Dokʉ̈ Timotë 3:2 - Mbëtï Ndjapä: TÄFO MADƗ̈

² Käko âwâbo pä a gbo ngâ pö balë ndə̂kə̂ gbɨtɨ tü lə̂ küma akrə tə̂ küma Egilîze-a, tche wätə̂ köchë ndə̂ ɛ̈chë balë, tche zɨ̂âbo rə ârô masə̂nə̈-a, tche tö pö la köbo nə̈, tche mbö rə la köbo nə̈, tche wünsə̂ kə̂ kʉ ayirə bhândə̂ yê la köbo nə̈, tche wünsə̂ kə̂ nyisə̂ rə.

Dokʉ̈ Timotë 3:2 Iomraidhean Croise

Lûke 1:6

Zakarï la Alîsabëte wätə̂ adjîrə̂ azü lə̂ la Ndjapä, andjë mbö rə la köbo nə̈ gundə̂sə̂ andïɛ̈ gbɛ̂ la apö gbɛ̂ ndə̂ Gbölö Gbïɛ̈.

Lûke 2:36

Ngâ ɛ̈chë kä tâ ndə̂ tche to ndə̂ma Ndjapä, rə̈ yê wü pä Âna. Tche də̈ ɛ̈wünrə ndə̂ Fanuwɛ̈le, pâ mawo ndə̂ Asëre. Tche dû nə̂. Ndə̂ tche tô köchë lə̂ bechë-ɛ̈chë tə̂ yê, andjë mbô ngû mïndûu manə̈ bïchuû.

Rômo 12:13

Nyë mbö rə̂ la azü ndə̂ Ndjapä ndə̂ andjë wâbô wâ la rə-ê. Äwäpä gbô nyê ndəpo lakə̂ mbo rə̂ la azü ndə̂ andjë nə pu nyê.

Fïlîpe 2:15

Käko nyê watə̂ azü ndə̂ pö wâbô wâ lə̂ küma andjê-ê, abechë ndə̂ Ndjapä ndə̂ ngbongbo rə wâbô wâ lə̂ küma andjê-ê, lə̂ gbâtə̂ azü ndə̂ tchô angêta âtə, ndə̂ andjë wâ ngbo ânyë kə̂ mbo ngbongbo rə. Äwäpä ngbänga nyê tcho lə̂ gûtə̂ andjê batə̂ akêkêrə̂ lafô,

Dokʉ̈ Timotë 3:12

Äwäpä diâkere watə̂ köchë ndə̂ ɛ̈chë balë, äwäpä tche wunsə̂ kə̂ nyisə̂ köbo sə̈ abechë ndə̂ yê, la azü lə̂ bûngrɨ̂ ndə̂ yê la tə̂ yê.

Dokʉ̈ Timotë 3:8

Äwäpä adiâkere wa ndjë tə̂ azü ndə̂ andjë lûsə̂tə̂ andjê, pö ma andjê wa kütû balë, andjë zabô tə̂ andjê zâ gbɛ̂ ndə̂kə̂ ndjo pî-î, kə̂ puabô köbo pû ndə̂kə̂ gbo makətche lə̂ köbosə̂ ngbongbo köbo-ê.

Dokʉ̈ Timotë 4:3

Andjë kïtə̂ köbo tə̂ azü ndə̂kə̂ pa andjë toabô tə̂ andjê tô-ê, kə̈ kîtə̂ köbo ndə̂kə̂ pa andjë zɨabô angâ akɨ̈zɨ̂ zɨ̂-ê. Dëkë Ndjapä mbö kɨ̈zɨ̂ lâme ndə̂kə̂ pa azü ndə̂ Krîsiti ndə̂ andjë wûnsə̂ lëge pö, andjë zɨ rə̂ lakə̂ za ayîabâ sə̈ Ndjapä.

