ andjë mbo akpɨ̈ngbɨ̈ rə. Andjë ë pu agbïɛ̈ kupâ cho gbɛ̂ ndə̂kə̂ pala andjê bëte kʉ̈ʉ̈ ndə̂ âwutuadje losə̂ gbölö lo ndə̂ Ndjapä ndə̂ tche wâ la gbôgbô gbɛ̂.

Apökälîbïchi 18:2

Tche ôn ngbôô päkëdə̂: «Tche tê nə̂, gbölö Bäbïlône tê nə̂! Angaâtə, ädə̈ tchô ndə̂ angbongbo atchozö sə tâ, ädə̈ sə̂ tchô ndə̂ angbongbo atchozö zatə̂ andjê wü tâ, tchô ndə̂ angbongbo anyïɛ̈nə̈ gbɛ̂ zatə̂ andjê wü tâ, la angbongbo agia gbɛ̂, ndə̂ azü kôsə̂ andjê.

Apökälîbïchi 18:23

Ngbänga lâmba kä tcho bata bhândə̂ zə̈ balë tee-a, a âkä dje bata tchə̂lə̂ gɨ̈ bechë-ɛ̈köchë la bechë-ɛ̈chë ndə̂ andjë totə̂ andjê tə̂ täfo nə̈ balë tee-a. Bëte a-earə̂ waɛ̂che ndə̂ zə̈ wä alême tə̂ agbölö azü tchêbêche, ânyë lə̂ köbosə̂ yëwä ndə̂ zə̈ köbo yu tə̂ azü gö gbɛ̂.»

Apökälîbïchi 19:20

A zâ gia nə̈, ndjë la earə̂ ndə̂ma ndjapä ndə̂ yepa ndə̂ tche mbô akpɨ̈ngbɨ̈ rə tchâtchu gbölö gia nə̈ lâme. Earə̂ ndə̂ma ndjapä ndə̂ yepa nə̈ kä ndə̂ âmbô rə̂ pä köbo yû tə̂ andjanə̈ ndə̂ andjë gbô nyîsɨ̂ gia nə̈, ânyë kə̈ vôga nyîsɨ̂ yê. A yî gia nə̈ la earə̂ ndə̂ma ndjapä ndə̂ yepa lâme la tʉ̈rʉ̂ la andjê lə̂ gbölö tïmï wo ndə̂ sûfre.

Apökälîbïchi 2:11

«Akrə ndə̂ tche wâ la tü, äwäpä tche dje pö ndə̂ Yingö tô rə̂ sə̈ a-Egilîze! «Akrə ndə̂ tche rô lə̂ arə gbɛ̂ la gbôgbô, tchê tchuabô bïchuû kuzü tee-a.»

Apökälîbïchi 2:17

«Akrə ndə̂ tche wâ la tü, äwäpä tche dje pö ndə̂ Yingö tô rə̂ sə̈ a-Egilîze! «Akrə ndə̂ tche rô lə̂ arə gbɛ̂ la gbôgbô, mê zadje mâne ndə̂ gbô rə̂ wâ lə̂ küwû nə̈ la grôgrô täme sə̈ tchë. A mbö ngâ täfo rə̈ ëpâ täme nə̈ lâme, ndə̂ ngâ akrə ndə̂ tche wûnsə̂ nə̈ sə̂âbo-a, praâbalë kütû akrə ndə̂ tche gbo rə̂ kä ndə̂ âwunsə̂ nə̈.»

Apökälîbïchi 2:29

«Akrə ndə̂ tche wâ la tü, äwäpä tche dje pö ndə̂ Yingö tô rə̂ sə̈ a-Egilîze!»

Apökälîbïchi 2:7

«Akrə ndə̂ tche wâ la tü, äwäpä tche dje pö ndə̂ Yingö tô rə̂ sə̈ a-Egilîze! «Akrə ndə̂ tche rô lə̂ arə gbɛ̂ la gbôgbô, mê kʉadje alêlê yö ndə̂ âza tchîsûwu sə̈ akrə sə̈ tchë, ndə̂kə̂ pa tche zɨ rə̂. Alêlê yö nə̈ lâme wä bhâlə̂ paradï ndə̂ Ndjapä.»

Apökälîbïchi 20:10

Käko Jâbolo ndə̂ tche bôlo andjê, a yî tchë bhâlə̂ gbölö tïmï wo ndə̂ sûfre ndrotə̂ gia nə̈, la earə̂ ndə̂ma ndjapä ndə̂ yepa lâme. Andjê wun-adje yûkü lə̂nə̈ dalobiî pïï etə̂.

Apökälîbïchi 20:8

ânyë tchê eadje ndə̂kə̂ bolo azü pâ cho gbɛ̂, ndə̂ ânyîndə̂ kə̂ to rə̂ pä Gôgo la Magôgo. Tchê paladje andjê bëte kʉ̈ʉ̈, kə̂ ngba ndə̂ andjê wadje ndjë batə̂ mïndü tə̂ maga gbölö ngû ngbro.

Apökälîbïchi 3:13

«Akrə ndə̂ tche wâ la tü, äwäpä tche dje pö ndə̂ Yingö tô rə̂ sə̈ a-Egilîze!»

Apökälîbïchi 3:22

«Akrə ndə̂ tche wâ la tü, äwäpä tche dje pö ndə̂ Yingö tô rə̂ sə̈ a-Egilîze!»

Apökälîbïchi 3:6

«Akrə ndə̂ tche wâ la tü, äwäpä tche dje pö ndə̂ Yingö tô rə̂ sə̈ a-Egilîze!»

Apökälîbïchi 9:20

Âdə andə̂ adɨ̂ azü ndə̂ andjë tchûâbô tchû lə̂ köbosə̂ arə nyonyo lâme, andjë gbôâbo tə̂ köbo ndə̂kə̂ voga arə ndə̂ andjë mbô rə̂ la könô andjê-a. Gbô andjê kä lakə̂ voga angbongbo atchozö la angakʉ̈lä ndə̂ a mbô andjê la lôlo la wɛ̂n ndə̂ a mbô rə̂ la makətche la ngbêngbê wɛ̂n la täme ndjë la yö. Angakʉ̈lä lâme wûn-âbo tchô-a, kə̈ djêâbo ndjë pö-a, kə̈ nə̂âbo ndjë-a.