Dokʉ̈ Timotë 3:6 - Mbëtï Ndjapä: TÄFO MADƗ̈

⁶ Âwâbo pä akrə tə̂ küma Egilîze watə̂ täfo akrə ndə̂ tche zâ su yê sə̈ Krîsiti-a. Ârə̂ âdəabô də̂ käko, tche âbhi gogo yê tə̂ gbölösə̂nə̈, ânyë a wadje ngbanga lə̂ küma yê batə̂ rə̂ ndə̂ a wâ ngbanga lə̂ küma Jâbolo lâme.

Dokʉ̈ Timotë 3:6 Iomraidhean Croise

Lûke 10:18

Jezü tô rə̂ sə̈ andjê päkëdə̂: «Më wün Satäa alême ndə̂ tche tô bhâ lafô kə̂ tê atə̂ bêche batə̂ nyïvrö ndə̂ âsrô kpôlə̂nyä.

Dokʉ̈ Körɛ̂nte 3:1

Arə̂mä, andə̂ me nə̈ më gbôâbo köbo ndə̂kə̂ to pö sə̈ nyê batə̂ rə̂ ndə̂ a to pö sə̈ azü ndə̂ andjë wâ la Kpɨ̂ki Yingö-a, praâbalë më tö pö sə̈ nyê kütû batə̂ rə̂ ndə̂ a to rə̂ sə̈ azü ndə̂ andjë wûn-âbô sə̂ Ndjapä wûn-î, la azü ndə̂ Krîsiti ndə̂ gbô andjê wâtə̂ abechë lə̂kə̂ za su sə̈ Ndjapä.

Dokʉ̈ Körɛ̂nte 8:1

Âdə andə̂ gûsû ndə̂ a wâ rə̂ la ngela sə̈ angakʉ̈lä: Tə̂ lëge nə̈, «azə̂ gbɛ̂ də̈ a-earə̂ kə̂ wunsə̂ rə», batə̂ rə̂ ndə̂ nyê to tchê rə̂. Kə̂ wunsə̂ rə lâme mbö rə̂ pä azü bhi gogo andjê, praâbalë kə̂ nyində̂ ngâ mbö rə̂ ânyë akrə ndə̂ Krîsiti ge lə̂ Yingö.

Bïchuû Körɛ̂nte 12:7

Rə ndə̂ Ndjapä nyîsə̂ nə̈ sə̈ mê wätə̂ rə ndə̂ ârôpâ küma azü. Ndə̂kə̂ pa më bhiabô gogo mê bhî tâ-ê, Ndjapä zä ngâ rə batə̂ chi lə̂ tə̂ mê, chi nə̈ wä batə̂ ngâ akrə ndə̂ Satäa wân tchë ndə̂kə̂ bhi mê, ânyë kə̈ kîtə̂ köbo tə̂ mê ndə̂kə̂ bhiabô gogo mê bhî-î.

Dokʉ̈ Timotë 3:7

Äwä ndjë ndə̂kə̂ pa azü də sûwu to tchôtchô pö ndə̂ yê, käko ânyë, azü toabô angbongbo pö tô tə̂ yê, ânyë tche teabô tê lə̂ kû ndə̂ Jâbolo-ê.

Dokʉ̈ Timotë 6:4

dëkë tche bhï gogo yê lə̂ wünwün nə̈. Tche wûn-âbo sə̂ rə balë-a, tche kä la tə̂kömbô ndə̂kə̂ gama yê la azü, ndjë lakə̂ po tə̂ pö ndə̂ ada apö. Arə lâme kä ndə̂ ânə la gbölö su, kə̂ po lə̂ gbâtə̂ azü, kə̂ dro tchô, kə̂ to angbongbo apö tə̂ azü,

Bïchuû Timotë 3:4

Azü ndə̂ andjë yosə̂ angâ andjê, a-earə̂ mêrâ, a-earə̂ kə̂ bhi gogo tə̂ gbölösə̂nə̈, azü ndə̂ arə tchêbêche âtə tcho tə̂ andjê âro Ndjapä.

Dokʉ̈ Pîêre 2:2

Batə̂ rə̂ ndə̂ angbelɛ̂-bechë mbo gʉ ngo anyï andjê, äwäpä nyë mbö ndjë gʉ pö Ndjapä ndə̂ ngâ ngbongbo rə balë wâbo wâ lə̂nə̈-ê. Käko lə̂ köbosə̂ kə̂ ndjo rə̂, nyê geadje ânyë kə̂ tchadje lə̂ kuzü.

Dokʉ̈ Pîêre 5:5

Nyënyê ndjë gbɛ̂, abechë-ɛ̈köchë la abechë-ɛ̈chë, nyë djë ndjë ma akpôkpô azü ndə̂ Egilîze. Nyënyê gbɛ̂, äwäpä nyë mbotə̂ nyê kpîɛ̂kpîɛ̂ rə̂ lə̂kə̂ sə ndə̂ nyê lə̂ gbâtə̂ nyê, bëte Mbëtï Ndjapä tö rə̂ päkëdə̂: «Ndjapä kösə̂ azü ndə̂ andjë nyisə̂ tə̂ andjê, praâbalë tche mbö tchôtchô su tə̂ azü ndə̂ andjë mbotə̂ andjê kpîɛ̂kpîɛ̂ rə̂.»

Bïchuû Pîêre 2:4

Bëte Ndjapä gbôâbo tə̂ aânje ndə̂ andjë mbô ngbongbo rə alême ämbämbänə̈-a, praâbalë tche ï andjê la djingîli kə̂ yî andjê bhâlə̂ gbölö wo lə̂ bübü tchô ndə̂ âbû biî ndə̂kə̂ krʉ bëte lö kə̂ wa ngbanga.

Jûde 1:6

Äwäpä sə̂ pö ndə̂ aânje alême te lə̂ nyê, ndə̂ andjë kôsə̂ kə̂ bata gbôgbô ndə̂ Ndjapä zâ rə̂ sə̈ andjê, kə̈ gbôtə̂ tchô ndə̂ Ndjapä zâ rə̂ sə̈ andjê ndə̂kə̂ sə tâ. Tche bäta andjê pïï etə̂ lə̂ djingîli, lə̂ tchô ndə̂ âbû biî ndə̂kə̂ sə bëte gbölö lo kə̂ wa ngbanga.