Dokʉ̈ Timotë 3:7 - Mbëtï Ndjapä: TÄFO MADƗ̈

⁷ Äwä ndjë ndə̂kə̂ pa azü də sûwu to tchôtchô pö ndə̂ yê, käko ânyë, azü toabô angbongbo pö tô tə̂ yê, ânyë tche teabô tê lə̂ kû ndə̂ Jâbolo-ê.

Dokʉ̈ Timotë 3:7 Iomraidhean Croise

Mâreke 4:11

Tche tô rə̂ sə̈ andjê päkëdə̂: «Andə̂ nye nə̈, Ndjapä zä rə̂ sə̈ nyê ndə̂kə̂ wunsə̂ apö ndə̂ Gbölö gö-gbïɛ̈ ndə̂ Ndjapä ndə̂ âwâ lə̂ küwû nə̈, praâbalë andə̂ azü də sûwu, andjë djë andə̂ andjë nə̈ kütû lə̂ köbosə̂ andoka,

Abadjângele 10:22

Andjë tô rə̂ ndə̂nə̈ sə̈ tchë päkëdə̂: «Kabïta Körönɛ̈ye ndə̂ tche sə̂ pâ aturûgu ngbangbo balë kä ndə̂ âwân ârâ. Tche də̈ djîrə̂ akrə, kə̈ kpê wa Ndjapä, ajuîfu gbɛ̂ tö tchôtchô pö ndə̂ yê. Ngâ ânje ndə̂ Ndjapä yükû nə̈ la gbôgbô sə̈ tchë, ndə̂kə̂ e mö pä mo e bhândə̂ yê, ânyë tche dje apö ndə̂ mo to rə̂ sə̈ tchë.»

Abadjângele 22:12

«Ngâ köchë kä bhâye, rə̈ yê wü pä Änänîâse. Tche də̈ akrə ndə̂ tche zâtə̂ yê gbɛ̂ sə̈ Ndjapä ânyë kə̈ bâta ndjë ndïɛ̈ la köbo nə̈. Ajuîfu ndə̂ gö ndə̂ Dämâse gbɛ̂ tö tchôtchô pö ndə̂ yê tə̂ gbölösə̂nə̈.

Abadjângele 6:3

Arə̂mä, äwäpä nyë e azü mïndûu manə̈ bïchuû lə̂ gûtə̂ nyê, azü ndə̂ andjë sɨ̂sɨ̈ la Kpɨ̂ki Yingö, ndə̂ azü to tchôtchô pö ndə̂ andjê, ndə̂ küma andjê wâ lanə̈, ânyë ârâ gboadje tə̂ kua nə̈ lâme ëtchânə̂ andjê.

Dokʉ̈ Körɛ̂nte 10:32

Nyë mböäbô rə̂ mbô ndə̂kə̂ pa ngâ juîfu balë te lə̂ ngbongbo rə-ê, âdəndjë ngâ akrə ndə̂ tche wâbô wâtə̂ juîfu, âdəndjë ngâ akrə ndə̂ Egilîze ndə̂ Ndjapä-ê.

Dokʉ̈ Körɛ̂nte 5:12

Mëmê kä ndə̂ âwa ngbanga pâ azü də sûwu? Äwäpä nyë wä ngbanga ndə̂ azü dələ̂nə̈!

Bïchuû Körɛ̂nte 6:3

Ârâ nyîâbo ndə̂kə̂ mbo rə̂ pä ngâ akrə te lə̂ köbosə̂ ârâ-a, ânyë azü toabô ngbongbo pö tô pâ kua ndə̂ ârâ-ê.

Bïchuû Körɛ̂nte 8:21

Rə ndə̂ âzâ su ârâ wâbo ndə̂kə̂ mbo kütû rə ndə̂ âwâ djîrə̂ lə̂ la Ndjapä-a, praâbalë äwä ndjë ndə̂kə̂ mbo rə ndə̂ âwâ djîrə̂ lə̂ la azü.

