Dokʉ̈ Timotë 3:11 - Mbëtï Ndjapä: TÄFO MADƗ̈

¹¹ Aɛ̈chë ndjë gbɛ̂, äwäpä andjë lusə̂tə̂ andjê, kə̂ toabô alû tô-ê, kə̂ zɨabô rə zɨ̂ âro masə̂nə̈-ê, kə̂ mbo rə gbɛ̂ gundə̂sə̂ pö ma andjê.

Dokʉ̈ Timotë 3:11 Iomraidhean Croise

Matiyə̈ 4:1

La tchêngbâ nə̈ Kpɨ̂ki Yingö tôngo Jezü kə̈ ê la tchë âtə̂lə̂ kpaɛ̈gâ ndə̂kə̂ pa Jâbolo vu tchë.

Jâan 6:70

Jezü tô rə̂ ndə̂nə̈ sə̈ andjê päkëdə̂: «Âdə̂âbo mëmê kä ndə̂ adɨ̂ nyê lə̂ könô gbɛ̂ tchêpâ nə̈ bïchuû âtə? Dëkë ngânə̈ balë lə̂ gbâtə̂ nyê wätə̂ Jâbolo.»

Rômo 1:29

Arə mbə̈lï sɨ̂sɨ̈ lə̂ su andjê: Andjë mbö ngbongbo rə, andjë wä la gʉ kə̂ gbo rə tə̂ gbölösə̂nə̈, andjë wätə̂ azü ndə̂ ngbongbo su. Gbölö su rôpâ andjê, andjë wätə̂ a-earə̂ kə̂ won azü, a-earə̂ kə̂ po la angâ andjê, a-earə̂ kə̂ bolo azü, andjë tö angbongbo apö tə̂ angâ andjê lə̂ gbâtə̂ andjê, a-earə̂ kə̂ mo yepa lə̂ küma angâ andjê,

Dokʉ̈ Timotë 1:12

Më zä ayîabâ tə̂ gbölösə̂nə̈ sə̈ Jezü Krîsiti Gbölö Gbïɛ̈ ndə̂ azə̂, ndə̂ tche zâ gbôgbô sə̈ mê. Tchetchë kä ndə̂ âwûn mê batə̂ akrə ndə̂ tche za su yê pâ yê, ânyë kə̈ zâ mê tə̂ earə̂ kua ndə̂ yê.

Dokʉ̈ Timotë 3:2

Käko âwâbo pä a gbo ngâ pö balë ndə̂kə̂ gbɨtɨ tü lə̂ küma akrə tə̂ küma Egilîze-a, tche wätə̂ köchë ndə̂ ɛ̈chë balë, tche zɨ̂âbo rə ârô masə̂nə̈-a, tche tö pö la köbo nə̈, tche mbö rə la köbo nə̈, tche wünsə̂ kə̂ kʉ ayirə bhândə̂ yê la köbo nə̈, tche wünsə̂ kə̂ nyisə̂ rə.

Dokʉ̈ Timotë 6:2

Angbâa ndə̂ a-earə̂ andjê wâtə̂ azü ndə̂ Krîsiti, andjë wätə̂ arə̂mâ ndə̂ andjê lə̂ Krîsiti. Âdə̂âbo anə̈ lâme kä ndə̂ âkitə̂ köbo tə̂ andjê ndə̂kə̂ lusə̂ a-earə̂ andjê nə̈-a, praâbalë äwäpä angbâa nə̈ ka mbô kua ndə̂ a-earə̂ andjê nə̈ âro anə̈ dokʉ̈tchê, bëte a-earə̂ andjê nə̈, ndə̂ andjë gbo rə ngbâ kua ndə̂ angbâa lâme, andjë wâ nə̂ tə̂ azü ndə̂ Krîsiti, kə̈ wâtə̂ arə̂mâ ndə̂ andjê, ânyë Ndjapä nyïndə̂ andjê tə̂ gbölösə̂nə̈. Rə ndə̂ âwâ pä mo nyisə̂ nə̈, kə̂ zama tə̂ pö ndə̂nə̈ kä âtə:

Bïchuû Timotë 3:3

Azü ndə̂ andjë nyîâbo nyîndə̂ angâ andjê-ê, azü ndə̂ andjë wun-abô nyonyo angâ andjê wûn-ê, azü ndə̂ andjë dɨ angbongbo apö tə̂ angâ andjê, azü ndə̂ andjë wûn-âbo sə̂kə̂ bata tə̂ andjê bâta-ê, azü ndə̂ andjë mbo azü la yûkü, azü ndə̂ andjë kosə̂ tchôtchô rə.

Bïchuû Timotë 4:5

Praâbalë andə̂ zə nə̈, äwäpä lə̂ arə gbɛ̂ mo mbo rə âroabô masə̂nə̈ rô-ê, amö rʉatə̂ su zə̈ lə̂ arə yûkü, kə̂ mbo kua ndə̂kə̂ mu Tchôtchô Pö, kə̂ mbo kua ndə̂ zə̈ ndə̂ Ndjapä zâ rə̂ sə̈ mö.

Tîte 2:3

Äwä ndjë pä akpôkpô aɛ̈chë mbotə̂ andjê batə̂ azü ndə̂ andjë wâ ngbî bëte Ndjapä. Âwâbo pä andjë dɨ angbongbo apö-a, kə̂ zabô tə̂ andjê zâ gbɛ̂ ndə̂kə̂ ndjo pî âro masə̂nə̈-ê. Äwäpä andjë nyisə̂ rə ndə̂ âdâka sə̈ azü.

Tîte 3:2

Âwâbo pä andjë dro ngâ akrə balë-a, äwäpä andjë kpe tə̂kə̂ po lə̂ gbâtə̂ andjê, äwäpä andjë nyisə̂ dâkâ ndə̂ andjê, kə̂ mbo rə tə̂ nyima nə̈ logbɛ̂ tə̂ azü gbɛ̂.

Dokʉ̈ Pîêre 5:8

Nyë kïtə̂ gʉ tə̂ nyê, kə̂ loabô lô-ê! Jâbolo, earə̂ kə̂ kosə̂ nyê wä batə̂ bämalä ndə̂ tche ngrɨ lakə̂ dombo ndə̂kə̂ pu ngâ akrə ndə̂kə̂ zɨ tchë.