Dokʉ̈ Timotë 3:15 - Mbëtï Ndjapä: TÄFO MADƗ̈

¹⁵ Käko âdə më âwutuabô wûtu gasa-ê, mô wun-adje sə̂ köbo ndə̂ mo nə la rə̂ lə̂ gbâtə̂ azü ndə̂ Ndjapä, ndə̂ ânyîndə̂ kə̂ to rə̂ päkëdə̂: Egilîze ndə̂ Ndjapä ndə̂ tche wâ la tchîsûwu. Egilîze nə̈ kä ndə̂ âza gbôgbô la könô sə̈ lëge pö.

Dokʉ̈ Timotë 3:15 Iomraidhean Croise

Matiyə̈ 16:16

Chemôn-Pîêre tô rə̂ päkëdə̂: «Mo də̈ Krîsiti, Modô ndə̂ Ndjapä ndə̂ tche wâ la tʉ̈rʉ̂ la yê.»

Matiyə̈ 18:18

«Ɛn-ɛn, tə̂ lëge nə̈ më tö rə̂ sə̈ nyê, rə gbɛ̂ ndə̂ nyê i rə̂ bêche âtə, a â-iadje rə̂ bhâ lafô. Rə gbɛ̂ ndə̂ nyê zu rə̂ bêche âtə, a âzuadje rə̂ bhâ lafô.

Jâan 1:17

Bëte Ndjapä zä ndïɛ̈ alême sə̈ azə̂ lə̂ köbosə̂ Möyîze, praâbalë tchôtchô su la lëge pö nə̈ lə̂ köbosə̂ Jezü Krîsiti.

Jâan 14:6

Jezü tô rə̂ sə̈ tchë päkëdə̂: «Më wätə̂ köbo nə̈ la lëge pö la tchîsûwu. Ngâ akrə balë wâbo ndə̂kə̂ e pu Bha mê lə̂ ngâ köbo ngbî-a, kütû lə̂ köbosə̂ mê.

Jâan 18:37

Käko Pïlâte tô rə̂ sə̈ tchë päkëdə̂: «Mo wätə̂ gbïɛ̈?» Jezü tô rə̂ ndə̂nə̈ sə̈ tchë päkëdə̂: «Momö kä ndə̂ âtô rə̂ pä më wätə̂ gbïɛ̈. A zɨ̈ mê ânyë më nə̂ atə̂ bêche âtə ndə̂kə̂ nyisə̂ lëge pö sə̈ azü. Akrə ndə̂ tche wâtə̂ akrə ndə̂ lëge pö, tche djë ma mê.»

Jâan 6:69

Ârâ gâmba rə̂ nə̂, kə̈ wûnsə̂ nə̈ nə̂ pä mo də̈ Akrə ndə̂ tche dâka gbɛ̂ ndə̂ Ndjapä wân tchë.»

Abadjângele 1:2

ndjoa ësə̂nə̈ ndə̂ a kênga la tchë atə̂ lafô. Dokʉ̈tchê ndə̂kə̂ pa tche kenga atə̂ lafô, lə̂ köbosə̂ gbôgbô ndə̂ Kpɨ̂ki Yingö, tche zä bâlâ alême tə̂ abadjângele ndə̂ yê ndə̂ tche dɨ̂ andjê bëte kua ndə̂ yê.

Abadjângele 14:15

«Arə̂mä, nyë mbö rə âtə bëte giamâ? Ârâ də̈ ndjë azü batə̂ nyê! Ârâ nə̈ ndə̂kə̂ mu Tchôtchô Pö ndə̂kə̂ pa nyë gbotə̂ köbo andjapä ndə̂ andjë wâbô wâtə̂ ngâ rə lâme-ê, kə̂ dotə̂ nyê pu Ndjapä ndə̂ tche wâ la tchîsûwu. Tchetchë ndə̂ tche mbô tchêlafô la tchêbêche la gbölö ngû ngbro la arə gbɛ̂ ndə̂ âwâ lə̂nə̈.

Rômo 3:2

Tchôtchô rə nə̈ wä gbölö lə̂ angbängbä rə. Dokʉ̈ rə nə̈ də̈ rə̂ ndə̂ Ndjapä zâ apö ndə̂ yê sə̈ ajuîfu.