Dokʉ̈ Timotë 5:10

Äwäpä azü wunsə̂ yê la atchôtchô kua ndə̂ tche mbô rə̂: Tche də̈ akrə ndə̂ tchê bata abechë, kə̂ wunsə̂ kə̂ kʉ ayirə bhândə̂ yê, kə̂ djutu da azü ndə̂ Ndjapä, kə̂ za könô sə̈ azü ndə̂ andjë sə̂ lə̂ nyonyo. Tche də̈ akrə ndə̂ tche mbo tchôtchô rə balë balë gbɛ̂.

Dokʉ̈ Timotë 5:22

Amö toabô könô zə̈ tô gâgasa lə̂ küma ngâ akrə-ê, kə̂ yiabô tə̂ zə̈ yî lə̂ angbongbo rə ndə̂ ngâ akrə-ê, praâbalë momö la tə̂ zə̈, amö bata su zə̈ tə̂ grôgrô nə̈.

Dokʉ̈ Timotë 5:9

Âdə mo ânyində̂ kə̂ mbo rə̈ ngâ ɛ̈chë lə̂ mbëtï ndə̂ aɛ̈chë lə̂ ndavrö, äwäpä tche wa la ngû ndola tə̂ azü vötaâ ânyë. Ndjë äwäpä tche watə̂ ɛ̈chë ngbâ köchë kütû balë.

Bïchuû Timotë 2:24

Dëkë earə̂ kua ndə̂ Gbölö Gbïɛ̈ wâbo ndə̂kə̂ po-a. Praâbalë äwäpä azü gbɛ̂ nyində̂ yê, tche wunsə̂ kə̂ nyisə̂ rə sə̈ azü, kə̂ rʉatə̂ su yê lə̂ angbongbo apö ndə̂ azü.

Tîte 2:2

Äwäpä akpôkpô aköchë zɨabô rə zɨ âro masə̂nə̈-ê, äwäpä andjë lusə̂tə̂ andjê, kə̂ to pö la köbo nə̈, kə̂ za su andjê tə̂ lëge nə̈ gbɛ̂ sə̈ Krîsiti, kə̂ nyində̂ angâ andjê, lakə̂ rʉatə̂ su andjê lə̂ arə gbɛ̂.

Aheborö 13:2

Sə̂kə̂ mbo rə̂ la ayirə yûâbô yû tə̂ nyê-ê. Bëte lə̂ köbosə̂ kə̂ mbo tə̂ rə käko kä ndə̂ angânə̈ gbô aânje bhândə̂ andjê, kə̈ wûn-âbo sə̂nə̈-a.

Aheborö 3:14

Angaâtə, azə̈ la Krîsiti kä lakə̂ mbo kua balë, ndə̂ gbô azə̂ sə̂ lakə̂ za su azə̂ tâ la gbôgbô zoo âwutu ëtə̂ manə̈ batə̂ rə̂ ndə̂ azə̈ zâ su azə̂ tâ lə̂ dokʉ̈ nə̈.

Dokʉ̈ Pîêre 4:7

Ma arə gbɛ̂ ndô tə̂kə̂ krʉ nə̂. Käko äwäpä nyë mbo rə batə̂ azü ndə̂ küma andjê wâ lanə̈, nyë zɨ̈äbô rə zɨ̂ lakə̂ ndjo rə âro masə̂nə̈-ê, ânyë kə̂ gbo köbo ndə̂kə̂ to pö sə̈ Ndjapä.

Dokʉ̈ Pîêre 4:9

Nyë kʉ̈ angâ nyê bhândə̂ nyê lə̂ gbâtə̂ nyê, kə̂ poabô pô lə̂ ma nyê la andjê-ê.

Dokʉ̈ Pîêre 5:8

Nyë kïtə̂ gʉ tə̂ nyê, kə̂ loabô lô-ê! Jâbolo, earə̂ kə̂ kosə̂ nyê wä batə̂ bämalä ndə̂ tche ngrɨ lakə̂ dombo ndə̂kə̂ pu ngâ akrə ndə̂kə̂ zɨ tchë.