Kölôse 4:5

Nyë sə̈ lə̂ gbâtə̂ azü ndə̂ andjë wûn-âbô sə̂ Ndjapä wûn lə̂ köbosə̂ küma ndə̂ âwâ lanə̈, nyë gböäbô gbôtə̂ lö âro ämbänə̈-ê.

Dokʉ̈ Tësälönîke 4:12

Käko ânyë kə̂ sə ndə̂ nyê lu lə̂ la azü ndə̂ andjë wûn-âbô sə̂ Ndjapä wûn, ânyë nyê wabô wâtə̂ kʉ̂ngbô pâ ngâ akrə balë-ê.

Dokʉ̈ Tësälönîke 5:22

nyë kpë tə̂ angbongbo arə gbɛ̂.

Dokʉ̈ Timotë 3:6

Âwâbo pä akrə tə̂ küma Egilîze watə̂ täfo akrə ndə̂ tche zâ su yê sə̈ Krîsiti-a. Ârə̂ âdəabô də̂ käko, tche âbhi gogo yê tə̂ gbölösə̂nə̈, ânyë a wadje ngbanga lə̂ küma yê batə̂ rə̂ ndə̂ a wâ ngbanga lə̂ küma Jâbolo lâme.

Dokʉ̈ Timotë 5:14

Më nyïndə̂ nə̈ pä abechë-ɛ̈chë lə̂ ndavrö kä to aköchë, kə̂ zɨ abechë, kə̂ nyisə̂ köbo sə̈ azü nda ndə̂ andjê. Käko andjê gboabô tə̂ köbo sə̈ earə̂ kə̂ kosə̂ azə̂, ndə̂kə̂ dɨ angbongbo apö tə̂ azə̂ tee-a.

Dokʉ̈ Timotë 6:9

Andə̂ andjanə̈ ndə̂ andjë nyîndə̂ kə̂ gbo rə tə̂ gbölösə̂nə̈ lâme, andjë të la kû ndə̂ arə ndə̂ âbolo azü, la angbängbä angbongbo agʉ ndə̂kə̂ gbo rə, ndə̂ ândɨ azü, ânyë kə̂ e la andjê pu kuzü.

Bïchuû Timotë 2:26

Käko küma andjê ka lanə̈, ânyë andjë wutu lə̂ gbânda ndə̂ Jâbolo ndə̂ âkʉ̂ andjê la ngbâa lâme, ânyë andjë mbô rə ndə̂ su yê nyîndə̂ nə̈ lâme.

Tîte 2:5

kə̂ to pö la köbo nə̈, kə̂ bata tə̂ andjê tə̂ angbongbo arə, kə̂ mbo akua tchâalê ndə̂ andjê la su andjê balë, kə̂ watə̂ atchôtchô aɛ̈chë, kə̂ dje ma aköchë ndə̂ andjê, ânyë azü dɨabô angbongbo apö dɨ̂ tə̂ pö Ndjapä-ê.

Tîte 2:8

Äwäpä mo to pö ndə̂ âdâka, ndə̂ akrə gboabô köbo gbô ndə̂kə̂ zu tchə̂lə̂ nə̈-ê, käko ânyë, a-earə̂ kə̂ kosə̂ azə̂ toabô ngâ ngbongbo pö tô tə̂ azə̂-ê, tchâme andjê wa la ganô.

Vötaâ Jâan 1:12

Azü gbɛ̂ tö tchôtchô pö ndə̂ Dëmëtrïyûse. Lëge pö la tə̂ yê tö ndjë tchôtchô pö ndə̂ yê. Ârâ ndjë gbɛ̂, ârâ tö ndjë tchôtchô pö ndə̂ yê. Mo wûnsə̂ nə̈ nə̂ pä pö ndə̂ ârâ wätə̂ lëge pö.