Rômo 9:26

Sə̂ tchô ndə̂ a tô rə̂ sə̈ andjê päkëdə̂: Nyë wâbo tə̂ azü ndə̂ mê, kütû tchâme kä ndə̂ azü eadje rə̂ tə̂ nyê pä abechë ndə̂ Ndjapä, tchetchë ndə̂ tche za tchîsûwu sə̈ azü.»

Dokʉ̈ Körɛ̂nte 10:32

Nyë mböäbô rə̂ mbô ndə̂kə̂ pa ngâ juîfu balë te lə̂ ngbongbo rə-ê, âdəndjë ngâ akrə ndə̂ tche wâbô wâtə̂ juîfu, âdəndjë ngâ akrə ndə̂ Egilîze ndə̂ Ndjapä-ê.

Dokʉ̈ Körɛ̂nte 3:16

Nyë wätə̂ gbölö nda ndə̂ Ndjapä, ndə̂ Yingö ndə̂ yê sə̂ lə̂ nyê. Nyë wûn-âbo sə̂nə̈ käko-ë?

Bïchuû Körɛ̂nte 3:3

Tə̂ lëge nə̈, nyë wä batə̂ mbëtï ndə̂ Krîsiti mbô rə̂ ânyë ârâ ê la rə̂ sə̈ azü. A mbôâbo rə̂ la ngû ndə̂ a mbo rə̂ la mbëtï-a, praâbalë a mbö rə̂ lə̂ köbosə̂ Yingö ndə̂ Ndjapä ndə̂ tche wâ la tʉ̈rʉ̂ la yê âdə̂âbo pâ täme-a, praâbalë a mbö rə̂ bhâlə̂ su azü.

Bïchuû Körɛ̂nte 6:16

Giamâ kä ndə̂ âwâ balë lə̂ gbâtə̂ gbölö nda Ndjapä la angakʉ̈lä? Bëte azə̈ wätə̂ nda Ndjapä ndə̂ tche wâ la tʉ̈rʉ̂ la yê, batə̂ rə̂ ndə̂ Ndjapä la tə̂ yê tô rə̂ päkëdə̂: «Mê səadje lə̂ gbâtə̂ azü ndə̂ mê, kə̂ nəadje lə̂ gbâtə̂ andjê, mê wadje tə̂ Ndjapä ndə̂ andjê, ânyë andjê wadje tə̂ azü ndə̂ mê.»

Bïchuû Körɛ̂nte 6:7

lə̂ lëge pö, lə̂ gbôgbô ndə̂ Ndjapä. Arə kʉ̈ʉ̈ ndə̂ ârâ də̈ kə̂ mbo adjîrə̂ arə lə̂ la Ndjapä.

Gälâte 2:9

Jâke la Pîêre la Jâan ndə̂ a wûn andjê batə̂ agbölö azü tə̂ küma Egilîze wünsə̂ nə̈ pä tə̂ lëge nə̈, Ndjapä zâ kua nə̈ lâme sə̈ mê nə̂. Käko andjë pö ndə̂ mê la Bärnäbâse la könô andjê ndə̂kə̂ nyisə̂ nə̈ pä ârâ la andjê wä balë. Käko andə̂ ârâ, ârâ ë pu azü ndə̂ andjê wâbô wâtə̂ ajuîfu, ânyë andjë ê andə̂ andjë nə̈ pu azü ndə̂ andjë wâ gasa.

Gälâte 3:1

Nyënyê azü gö ndə̂ Gälâte, küma nyê wâbo lanə̈-a! Giamâ kä âmbô nyê ânyë köbo nyê yû kâkë? Bëte kpôlə̂ la nyê kä ndə̂ a nyîsə̂ pö kraâ pâ Jezü Krîsiti ndə̂ a wôn tchë pâ yö ndə̂ gba!

