Dokʉ̈ Timotë 3:3 - Mbëtï Ndjapä: TÄFO MADƗ̈

³ Tche zâbo tə̂ yê gbɛ̂ ndə̂kə̂ ndjo pî-a, kə̈ wâbo tə̂ earə̂ kʉ̈ʉ̈-a, praâbalë tche wä zɨtɨ-ë. Tche wâbo tə̂ earə̂ kə̂ po la azü-a, kə̈ wâbo tə̂ akrə ndə̂ tche nyîndə̂ makətche tə̂ gbölösə̂nə̈-a.

Dokʉ̈ Timotë 3:3 Iomraidhean Croise

Matiyə̈ 21:13

Tche tö rə̂ sə̈ andjê päkëdə̂: «A mbö rə̂ lə̂ Mbëtï Ndjapä päkëdə̂: ‹A â-eadje rə̂ tə̂ nda ndə̂ mê pä nda kə̂ to pö sə̈ Ndjapä.› Praâbalë nyënyê, nyë mbô rə̂ tə̂ ngâ kudû ndə̂ a-earə̂ ngbä zatə̂ andjê wü lə̂nə̈.»

Abadjângele 20:33

Më mbôâbo gʉ makətche âdəndjë lôlo âdəndjë lə̂ba ndə̂ ngâ akrə balë-a.

Rômo 16:18

Bëte azü nə̈ lâme mbôâbo kua ndə̂ Krîsiti Gbölö Gbïɛ̈ ndə̂ azə̂-a. Praâbalë andjë pü kütû kɨ̈zɨ̂ tchə̂lə̂ andjê. Atchôtchô pö la apö ndə̂ âfû wütu lə̂ ma andjê ndə̂kə̂ bolo azü ndə̂ tchə̂lə̂ la andjê krâbô krâ-ê.

Ëfêze 5:18

Nyë ndjöäbô pî ndjô âmbo nyê bëte ngbongbo rə kä lə̂nə̈, praâbalë nyë gbötə̂ köbo sə̈ Kpɨ̂ki Yingö tche sɨ tchə̂lə̂ su nyê.

Dokʉ̈ Tësälönîke 5:14

Arə̂mä, ârâ zä wängö sə̈ nyê ndə̂kə̂ pa nyë gbɨtɨ tü andjanə̈ ndə̂ andjë mboabô rə mbô lə̂ köbo nə̈ lâme-ê, kə̂ za wängö ndə̂kə̂ za gbôgbô tə̂ su andjanə̈ ndə̂ andjë zôgo. Nyë zä könô sə̈ andjänə̈ ndə̂ andjë wâbô wâ la gbôgbô-ê, kə̂ rʉatə̂ su nyê la azü gbɛ̂.

Dokʉ̈ Timotë 3:8

Äwäpä adiâkere wa ndjë tə̂ azü ndə̂ andjë lûsə̂tə̂ andjê, pö ma andjê wa kütû balë, andjë zabô tə̂ andjê zâ gbɛ̂ ndə̂kə̂ ndjo pî-î, kə̂ puabô köbo pû ndə̂kə̂ gbo makətche lə̂ köbosə̂ ngbongbo köbo-ê.

Bïchuû Timotë 3:2

Bëte azü wadje tə̂ a-earə̂ kpɨ̂tɨ̈, azü ndə̂ andjë wa la gʉ makətche, azü ndə̂ andjë nyisə̂ tə̂ andjê, azü ndə̂ andjë bhi gogo andjê, a-earə̂ kə̂ dro tchô, azü ndə̂ andjë kosə̂ araanyï la arabha andjê, azü ndə̂ andjë wûn-âbo wûnsə̂ kə̂ za ayîabâ-ê, azü ndə̂ andjë mbôâbo wa arə ndə̂ âwâ ngbî bëte Ndjapä mbô-ê.

Tîte 1:11

Äwäpä mo ngbo ma andjê ëtâ, bëte andjë kä lakə̂ djingɨli tchə̂lə̂ küma azü lə̂ abûngrɨ̂ gbɛ̂ lakə̂ nyisə̂ rə ndə̂ âwâbô wâ ndə̂kə̂ pa andjë nyisə̂ nə̈-ê, bëte andjë wä la gʉ ndə̂kə̂ gbo arə lə̂ ngbongbo köbo kə̂ gbo rə.