Ëfêze 4:21

Âdə tchetchë tə̂ lëge nə̈ kä ndə̂ nyë djê pö ndə̂ yê, âdə pö pâ yê kä ndə̂ a nyîsə̂ nə̈ sə̈ nyê gundə̂sə̂ lëge pö ndə̂ âwâ lə̂ Jezü:

Kölôse 1:5

Bëte sə̂nə̈ ndə̂ lëge pö ndə̂ âdə̂ Tchôtchô Pö wûtu tə̂ dokʉ̈ nə̈ lə̂ gbâtə̂ nyê, nyë zä su nyê pâ rə ndə̂ Ndjapä nyîkrə rə̂ bëte nyê bhâ lafô. Rə ndə̂ nyë zâ su nyê pânə̈ lâme mbö rə̂ ânyë nyë zâ su nyê sə̈ Krîsiti ânyë kə̈ nyîndə̂ azü ndə̂ Ndjapä.

Dokʉ̈ Tësälönîke 1:9

Azü gbɛ̂ tö pö ndə̂ köbo ndə̂ nyë kʉ̂ ârâ bhândə̂ nyê, köbo ndə̂ nyë gbôtə̂ angakʉ̈lä ânyë kə̈ kâ pu Ndjapä ndə̂kə̂ mbo kua ndə̂ yê, tchetchë ndə̂ tche wâ la tchîsûwu ânyë kə̈ wätə̂ lëge Ndjapä.

Dokʉ̈ Timotë 3:14

Më mbö mbëtï âtə sə̈ mö, bëte më kä la gʉ ndə̂kə̂ e kə̂ wun mö angangaâtə.

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.

Dokʉ̈ Timotë 3:2

Käko âwâbo pä a gbo ngâ pö balë ndə̂kə̂ gbɨtɨ tü lə̂ küma akrə tə̂ küma Egilîze-a, tche wätə̂ köchë ndə̂ ɛ̈chë balë, tche zɨ̂âbo rə ârô masə̂nə̈-a, tche tö pö la köbo nə̈, tche mbö rə la köbo nə̈, tche wünsə̂ kə̂ kʉ ayirə bhândə̂ yê la köbo nə̈, tche wünsə̂ kə̂ nyisə̂ rə.

Dokʉ̈ Timotë 3:5

Âdə ngâ akrə âwun-abô wûnsə̂ kə̂ nyisə̂ köbo sə̈ azü lə̂ bûngrɨ̂ ndə̂ yê la tə̂ yê, tche âwun tchô pâ Egilîze ndə̂ Ndjapä tchïtchïnə̈ atöko?

Dokʉ̈ Timotë 4:10

Âdə azə̂ âsə̈ wun yûkü, ndjë âdə azə̈ âsə lakə̂ mbo kʉ̈ʉ̈, bëte azə̈ zä su azə̂ pâ Ndjapä ndə̂ tche wâ la tʉ̈rʉ̂ la yê. Tche wätə̂ earə̂ kə̂ tcha azü gbɛ̂, tə̂ gbogbôsə̂nə̈ tche tchä azü ndə̂ andjë zâ su andjê sə̈ Krîsiti.

Dokʉ̈ Timotë 6:16

Tchetchë balë kä ndə̂ âwâbô wâ ndə̂kə̂ tchu-î, ndə̂ tche sə̂ lə̂ ngbänga, ndə̂ ngâ akrə ndə̂kə̂ ndo la sə̂nə̈ sə̂âbo-a. Ngâ akrə balë ndə̂ tche wûn Ndjapä sə̂âbo-a, ânyë ngâ akrə balë ndə̂ tche kʉ̂sə̂ kə̂ wun tchë sə̂âbo-a. Kə̂ lusə̂tə̂ la gbôgbô wätə̂ andə̂ ye nə̈ tə̂ logbɛ̂ logbɛ̂! Amin.

Bïchuû Timotë 2:19

Praâbalë gbôgbô da nda ndə̂ Ndjapä nyîkrə rə̂, gbô rə̂ kä tâ, pö ndə̂ a pî rə̂ pâ da nda lâme wä päkëdə̂: «Gbölö Gbïɛ̈ wünsə̂ azü ndə̂ yê», ânyë: «Akrə ndə̂ tche tô rə̂ la ma yê pä anyë wätə̂ akrə ndə̂ Gbölö Gbïɛ̈, äwäpä tche e ngrɨ̈ tə̂ ngbongbo rə.»