Tîte 1:7

Akrə ndə̂ tche sə̂ tə̂ küma Egilîze, tche wätə̂ akrə ndə̂ tche wun tchô pâ arə ndə̂ Ndjapä, âwâbo pä ngâ pö ndə̂kə̂ gbɨtɨ tü balë wa lə̂ küma yê-a. Tche də̂âbo akrə ndə̂ tche bhi gogo yê-a, âdəndjë akrə ndə̂ mêrâ-a. Tche də̂âbo akrə ndə̂ tche zâtə̂ yê gbɛ̂ ndə̂kə̂ djo pî-a, âdəndjë akrə ndə̂kə̂ mbo kʉ̈ʉ̈-a. Tche də̂âbo akrə ndə̂ tche gbo arə ndə̂ yê lə̂ köbosə̂ ngbongbo kə̂ gbo rə-a.

Tîte 2:3

Äwä ndjë pä akpôkpô aɛ̈chë mbotə̂ andjê batə̂ azü ndə̂ andjë wâ ngbî bëte Ndjapä. Âwâbo pä andjë dɨ angbongbo apö-a, kə̂ zabô tə̂ andjê zâ gbɛ̂ ndə̂kə̂ ndjo pî âro masə̂nə̈-ê. Äwäpä andjë nyisə̂ rə ndə̂ âdâka sə̈ azü.

Tîte 3:2

Âwâbo pä andjë dro ngâ akrə balë-a, äwäpä andjë kpe tə̂kə̂ po lə̂ gbâtə̂ andjê, äwäpä andjë nyisə̂ dâkâ ndə̂ andjê, kə̂ mbo rə tə̂ nyima nə̈ logbɛ̂ tə̂ azü gbɛ̂.

Aheborö 13:5

Âwâbo pä lə̂ köbosə̂ kə̂ mbo rə ndə̂ nyê, nyê wa la gʉ makətche tə̂ gbölösə̂nə̈-a. Nyë zä su nyê pâ rə ndə̂ nyë wâ la rə̂, bëte Ndjapä la tə̂ yê tö rə̂ päkëdə̂: «Mê gboabô tə̂ zə̈ tee-a, mê djeabô tchêngbâ mê tə̂ zə̈ balë tee-a.»

Jâke 4:1

Kə̂ mbo kʉ̈ʉ̈ lakə̂ po lə̂ gbâtə̂ nyê lâme tö bhâ tchêbâ? Âtôâbo tə̂ gʉ arə tchêbêche ndə̂ âmbo kʉ̈ʉ̈ la nyê lə̂ kpoto nyê lâme?

Dokʉ̈ Pîêre 5:2

Nyë bäta kpûlû azü ndə̂ Ndjapä ndə̂ tche gbôtə̂ andjê ëtchânə̂ nyê, batə̂ a-earə̂ kə̂ bata aɛ̈bro-ngbaga ndə̂ andjë bata kpûlû aɛ̈bro-ngbaga. Nyë wün tchô pâ andjê la tchôtchô su, batə̂ rə̂ ndə̂ su Ndjapä nyîndə̂ nə̈, äwäpä nyë mbo rə̂ la tə̂ nyê. Nyë mböäbô rə̂ mbô la gʉ ndə̂kə̂ gbo makətche tə̂ gbölösə̂nə̈-ê, praâbalë nyë zä su nyê gbɛ̂ pâ kua nə̈.

Bïchuû Pîêre 2:3

Tə̂ pö ndə̂ kə̂ gbo arə tə̂ gbölösə̂nə̈, a-earə̂ kə̂ nyisə̂ rə ndə̂ yepa lâme boloadje nyê lə̂ köbosə̂ apö yepa ndə̂kə̂ gbo arə tchânə̂ nyê. Praâbalë gasa alême, ngbanga ndə̂ a wâ rə̂ pâ andjê ndô tə̂kə̂ wutu nə̂, ngbongbo rə ndə̂ âwâ ndə̂kə̂ ndɨ andjê wâbo ngrɨ̈-a!

Jûde 1:11

Nyonyo kä tə̂ andjê! Bëte andjë zä köbo ngbâ Käyîne, bëte pö ndə̂ makətche, andjë tchä köbo batə̂ Bälâme, andjë tchü bëte andjë älafô la pö batə̂ azü ndə̂ Korë.

Apökälîbïchi 1:9

Mëmê Jâan, ngâ nyê, mëmê la nyê gbɛ̂ azə̈ kä lə̂ yûkü. Azə̈ rʉ̈ätə̂ su azə̂ lə̂ köbosə̂ nə̈ ndə̂ azə̈ wâ balë la Krîsiti bëte azə̈ wätə̂ azü ndə̂ Gbölö gö-gbïɛ̈ ndə̂ Ndjapä. A ë la mê atə̂lə̂ dälä ndə̂ Pätömôse bëte pö gbɛ̂ ndə̂ Ndjapä ndə̂ më djê rə̂, ânyë kə̈ mû rə̂, ndjë bëte alëge apö ndə̂ Jezü Krîsiti tô rə̂.