Bïchuû Timotë 2:20

Lə̂ ngâ gbölö nda, a gbôâbo kütû arə ndə̂ a mbô rə̂ la lôlo-a, âdəndjë arə ndə̂ a mbo rə̂ la wɛ̂n ndə̂ a mbo rə̂ la makətche lâme-a. A gbö ndjë arə ndə̂ a mbô rə̂ la ayö, ndjë la anə̈ ndə̂ a mbô rə̂ la tô. A bäta angânə̈ bëte kpülü, ânyë angânə̈ wâ ndə̂kə̂ pa a mbo kua la rə̂ logbɛ̂.

Aheborö 10:21

Käko azə̈ kä la ngâ gbölö earə̂ kə̂ wa ngela sə̈ Ndjapä ndə̂ a zâ kümändëmä pâ nda Ndjapä sə̈ tchë.

Aheborö 12:22

Praâbalë nyënyê, nyë gîtə̂ nyê nə̂ pu aga ndə̂ Siyön, la gö ndə̂ Ndjapä ndə̂ tche wâ la tchîsûwu, Jerûzalêmo ndə̂ tchêlafô la aânje sâke sâke.

Aheborö 3:12

Arə̂mä, la nyê gbö-ê! Âwâbo pä ngâ akrə balë lə̂ gbâtə̂ nyê wa la ngbongbo su-a, kə̂ kosə̂ kə̂ za su yê sə̈ Ndjapä-a, ndə̂ âza köbo sə̈ tchë ndə̂kə̂ kosə̂ Ndjapä ndə̂ tche wâ la tchîsûwu-a.

Aheborö 9:14

Âdə rə nə̈ âwa käko, jï Krîsiti âwa la gbôgbô tə̂ gbölösə̂nə̈ ndə̂kə̂ mbo kua kə̂ ro adɨ̂ arə lâme gbɛ̂! Lə̂ köbosə̂ Kpɨ̂ki Yingö ndə̂ âwâ logbɛ̂ logbɛ̂, Krîsiti zâtə̂ yê batə̂ ngela ndə̂ âdâka gbɛ̂. Jï yê djutuadje kə̂ rɨ tchə̂lə̂ su azə̂ ndə̂ âwâ la kâkpö ânyë kə̂ ka la azə̂ pu kuzü lâme. Käko azə̂ mboadje rə̂ la Ndjapä ndə̂ tche wâ la tʉ̈rʉ̂ la yê.

Dokʉ̈ Pîêre 2:5

Nyënyê ndjë gbɛ̂, nyë sə̈ batə̂ atäme ndə̂ âwâ la tchîsûwu, ndə̂kə̂ pa a kʉ nyê kə̂ mbo nyê la gbölö nda Ndjapä ndə̂ Yingö mbô rə̂. Käko nyê wadje tə̂ kpûlû ndə̂ a-earə̂ kə̂ wa ngela sə̈ Ndjapä ndə̂ andjë dâka gbɛ̂ lə̂ la Ndjapä, ânyë kə̂ wa ngela ndə̂ Yingö nyisə̂ nə̈ sə̈ nyê, ndə̂ âfû lə̂ la Ndjapä lə̂ köbosə̂ Jezü Krîsiti.

Dokʉ̈ Pîêre 4:17

Bëte lo ndə̂kə̂ pa Ndjapä jetə̂ kə̂ wa ngbanga ndə̂ azü nda ndə̂ yê wûtu nə̂. Âdə tche âdokʉtchê tə̂ azə̂, andə̂ andjanə̈ ndə̂ andjë kôsə̂ kə̂ gamba Tchôtchô Pö ndə̂ Ndjapä lâme, tchîsûwu ndə̂ andjê âka atöko?

Apökälîbïchi 7:2

Më wûn ngâ ânje ngbî ndə̂ tche sə̂ lakə̂ kenga atə̂ lafô, tche tö dəsə̂nə̈ ndə̂ lo wutu tâ. Tche zä rə ndə̂ a mbo sɨ̂nyî tə̂ azü la rə̂ ëtchânə̂ yê, rə nə̈ lâme də̈ andə̂ Ndjapä ndə̂ tche wâ la tʉ̈rʉ̂ la yê. Tche ôn ngbôô sə̈ aânje voanə̈ ndə̂ andjë gbô gbôgbô ndə̂kə̂ ndɨ tchêbêche la gbölö ngû ngbro lâme päkëdə̂: